هلا دانتيلا
تصدقين امس طول الليل اطالع اليوتيوب واشوف اللي مسوين العمليه ابيييه تغيروا حتى الويه يصير شحلوه مدور بس مادري اهم هناك اشطر من هني لان بعضهم عقب العمليه بجم يوم ومايبين عليه وصج تشجعت اسويها بس اخترعت لاني امس قريت ان اردني توفى عقب عملية تجميل الفك ب3 ساعات
زين العمليه جم كلفتج ؟؟ يعنيدكتور التقويم اهو اللي بيسوي الجراحه ولا دكتور ثاني ما فهمت هالنقطه ولا اهم دكتورين مع بعض
والتحويل للاميري يطول ؟؟؟ وشنو اقول للمستوصف اخاف ما يرضون اقوله ابي اسوي جراحه للفك ولا يطلب مني اشاعه قبل ؟
بوريج وحده باليوتيوب تشبه حالتي
خل ادورها واوريج
هلا حبيبتي ...... خل اقولج انا شنو سويت من الاول ........ اول شي رحت المستوصف قسم الاسنان وقلت حق الدكتور ابي تحويل حق التقويم ...... قالي اوكي بس لازم قبل نخلص اسنانج من تنظيف وشلع وحشوات وخلافه تالي نعطيج التحويل وهناك اهم يقررون ... المهم ... تعرفين شغل الحكومه شلون .... بالمستوصف كل زياره يسوون شي واحد مثلا يوم يحشون سن واحد ..... ويعطيني موعد عقب سبوع تالي ينظف سن واحد ... تالي موعد حق اشعه الخ الخ الخ .... طلعو روحي على ما خلصو وعطوني التحويل حق الاميري
اخذته ورحت هناك وفتحولي ملف وهم عطوني موعد حق دكتور التقويم والموعد هذا تخيلي متى ............. عقب 7 شهور يالله دقو علي .... المهم دقو ودشيت عالدكتور وفحصني وقالي يابنتي انتي تحتاجين جراحه تقويم ... قلت ادري خو فكي واضح ان يبيله عمليه ..... قالي مو نسويلج تقويم تالي تقولين مابي الجراحه ..... قلت لا ابوي انت انا ماتعنيت الا اني ابي الجراحه .... وبس تالي اخذي مواعيد الي من شهر لي شهر .... وانا على وقتي ماكان الخاص يسوي هالجراحه لان وزاره الصحه نفسه ماكانت سامحه بسبب ان هالجراحه شوي خطره وفيها نقل دم وفيها مبيت بالعنايه المركزه
المهم ... تسئليني عن التكاليف ... زيروو .... شغلي كله كان بالحكومه
تسأليني عن الدكاتره اهم كتورين دكتور اشرف مختار المسؤول عن التقويم الجراحي بالاميري شغله يحط التقويم
ودكتور عماد النجاده الي سوالي الجراحه بس حتى المتابعه عقب الجراحه تصير مع دكتور اشرف
تسأليني عن افضل دكتور انا والله اقولج محمد المصري وايد ممتاز وشغله زين
عماد النجاده شغله ممتاز بس نفسيته ..... ياكافي الشر تحسين عنده ازمه وكله بسحبج عيادته استغلالي هالريال
باجي الدكاتره والله مادري عنهم
وعن الوفاه .... هذي الجراحه بالذات اذا ما سواها دكتور متخصص فتعتبر فعلا خطيره والاخطاء فيها وارده ... بس بالكويت ماحصلت حالات وفاه منها لان دكاترتنا زينين
مممممم وشنو بعد....
دكاتره بره يكن اشطر بالتكنيك نفسه لان فعلا لاحظت ان مايورمون عقب الجراحه بس ترا كلهم خشمهم يفرش اذا رفعو لهم الفك العلوي ....وودي اعرف اذا الاحساس يرجع لهم بالشفايف ولا لاء لان هالشغله ماتبين باليوتيوب .....
