تجمع المسافرات الى لندن شهر 7 وشهر 8 ؟

[نيلفار]

هااااي بنات شلوونكم


ان شاء الله ناويين نحجز حق لندن بمناسبة طلعتي من الاربعين

بس بصراحه حدي خايفه ومتردده من سالفه انفلونزا الخنازير بليييز طمنوني بروحه ودي اسافر واغير جوي

وشي ثاني اخاف من الطياره وهالشي ماخلاني اسافر شهر عسل وما ودي ادقر ريلي مره ثانيه بس صج خاايفه خصوصا ان 6 ساعات طياره

 

[LA TROO7]

بنات

توفسيد ووووووووووووووووووووووووين القاها ؟؟؟

اختفت من هارفي نيكلز ومن السلفرج ؟؟؟؟؟؟؟؟؟؟؟؟؟؟

 

[mr000]

الحمد لله على سلامتج ومبروك ماياج! ياحلات الصوره سلم الرويلات والله! الله يخليلج البيبي! آنا موفي لندن مادري البنات يفيدونج من ناحية المرض أن شاءالله ماكو ألا العافيه! بس من ناحية الطياره لاتخافين ماكوشي حتى لو 6 ساعات تعدي شويه مجلات وشويه سوالف مع ريلج وأخذيلج غفوه شويه لي توصلين بالسلامه وماكو ألا العافيه! من صجج ريلج يقولج بسفرج وتقولين لأ ولندن بعد ؟ لو يقولي أوديج على بعير أروح!!والله روحي واستانسي مدام عندج أحد تخلين عنده البيبي وانتي متطمنه عليه والله لندن تهبل وتغسل قلبج مادري جبدج!!

 

[دارين]

مساء الخير اختي اللي تسأل عن الخام تلقاه بشبربوش اشحلاتة محل اسمة الاناقة عندة خام صيفي وشتوي وكل يوم شكل جديدوانا رحت وشريت منه حق الصيف والشتا خام اينن سعرة تقريبا 35 باود القطعة وخذيت صوغة بس على الخفيف يعني خواتي وجدتي وخالتي لأن امي كانت معاي بس لأن على قولت اختي مروو هذي لندن موالعمرة شرفها الله او الأمارات كل شئ نار والعشرة دنانير في لندن جنها دينار في الكويت ماتسوي شئ .

 

[دارين]

اللي تسأل عن انفلونزا الخنازير اقولها صلي الأستخارة وتوكلي على الله مافيه إلا العافية انشاء الله والخوف كلة اهنيه بالكويت انا قبل مثلج بغيت اهون لمن سمعت الهول والتهاويل بالكويت وصليت الاستخارة وتوكلت على الله والحمد لله اني ما كنسلتها لأنها ولله الحمد احلى سفرة بحياتي اول مرة اروح لندن وودي اروحلها كل سنة بالصيف والشتاء بس ياريت زوجي يرضى مو على كيفي وعموما ماسمعنا احد يا من لندن فية انفاونزا الخنازير كل اللي فيهم جايين من تايلند والعمرة يكافينا الشر والله يستر على اخواني بتايلند ويردون سالمين آميييييييييييييينا

 

[دارين]

حبيباتي انا اقرا كلمة الاوت لت كذا مرة وانا بس مرة اللي رحت للندن ومادري شنو معناها بس اللي فهمتة يعني البضاعات القديمة للماركات صح او خطأ وشنو اقرب مكان غير بستر فليج للاوت لت

 

[نيلفار]

الحمد لله على سلامتج ومبروك ماياج! ياحلات الصوره سلم الرويلات والله! الله يخليلج البيبي! آنا موفي لندن مادري البنات يفيدونج من ناحية المرض أن شاءالله ماكو ألا العافيه! بس من ناحية الطياره لاتخافين ماكوشي حتى لو 6 ساعات تعدي شويه مجلات وشويه سوالف مع ريلج وأخذيلج غفوه شويه لي توصلين بالسلامه وماكو ألا العافيه! من صجج ريلج يقولج بسفرج وتقولين لأ ولندن بعد ؟ لو يقولي أوديج على بعير أروح!!والله روحي واستانسي مدام عندج أحد تخلين عنده البيبي وانتي متطمنه عليه والله لندن تهبل وتغسل قلبج مادري جبدج!!

مشكوره حبيبتي على ردج


وضحكتيني على سالفه البعير :dddds:


بس قولي امين ريلج يوديج لندن البرايفت جت مالتج بعد مو طياره عاديه :ggdw:




انزين بناات شنو فنادق اربع نجوم وسعرهم مناسب

 

[..ليالي..]

مساء الخير بنات شلونكم

والله ياحلاتج يالغاليه مروو تسلمين والله ماقصرتي
علمتينا على لندن كلها كأننا رحنالها
الله يعطيج العافيه ويطول بعمرج ويخليج لعيالج ولنا بعد

حلوه سالفة البعيير
اي والله انا بعد معاج لو زوجي يقول بسفرج اروح معاه ههههههههههه لو على بعير

روحي حبيبتي واستانسي وخلي الجاهل عند اهلج غيري جو
والله يتم عليج بخير

 

[mr000]

دارين حبيبتي الآوت موكلش بضاعه قديمه بس مو آخر كوليكشن توه نازل وفي شغلات مايبي فيها آخر موديل وألا لأ خلي الجناط الماركه وألا الساعات عندج مثلا تي شيرتات حق الصبيان وألا حتى حق البنات واليهال آنا شريت تيشيرتات شيروتي على 16 و17 دينار وكرفتات فرساتشي ودولتشي آند غابانا وعليهم الماركه واضحه ب20 دينار الوحده وبسيلفريدجز ب50و60 دينار والله حتى الماركه مومبينه ولاعجبوني حتى كلون وشكل! انزين بعد ملابس اليهال رالف لورين اللي بالآوت لت نفسهم عند سيلفريدجز بس السعر أغلى!! وأذكر محل كلاركس كان مرخص حييييل تكرمون عالجواتي في الآوت لت يعني جواتي سود حق المدارس يهبلون وكافي أنهم كلاركس ب8 و9 دنانير وشوفي سعرهم الأصلي بكم!!

 

[mr000]

نيلفار حبيبتي الفنادق يرتفع سعرها كلما صارت قريبه من أكسفورد والسوق وبعدين ألحين بالصيف ترتفع الأسعار آنا قعدت بثيستل ماربل آرج بوسط أكسفورد فوق محل نكست وهو 4 نجوم وممتاز بشهر 4 كان 60 دينار الليله عقبها ب20 يوم صار ب80 ألحين مادري كم وصل يمكن 100! أذا موضروري عندج يكون بوسط السوق يعني مومشكله ورا الهايدبارك مثلا يطلعلج أرخص شوي شوفي هالموقع تاخذين منه فكره عن الأسعارwww.booking.com وكتبي Hotels in London بعدين حددي أكثر كتبي Hotels in oxford streetأوHotels in central London وأختاري 4 نجوم وراح تطلع لج فنادق وايد شوفي اسعارها

 

[ناديه21]

سوالفكم تهبل يا بنات والله ;***

انا ان شاء الله سفرتي الاربعا الياي بالليل حدكم شوقتوني ماشاء الله

يالله ان شاء الله استانس نفسكم :d

 

[mr000]

ليالي يابعد قلبي والله مشكوره عالدعوه الحلوه والله يخليكم حق عيالكم وتستانسون بسفراتكم يارب والله آنا مستانسه معاكم أكثر وأني تعرفت عليكم والدليل شوفي صارت الساعه كم وليلحين مجابله المنتدي شكلي بعد شوي ريلي بيشوتني آنا ولاب توبي لي السكه! ميخالف أجازه ولاحق يايتنا المدارس انام مبكر علشان نقعد حق التوصيل! والله آنا حاضره واللي تبون سألوا بس عاد سامحوني يمكن آنا يعجبني مكان وتروحون ومايعجبكم ترى آنا أدور الهدوء والأسترخاء والرومانسيه خخخخ صج الكبر شين أي رومانسيه وآنا مسافره بس مع ولدي ونجره معاه طول الطلعه!! ميخالف أقص على روحي!!

 

[mr000]

نادبه حبيبتي أن شاءالله تروحين وتردين بالسلامه وان شاءالله تستانسين هناك وأذا بقيتي تسألين عن أي شي آنا حاضره وأنصحج سوي سيرج بالنت من ألحين وسجلي الأماكن اللي بتروحين لها ومواعيدها يعني المتحف أو الحديقه متى تفتح ودوري أماكن حلوه وأخذي معاج اللاب توب ينفعج هناك!!بعد لوتاخذيني معاج هم أحسن!!

 

[..ليالي..]

مروو توج شباب وصغيره
اي والله ذكرتيني بالمدارس
انا عيالي واحد يدش الابتدائي والثاني بيدش الروضه
وودي اجيبلهم من هناك
مثل الجواتي تكرمون <<حلوه فكره كلاركس
والدلاغات يمكن من بريمارك او ماركس اندسبنسر
وجناط للمدرسه من ديزني ستور
بس وين احصله بالضبط
وبعد بعد بعد
امممممممممممم

ذكروني الله يذكركم الشهاده

ناديه تروحين وتردين بالسلامه

 

[Chocolate Milk]

ووووووووووووووووين نلقى شانيل ؟؟؟؟؟؟؟؟؟

يقولون سلفردج فيه تنزيلات 90% صج ؟؟؟؟؟؟؟؟؟؟؟؟؟؟؟؟؟؟؟

مو متأكده بس جنه سلفردج .. قولولي صح ولا لا؟؟؟؟

 

[mr000]

ليالي الدلاقات أخذي من بريمارك قصدي خمي خم من بريمارك وبجامات اليهال واذا تبين محل دزني موجود في بدايه محلات أكسفورد قبال بريمارك وعنده فرع ثاني أكبر وايد في ويستفيلد مول أنصحج روحي ويستفيلد راح تلاقين محلات وايد تعجبج!

 

[LA TROO7]

ووووووووووووووووين نلقى شانيل ؟؟؟؟؟؟؟؟؟

يقولون سلفردج فيه تنزيلات 90% صج ؟؟؟؟؟؟؟؟؟؟؟؟؟؟؟؟؟؟؟

مو متأكده بس جنه سلفردج .. قولولي صح ولا لا؟؟؟؟

شانيل بأخر سته سوى تخفيضات على الاكسسريز والحين شالوا السيل بس باقي على الجزم الموجوده بالطابق الثاني وجزم شانيل المخفضه لووعه

 

[BaiTotia]

مشكورة mr000 ويستفلد وين صاير؟ بعيد ولا قريب بالتاكسي؟ أول مرة أسمع فيه

لا تروح لا تقولين مالقيتي تو فيسد بانيه عليها آمالي خخخخخخخخخخخخخ والله مادري وين مقرها مالقيتيها بجون لويس؟ دوريها هناك

بنات خصم الماركات لي أي شهر؟؟؟؟؟؟؟؟؟

 

[mr000]

بيتوتيا ويستفيلد مول بشوبربوش مجمع كبير وايد حلو مثل الأفنيوز فيه أكثر من 265 محل ومطاعم موبعيد أذا تعرفين تروحين له بالأندرقراوند يقطج محطة شبربوش بس تطلعين منها تمشين شوي قبالج المجمع وأذا ماتعرفين روحي بالتاكسي كلهم يعرفون هالمجمع آنا رحت بالتاكسي بس أخذ 15 باوند بالروحه وهم بالرده مع أني شفت باصات وقلت بالرده بسأل أي باص يودي أكسفورد وبروح فيه أرخص بس كان مطر وايد ومامعاي شمسيه يومها فأخذت تكسي أول ماطلعت من المجمع!أذا تبين تعرفين عنه وتشوفين شكله ومحلاته فتحي السايت مالهم!

 

[ام فويزان]

السلام عليكم بنات انه بلندن الحين بلييييزززز علموني وين التنزيلات على الماركات ظروري ابي حق العيد و وين مكان الاوت لت و يهو ارخص هارودز و لا سلفريدج حق الماركات