مشواري

[مشاعل الشمري]

الله يوفقكم ويصبركم ويخلي لكم عيالكم ويشفيهم ويعافيهم ان شاء الله
انا اشكر الصابره واشكر ام عزوز على الموضوع الحلو
اللي شخصيا استفدت منهم ودعيت لكم وان شاء الله يستجيب

انا مثل ما تعرفون عندي بنت متلازمة داون
بس قبل لا اجيبها عندي بنات ثنتين معاهم خلع ولاده
الاولى البكريه اول فرحتي وانا بالاربعين كانت تبجي شي مو طبيعي
عرضتها على دكاتره واستشارين ويقولون ما فيها شي
اخر شي لما تمت شهر رحنا المستشفى وعرضناها على دكتوره هندية الله يجزاها كل خير فحصت رجول بنتي وقالت بنتج رجولها فيها شي
اخذي تحويل لشيخان الفارسي الحين يسوون لها سونار احتمال فيها خلع برجولها
ورحنا وسوا لها الدكتور سونار خلع ولقى فيها يا عمري خلع برجولها الثنتين
وركبت لها الجهاز واستمر عليها اربع شهور
ما انزله الا وقت التغيير وانزل جزء منه ولي خمس دقايق فقط وانزعه بالكامل لما اسبحها ولي 10 دقايق فقط
تخيلوا اول طفل يالله تبدلين له او تحممينه ويكون بوقت معين
لما ابدل لها لازم ارفع المقعده مو الرجول اشيلها بطريقه معينه
ارضعها اسدحها على الارض واطيح عليها علشان ترضع من صدري
اسكتوا تعذبت فيها حيل وما كنت اطلع لان منو يرضها منو يغيير لها
ما احد راضي حتى يمسكها خايفين لا انهم يعورونها
( الخلع عباره عن عدم تكون غضروف بين عظمة الساق والحوض مايمسك الرجل الا الللحم بس)
بعد الاربع شهور الحمدلله سوت اشعه لها ولقوا انها احسن بس لبسوها حفاضتين لمده 4 شهور ثانية
طبعا انا عطيتها ابر فيتامين دال وشراب كالسيوم مع الاهتمام والعناية وقبل هذا وذاك رحمة ربي لها

ولدت البنت الثانية وطلع فيها خلع بس اخف ولبسناها حفاضتين ومتابعه حتى تكون الغضروف
طبها المراجعات تستمر حتى عمر سنه وتمشي ويتأكدون من مشيها طبيعي والا لأ

واالحمدلله على كل حال
البنت الثانية لما مشت تمشي وتطيح ما كو توازن ورجولها مقوسه شكيت فيها وديت الهادي وفحصوها لقوا فيها فلات فوت شديد
يصيب عاده الاطفال اللي معاهم خلع
ولبسوها جوتي طبي تلبسه الصبح وتقطه عند النوم فقط
وتستمر عليه 6 شهور وتراحع
والله ان اهلي واهل زوجي يخانقوني عفنت رجلها من الجوتي قطيه
ولا قطيته وشريت لها 2 الواحد 35 دينار ولما كبرت عليه شريت لها 2 بعد
والحمدلله الله ما ضيع تعبي والحين بناتي يركضون ما فيهم الا العافيه ولله الحمد والمنه
الولد طلع سليم والحمد لله

والحين جبت الصغيره متلازمة داون
ولدها باول اسبوع لي بالتاسع ولاده طبيعية صاحت بعدين سكتت ولونها كان ازرق مو طبيعي
طلبت احطها على صدري ( انا متعوده احطهم على صدري واقرأ عليهم ايه الكرسي ادري بتقولون متفرغه بس احساس رائع ما اقدر اطوفه)
عطتني ظهرها وما خلتني اشوفها واخذوها وراحوا بعدين لما جيت اطلع للجناح قلت وين بنتي قالوا تعبانه تعالي شوفيها بس ماراح تطلع معاج راح تظل تحت الملاحظه شوي كنت مبنجه احس فيه شي غلط بس مو قادره ارد او اتصرف شفتها مثل القمر حسيت وجها فيه شي لونها مازال ازرق وبايب الاكسجين بخشمها
تاخروا ما طلعوها قلت لاختي تروح تشوفها ما خلوها بس من بعيد جات قالت بنتج طيبه وبخير انا قلبي قرصني
دقيت على زوجي قلت له يروح يشوفها
دقيت مره ثانية قال انا عندها زين اشفيها قال مشتبهين انها منغوليه
انا ما ادري شقول انصدمت قمت ابجي بالغرفه بروحي ما عندي احد ودعيت اللهم لا اسألك رد القضاء وانما اسألك اللطف فيه
رحت مع دكتورتي للجناح الخدج مشي وتوني والده والخياط شلون ما ادري مشيت ابي اشوفها تكلمني دكتورة الاطفال وانا دموعي اربع اربع واطالع بنتي مو مصدقه وتهديني وتذكرني بربي واستغفري
انا كنت حالمه فيها انها بنطلع مريضه وشفتها بالحلم نفس ما اشوفها قدامي بس ما توقعت انا توني 35 مو كبيره حيل
تعوذت من ابليس وحمدت الله وشكرته على نعمه الكثيره علي
ومثل ما ناخذ لازم نعطي
بنتي الحين عمرها 3 شهور اسم الله عليها حتى الان امورها زينه حسب راي الاطباء
تصفحت الانترنت وقريت عن الداون شريت كتب من الانترنت وقاعده اقرأ وان شاء الله اطبقها
بس الى الان فيني غصه ابي ابكي مو قادره اقعد بروحي وابكي
لما قريت قصة الاماني بكيت لانها مثلي كل طفل عانت معاها يمكن ما فيه وجه مقارته بنوع المعاناه

بس كل طفل مافرحنا فيه
بنتي ما تبجي بس تقول اااه وتدمع عيونها بصمت بكيتها تبكي
اليوم بنات اخواني يلاعبونها وهي تبجي مايدرون لما شفتها الا بنتي ميته من البجي ودموعها
لما قلت لهم ليش ما قلتوا انها تبجي قالوا ما بجت بس معصبها علينا لما قلت لهم قالت اااه وتسكت قالوا قلت هذا بكاها
وصلت العبره بغيت ابجي قدامهم بس بلعتها علشان ما احد يحس من الاطفال ان بنتي غير

الحمدلله الحمدلله الحمدلله
انا ما ابي اتكلم ما اقدر اتكلم عيالي الباقين ما لازم يحسون ان اختهم مختلفها تو الناس عليهم
انا ما احب احد يقول لي يا مسكينه وينظر لي بشفقه
او حتى لعيالي حساسه يمكن بس ما ابي شفقه
قاعده امثل دور القويه
ادري اني بيجي يوم وانهار وانا حاسه انه قريب لان عاد بقلبي جرح عميق

ادعولي ان الله يصبرني ويفرج همي وينصرني على من ظلمني ويشفي عيالي
قولوا امين

مشوارج ماشاء الله عليج مغذى بالصبر والاراده
الله يزيدج صبر ويثبتج
وترى الداون ماشاء الله عليهم اهم فئه محتاجه انج تصبرين وتمدينهم بالثقه
والله يشافيها لج

 

[نووووونا]

لله يزيدنا واياكم بالصبر

ويعوضكم بالاجر والعافيه


ماشاءالله امهات تفخر الدوله بكم وبصبركم

 

[ii DareeN ii]

الله يشافيهم ويفرحكم فيهم وبشفاهم

 

[}{داشـه عرض}{]

ما شاء الله عليييكم ، عسى الله يصبر قلوبكم

فعلا ونعم الامهات ، عساها في ميزان حسناتكم يارب

جزاكم الله خير وعسى ربى يعوضكم بشفاء عيالكم ويطرح فيهم البركه ..

 

[ضحـاوي]

خوش موضوع

الله ياجركم يارب ويصبركم ان شالله

 

[HearT ChocolaTe]

اللهم آمين فديت عيوووون مشرفاتنا أنا
مشكووورين على دعمكم لأمهات التحدي والصبر
وعسى الله يتقبل منا ومنكم صالح الدعاء
:68_asmilies-com:

 

[حناينq8]

عسى الله يطرح فيكم البركه ويصبر قلوبكم ويشافي عيالكم
بنات الكويت مثال للتحدي والصبر
وكل الشكر لمشرفة القسم اختنا الغاليه ( الصابره المحتسبه ) اللي اتاحت لنا الفرصه للمشاركه بهالموضوع

 

[قـــمـــرهم]

الله يجزاااااااكم الف خيييير ولي عوده ان شااء الله

ماقريت باجي المشاااركاات

 

[@شمس الضحى@]

جزاكم الله خير يامشرفاااتنااا الغاليات
والله يوفق كل من دعى لنااا جزاكم الله خير والله يسمع منكم ويمدناا بالصحه والقوه والصبر
والله يؤاجرناا ويسخرنااا لعيالنااا الغااااااااااليييييييييين ولايضيع تعبنااا اللهم آمييييييين

 

[@شمس الضحى@]

والله ياخواتي اني بكيت من قصصكم مع اني عايشه بمحيطكم ومريت بكل الي صار لكم ما اقول الا الله يجزاكم الجنه وانا معكم....

 

[A7la-SmiLe]

والله انتوا القدوة الحسنة ومثال على الصبر والتحمل
ياااااقلبي اسم الله عليهم يهبلوون (مرمر ويويو وعزوز) والباجي اكيــــــــد
عسى الله يخليهم لكم ويبلغكم فيهم ان شاالله وعسى الله يمدكم يالامهات بالصحة والعافيه ويخليكم ذخر لهم

والله ماني عارفه اعبر .. والله والله يشهد علي كل كلمة وجملة قريتها حسيت بالفخر
عسى الله يخليهم ويشافيهم يـــــــــــــــــارب​

 

[HearT ChocolaTe]

والله ياخواتي اني بكيت من قصصكم مع اني عايشه بمحيطكم ومريت بكل الي صار لكم ما اقول الا الله يجزاكم الجنه وانا معكم....

اللهم آمين فديتج

والله انتوا القدوة الحسنة ومثال على الصبر والتحمل
ياااااقلبي اسم الله عليهم يهبلوون (مرمر ويويو وعزوز) والباجي اكيــــــــد
عسى الله يخليهم لكم ويبلغكم فيهم ان شاالله وعسى الله يمدكم يالامهات بالصحة والعافيه ويخليكم ذخر لهم

والله ماني عارفه اعبر .. والله والله يشهد علي كل كلمة وجملة قريتها حسيت بالفخر
عسى الله يخليهم ويشافيهم يـــــــــــــــــارب​

مشكوورة على كلامج الطيب .. ويخليلج كل غالي

 

[HearT ChocolaTe]

عسى الله يطرح فيكم البركه ويصبر قلوبكم ويشافي عيالكم
بنات الكويت مثال للتحدي والصبر
وكل الشكر لمشرفة القسم اختنا الغاليه ( الصابره المحتسبه ) اللي اتاحت لنا الفرصه للمشاركه بهالموضوع

اللهم آمين فديتج

الله يجزاااااااكم الف خيييير ولي عوده ان شااء الله

ماقريت باجي المشاااركاات

ويجزانا وياج حبوبه :68_asmilies-com:

 

[الصابرة المحتسبة]

جزاكم الله خواتي المشرفات والعضوات ياعسى ربي يعافيكم ويسلمكم

 

[هوى الدار]

مشرفتنا وزميلتنا الصابرة المحتسبه
أسأل الله العظيم رب العرش الكريم أن يقر عينك بشفاء ولدج

وتفرحين فيه يااارب

وعسى الله يجزاج خير

 

[مشاعل الشمري]

والله انتوا القدوة الحسنة ومثال على الصبر والتحمل
ياااااقلبي اسم الله عليهم يهبلوون (مرمر ويويو وعزوز) والباجي اكيــــــــد
عسى الله يخليهم لكم ويبلغكم فيهم ان شاالله وعسى الله يمدكم يالامهات بالصحة والعافيه ويخليكم ذخر لهم

والله ماني عارفه اعبر .. والله والله يشهد علي كل كلمة وجملة قريتها حسيت بالفخر
عسى الله يخليهم ويشافيهم يـــــــــــــــــارب​

تسلمين يا الغاليه

 

[الصابرة المحتسبة]

تسلمين ياهوى الدار وجزاج الله خير

 

[الأماني]

اسأل الله العظيم رب العرش العظيم أن يشفي أعيالنا وجميع مرضانا ومرضي المسلمين

 

[جارة القمر]

عسى الله يطرح فيكم البركه ويصبر قلوبكم ويشافي عيالكم
بنات الكويت مثال للتحدي والصبر
وكل الشكر لمشرفة القسم اختنا الغاليه ( الصابره المحتسبه ) اللي اتاحت لنا الفرصه للمشاركه بهالموضوع


بعد عمري


الله يشفي عيالكم يارب ويشفي جود ويقومه بالسلامة وترد الكويت بالسلامة


اللهم آآآآآآآآآآآآآآآآآآآآمين



الله يكون بعونكم



أنا اشوف أختي مع بنته


قلبي يعورني


الله يصبركم ويمسح علي قلوبكم يارب​

 

[كندية]

يا حيا الله كندية يا حلوج ويا حلو مشوارج أحلى شي بالحياة الإرادة والعزيمة والتحدي وطالما الإنسان قادر على العطاء ما في شي أسمه مستحيل

يا حيا الله كندية يا حلوج ويا حلو مشوارج أحلى شي بالحياة الإرادة والعزيمة والتحدي وطالما الإنسان قادر على العطاء ما في شي أسمه مستحيل000000أهنيج من كل قلبي على إصرارج وتحديج المصاعب

الصراحة ماعندي غير اني أقول: انتوا المثل الأعلى للتحدي والصبر
الله يوفقج ويسهل أمورج ياكندية

الله يوفقج ويسهل لج امورج ياكنديه ويشافي كل مريض يارب

للأماااااااام سر كنديه مشالله عليج منج نتعلم الصبر والمثابره ومنها لأعلي إنشاالله

كندية
مشوارك واضح فيه التفاؤل وحب الاستمرار

ماشالله عليج ياكندية الى الامام,,

ام نايف الصبر وانشالله يشافي بنتج

يا فرحتــــــــي يوم شفت مشاركتج .. يا حلوج يا كنديه أتمنى دايما تكونين معانا في المنتدى
والله تواجدج ضروري بينا
وعسى الله يشد من عزيمتج أكثر وأكثر ويفرحج بشهادتج وتفرحين بأعيادج اللهم آمين
وماكو شي أسمه مستحيل .. هذي حجة كل ذليل

مشكووووووووووووووووورين بناااااااااااااااااااات والله يفرحكم بعياااالكم يااارب....وداائماا تذكرووو ماافي شيء ماايصير لو مهمااا قاالووو .....