الفزعة يأهل الكويت

[Koka&RanOo]

هلا والله بكل الموجودين بهالمنتدى الاكثر من رائع
انا رايحه للدكتورة عبير عشان ولدي في هالشهر بس ماعرف وين موقعها وباي منطقه واذا فيه فنادق حولها ولا لأ وبكم سعر الكشفيه عندها ؟؟
وياليت اللى راح لها من بره الكويت يقولي شلون حال الولد بالطيارة وكيف ثبته؟؟

اللهم اشفى مرضانا ومرضى جميع المسلمين واجعلنا من عبادك الصابرين

 

[جوريه28]

هلا اختي اهي موجوده في مستشفى السلام المبنى القديم في منطقة بنيد القار وهذا رقمها22530287

 

[HearT ChocolaTe]

هلا والله بكل الموجودين بهالمنتدى الاكثر من رائع
انا رايحه للدكتورة عبير عشان ولدي في هالشهر بس ماعرف وين موقعها وباي منطقه واذا فيه فنادق حولها ولا لأ وبكم سعر الكشفيه عندها ؟؟
وياليت اللى راح لها من بره الكويت يقولي شلون حال الولد بالطيارة وكيف ثبته؟؟

اللهم اشفى مرضانا ومرضى جميع المسلمين واجعلنا من عبادك الصابرين

حياج الله في الكويت فديتج
بالنسبه للفنادق لا تحاتين فديتج الكويت صغيرة والمستشفى مكانه ببنيد القار
وسط الكويت .. بالنسبه لسعر الكشفيه أنا أتصلت على الرقم اللي حاطته الأخت بس محد رد علي
ولا تحاتين الطيارة إن شاء الله سهالات كم عمر ولدج ؟؟

 

[الصابرة المحتسبة]

حياج الله بينا والعين أوسع لج من المكان

 

[نونا العتيبى]

حياج الله أختي ,,الكشفيه تختلف حسب السن ,,يعني بنتي لمن كان عمرها سنتين 100 دينار ولما صارت فوق 3سنوات 150 دينار

بس لازم حجز مسبق ما تستقبل بدون موعد ,,ودقي علي بدالة مستشفي السلام رقمهم 1830003 ,,يحولونج علي عيادتها

 

[Koka&RanOo]

الف الف شكر للي ردو علي وربي يحفظكم ويجعلها في ميزان حسناتكم ويبعد المرض عنكم وعن كل غالي عندكم
وولدي عمره ثلاث سنين وثلاث شهور وانشالله راح ازو هالبلد الطيب في 8\8 لاني خذيت موعد وربي يتمم اللي فيه الخيييييييييير

 

[الرهيييفه]

الف الف شكر للي ردو علي وربي يحفظكم ويجعلها في ميزان حسناتكم ويبعد المرض عنكم وعن كل غالي عندكم
وولدي عمره ثلاث سنين وثلاث شهور وانشالله راح ازو هالبلد الطيب في 8\8 لاني خذيت موعد وربي يتمم اللي فيه الخيييييييييير

:68_asmilies-com::68_asmilies-com::68_asmilies-com:
حياك الله بين أهلك

واذا محتاجه أي شي لايردك الا لسانك

:tek::tek:

 

[HearT ChocolaTe]

الف الف شكر للي ردو علي وربي يحفظكم ويجعلها في ميزان حسناتكم ويبعد المرض عنكم وعن كل غالي عندكم
وولدي عمره ثلاث سنين وثلاث شهور وانشالله راح ازو هالبلد الطيب في 8\8 لاني خذيت موعد وربي يتمم اللي فيه الخيييييييييير

حياج الله فديتج ويحفظج ويوصلج بالسلامه .. لا تحاتين الطيارة سهالات .. أنا ولدي بنفس العمر
سافرت فيه لندن 6 ساعات والحمد لله كلش ما تعبت .. إذا يقعد حجزي له كرسي ووقت الإقلاع والهبوط
تحطينه بحضنج والمضيفه تربطه أو بحضن أبوه .. ومالكم شر إن شاء الله:68_asmilies-com:

 

[Koka&RanOo]

تسلمييييين يالرهيييفه الغاليه وربي يسعدك يام عزوز ويحفظلك عزوز وتشوفينه شيخ من مشايخ الأمه ومن حفظة كتابه يارب

 

[HearT ChocolaTe]

اللهم آمين فديت عيونج .. وتبلغين بولدج ولا تنسينا من صالح دعائج

 

[الصابرة المحتسبة]

رفع

 

[MALAAK22]

عفوا بنات هذي دكتوره حق شنو بالضبط؟

 

[الصابرة المحتسبة]

حق الطب التطوري يعني اللي عندهم توحد وغيره