رحلتي الساحره للبلاد الساحره(تركيا2009)متجدد

[كندريه حلوه]

يالله نكمل مع بعض

هالمقبلات مجانيه روب بالخيار وباباغنوج وفلفل بالصلصه وحمص وسلطه

طبعا هذا اللبن عجيب عندهم تشربونه بالقفشه بس عجييييييييييييييييييييييييييب لا يطوفكم

الكنافه حدها لذيذه وخاصه مع الجاي
اتمنى موضوعي عجبكم بس امانه لا يطوفكم لان جد شي عجيب ويالله حياكم عالتركش كوفي

نطروني برحلات يديده

 

[بنت الكويت 15]

ما شاء الله عليج
أنا بروح تركيا الاسبوع الياي و حدج شوقتيني ودي أروح باجر
الله يوفقج وتردين بالسلامة

 

[معلمه٢٠٠٦]

السلام عليكن ورحمة الله وبركاته
الله ماكتب لنا السفر هالصيف لتركيا بس بخاطري جم سؤال عن هالدولة يالكندرية
1)هل نفس اوروبا الوصاخة والمفاصيخ بالشوارع وكل مكان؟
2)في خليجيات منقبات؟
3)جم تكاليف السفرة تقريبا اذا قعدنا اسبوعين بفندق؟
مع شكري

 

[لانـــا]

اتمنى اني افدتج ياحلوه وشاكره مرورج الحلو

تسلمييـــــن ياقلبي

افدتيني كثير

وكملي بتغطيتج احنا متابعينج ..... ​

 

[لميـس]

حبيبتي انا سمعت انه التكاسي غاليه صج ولا لأ
وشلون تتنقلون بين مكان وثاني ولازم دليل سياحي ولا لأ

 

[جنى q8]

الله يعطيج العافيه


وعليكم بالعافيه ونااااااسه

والاكل ما شاءالله عجييب

الله يهنيكم يارب

 

[(: باستيل :)]

كملي حبيبتي
ماشاءالله وايد الصور حلووه وتشوق

 

[كندريه حلوه]

السلام عليكن ورحمة الله وبركاته
الله ماكتب لنا السفر هالصيف لتركيا بس بخاطري جم سؤال عن هالدولة يالكندرية
1)هل نفس اوروبا الوصاخة والمفاصيخ بالشوارع وكل مكان؟لا طبعا الا بانطاليا وايد غير صج في بس قليل جدا وايد في متحجبات
2)في خليجيات منقبات؟اي في وايد منقبات وعاديه معاملتهم معاهم مو نفس اوربا
3)جم تكاليف السفرة تقريبا اذا قعدنا اسبوعين بفندق؟حبيبتي فنادقهم غاليه يعني من 100 يورو وفوق من 40 دينار وفوق وبولو هالايام صايره بعد 65دينار الليله والتكاسي غاليه اشوي بس الاكل والسوق نفس مستوى الكويت
مع شكري

اتمنى اني افدتج ياقلبي

 

[كندريه حلوه]

لميس حبيبتي التكاسي غاليه صح والتنقل عن طريق باصات ولازم عن طريق مكتب طبعا اللي مو عارف حق الديره اما اللي دوم اهناك حتى بباص المواصلات يقدر اما السواح لازم يكون عندهم مكتب سياحي

 

[كندريه حلوه]

بنات في وايد يدزولي عالخاص بخصوص الاسعار تركيا تقريبا نفس سعر اوربااااااااااااا الفنادق غاليه مافي اقل من 40 دينار بالليله وهذا الفندق العادي يعني مثلا حسبنه حسبتنه حق بولو يومين مع الباص وغرفتين يكلف 500 دينار تقريبا لا تحطون ببالكم ان تركيا رخيصه لا يقصون عليكم الحين تركيا غاليه واللي بيقعد باماكن حلوه وسنعه تكون غاليه في شقق ب50 دولار باليوم وفي ب150 دولار بس انا اعطيكم السعر من الاخر بالاماكن الراقيه الحلوه وانتو براحتكم والمواصلات وايد غاليه الطريج من بولو اي بورصه روحه ورده تكلف 1400 دولار وقبل 3 سنوات كانت تكلف 300 دولار شوفو الفرق حطو بالكم واتمنى اني افدتكم

 

[rawona]

خوش صور ..


عليج بالعافيه

​

 

[كندريه حلوه]

الله يعافيج ياعروس

 

[اكوامارين]

ماشاءالله تبارك الرحمن والله ان كل ماأشوف تقاريرج أقول عليكم بالعافيه والله يتمم سفرتكم بخير
الحديقه المائيه حدها روعه بالصور فشلون ع الطبيعه والأكل يم يم حده يشوق مطرح مايسري يمري
بلييييز تاببعي ترا أدش المنتدى عشان موضوعج ويعطيج العافيه

 

[دلة قهوة]

ماشاء الله عليج بالعافية
وممكن تفيدينا بأسم المطعم وباي منطقة

 

[om-jassem]

السلام عليكم

يعطيج العافية كندرية على هالتقرير المباشر والحي من تركيا

بصراحة كل شي حلو .. وتقرير يشوق

انا سفرتي ان شاء الله لتركيا بتكون على شهر 10 .. ويمكن آخر مرة زرتها سنة 1990 قبل الغزو .. يعني خبري فيها عتيج وابي استفيد من خبرتج
حبيت استفسر منج بعض الشغلات اذا مافي ازعاج :-

قلتي ان اسعار تركيا وايد غالية .. فهل هالشي بالمواسم فقط " يعني موسم الصيف والعطل " ولا اسعارها ثابتة طول السنة؟

انا بسافر على طيران الجزيرة .. فهل تنصحيني احجز الفندق من مكاتب سياحية بالكويت ولا لما اوصل تركيا احجز من عندهم؟

شكثر يسوى اقعد في اسطنبول ؟ وشكثر في بورصة ؟ وهل تنصحيني ازور انطاليا ؟

اذا بقيت انتقل من اسطنبول الى بورصة هل في طيران داخلي ولا عبارة ؟ وشكثر التكلفة ؟

وشاكرة لج على جهدج المميــــــز

 

[booba]

يعطيييج الف عافية يا كندرية على هالتقرير الصراحه بدعتي :ggdw:
انا توني راجعه من هناك وقاعده اطالع تقريرج واقول الله وانت ماشالله عليج كفيتي ووفيتي .
ذكرتيني بالدلافين صج يهبلون واحنا وكلناهم وجسناهم بعد يالله عليكم بالعافية:eh_s(6):

 

[شيخة الزين 80]

الله يعطيج العافيه

 

[كندريه حلوه]

تسلمون ياقلبي وتشجعت اكثر ونستوني عسى الله يونسكم

 

[كندريه حلوه]

السلام عليكم

يعطيج العافية كندرية على هالتقرير المباشر والحي من تركيا

بصراحة كل شي حلو .. وتقرير يشوق
مشكوره ياقلبي
انا سفرتي ان شاء الله لتركيا بتكون على شهر 10 .. ويمكن آخر مرة زرتها سنة 1990 قبل الغزو .. يعني خبري فيها عتيج وابي استفيد من خبرتج
حبيت استفسر منج بعض الشغلات اذا مافي ازعاج :-
مامن ازعاج
قلتي ان اسعار تركيا وايد غالية .. فهل هالشي بالمواسم فقط " يعني موسم الصيف والعطل " ولا اسعارها ثابتة طول السنة؟
بالمواسم تزيد طبعا وخاصه شهر 8 وانتي تابعي بالنت اسعار الفنادق
انا بسافر على طيران الجزيرة .. فهل تنصحيني احجز الفندق من مكاتب سياحية بالكويت ولا لما اوصل تركيا احجز من عندهم؟حبيبتي احنه دوم نحجز يا من تركيا عن طريق مكتبنه الوسيط التركي او من الانترنت

شكثر يسوى اقعد في اسطنبول ؟ وشكثر في بورصة ؟ وهل تنصحيني ازور انطاليا ؟اسطنبول اسبوع وبورصه 10 ايام وانطاليا انشالله شهر 8 بروح واقولج عنها لان ولا مره رايحه انصحج باوزنجول لان بجد جنه وماكو منطقه احلى منها بتركيا

اذا بقيت انتقل من اسطنبول الى بورصة هل في طيران داخلي ولا عبارة ؟ وشكثر التكلفة ؟
عن طريق العباره واحنه من مطار صبيحه لي بورصه دايركت بالعباره البطيئه خذا منه 400 ليره يعني 80 دينار وخالتي من مطار اتترك لي بورصه 500 ليره يعني 100 دينار لان مطار اتترك ابعد بساعه تقريبا عن مطار صبيحه
وشاكرة لج على جهدج المميــــــز

العفو حبيبتي احب افيدكم:68_asmilies-com:

 

[كندريه حلوه]

ماشاء الله عليج بالعافية
وممكن تفيدينا بأسم المطعم وباي منطقة

الله يعافيج ياقلبي اسمه ملا ويقع في بورصه اخر سوق هيكل