ذكرياتي مع القراءه

[.]

السلام عليكم..

اليوم بكلمكم عن تاريخي القرائي طبعا الموضوع منقول من بلوجي ..

الله يسلمكم القراه اهي هوايتي منذ نعومة أظافري يمكن كان لابلة العربي در بهالشي بحكم انها كانت تمدحني لما اقرا خخ..

ويمكن لانه ماكان عندنا وايد سوالف تلهين مثل الحين خو ماكو 1000 قناة ولا في قناة بس متخصصه لبرامج الاطفال كانوا يحطون الباباي بالحزه اللي نكون فيها بالمدرسه و بردتنا منها و العصر ساعات..

والعاب ماكانت مثل الحين ماكنت وايد احب سوالف الاتراي والسيغا والناتندو وبلستيشن 3 جني قمت اخلط الحابل بالنابل خخ..

المهم ..

اول بداياتي كانت مع مجلات البزوره..

معشوقتي كانت ماجد كنت احرص اني اشتريها كل اسبوع من جمعية الفيحا وكنت استانس لي رحنا بيت يدتي قبل يوم الخميس عساس احصلها مبجر كنت حيل احبها و استمريت اقراها لي الثانوي يمكن اول جم سنه عقب هديتها ..

هالسنه شريتها بس ماعجبتني تغيرت اول كانت مفيد وقصصها مؤدبه الحين كل شطانه اللي تنرفز..

كنت احب امونه وموزه و كسلان جدا ودانه وشمس وفضولي وزكيه الذكيه..

عقب طلع اخر العنقود و شملو مادري شمولي الاطرم وجم شخصيه بعد بس ناسيتهم..

كا غلاف قديم لها..

و مواقع عنها..

موقعها الرسمي.
http://www.majid.ae/


بموسوعة و ويكيبيديا:

http://ar.wikipedia.org/wiki/مجلة_ماجد

وهم كنت اقرأ احمد وباسم وخالد وسعد << كلهم صبيان خخ و العربي الصغير و براعم الإيمان وميكي وساعت ميني..

بالعيد احلى شي لما اروح المكتبه واخمطهم كلهم خخخ..

وهم في فتره هبيت بمجله الجريمه اللي عقدتني و جرايد الفضايح ملوت الينانوه اعوذ بالله والمشعوذين..

اتوقع ها الحجي بالثانوي..

وهم هبيت بالمغامرين الخمسه شريت شكثر منهم ..

كا صورتهم..

تختخ ولوزه ونوسة ومحب وعاطف ..

هم هبيت باخر سنتين بالثانوي واول سنه بالجامعه بمجلة زهرة الخليج والجميله الخ وقريت العدام الحمد التركي وغيرها وايد بس ماذكرهم..

بالجامعة قمت اقرا روايات قريت لقماشة العليان عيون قذرة و قريت بنات الرياض من الضجه اللي سوتها و قريت وايد سوالف ماذكرها بس اذكر مكتبة ستار بوكس اللي بالري يم ماكس حسافه شالوها كنت احبه اول نوت للجامعه شريت منها وكان فيها كافيه حلو ..

وكنت اقرا مجلة الديره و ابواب ..

الحين قراءاتي اغلبها من دايموند بوكس خصوصا د.احمد توفيق ماشاءالله عجيب اسلوب وتفكير هالريال..

وغير من الادباء اللي اعمالهم تزين مدونتي..

شنو تاريخكم القرائي << لغه يديده

 

[Shade]

وناسة أنا مثلك أول ما قريت ... مجلة ماجد وتعلقت فيا لي الثانوية وبعدين بديت أقرأ روايات مختلفة

 

[ENG.Nour]

هلا والله حبيبتي
اول شي ثانكس عالموضوع

وانا نفسج لمه كنت صغيرة كنت اموت على مجلة ماجد
الحين احسها كل شوي تسخف واليهال ما يحبونها بعد
والمجلة اللي كنت استانس منها وهم وايد استفيد العربي الصغير
واايد حلوة وفيها معلومات وايد بعد

والحين انا من سنة ما اشتري الا مجلات اجنبية
قوت لغتي وايد والمجلات تونس وتفيد بنفس الوقت ويفيدونج بدون ما تحسين
يعني مو شرط يفيدون بالمعلومات يفيدون بالحياة والستايل بعد
انا عايشه الحين بسبتهم
وهذا موقع اكثر مجلتين احبهم اهمه مع بعض موقعهم ومتعاونين مع بعض

http://www.bopandtigerbeat.com/

والكتب احب الكتب اللي فيها معلومات وايد وشوي صور توضيحية
واموؤوؤوت على شي اسمه روايات

وبس
تحياتي
بنت امورة

 

[.]

وناسة أنا مثلك أول ما قريت ... مجلة ماجد وتعلقت فيا لي الثانوية وبعدين بديت أقرأ روايات مختلفة

هلا شادي ..

اي مجلة ماجد اول كانت اهي التوب فبهم ..

واحس انها بداية كل قارئ

حياج الله خيتو..

هلا والله حبيبتي
اول شي ثانكس عالموضوع

وانا نفسج لمه كنت صغيرة كنت اموت على مجلة ماجد
الحين احسها كل شوي تسخف واليهال ما يحبونها بعد
والمجلة اللي كنت استانس منها وهم وايد استفيد العربي الصغير
واايد حلوة وفيها معلومات وايد بعد

والحين انا من سنة ما اشتري الا مجلات اجنبية
قوت لغتي وايد والمجلات تونس وتفيد بنفس الوقت ويفيدونج بدون ما تحسين
يعني مو شرط يفيدون بالمعلومات يفيدون بالحياة والستايل بعد
انا عايشه الحين بسبتهم
وهذا موقع اكثر مجلتين احبهم اهمه مع بعض موقعهم ومتعاونين مع بعض

http://www.bopandtigerbeat.com/

والكتب احب الكتب اللي فيها معلومات وايد وشوي صور توضيحية
واموؤوؤوت على شي اسمه روايات

وبس
تحياتي
بنت امورة

هلا اموره ..

ولكم ولكم ..

اي صاجه ماجد اختربت مو مثل قبل ..

اي العربي احسها ثقافيه اكثر مثل براعم الايمان احسها دينه الباجي يكونون للتسليه اكثر..

زين ماشاءالله حلوه فكرة تقوين لغتج بالقراءه ..

ومرسي ع السايت خيتو..

اي الروايات حلوه و تشوقج انج تقرين عكس الكتب بعضها يغلب عليها الجمود ..

حياج الله..

 

[ملآمح شوؤق]

حتى انا مثلج احب اقرى مجلة مااجد لما كنت صغير ...

بس الحين انا اقرى روااياات وكتب ...

 

[.]

هلا اختي..

كلنا مثل البدايات يعني احنا جيل مجلة ماجد

مشكوره..

 

[غيدآء]

الله ذكرتيني بمجلة ماااجد....

كنت لازم اشتريها كل شهر من مركز سلطان منطقتناا...ولازم ادور فضووولي اول شي وعقب اتفرغ للباجي...وكنت مكووودهـ عندي نسخ شكثررررر مادري ليش عقب قطيتهم

 

[.]

هلا بنت جابر..

فضولي غرامي وكنت احل المسابقات بس مااطرشه ..

وحتى انا مادري وين حاذفه اللي عندي

وحياج الله خيتو..

 

[rawona]

يعطيج العافيه على الموضوع ..


وانا قصتي مع القراءة قصه


بداية قرائتي كانت كتب المدرسه "مدارس خاصه يعطونا كتب للقراءه" ..


وتالي الوالده الله يخليها كانت تشتري لنا قصص من "المجموعة الخضراء"

هذي تذكرونها؟؟





وتالي طبعا مجلة ماجد





واذكر مره عمتي الصغيره عطتني رواية "النسر" من سلسلة روايات عبير .. وقريتها واعجبتني وقمت كل اسبوع "اسلم واستلم" لووووول لاني ادمنت هالروايات وطاحت علي الوالده وامنعتني اقراهم!!






هالكلام طبعا كله قبل ثانية متوسط واذكر مره كنت اساعد الوالده بالتنظيف وكنت انظف مكتبة الوالد واعجبتني الكتب اللي فيها ..


وكان في المكتبه ديواوين شعريه منها للمرحوم باذن الله الاميرالشاعر سعود بن بندر ..



وشعراء ثانين ..


وفيها كتب فلسفه ةعلم النفس اتخص الوالده بعد .. وهم فيها كتب سياسيه وكتب ممنوعه .. ادمنت القراءه حزتها .. وتذكر اول كتاب سحبته وقريته كان للرائع ..

انيس منصور





كتاب ارواح واشباح .. ومن عقبها وانا مدمنة قرءاه وتنوعت قراءات بين الرواية والشعر والكتب السياسيه والاجتماعيه وما انسى الجرايد اليوميه وعامود الكاتب العزيز فؤاد الهاشم .. وايد احب مقالاته .. وشريت كتابه 500 علامة تعجب واذكر وقع لي على الكتاب في معرض الكتاب


ووايد تأثرت بكتاب رأفت الهجان للكاتب صالح مرسي .. حيل تأثرت بقصته وقريت للكاتب "عيون وقحه" هم قصة م قصص المخابرات المصريه ..


وبالثانوية قريت .. من قتل عبدالناصر؟

شقة الحرية للرائع غازيالقصيبي<< اعشق هالرواية وما امل منها ..

كنت ابنا للرئيس <<لشبيه عدي صدام حسين "عبداللطيف يحي"

جواسيس امريكا

اميرات العرش السعودي

السادات

اممممممممم

ووايد كتب والله ..

وخلال ال3 سنوات الاخيره

قريت لاغاثا كريستي اغلب رواياتها

قريت كل قصص قماشة العليان اللي نزلتهم

قريت لغاذه السمان

وقريت لحمد الحمد وتركي الحمد


غازي القصيبي رواية 7، العصفوريه/ باباي لندن، عدت سائحا الى كاليفورنيا .. ووايد كتب بعد


م. عبدالوهاب السيد

م. سند راشد

بنات الرياض


سعوديات


الى جرحي الحبيب مع التحية


النساء من زهرة والرجال من المريخ



وكتب باللغة الانجليزية


ووايد والله مو كل الكتب على بالي الحين

وبس هذي كل الحكاية

​

 

[.]

هلا روان ..

الله يعافيج يارب..

حلو ماشاءالله المدارس الخاصه تقوي طلبته باكثر من مجال ..

اي كنت اقراهم بالمكتبة المدرسه

وللي الحين ماجد متربع بالصداره..

اما روايات عبير ماقريتهم كلش مو ميولي ..

حلو نقله نوعيه من الرومانسيه الزائفة لي التشويق وارعب شرايج بهالكتاب ودي اخذه اهو و200 يوم حول العالم..

فواد الهاشم قمه قوي وموثر يعني مثال جيد ع سلطة الصحافه بس احيانا الله يهداه يخوره بالفاظ..

ومشكوره خيتو..

ونسني تعليقج..

حياج الله..

 

[.]

توني انتبه للتعديل ..

ماشاءالله قراتج متنوعه..

ماقريتي شي لدكتور احمد توفيق؟؟

 

[rawona]

توني انتبه للتعديل ..

ماشاءالله قراتج متنوعه..

ماقريتي شي لدكتور احمد توفيق؟؟

والله للاسف ماقريت شي للدكتور احمد توفيق مع اني اشوف وايد يمدحون كتبه .. ان شاءالله احاول اشتري له شي بالمستقبل وهم حابه اقرا لامين معلوف ..

بالنسبه لكتاب ارواح واشباح لانيس منصور عجيب وايد حبيته .. وعندي كتاب 200 يوم حول العالم صارله سنه وللحين ماقريته!!


ادرين ليش؟؟؟




































لانه موجود بدبة سيارتي وللحين ما نزلته من شريته لووووووووول لا ان شاءالله راح انزله قريب :eh_s(6):
​

 

[.]

والله للاسف ماقريت شي للدكتور احمد توفيق مع اني اشوف وايد يمدحون كتبه .. ان شاءالله احاول اشتري له شي بالمستقبل وهم حابه اقرا لامين معلوف ..

بالنسبه لكتاب ارواح واشباح لانيس منصور عجيب وايد حبيته .. وعندي كتاب 200 يوم حول العالم صارله سنه وللحين ماقريته!!


ادرين ليش؟؟؟




































لانه موجود بدبة سيارتي وللحين ما نزلته من شريته لووووووووول لا ان شاءالله راح انزله قريب :eh_s(6):
​

ان شاءالله..

وي خخخ ليخترب ماحب شكل الكتاب واهو مخترب طلعي احاتي شنو

من وين حصلتي كتبه؟؟

 

[rawona]

ان شاءالله..

وي خخخ ليخترب ماحب شكل الكتاب واهو مخترب طلعي احاتي شنو

من وين حصلتي كتبه؟؟

اخر مره رحت فيها جرير "قبل شهر" كانوا يايبين كل كتبه تقريبا
​

 

[.]

مرسو روان..

 

[(كويتيه عسل)]

لوووووووووووووووووووول شخباري مجلة ماجد مشكوره عالموضوع

 

[فلونة احلى وردة]

نفسي بالضبط بالبداية ماجد ومكتبة المدرسة وكانوا يخلوني استعير بس قصة وحدة باليوم
وكنت قرى قصص بالمدرسة كل يوم اروح استعير بالفرصة ايام المتوسط ويوم كنت ابتدائي جنة ما يرضون
وبعدين المغامرون الخمسة
وبعدين كتب وروايات علم نفس وتنمية ودين وسيرة
والحمد لله مازلت اقرى انوع[ بس على المزاج/COLOR]

 

[.]

خخ كويتيه اهي الاساس هالمجله اذا لاحظتي كنا بلشنا نقراها..

هلا فلونه..

صح حلو التنويع بس في مجال تكوين مفضلته ع غيره ..

حياج الله خيتو..

 

[M.&A. Stuff]

وويه مااجد وبااسم...كنت اول ماا اشتريهم ابطل ع قسم الصور...لووول,,,فااهمهــ الدنياا غلط,,,

ياازين اياام اول...مشكوره ع الموضوع الرائع

 

[Eng.shosha]

ناااايس

شي حلوو ..

انا نفسج بداياتي مجلة ماجد ومجلة أحمد ..
أبوي كان يشتغل بمكتبه فكان ايبلي هالمجلات
بحكم انا ما اييونهم يهال :dddds:

المهم بعدها بفتره
المكتبة اللي ابوي يشتغل فيها
مسوين جرد ما ادري شنو
ان في كتب ما يبونهم..فيابلي اياهم
ابوووي .. واهني حيل تعلقت بالقراااءه
بعدين هديت هالقصص قمت اقرا الجرايد ..
هديت الجرايد :dddds:
قمت اقرا مجلة فتيات بس فتره بسيييييييييطه ..
بعدين انقطعت اعتقد او شي جذي ..
قمت اقرا مجلات اليقظه و زهرة الخليج وجذي
وهم اقرا روايات من النت .. بعدها قريت بنات الرياض
خذيتها من بنت خالتي .. وشوي شوي قمت اروح مكتبات
واشتري روايات وكتب ..

والحمدلله اتمنى إني اعتلق بالقراااءه أكثر وأكثر ..
يعطيج العااافيه يا عسل ​