kloOot diet 3 ----------------------

[سأحقق المستحيل]

مساء الورد..
مبروووووووك حبباتي اللي نحفتو ..

انا وللأسف الشديد خربتها خميس وجمعه وبغيت انجن لقيت نفسي سمنت 2 كيلو ..

ودي ابكي والله كل تعبي راح..

اليوم اول يوم لي لبن..

يارب يعينني..

 

[جنان2006]

السلام عليكم اشلونكم يا أحلى قروووب عساكم بخير؟؟

الحنونة ...
اللهم آمين عسى ربي يسمع منج ونضعف كلنا بصحة وعافية ياااارب
ماقلتي لنا شنو هدفج اشكثر ودج تنزلين ؟


سأحقق المستحيل ...
لا يضيق خلقج بس أمانة شدي حيلج أكثر عشان تنزلين وتصرين أحلى رشيقة
واحنا اللي يخرب علينا الوجبة الفري
مانلتزم بوجبة وحدة لأ يصير يوم كامل مفتووووح

وين باجي البنات بيبي جونسون ولاكجري بعد ماكتبوا يومياتهم وأوزانهم

وعاشووو قرووووب كلووووت

 

[جنان2006]

اليوم رديت على رجيم ربيعه

وماتريقت قعدت الضحى وشربت فرابيز الموكا من تروبيكانا

والغدا إن شاءالله : 3 كيوي

 

[^kloOot^]

الحنونه حياااااااااااااااااااااااااااااااااااااااااااااااااج الله ياقلبي



انا من النوع اللى احط صور بتجمع 1 و2 وهذا 3 لنا ماشالله بس الحين امشي على رجيم التفاح والكيوي فما كو صور كلش






شدي حيلج معناا واذا عندج صور نزليهم انا الاسبوعالياي اخلص رجيمي السخيف وايد برجيم ربيعه







اليوم لبن


باجر كيوي

 

[ضحكة بريئة]

مساء الخير
انا احاول التزم بالرياضة هالاسبوع عشان ينزل هالوزن اللي مو راضي يتحرك
الحين بروح امشي نص ساعة

 

[^kloOot^]

موفقه ضحكه بريئة




شدي حييييييييييييييييلج

عاشوا قرووووووووووووووووووووب كلوت




طبعا اليوم منتجااااااااااااات الالبان



بس كله اشرب اكتيفيا

 

[al7noona]

قوه ياحلوين اليوم انا بديت معاكم وطبعا اول ماقعدت من النوم شربت جاي بايوجي سد الشهيه




والغدا كان تونه مع نص خبزه وعصير ليمون
بس التونه ماكليتها كلها شبعت

 

[al7noona]

انا وزني 81:0bee2e8d89:
واول هدف انشالله 75 :ggdw:
والهدف الثاني 70 :ggdw::ggdw:


وطولي 160


وانشالله ينزل وزنا بصحه وعاافيه

 

[soso.haji]

عاشووو قرووووب كلووووت
وعاشووو قرووووب كلووووت

 

[soso.haji]

i stared my exams it will be all the week
wish me luck girls

 

[^kloOot^]

الحنونه خووووووووووووش صور

بس مانصحج باى شي يسد الشهيه والله مو زييييييييييييييييييييييييين انا جربت وايد سوالف كله شعري حت والنفسيه زفت


بس ماعليه انا وزني كان اكثر من وزنج قبل لا ابدي التجمع الاول والحمدلله مابقى شي واوصل للي ابيه ماشالله

كل شي بالاراده

انا انشالله برمضان راح اشترك بوجبات لانى مابي اقص على نفسي
رمضان اللى طاف اشتركت بكالور كنترول 7 كيلو نقصت ماشالله وكل شي ايبولي


سوسو موفقه يارب شدي حييييييييييييييييلج ياقلبي

 

[^kloOot^]

عااااااااااااااااااااااااااشوا قروب كلوت

 

[ضحكة بريئة]

الحمدلله مشيت النص ساعة وفتكيت

بنات ما ادري انتوا نفسي والا لأ كل ما بغيت اسوي رياضة اقعد خمس او ست ساعات يالله اقوم اتلحلح واتحرك

واحيانا اضيع الوقت لي اخر الليل ولدرجة يمر اسبوع كااااااااااامل ما تحركت

 

[oum 5ald]

شدعووووووووووووه بنااااااااااااات ماتقووولووونلي مبطلين تجمع يديد

الله يسامحكم بس ..
المهم انا ريوقي اليوم حليب خالي الدسم + 2 توست وقطعة جبن سلفايد + قفشه صغيره عسل وعقب الريوق بربع ساعه تقريبا شربت عصير جريب فروت ..
هالحجي صار الساعه 7 ونص يمكن .. بس ليلحين شبعانه لأن الحليب حار واحس توني قايمه من الأكل ..
بخلي غداي عالساعه 12 او 1 .. لمن يقرصني اليوع عدل ..

ادعوولي .. هالمره ماراح اخربط بحيل الله وقوته ..

 

[al7noona]

ضحكه بريئه ويي كلنا نفس الحاله ودي اروح اسوي رياضه بس اتعيز ويطوف اليوم وايام على هالحاله لووووووول
انا عندي جهاز اوربت تقريبا نفس الغزال

 

[al7noona]

كلوت لا انا هالجاي مجربته من قبل والحين هذي 3 علبه استخدمها قبل خذيت حبوب سد الشهيه ماسوا لي شي نهائيا بس هالجاي عجييب ماشالله

انا اليوم تعشيت شاورما دياي ودايت بيبسي

 

[soso.haji]

مشكورة كلوت على رجيم جوليا
وانشالله راح ابتدي فيه اسبوع الياي عشان هالاسبوع امتحاناتي وضغط علي واخاف اتعب
هلاسبوع كالاتي ... خخخ
الفطور: حليب قليل الدسم او شاي + 3 شابورات

الغدى : دجاج مشوي او مسلوق او تونه + سلطة او توست واحد بس

العشاء: 2 توست + بيضة مسلوقة

وقت الجوع = تفاحه او نوع فاكهة

وانشاللله اضعف

 

[LUXURY]

قوه يا حلوي

انا هالاسبوع مابديت ريجيم لان حمولتي رايحين الشاليه وعارفين الخراب قلت خل اخلص منهم وابدي ريجيم
وان شاء الله من باجر بارد ابدي ريجيم محمد ربيع القاسي وباشيل منه النشويات وبامشي مع دي في دي
مابي اقط من وزني الا 5 كيلو كافي بس المهم اقطهم وافتك
ابي اوصل 58 وايد زين بعدين يصير خير بالباجي

ان شاء الله من باجر ارد ادش معاكم واكتب يومياتي
عن اذنكم وراي امتحان قاعده ادرس

 

[soso.haji]

الحمدلله مشيت النص ساعة وفتكيت

بنات ما ادري انتوا نفسي والا لأ كل ما بغيت اسوي رياضة اقعد خمس او ست ساعات يالله اقوم اتلحلح واتحرك

واحيانا اضيع الوقت لي اخر الليل ولدرجة يمر اسبوع كااااااااااامل ما تحركت

خخخخخخخخ تقريبا كلناااا:gathering:

 

[oum 5ald]

الحنوونه انا نفسج عندي اجهزه واتعيز استعملها ..

وجاي بايوجي ممتااااااااااااااااز امووت عليه من قلب ..