على خطى " ذي كانسيريان" مع د.نصرالله - 1

[mitfargha]

حبيبتى بس بسال عن دكتور بدر جم ياخذ وجم فتح الملف وكل زيارة وسلامتج و ان شاء اللة توصلين اللى اللى انتى تبينة بصحة وعافية

مشكورة حبيبتي وانتي بصحة وسلامة....اول زيارة اخذ مني 25 دينار قيمة زيارتين و اظن الشهر ب 50 دينار , قيمة 4 زيارات كل اسبوع و ما خذى مني فتح ملف.

 

[mitfargha]

ماشالله مبروك النزول
بس شنو الفرق بين العنب الاسود والاحمر
خبري في واحد بنفسجي وواحد اخضر ههههههه
وششنو يصير لو كليت مرتين عنب احمر


لا تزعلين ترا من صجي اسال ودي امشي عليه بس لازم اكل عنب ولا عادي اشيل الوجبه الي ما ابيها مثلا لو بالعشى ما ابي روب مو ضروري والسلطة عاد احط زيت زيتون

الله يبارك فيج و ما من زعل ابد!... سألي على راحتج حبيبتي.

البنفسجي اظن يكون نوعين : واحد فاتح و الثاني غامق مايل للأسود....أنا دايما اشوفهم بمركز سلطان, بس على حظي هالأسبوع ما حصلت الا الفاتح اللي ينقاله الأحمر, و عادي خليته مكان العنب ألأسود ....وهذا اذا كليته ياختج مو زود مع الفواكه و لليوم ما قربت يم الكيوي معني شاريته و رازته هههههه بس ماني قادره اكله مع ان الدكتور حرص علي

وانشاءلله فدتج عن انواع العنب اذا مو غلطانه بعد

و الزيت زيتون عادي ماقالي عنه شي...وانا للحين اليوم الثالث من الأسبوع الثاني و ماكليت روب....اهم شي لاتزيدين شي من عندج

موفقه

 

[زوجة جوجي]

شجعتيني والله
خلاص ببلش من باجر لان كل مالي ازيد

قبل كان يبيلي 4 كيلو الحين صاروا 7
ان شاء الله ببلش من باجر و يعد اسبوع اعطيكم النتيجه

 

[عنيّد]

موفقه يارب حبوبه ، وانشاءالله توصلين للي تبينه بصحه وعافيه

عنـــــــــــدي طلــــــــــــــــب ياريت تساعديني فيه
بالنسبه للشوربه ، أنا ماحب ولا نوع من أنواع الشوربه ، ماعدا شوربة النخي (خخخ مدلعته) طبعاً أقصد ماي النخي ، فماعليج أمر تقدرين تسئلين الدكتور بما انه اهو حاط شوربة عدس (بقول) فممكن أشرب ماي النخي (بقول) ؟؟؟

لأني ناويه أبدي فيه من يوم الخميس باذن الله

 

[mitfargha]

شجعتيني والله
خلاص ببلش من باجر لان كل مالي ازيد

قبل كان يبيلي 4 كيلو الحين صاروا 7
ان شاء الله ببلش من باجر و يعد اسبوع اعطيكم النتيجه

انشاءلله موفقة حبيبتي و شدي حيلج و بشرينا بالنتيجة

موفقه يارب حبوبه ، وانشاءالله توصلين للي تبينه بصحه وعافيه

عنـــــــــــدي طلــــــــــــــــب ياريت تساعديني فيه
بالنسبه للشوربه ، أنا ماحب ولا نوع من أنواع الشوربه ، ماعدا شوربة النخي (خخخ مدلعته) طبعاً أقصد ماي النخي ، فماعليج أمر تقدرين تسئلين الدكتور بما انه اهو حاط شوربة عدس (بقول) فممكن أشرب ماي النخي (بقول) ؟؟؟

لأني ناويه أبدي فيه من يوم الخميس باذن الله

عنٌيد انشاءلله بروح للدكتور يوم الأربعاء لأنة توني واصله من السفر....بس اظن انه ماياثر لأنه العس و النخي واحد.

 

[mitfargha]

هلا بنات....شلونكم؟

أسفه على التأخير بالرد و تنزيل نتيجة الأسبوع الثاني مع الدكتور لأني كنت مسافرة بنفس اليوم اللي وزنت فيه 28-6 ....ورديت أمس من السفر

على العموم نتيجة الأسبوع الثاني نزول 2 كيلو

و انشاءلله يوم ألربعاء انزل رجيم الأسبوع الثالث

 

[~ MhMh ~]

موفقه إن شاء الله و الحمد لله على سلامتج



أنا اليوم رحتله نازله كيلو و ربع

 

[rudy]

شلونكم بنات
انا الحين في اسبوعي الثاني وبعد يومين عندي مراجعة
ويارب انزل
ولاحظت من البنات الي كاتبين رجيمهم والي اعرفهم ان الدكتور يغير يعني مو نفس الرجيم للكل
على سبيل المثال انا معطيني توستة وحدة مع جبن او لبنة يعني بدون خس او طماط
والضحى معطيني 3 تمرات
يعني فيه اختلاف
وعندي استفسار
هل تتوقعون اذا الغيت شي ممكن ياثر على الرجيم!!!​

 

[~ MhMh ~]

أهلين rudy شوفي الدكتور أحلا شي فيه نظامه متنوع
بس إذا كان كاتب توست+ ..... <<< يقصد عادي حطي معاهم طماط و خيار وخس و فلفل أخضر بارد إلا إذا اهوا بنفسه قايلج توست و جبن خالي

و إلغاء شي من النظام ماراح يخلي الوزن ينزل اسرع بس يمكن إنج تخربطين لأن حاسه أنج لغيتي شي


و موفقه

 

[mitfargha]

هلا MhMh مبروك النزول الحلو وانشاءلله توصلين وزنج بصحه و سلامة .

وانا انشاءلله بكرر رجيم الديتوكس من باجر لمدة اسبوع وروح للدكتور بعدها خصوصا اني لما قعدت بلندن 4 أيام خربطت وايد. بس طول سفرتي باسبانيا اتبعت النظام اللي معطيني ايه د. بدر لأني قايلتله قبل لأسافر اني بلندن بس باكل على راحتي_03BA:_03BA:..... يا حلوهم و ياحلو نطاعة اكلهم..

 

[mitfargha]

هلا Rudy .... مثل ماقالت MhMH ....مايأثر انشاءلله لأني نفسج ما آكل كلشي معطيني اياه الدكتور والحمدلله نزلت....موفقة حبيبتي وخبرينا عن النتيجة علشان نشجع بعض

 

[rudy]

ياريت موضوعك يصير ديوانية حق مراجعات دكتور بدر وانشجع بعضنا بعض

انا الحين مثل ماقلت لكم في آخر الاسبوع الثاني والميزان يبط الكبد ينزل كيلو ويرد يتحسف وباكر مراجعتي متفائلة بميزان الدكتور
وسمعت ان الي تسافر يعطيها لسته للسفر الله اعلم شنو فيها

 

[mitfargha]

اي والله يا ليت نشجع بعض...و ماعندي مانع خوش فكرة..

انا عندي نزول كيلو هم يونس....وانصحج لا توزنين كل يوم الا عند الدكتور علشان مايحوشج احباط وانا انشاءللة متفائلة بنزولج ...لاتحاتين

بالنسبة لي عطاني نظامين للسفر...واحد صارم شوي والثاني فيه حلو كل يوم...انا خليت التخربط للاخير و يوم وصلت من السفر زايدة 2 كيلو ....بس اتوقع ليش الدورة بتطب علي اي وقت....بس الكل يقولي ضعفانة و هذا اهم شي

 

[rudy]

اليوم انشاء الله مراجعتي وبقولكم شنو صار



:yaaaaaarb:​

 

[mitfargha]

ناطرينج Rudy

 

[rudy]

مرحبا بنات شلونكم
امس كانت مراجعتي وطلعت من الدكتور ضايق خلقي نزلت بس كيلو واحد
الحمد لله
عطاني برنامج جديد والله يقدرني عليه وسالته اذا كنسلت اشياء من البرنامج ياثر على الرجيم مارد ولا علّق ساااااااااااااااكت!!
اظاهر ان مافي مانع

 

[mitfargha]

مبرووووك النزول حبيبتي ولا يضيق خلقج...افتكيتي من كيلو!! بس ادري حاسة فيج ودج أكثر...انشاءلله المرة الياية. و دامه ماعلق شكله عادي

 

[~ MhMh ~]

ألف ألف ألف مبرووووووووووووووووووك



و بالعكس تذكري كيلو الشحم ترا وايد مو شويه و حمل ثقيل افتكيتي منه




و نصيحه لا تكنسلين شي من الجدول عشان ماتخربطين و بعد لايصير فيج نقص بالفيتامينات و إلا هبوط

 

[The.Cancerian]

mitfargha
حبيبتي
صراحة واااااااااااااااااااااايد استانست لما شفت الموضوع والف الف الف شكر لج على الكلام اللي قلتيه حبيبتي وايد استانست وانحرجت بنفس الوقت

:eh_s(22):

وبرافو عليج على هالخطوة والعزيمة اللي فيج وان شاء الله توصلين للي تبينه

:ggdw:

طبعا اليوم كان موعدي معاه ، نازلة نص كيلو
هالشي طبعا لاني بالويك اند كنا رايحين Kimpenski وخربطت وااااايد باول 3 ايام من الرجيم ، فقررت اني اعاقب نفسي وبديت ما اكل الريوق مثلا اللي كاتبه والمكسرات والتمر ، يعني احاول اني اخفف وما اكل الاشياء الثانوية اللي حاطها فاشوه نزلت نص كيلو احسن من ولا شي :eh_s(3):

وزني اليوم صار 58 من اصل 73 ، تقدم كبير بالنسبة لي لاني كنت احلم ان وزني يصير بالخمسينات والحمدالله وصلت للي ابيه والفال لكم ان شاء الله

(خلينا على تواصل)

:eh_s(8):​

 

[mitfargha]

هلا والله اب The Cancerian
مشكورة وايد على مرورج هني...والكلام اللي كاتبته عنج تستاهلين اكثر منه...لأني من زمان ما لقيت يوميات فعلية بقسم الرجيم لوحدة ملتزمة بالرجيم لمدة 20 اسبوع ماشااااءلله و بنتائج حلوة و مبهرة....وصراحة كنتي و مازلتي مثلي الأعلى بالألتزام والمثابرة:ggdw::ggdw::ggdw: واتمنى من المشرفات تثبيت يومياتج لأنها خووووش تجربة و مثال

اشوة تلاحقتي على عمرج و عوضتي الأيام اللي خربطتي فيها....وهم نص كيلو حلوة مقارنة بوزنج الحالي

عفية عليج وانشاءلله اتثبتين هالوزن بصحة و سلامة....وانشاءلله نكون على تواصل.