لا تضحكون علي، بس أبي طريقة أغطي فيها غلاية الماي :)

[al3aroob]

السلام عليكم.

لا تضحكون علي.
أبي طريقة أغطي فيها غلاية الماي الكهربائية.
أو إذا في غلاية لها غطا حق المكان اللي فيه البوز، يا ريت تقول لي ماركتها.

ليش أنا أبي أغطيها.
لسببين:
1. أخاف أحد يحوشها وتطيح لا سمح الله.
2. أخاف ذبانة أو شيء يطب على المكان اللي نصب منه وتتلوث. فأبي طريقة ذربة أغطيها فيها.
ما أحب أحط فوطة ولا كنلكس. أبي شي عملي ويغطيها زين وبنفس الوقت شكله زين.

فكرت في غطا اللي يكون حق بعض صحون البسكوت (مثل قبة شفافة) ولها أيد من فوق. بس المشكلة وايد قصير على الغلاية.

ما أدري إذا عرفت أشرح شنو أبي، بس يا ريت اللي عندها أفكار وفناتق لا تبخل علي.

وشكرا

 

[بحرينية محرقية]

انا اغطيها بقطعة قماش
عشان ما يصيدها غبار

ومرة شفت وحدة في احد المنتديات تغطيها بالكيس
اللي يجي مع ثياب اللاندري تقصه وتسويه قياس الغلاية وتغلفها عدل
يعني تصير شفافة وتبين الغلاية..

 

[زهرااا]

غطيها بقطعة قماش
او حطيها بكرتونها

 

[al3aroob]

شكرا
راح تكون شغالة معظم اليوم، فأبي شي ما يذوب أو يتأثر من البخار اللي يطلع.
قماش أو فوطة شكلها مو حلو وايد.


شنو في عندكم أفكار يا قمرات؟

 

[زهرااا]

فوق فوق

 

[كوارين]

up.

 

[عهود الحب]

اطقم الشاي الي تجي تفصال كامل
منها قطعة تصير للغوري الصيني عرفتيها ؟
تصير انواع ومنها نوعية نفس قماشة البيز الي نمسك فيه الجدور والمقالي
وفي انواع تكون خام جوخ وكشخة
وفي انواع من السعف الي يكون يابس وواقف
يعني المسألة وقاية وديكور وتزيين

تلاقين مثل هالسوالف بايكيا او محلات المواعين او حتى بالاسواق الشعبية صوب المواعين

وبعضهم يكون من المشمع وشفاف نفس خام السفرة الدائمة عرفتيه

وبعضه يكون ملون ومزين وبعضه شفاف وواضح


يعني حسب انتي شنو تبين بالضبط



سؤال : انتي فيج وسواس النظافة وسنعة وتحبين كل شي مرتب واضح نفس طريقة اختي بالضبط
بس ترى موزين لج لازم توكلين امرج لله وبكل استعمال غسليها بماي حار عن الشكة

موفقة خير

 

[FoOoShYaa]

في غوري في ايكيا معدن فضي فيه غطاء عند البوز يفتح اذا بغيتي تحطين مائ ويسكر وينحط علي الجوله واذا غلي يطلع
صوت

 

[al3aroob]

مشكورين وعساكم عالقوة.
عطيتوني خوش أفكار.
بروح إيكيا إن شاء الله أشوف الوضع، وبشوف أقسام المواعين شنو في عندهم شي يفيد.

عاد أنا كله يقولون عني فوضوية، أشوه أنه في أحد قال عني أحب الترتيب.

 

[Wa7shni ShoF eLq8]

في بمجمع البرازيليه يسوون لج بين الكبت اللي فوق والكبت اللي بالارض كبت حق الغلايه وفيه شتر يدوي متى ما بغيتي تستعملين الغلايه تفجين الشتر ومتى ما خلصتي منها صكي الشتر ويكون بلاكها داخل الشتر .. اتمنى اكون فدتج

 

[al3aroob]

في بمجمع البرازيليه يسوون لج بين الكبت اللي فوق والكبت اللي بالارض كبت حق الغلايه وفيه شتر يدوي متى ما بغيتي تستعملين الغلايه تفجين الشتر ومتى ما خلصتي منها صكي الشتر ويكون بلاكها داخل الشتر .. اتمنى اكون فدتج

مشكورة حبيبتي.
وين بالضبط؟ في السوق اللي بالسرداب قصدج؟ ولا في محلات المطابخ؟
وشلون الكبت؟ صغير يعني على حجم الغلاية؟

ومشكورة

 

[daloola]

تعرفين المظله اللي يزينون فيها قلاص العصير...تهقين ماتكفي حق غطا؟؟؟؟
والا اخذي الغلايه اللي يصير صوب البوز شخال ماتدش الذبانه بس الغبار الله يهداج يدش بحلوجنا ماتبينه يدش بالغلايه

 

[al3aroob]

تعرفين المظله اللي يزينون فيها قلاص العصير...تهقين ماتكفي حق غطا؟؟؟؟
والا اخذي الغلايه اللي يصير صوب البوز شخال ماتدش الذبانه بس الغبار الله يهداج يدش بحلوجنا ماتبينه يدش بالغلايه

دمج شربااااااات
أخاف أحط المظلة يشيلونها لجنة إزالة التعديات

أي والله هالغبار مشكلة.

مشكورة حبيبتي.