من وين اشتري ملابس الروضه للبنات؟

[الباحثه]

السلام عليكم ورحمه الله وبركاته

بنات ساعدوني حدي حايسه وموعارفه شي :080402ask_prv:

بنتي بسم الله عليها بدش اولي روضه
وابي اعرف من وين اشتري لها ملابس للروضه رشحولي اماكن مع الاسعار

وكم غيار تحتاج برايكم يعني اشتري لها 4 كافي ولا لا ؟:eh_s(10):

وبما اني سجلتها بروضه حكوميه شنو قوانينهم بالنسبه للبس والجوتي وانتو بكرامه والشباصات وهالسوالف يعني

عفيه ساعدوني بخبرتكم يا امهات الجيل السابق​

 

[ابلة رسم كتكوته]

انا كنت مفصله حق بنتي لانها حدها نتفه وما كان في قدها
وبعدين حصلت لها في بروي كانو منزلين كولكشن لونه ازرق نفس لون هدوم الروضه
بس كانو غلايا
والجوتي وانتي بكرامه اسود والدلاقات بيضه
وجوتي الرياضه هم اسود او ابيض على حسب الروضه طبعا
وهدوم الرياضه بالصيف بلوزه بيضه كنت ما الاقي بلوزه بيضه خذيتها مو شرط من الرياضي وشورت اسود
وبالشتا تريننغ كحلي من زرا كنت ماخذه ومن بينتون
ولازم تحطين لها نفنوف ويا هدوم داخليه احتياط عندهم بالروضه
لا سمح الله وصخت ولا انكت عليها ماي ولا اي شي يصير لها يبدلونها بس حطي عليه اسمها
وسلامتج

 

[عمة فاتو]

حبيبتي مجمع ايوب بحولي عندهم كل شي حق المدارس
اللبس هو نفسه ما تغير من اكثر من 35 سنة
الجوتي وانتي بكرامة اسود والدلاغ ابيض.. والشباصات يا ابيض يا نفس لبس الروضة
حبيبتي اربعة كافي لان في يوم يلبسون رياضة

 

[عسولة الكويت]

الايوب طبي وتخيري
والغيارات 5 كافي

والدلاغ ابيض والجوتي اسود والشباصات نفس لون المريول ابيض وازرق

 

[زهرااا]

الايوب
و 4 كافي

 

[الباحثه]

بصراحه ما قصرتو كفيتو ووفيتو جزاكم الله خير

بس اللي بالايوب اسعارهم علي كم ؟

 

[The secret]

السلام عليكم
كل عام وانت بخير وان شاء الله الله يوفقها وتشوفينها بالجامعه ..:yaaaaaarb:
حبوبه الكل يروح الايوب لان في فناتك وايد باللبس وكل وحده وذوقها ...:wqedqw:
حمواتي ورفيجاتي ياخذوون من هناك ...
ممكن بالنسبه لي اخذ شبابيص من هناك ... انا انسانه نظاميه كل شي وله نظامه .... _03BA:
بالنسبه للروضه والمدارس حلو الياهل يلبس شي رسمي ومرتب
انا احب اشتري من فاميلي كير عندج بالري بجانب النصر الرياضي
مقابل الافنيوز ....
وتكرمين الجواتي اخذه من بابلو سكاي اللي داخل في فاميلي كير
اسباني وواويد ومريحين ويكدوون كل سنه اخذ منهم ولايصير فيهم شي
وفي فرع الرئيسي له في المارينا ..
وفاميلي كير في بالديرة بالبلوكات وجمعيه صباح السالم ...
والدلاغات ابيض حسب والله مرات من ماركس & سبينسر
ومذركير ونكست والله يكدوون وشكلهم راقي وبسيط وحق مدارس وقياساته متوفره يعني ماتتعبين لما تدورين .. واسعارهم زينه ..
وتشترين لها ملابس داخليه يديده ...
وراح يطلبون منج اغراض والله حسب الروضه ....
الرياضي اخذ من النصر الرياضي او المحلات الرياضيه
شورت اسود وتي شيرت ابيض قطن .. اريح للاطفال .. وتكرمين جوتي رياضي اسود او ابيض حسب قوانين الروضه ..
بالنسبه للعدد كل وحدة وطريقتها وميزانيتها ....
واتمنى اني فدج بشي
ويارب الله يوفق بنتج ويوفق عيالنا كلهم
ونشوفهم باعلى المراكز ..

ودمتم سالمين ...:ggdw:

 

[love love]

روحي سيتي سنتر بتلقيين وهم بمجمع منييره الي نفسه في فاشن مل بس بمحلات بالميزانيين بتلقيين وايدد
ودام اصغيره 4 زيين

 

[صمت السكون]

في ستي سنتر وفاشن مل

 

[همسات ليالي]

البنات ما قصروا

بس حبيت انبهج على شي

اخذي لها جوتي عزج الله رياضي اريح حق اللعب وطول المده

والله يوفقها وتشوفيها بالجامعه يارب

 

[فجوره 111]

مجمع الايوب اتوقع

انشالله البنات يفيدونج اكثر

 

[amoonaa85]

احلى ملابس للروضه نلقينها بمجمع الايوب بحولي

في فوق محل ملابس روضه وحده تفصلهم بس عجيبين واسعارهم من8 والله مو ذاكره

بس ترى بسرعه يخلصون عليهم زحمه وايد بس ماراح تلقين نفسهم باي مكان ثاني

والله يخليلج بنوتج وانشاءالله تشوفينها بالجامعه

 

[um khaled]

انا دوم آخذ 3 او 4 قطع من الاوقاف لانهم ينزلون اشياء مميزة واسعارهم من 10 والايوب اسعارهم 8 او 7 مع شباصات وتيجان وجواتي وشورت اسود من سنتر بوينت ودلاقات من مذركير وتي شيرتات بيضا من بوسيني او مذركير وايام تشوفين تنورة او بنطلون من محلات الماركات ينفعون للروضة

 

[جوري الكويت]

اتوقع بالأيوب تحصلين

اذا ما عجبتج موديلاتهم

رسمي لهم الموديل و عطيهم يسوون نفسه

 

[جلاديلياس]

الايوب رووعه واخذي 4 كافي

 

[الباحثه]

السلام عليكم
كل عام وانت بخير وان شاء الله الله يوفقها وتشوفينها بالجامعه ..:yaaaaaarb:
حبوبه الكل يروح الايوب لان في فناتك وايد باللبس وكل وحده وذوقها ...:wqedqw:
حمواتي ورفيجاتي ياخذوون من هناك ...
ممكن بالنسبه لي اخذ شبابيص من هناك ... انا انسانه نظاميه كل شي وله نظامه .... _03BA:
بالنسبه للروضه والمدارس حلو الياهل يلبس شي رسمي ومرتب
انا احب اشتري من فاميلي كير عندج بالري بجانب النصر الرياضي
مقابل الافنيوز ....
وتكرمين الجواتي اخذه من بابلو سكاي اللي داخل في فاميلي كير
اسباني وواويد ومريحين ويكدوون كل سنه اخذ منهم ولايصير فيهم شي
وفي فرع الرئيسي له في المارينا ..
وفاميلي كير في بالديرة بالبلوكات وجمعيه صباح السالم ...
والدلاغات ابيض حسب والله مرات من ماركس & سبينسر
ومذركير ونكست والله يكدوون وشكلهم راقي وبسيط وحق مدارس وقياساته متوفره يعني ماتتعبين لما تدورين .. واسعارهم زينه ..
وتشترين لها ملابس داخليه يديده ...
وراح يطلبون منج اغراض والله حسب الروضه ....
الرياضي اخذ من النصر الرياضي او المحلات الرياضيه
شورت اسود وتي شيرت ابيض قطن .. اريح للاطفال .. وتكرمين جوتي رياضي اسود او ابيض حسب قوانين الروضه ..
بالنسبه للعدد كل وحدة وطريقتها وميزانيتها ....
واتمنى اني فدج بشي
ويارب الله يوفق بنتج ويوفق عيالنا كلهم
ونشوفهم باعلى المراكز ..

ودمتم سالمين ...:ggdw:

بعد قلبي مشكوره علي هدعوه الحلوه
شوقتتيني اروح فا ملي كير مع اني اول مره اسمع فيه بس دام اهو قريب مني اكيد بروح اللقط منه
جزاج الله كل خير والله يتقبل منج هذي الدعوه اللي تثلج الصدر :hjy5jewf:

 

[الباحثه]

البنات ما قصروا

بس حبيت انبهج على شي

اخذي لها جوتي عزج الله رياضي اريح حق اللعب وطول المده

والله يوفقها وتشوفيها بالجامعه يارب

مشكوره حبيبتي علي التنبيه صاجه الرياضه اريح

 

[الباحثه]

انا دوم آخذ 3 او 4 قطع من الاوقاف لانهم ينزلون اشياء مميزة واسعارهم من 10 والايوب اسعارهم 8 او 7 مع شباصات وتيجان وجواتي وشورت اسود من سنتر بوينت ودلاقات من مذركير وتي شيرتات بيضا من بوسيني او مذركير وايام تشوفين تنورة او بنطلون من محلات الماركات ينفعون للروضة

يبيله الاوقاف مشكوره حبيبيتي

 

[الباحثه]

اتوقع بالأيوب تحصلين

اذا ما عجبتج موديلاتهم

رسمي لهم الموديل و عطيهم يسوون نفسه

خوش فكره عساج علي القوه

 

[فوفو22]

انا اشتغل بالروضة

اللبس الصيفي

بلوزه بيضا وتنوره او بنكلون ازرق

اللبس الشتوي بنطلون او تنوره رماديه وبلوزه حمرا

لبس الرياضة

بلوزه بيضا وشورت اسود


اتوقع 3 كافي بالصيف و3 بالشتاء

لانهم بالفصل ووقت الوجبة يلبسون صدرية تحافظ على نافة الملابس

بس كثري الدلاقات

بالنسبة للاسعار تتفاوت من 4 الى 10 حسب المكان

وينباعون بالاسواق الشعبية وفاشن ميل والمير ومعظم الجمعيات