عفوا ياقناة سكوب ...(الكويت عزيزة نفس)

[يعجبني شموخي]

بسم الله الرحمن الرحيم


بلا مقدمات
الكاتبة فجر السعيد فجرت فيني الصبر
واضطريت اني اكتب هذا الموضوع والي
اتمنى من الكل الكل انه يقراه بكل غارية


\\


بالبداية هذي الكاتبة تألف قصص وتحولها لمسلسل وطبعا تقصد فيه المجتمع الكويتي
لكنها للأسف شوهت سمعتنا بمسلسلاتها السخيفه والي مالها هدف مثل صاحبتها
الي كلها شركات وكل شي عندها فلوس وبس , و نلقى انه كلهم فقير وغني وتدور
المسلسلات كلها على هالحالتين والشي والي يقهر هالفقير يسوي المستحيل وممكن
يضحي بشرفه عشان يوصل للغني او ما شابه .. ليش هل احنا بالكويت غني وفقير
وتناست الطبقةالوسطى الي تشمل اكثر من 80 % من الشعب ونست ان حتى الفقير عنده
كرامه ومو بس جذي اللبس الفاضح للفنانات ما جنه قاعدين بالكويت والمشاكل الي
تطرحهاوتفتحها على الناس بلا حلول انا اعرف انه الفن رساله يعني تطرح مشكله
وتبحث عن حل لها موتحط المشكله وتفتحها عالناس .. جنها تقول لهم انتو دوروا
حل حتى الاخلاق الالفاض في مسلسلاته سلبية جدا جدا ...


\\

ما خلصنا من مسلسلاتها وتشويهها لسمعة البيت الكويتي فتحت قناتها ( سكوب )
مستانسة فيها طبعا وعلى بالها انها راح تكون حبيبة الشعب هالقناة والله كل ما
اشوفها تلوع جبدي
بداية قناة كانت مسلسلات وبرامج منوعه وبعد فترة صارت غنائية اغاني 24 ساعه
وبعدين تحولت الي قناة سياسية انتخابات ومجلس امة والحين صارلها فوق الشهر
صايرة قناة مصلحه اجتماعية يعني فاتحه برامجها حق الشكاوي والمحتاجين والقروض
لدرجة اني بعد مباراة الكويت والامارات لقيت في شات سكوب مسج واحد يقول
( تدرون ليش المنتخب خسر لأن الاعبين كانوا يفكرون بقروضهم ) تخيلوا .
و مو بس جذي المشكلة انه كل الي يتصلون يقولون اسقطوا القروض
والقروض والقروض ابي افهم خلصت المشاكل يا سكوب والله من كثر ما
يتكلمون عن القروض بديت احس انها ماخذة قرض وفاتحه فيه القناة ..


مع الناس


برنامج مع الناس هذا برنامج فيه مذيع قاعد ( جنه شوي ويبجي ) وجدامه
طاولة وراه صورة الكويت وطبعا( اختاروا اردى صورة ) ويستقبل اتصالات
وقبل كل اتصال يقول احنا بنوصل صوتكم واحنا بنوصل صوتكم ( مادري حق منو)
المهم .. و يقول مازلنا مع هموم ومشاكل المواطنين والي من كثر ما يكررها حسيت
انه مو حافظ غيرها .. اما التصلين فهم كلهم من طقه وحده وكنترولهم ذكي
يعرف منو يحط ومو يطنش عارفين متصلينهم وعارفين كلامهم الي بيقولونه
وطبعا كلهم يشتكون بالفلوس ماعندنا وما نزلنا راتبنا وقروضنا اسقطوها
واحنا كويتيين ومو لاقين ناكل ومن هالسوالف لكن انا ادري انه هالناس
ما يتعدون نص بالميه من الشعب لأني ادري انهم يتكررون واصواتهم
ولهجتهم واسلوبهم هذا غير بعض الاتصالات الي تييهم من الناس
(حذف)

انا صدقوني اتابع هالبرنامج وانا قلبي يعتصر قهر وألم لأني ادري بديرتي
واعرف الي فيها .. والشي الثاني انا عارفة انه كلامي ماراح يغير شي لكن ابي
افهم اهي شنو تبي توصل له بالضبط ؟؟.. على بالها انها بتكسب حب الشعب
في هالطريقة غلطانه يا فجر انتي كل يوم قاعده تخسرين الآلاف منهم..


الي يشوف قناة سكوب ويشوف برامجها والشات مالهم بيعتقد انه الكويت
دولة فقيرة جدا جدا وشعبها مهموم وكله مشاكل ومو محصلين الفلس
للأسف انا قاعده اسمع المتصلين واهم يشتكون ما ادري اضحك ولا ابجي
لا احذف القناة المتصلين الي يسمعهم يقول هذيل عايشين بأفريقيا ..
والله ياريت ياريت لو احنا عايشين بأفريفيا يا ريت انا وانتوا افارقة يا ريت
الي يتصلون كلهم من تشاد واثيوبيا ومن هالدول لأن لو نشتكي ما علينا
شرهه وكل دول العالم تعرفنا فقراء لكن الكويت والشعب الكويتي طول
عمرة يساعد الناس والشعوب واذا طحنا بمشكله مانشتكي لو نموت
لأن عندنا عزة نفس وبرنامج القرار الي شفناه عالـ mbc يثبت كلامي
الكويتي الوحيد الي ما تجرأ يقول عن مشاكله وسكت لآخر البرنامج
لأنه تربى على هالشي ..


وهذا يوضح معنى العنوان عفوا يا فجر السعيد وعفوا يا قناة سكوب
الكويتي عزيز نفس ..

اختكم :يعجبني شموخي .

 

[ghalaty]

اختي ماكان فيه داعي القلط على صاحبة القناة واذا امتي شايفه نفسج الحمدالله امورج اوكي وماعندج قروض ولا وقع عليج ظلم لاااااااا ياقلبي فيه غيرج محتاج مو لاقي اللقمه وماله علاقه عزة النفس بالسالفه

 

[doooora]

والله ايدج بكل كلمة قلتيها ،،،وهالقناه بالذات شوهت سمعت ديرتنا حتى المسلسلات بالمرة مو واقععية

 

[يعجبني شموخي]

اختي ماكان فيه داعي القلط على صاحبة القناة واذا امتي شايفه نفسج الحمدالله امورج اوكي وماعندج قروض ولا وقع عليج ظلم لاااااااا ياقلبي فيه غيرج محتاج مو لاقي اللقمه وماله علاقه عزة النفس بالسالفه

اولا:انا ماغلطت على احد انا قلت الحق ..
ثانيا:اشكرج على مرورج..

 

[يعجبني شموخي]

والله ايدج بكل كلمة قلتيها ،،،وهالقناه بالذات شوهت سمعت ديرتنا حتى المسلسلات بالمرة مو واقععية

مشكوره ياروحي عالمرور ...

 

[املى كبير]

شوفى انا ايدج على ان سكوب ماوراها الى الدمار ,,,, بس بعد فى ظلم بالكويت ونصب من البنوك الى مستغله طيبتنا وحاجتنا وفى كويتين
عليهم قرووووووض كبيرة ومايقدرون يسددونها ,,, وشكرا

 

[يعجبني شموخي]

شوفى انا ايدج على ان سكوب ماوراها الى الدمار ,,,, بس بعد فى ظلم بالكويت ونصب من البنوك الى مستغله طيبتنا وحاجتنا وفى كويتين
عليهم قرووووووض كبيرة ومايقدرون يسددونها ,,, وشكرا

اشكرج عالمرور الرائع..

 

[brettey]

انا معاج بكل كلمه قلتيها بس للامانه القروض مشكله كبيره عند المواطنين وترى اغلبهم عايشين على القروض بس مع ذلك هم ماعلينا قاصر احنا الكويتيين نمتع روحنا والحمدلله احنا احسن من غيرنا
واهي وقناتها خليها على صوب انا هالقناه ساحبه السفون عليها اصلا
ياحلو مسلسلاتها مع عيال المنصور وحياه الفهد بس عقب حيل اختربت
وعيبها ماعندها حل وسط يا اغنيا يا فقاره ليش عاد والكويت اغلب الي فيها من الطبقه المتوسطه انا هالشي يقهرني بمسلسلاها

 

[Q8NV]

شوفي قلبي انا معاج ومو معاج صج هالقناه مصختها ووايد وايد وايد يستعبطون الناس لحاجنهم لهذي القناه علشان يقولون الي بقلبهم ترى صج وايد ناس محتاجه بالكويت ملو لي متى تتقطقط هلفلوس بره والناس اطالع قامو يتكلمون ترى في ناس بالكويت اردى من افريقيا في كويتيين اصييلين مو متجنسين بس فقاره والدنيا غاليه والبنوك تاكلنا بالفوايد كل مالها وتزيد والحين لما نزلوها بنجدول قالو لا القروض الكبيره ما تتجدول شنو يسوون الناس اذا الله عاطيج وساتر عليج حمدي الله بس غيرج ما عندهم الي عندج واذا بتقولين ما كو كويتي فقير امشي معاي واوريج ينكسر قلبج والله حالتهم عدم وترى صج صارت ديرتنا ديره المصري والهندي ولبناني وظيفه ما تلقين وحق الوافدين علطول يتوظفون وفوق هذا معاشاتهم اكثر من معاشات كنت بقطاع خاص وعارف وشايفه شنو الفرق انا اكرف واهو يكرف تدرين ليش المدير هندي الله يا زمن جذي لكويتي ديرتنا في هموم مشاكل بس الله لا يراويج الي يشوفونه الناس هذي مشكله الواحد الي ما بعرف شنو قاعد يصير بديرته والله تزعلين وايد مو شوي لكويتي قام ينادس واجنبي يأمر وينهي واذا تبين واسطه اهم يتوسطون لج بعد خليها على الله

 

[يعجبني شموخي]

انا معاج بكل كلمه قلتيها بس للامانه القروض مشكله كبيره عند المواطنين وترى اغلبهم عايشين على القروض بس مع ذلك هم ماعلينا قاصر احنا الكويتيين نمتع روحنا والحمدلله احنا احسن من غيرنا
واهي وقناتها خليها على صوب انا هالقناه ساحبه السفون عليها اصلا
ياحلو مسلسلاتها مع عيال المنصور وحياه الفهد بس عقب حيل اختربت
وعيبها ماعندها حل وسط يا اغنيا يا فقاره ليش عاد والكويت اغلب الي فيها من الطبقه المتوسطه انا هالشي يقهرني بمسلسلاها

اشكرج عالمرور وعلى ردج الرائع..

 

[يعجبني شموخي]

شوفي قلبي انا معاج ومو معاج صج هالقناه مصختها ووايد وايد وايد يستعبطون الناس لحاجنهم لهذي القناه علشان يقولون الي بقلبهم ترى صج وايد ناس محتاجه بالكويت ملو لي متى تتقطقط هلفلوس بره والناس اطالع قامو يتكلمون ترى في ناس بالكويت اردى من افريقيا في كويتيين اصييلين مو متجنسين بس فقاره والدنيا غاليه والبنوك تاكلنا بالفوايد كل مالها وتزيد والحين لما نزلوها بنجدول قالو لا القروض الكبيره ما تتجدول شنو يسوون الناس اذا الله عاطيج وساتر عليج حمدي الله بس غيرج ما عندهم الي عندج واذا بتقولين ما كو كويتي فقير امشي معاي واوريج ينكسر قلبج والله حالتهم عدم

مشكوره ياروحي على المرور ولكن انا تكلمت عن هالقناه بصفات وااجد يعني اظن ايجابياتها اقل بكثير من سلبياتها هذا اذا كان فيها شي ايجابي :0bee2e8d89:

 

[Q8NV]

انا معاج قناه سلبيه وما فيها من ايجابيه شي ويبون الفلوس المكالمات ومسجات قوليلي احنا شكو المذيع سافر والا قعد والا بيستقيل والي ادق تبجي امبيه صج يعني مثال للحرمه لكويتيه يفشل ووين الرياييل في مره تبجي على مذيع وخزياااااه وانتي شكو فيه ومنو هذا مو لهدرجه قناه تنتهز الفرص تاخذ الفقير وتقص عليه انها بصفه وللاسف تاخذ لفلوس من جيبه ادري قناه وايد يستعبطون فيها الناس بس المشاكل الي تنقال صج وهذا جزء من شي بعد ما انقال للاسف

 

[بطاط مهروس]

والله انا شايفة غير اللى انتى تقولينة .... الكل بالكويت تطالع سكوب لان الناس ملت وتحب تغير وتبى احد يسمع وصراحة
انا اتابع برنامج بوعيدة والكل يطالعة ....... الواحد يبى يفضفض اللى بقلبة
اما حق باجى المسلسلات كلامج عدل فيها شى من قلة الادب ...... ومشكورة على الموضوع وتقبلى راى

 

[غلا وحلا]

قنااااااة تاااااافهه

والله قاعدين يشوهون صورتنا
صرنا وين ماندخل مواقع يكتبون عنا انه احنا اهل قروض

شساالفه يعني

صج انه عندنا قروض بس مانشتكي ونتحلطم نفس الي صاير بالقناة
الحمدلله الحال ميسور
اهي خلت الشعب كله فقير
الفقر مو عيب بس اهي قاعده تبااالغ

اصلا الاتصالات غريبه والله مافيه احد دق حسيت انه كويتي كله كلامهم مكسر

يكفي المشاكل الي قاعده تسويها بلقاءاتها وبرامجها


ومسلسلاتها خلااااااص خربت من بعد المنصور

عبالها اهي وقناتها صوت الشعب

لا الحمدلله انه حالنا ميسور وديرتنا عازتنا ورازتنا

 

[شويهينه]

يعجبني بوعيدة واتوقع نفع ناس كثيرين؟..واللي ايده بالماي مومثل اللي ايده بالنار في ناس هلكتهم القروض والديون يبون اي مساعدة ولوفضفضة

عادي كل ديرة عندها مثل هالنوعية من البرامج

والبرنامج والقناة وبرامجها عموما اللي يتكلم فيها الناس بحرية ان دلت فهي تدل عالديموقراطية وان الكويتين لبعضهم وقلوبهم على بعض


وحالنا حال اي ديرة عندنا مشاكل عندا قروض وديانة وهالشي مو عيب

مومنزلين من السما واللي فينا في غيرنا واللي يكره الكويت عاد بيقول اي شي..

اما صاحبة القناة ومسلسلاتها نفس باقي المسلسلات كلهم معتمدين عالمأسي والطبقة الغنية والفقيرة

ماعندنا كتاب سنعين للاسف

ومشكورة على غيرتج عاالديرة


تقبلي مروري

 

[Q8NV]

صح كلامج اختي في وايد من طقت هالبرامج بدير ثانيه بس ليش النفاق والبجي وتعصر لعيون وولدي ابي ادخله الجامعه ما عندي اذا المذيع الي يشتكون له الناس ما عنده واهو في ضيقه وين بحل مشاكل الناس بدول الثانيه الناس يدقون يقولون مشاكلهم والناس تساعدهم هذول لا ايقولون المشكله وصوتك وصل لي ابعد مندى وين وصل بضبط وين ؟؟؟؟
ولا مكان لا يعشمون الناس بشي سراب شعب لكويتي طيب وينكسر خاطره بسرعه كل ساعه يبجي الريال دمعته غاليه على فكره مو سهله تنزل بس عند هالريال عادي متى ما يبي عصر هالعيون ونزلها للاسف

 

[جـــواهر]

عمى والله قناة هابطه نفس راعيتها مالقتلها سالفه قالت خ اضحك ع عقول الناس

 

[كريستال ليدي]

مشكورة على الطرح و لو اني ما أأيدج في كل اللي قلتيه

 

[viva la glam]

قناة الهيلق والبدون
الكويتي عزيز نفس مايتصل على هالقنوات ويطر

 

[بدوره 22]

والله بالنسبه لمسلسلاتها

لاحظوا ان كل الممثلين الكبار وخروا عنها وما قاموا يتعاملون معاها !!


تعاملت مع عيال المنصور وحياة الفهد واخر شي صفت على بدريه احمد ومنى عبدالمجيد

مو تقليلا بمقامهم الفني ولكن ما يقايشونهم.... وانا اموت قهر لمن ممثله مو كويتيه تسوي روحها كويتيه وتبي تمثل الي تقول عنه فجر واقعنا !!