رحلة الى جزيرة .. | فيلجا | ..

[ˆώ• اح ـساس المطر •ώˆ]

السلاااام عليكم ورحمة الله وبركاته ..


شلوونكم كويتيات ؟؟ شخبااركم ؟؟



اليووم راااح اخذكم في رحلة معااااي لجزييرة فيلجا ..


نبدي بالتفصيل ..




المكان : جزيرة فيلجا
الزمان : 23\7 الى 25\7
الكاميرا المستخدمة : نوكيا n81

....




الساعه 9 صباح يوم الخميس .. مقاابل مجمع مارينا موول









بالروحة رحنا بعبااارة ( بنت الخير )




وهني بوسط البحر فووق العبارة في كراسي يووونس الجو فووق .. من بعيد مبينه فيلجا ..






وصلنا .. واخذنا الباااص للقرية التراثية ..

 

[ˆώ• اح ـساس المطر •ώˆ]

بلييييز لحد يرد بكمل ..

 

[ˆώ• اح ـساس المطر •ώˆ]

نكمل ..



وصلنا الريسبشن ..

عشاان يعطونا مفتااح البيت ..





ما كنا بروحنا .. كاان في معانا ضيووف بعد





برا الريسبشن في ساااحه كبيرة .. بهالصورة يبين متحف قصر الشيخ عبدالله السالم ..




وهني في محلااات .. اشياء تراثية ..










والحبيب قااعد .. ينطر احد يركبه .. اظن الدورة بدينار ..

مرسووم عليه وسم آل صباح .. ( الله يعافي هوم ورك الدكتور ظافر هههههههههههههه )




.............................



ووصلنا البيت ..



الحين خل نسوولف شوي ..

طبعا البيوت اللي بالقرية كلها تراثية .. بيوت شعبية قديمة .. وحجمها يختلف على عدد الاشخااص .. يعني بعضهم فيها حووش

وبعضهم لا ..

وفي حركة حلوة عجبتني .. على كل بيت مكتوب شخصية .. مثلا : بيت المطوعه ام سلامة .. بيت سعد وسعيد ..


وطلع حظنا حنا هههههههههههههههههههههه




بيت الخطااابة (مكية ) .. << انفضحنا نتلفت قبل لا ندش بيتنا هههههههههههههههههههه



بررررررب..

 

[ˆώ• اح ـساس المطر •ώˆ]

هذا البيت من دااااخل ..






لانه احنا 4 اشخااص .. بيتنا مو كبير .. فيه غرفتين نوم .. وحدة بحمام ووحدة لا

وفي صالة بحمامها .. وفي مطبخ وحمام ..



اي نسيييت اقولكم السعر .. بيتنا يومين ب 160 دينار ..


............................



بعدييين طلعنا .. قالوا انه في باااسكن روبنز ..

قعدنا نتمشى وصادفنا هالفندق





















عجبني حييل هالفندق ..



عاد يوم طلعنا منه .. اخييه شفت حبييييب قلبي .. :eh_s(6):


كاان حزة المغرب ..







برررررب ..

 

[ˆώ• اح ـساس المطر •ώˆ]

باااك ..



هني صوورة الفندق من بعييد .. في مكان مثل ممشى مرتفع على شكل نص داائرة ..






وهني شحلااااته المرجان .. بالصج لوونه احمر يهبل ..







بعدين .. كان في مكان كله بقياات وسيارات صغيره ..


ركبنا احنا هذا .. الساعه ب20 دينار





سوري .. التصوير بالليل موو وااضح حيل ..


قعدنا نفر بهالسيااارة .. مرينا على بيوت مهدمة من ايااام الغزو

وبيووت مهجووورة ..






مشينا بعد كملنا .. ووصلنا بحيرة شحلاااااتها قريبة من القرية التراثية وقبالها حديقة حيوان ..


هذي صورة للبحيرة ..





فيها بط وجسوور اشكالهم رووعه ..

وفيها نوعين من القوارب .. واحد فردي اللي فيه مجاديف ( الشخص بدينار )

والنوع الثاني اللي فيه مثل القاري .. ( الشخصين بدينار )



ولاااازم البلعه تلعب دوور اساسي ..





هذا المطعم يبيع بيتزا ..

ويمه مطعم ورد وهيل .. عندهم عيووش وهالسوالف ..


وفي بعد مقهى ليالي فيلكا .. قسم للعائلات وقسم للشباب .. فيه مشويات وفطااير ..

ويم فندق ايكاروس .. فيه باسكن روبنز .. وعنده كافيه الواحه يبيع نفس مشروبات ستاربكس

وبعد عندهم مطعم ( بوفيه ) الريوق للشخص دينارين ونص .. والغدا للشخص خمس دنانير ..





في بعد بالليل .. دي جي وومسابقات توونس .. والعاب للاطفال الصغار .. وملاعب سلة وكرة قدم << هذا كله بالقرية التراثية ..







بالنهااااية .. الرحلة ممتعه حييييل .. ومااافي زحمة ولووية وحووسة بالعكس اغلبه عواائل

ومرييح الجو هنااك ..




اتمنى اكون افدتكم بهالتقرير .. واي سؤاال انا حاظرة

 

[باربية الكوووويت]

عليكم بالافيه حبوووبه وناااسه حسيت جني انا موجوده معاكم لووول بس حسافه في بعض الصور مو طالعتلي مادري ليش وانشالله تتكرر رحلتكم يسلموووو

 

[السولعيه]

شيشتيني اروح فيلكا من زمان ودي اروح لهه


يعطيج العافيه كفيتي ووفيتي ..

 

[ذره في المجره]

حلو التقرير روعه

اشلون حجزتي من وين ؟؟ و اشلون اذا ابنحجز بفندقكم او ايكاروس؟؟

و في مكان للبنات يسبحون ؟؟ والا كله مكشوف

 

[al7anona]

مشاءالله تقريرج حلوو

يسلموووووووووووووووووو وحلاته الجو حلووووووو وبارد اونس_03BA:

يعطيج العافيه وتسلم ايدج :ggdw:​

 

[ضي76]

رحلتكم روووعه عليكم بالعافيه

 

[nourah2008]

ماشاء الله تسلمين على هالتقرير انا جيت الكويت قبل كذا وخساره ما كنت اعرف هالمكان ياليت تقولين لي بالتفصيل الممل وشلون نحجز على العباره اللي تودي فيلكا وشلون الجو فيها هلى هو صدق زي ما نسمع في المسلسلات الكويتيه حلو الجو يعني زي الطايف وابها عندنا
وبعدين البيوت اللي تقولين سكنتوها تحجزونها من قبل لا توصلون ؟؟ باين كذ ،،ا وشكرا مره ثانيه على الموضوع الحلو وان شاء الله اقرب زياره للكويت لازم نمر فيلكا

 

[^^DADDIES GIRL^^]

ودي ارووووووح بس اخاف يقولون مسكونه

 

[nourah2008]

ودي ارووووووح بس اخاف يقولون مسكونه

:eh_s(14)::eh_s(14)::eh_s(14)::eh_s(14):

صدق الكلام طمنونا الله يعافيكم​

 

[Mis$ LeO]

حلو والله

البحر بعيد او قريب من البيوت ؟؟ وشلون هناك تتنقلون ؟؟ فيه سيارات او معاكم سياراتكم او شلون ؟

ومثل سؤال الاخوات من وين حجزتوا ؟؟

 

[فزهةّ خٌفوق]

عسى دووم فرحتكم

وعليكم بالعافيه

وتسلمين على التقرير الرائع

 

[jolie_q8]

خوش رحلة عليكم بالعافية

انا رايحه فيلجا قبل الغزو ,,,

 

[بنت الريم]

ثاانكس حبوبة على الجهود الطيب

 

[ˆώ• اح ـساس المطر •ώˆ]

هلااا وغلااا بكل اللي ردوا .. واللي طلوا ومشوا بعد :eh_s(6):

منوريين فدييتكم ..



بالنسبة للاسئلة ..




اشلون حجزتي من وين ؟؟ و اشلون اذا ابنحجز بفندقكم او ايكاروس؟؟


تروحين فندق سفير هيلتون ( منطقة بنيد القار )

الدور الثاني .. هناك يكون في مكتب للحجز ..

من هناك تحجزين للمكان اللي بتقعدين فيه .. البيوت الشعبية اللي حنا سكنا فيها .. او اذا تبين بفندق ايكاروس




و في مكان للبنات يسبحون ؟؟ والا كله مكشوف



لا ماكو مكان مخصص للبنات .. حوض السباحة واحد للكل ..




وشلون نحجز على العباره اللي تودي فيلكا


في حجز عبارة القرية التراثية اللي هي ( ام الخير او بنت الخير ) هذي اللي بالصورة موجودة ورحنا فيها .. الحجز يكون مع حجز الفندق يعني من نفسه المكتب الموجود بسفير هيلتون .. ( الشخص 10 دنانير ) .. وعقبها يوم الرحلة تروحين عند فندق المارينا يمه موجود ..


وفي حجز عبارة المشروعات السياحية .. تروحين راس السالمية الحجز من نفس مكان العبارة ..





وشلون الجو فيها هلى هو صدق زي ما نسمع في المسلسلات الكويتيه حلو الجو يعني زي الطايف وابها عندنا


لا ماشاءالله الطايف وابها امطار وبرااد .. فيلجا مثل الكويت عادي يعني الصبح للظهر حر .. ومن المغرب يبدى يبرد الجو

بس عند البحر يكون الهواا رووعه .. حتى قبل المغرب ..



وبعدين البيوت اللي تقولين سكنتوها تحجزونها من قبل لا توصلون ؟؟


اكيد قبلها بيومين اقل شي ..



ودي ارووووووح بس اخاف يقولون مسكونه


اي امبي يعني تخيلي انتي قااعده بفراااشج مرة وحدة تشوفين واااحد ناايم ع الارض .. :eh_s(1):

هههههههههههههههههههههههههههههههههههههههههههههههههه



لا اتغشمر معااااج .. مااااكو شي والله عااادي الجو ..

يعني حنا حزة المغرب بالسيارة للصغيره .. كنا نتمشى حوول البيوت المهجوورة والمهدمه لا ونغني بعد ههههههههههههههه

ماكو شي لا تخااااافووون !! ..



البحر بعيد او قريب من البيوت ؟؟

البحر قبال القرية التراثية .. مو قلتلكم طلعت من فندق ايكاروس البحر قبالي على طول ..




وشلون هناك تتنقلون ؟؟ فيه سيارات او معاكم سياراتكم او شلون ؟

تقدرين تروحين بسيارتج بعبااارة مخصصة تشيل سيارات ..


بس حنا لا مارحنا بسيارتنا .. نزلنا من العبارة و الباص وصلنا للقرية .. وعقبها كله مشي احلى ووناااسة ..

واذا ودج تروحين البيوت المهجورة والمهدمة .. اجري السيارة للصغيره تونس الساعه بعشرين دينار ..

 

[black_arno0oBa]

عليكم بالعافيه والتصوير وايد حلو يسلموا حبوبه

 

[بتبوتااا]

ونااسه رحله تشووووووووووق عليكم بالعافيه حبيبتي ومشكووره على التقرير روعه مثل صاحبته