شـرايـــكم انـشـجـع بـعـض----ونمــارس الجــذب----ياللـه دشــوااا

[كوكو شانيل]

اناا بنضم معاكم :tek:

بس حالياً مافكرت في شي معين

بس صار لي موقف من خمس سنين اتوقع انه يتعلق بقانون الجذب واحب انه اذكره لكم طبعاً في هالفترة ماكنت اعرف عن هالعلم شي:O_SHH_:

كانت في دورة في الشغل وكانت تعادل الدبلوم

طبعاً قبل ماسجل في الدورة كنت حاطه في بالي اني بطلع الأولى فيها الدورة كانت عقب الجامعه

طبعاً انا مستواي عادي يعني تخرجت بمقبول في الجامعه وفي الدورة معانه ناس خبراء ومشتغلين في هالمجال (مجال القانون قبل مانولد ):s141:

وكنت دايماً اتخيل اني الاولى واتخيل فخر هلي فيني واتخيل شلون بتكون ردة فعل مديري

وشكلي وانا القي كلمة الخريجين لووول واسمي لما ينكتب في الجريدة :eh_s(20):

6 شهور وانا على هالحال الدنيا ورديه عندي :icon30:

اكيد انا درست واجتهدت بس بعد اللي معاي كانوا ممتازين

وعقب 6 شهور تخرجت وطلعت الأولى والقيت كلمة الخريجين وطلع اسمي في الجريدة والاذاعه

وابوي الله يرحمه كان فخور فيني وفي دوامي وايد استانسوا على اساس ان الدوره كانت تضم موظفين من كل الوزارات

مدري هالشي ينطبق عليه قانون الجذب اولا





ومشكورين على هالموضوع الممتع

 

[mimi_el3so0ola]

والله شي جميييل اختي كوكو ~.^ وأكيد ينطبق عليه القانون ،

اصلا الرسول - صلى الله عليه وآله - كان يقول: ( تفاءلوا بالخير تجدوه ) .. وطول ما الانسان يشوف الشي بشكل إيجابي راح ينجذب له بالصوره اللي يتخيلها ،
وهذا اللي صار معاج حبيبتي ان شاءالله دووم تكونين الاولى يارب .. وان شاءالله دووم تجذبين الأشياء الزينه بحياتج ،

وعلى فكره آنا نفسج كنت أجذب التفوق بدراستي لأني كان مستواي جيد جدا من دشيت المتوسط ..
وكان عندي بنت خالي امها تدرسها وكانت متفوقه ويايبه الامتياز ،
امي كانت تعايرني فيها P= وكنت اقول لها درسيني مثل ما امها تسويلها واكيد راح اييب نفسها ..
بس امي الله يطول لي بعمرها كانت دايم تقول " اعتمدي على نفسج ، وانتي مو اقل منها والواحد اذا يبي الشي يسويه بدون اعذار !!

وفي مره رحت عند بنت خالي على اساس ندرس انجليزي لان ثنتينا من نفس العمر وبنفس المدرسه فامتحاناتنا الفاينال نفس الشي
.. المهم ،
قالت لنا مرت خالي نحفظ الكلمات عشان تملينا .. وطبعا اهي دراسه وحافظه الكلمات من قبل لا ايي بيتهم ،
فلما امها ملتنا .. اهي يابت درجه اعلى مني \= فقامت تستهزئ وخذتها على ضحك وقامت تقولي خنسوي روحنا ربع ويايين نشوف نتايجنا !!
وقامت علقت الاوراق ع الباب وتقولي يللا خنروح نشوف النتايج ومادري شنو Pp; تبي تحرجني يعني وتبيـّـن انها احسن مني ،
وانا كنت قاعده بمكاني مجرد اني اضحك ومن داخلي احس ويهي قام يقط الوان .. اللي حتى مرت خالي تقول لها خلاص لاتضيعون الوقت وقعدوا درسوا الـunit اللي بعده . شكلها حيت فيني P= لوووووووولز

فحلفت من بعدها اشد حيلي وكنت سنه عن سنه ارتفع واقرب من الامتياز ... وحتى بثالثه متوسط كان باقيلي درجه ع الامتياز << انقهرررت حدي ~P;
وبرابعه متوسط تفوقت ووصلت الامتياز بإذن الله (; وتميت محافظه على مستواي لي الثانوي وطلعت الاولى على صفي مرتين ، واهي بالثانويه نزل مستواها وكانت امها تعايرها فيني D= احم
حتى مرات تيي تساسرني تقولي اقعد معاه ( فلانه ) وشجعيها تدرس بروحها ... لانها من دشت الثانويه وامها ماقام تلحق تدرسها اصلا قام تييب لها مدرسين وهم مو فايد !

.. للأمانه آنا مو قصدي اتشمت لأن هالشي من فضل ربي عليّ مو مني .. بس فعلا اللي يبي الشي يوصل له مهما كان ،
وأصلا اللي يعيـّـب ينعاب وهذا اللي صار مع بنت خالي - ربي لا تبليني - ..

أتمنى تستفيدون من تجربتي بنات ~.^ ونبي نسمع المزيد من قصص الجذب المفيده ،

& تقبلوا مروري ،،

 

[sindrella]

بنااات منو طبقت لوحة الرؤيا أو لوحة الأحلام اللي تكلمو عنها بالفيلم !!

أنا توني سويتها اليوم بس ليلحين ما ترستها صور يمكن بس 6 صور !!

 

[sindrella]

إنشالله يردوون علي

 

[برونزية رشيقة]

رفع

لي رجعة للموضوع

 

[بيت التوت]

شكلي بسويها

 

[بيت التوت]

رد: قصة في قانون الجذب العام

موقف جديد مع قانون الجذب العام .....:eh_s(6): صديقتي يا بنات من سنين وقبل لا تتزوج كانت سبحان الله دايما تحس أنها بتسافر برة الديرة وماراح تعيش هني ، كانت دايما تقول مادري ليش كله أطالع روحي رايحة المطار بلليل الساعة 12:00 ومسافرة تاركة الديرة على طول ... وكانت تحس بالشيء بشكل كبير لدرجة انه سبحان الله حياتها لا شعوريا صارت غير عنه في طريقة تفكيرها في معيشتها في شغلها في كل شيء سبحان الله حتى بيئة عملها صارت كلها مو كويتيتن والاغلبية اجانب من مختلف الجنسيات، سبحان الله مرة البنت كانت رايحة الدوام و كانوا يتكلمون عن موظف توه يديد بيوصل الكويت ويبون له مكتب واهي تسمع بس منهم ، والكل يشيل ويشدخ في موضوع هالموظف ... مرت الايام وييه الموظف .... و في مرة مر عليها واحد أجنبي مو عربي وقالها لو سمحتي انا فلان وابي اخلص اوراقي هذي وقالوا لي اي يعندج ، اهي تقول لا شعوريا مادري ليش ماقدرت اطل بويهة وياني شعور غريب واستحيت منه حيل ولاحظ اهو ..... تقول و عشان اخلص معاملته اهو لازم يمر علي و اكمل له شغله للتوقيعات فتقول كل مرة ايي يدق قلبي حيل واستحي منه ، ليمة مرة سأل وحده من زميلاتها بالشغل عنها وقالها منو هذي وشلون اخلاقها وابي اتعرف عليها من هالكلام وقالت له زميلتها احنه ماعندنه جي ، وبنفس الوقت الزميلة كانت محترة ومستغربة لأنه صديقتي مو من النوع الي تحط مكياج و تلبس عباية اغلب الوقت واهو اجنبي مو مسلم ؟؟؟؟ والزمية الي سألها كانت بتموت تبيه تبي تييب راسه فتوقعت بما انه ابيض واشقر واهي بيضة (سبحان الله في ناس طريقة تفكيرهم جذي)خلاص يعني ملكته :ggdw::krkrkr: المهم خواتي حاول الريال ليمة كلم صديقتي وقالها انه معجب فيها ويبي يتعرف عليها أكثر :ggdw: اهي طبعا ارفضت واستحت واستغربت بنفس الوقت لانه فجاة الشيء صار واهو وين من غرب واهي من شرق .... المهم صادف مرة سووا غدا بالشركة مالتهم فقامت صديقتي وسوت مجبوس دياي وكان اول مرة ياكله وعجبه و لوووووول تعلق اكثر ، و شوي شوي من تحت لي تحت الريال قام يراقب حركاتها وتصرفتها ... وشوي شوي قام يقرا عن الاسلام ... وشوي شوي الريال بدا يحبها أكثر واكثر ، وصديقتي حست وكانت تدري واهي بادلته نفس الشعور .... وبالنهاية أسلم الريال ، وتزوجوا .........



وسافرت رفيجتي لتعيش بالخارج على طيارة الساعة 12:00 بالليل

ياااااااقلبي ردودج كلها مفيده ودايمن تتحفينا وتشجعينا فيها

بارك الله فيج

 

[still_waiting]

والله شوي وابجي بكلاامكم الحلوووو
انا اعرف القانون هذا سمعت عنا بس ما طبقت
كنت ناويه هم اشتري الكتاب وما شريت
ولا شفت الفلم
بس ان شاء الله اسويه
وانا معاكم

 

[still_waiting]

قصتج شوق وحنين اللي قلتيها روووعه
سبحان الله حتى انا اغلب احاسيسي تصدق خصوصا اذا كانت قويه

 

[flowers_q8]

يالله بنات نبي تجاربكم نبي تشجيع

 

[helwa]

فلكس هههههههههههههههه تعالي انتي وشوق وحنين ههههههههههههه يارب اساميكم صح

حبيت اسالكم وخاصه فلكس انتي مو رسمتي صورة بنت متينه ووحده ضعيفه وصرتي مثلها ؟

انا ابي اصير شبه وحده حلووووووووووووووه حيل شلون وابي اصير احلى منها بعد شسوي ؟
ويصير اقول احلى من كم وحده ولا بس وحده ؟

اتمنى تقوليلي الطريقه هل احط صورتها بالشاشه واقول كلام ؟ هههههههههههه

ناطرتكم

 

[helwa]

وينكم ؟

 

[بيت التوت]

الحمدلله حمدا كثيرا طيبا مبارك ملئ السماوات وملئ الارض ومابينهما وملئ ماشئة من شئ بعد





هلا قلبي بخصوص سؤالج ماعندي فكره اكيد فلكس قير بتفيدج ماشاءالله عليها

عندها خبره وتجارب


يالله بنات محد استفاد من قانون الجذب

وووووووووووينكم ياللي طبقتم عفيه قولو لنا شنو صار معاكم

 

[DLOOL]

هاااااااااااااااااااااااااااي بنات
مشكورين على هذا الموضوع

 

[بنت قبيلة]

هلا بنات

توني طايحه عالموضوع
بنات انا بسوي شي بس قولوا لي يصير ولالا ؟

اناجملتي ( انا الان مطلقة ،ومستقلة في مسكن لوحدي ،مع ابنائي أعيش بسعادة )
تكفون بنات لاتقولون لي لاتطلقين انا ادرى بظروفي
ابي ابتدي بكرة

 

[سوسو بنت ابوها]

هلا بنات

توني طايحه عالموضوع
بنات انا بسوي شي بس قولوا لي يصير ولالا ؟

اناجملتي ( انا الان مطلقة ،ومستقلة في مسكن لوحدي ،مع ابنائي أعيش بسعادة )
تكفون بنات لاتقولون لي لاتطلقين انا ادرى بظروفي
ابي ابتدي بكرة

حبيبتي ليش هالكلام؟ابتدي قولي انا سعيدة بزواجي مع عيالي بسعادة وعسى الله لايفرقكم لاتصيرين سلبية صدقيني والله ضيق خلقي كلامج :0bee2e8d89:الله يفرج همج ترى رمضان عالباب لاتنسين رحمت ربج وسعت كل شي واهو قادر على كل شي واستعيني بالصبر والصلاة والله راح يعطيج كل شي

 

[بنت قبيلة]

صبحكم الله بالخير

سوسو مشكورة حبيتي عالنصيحة

بس ليش تقولين سلبية ،ليش احنا دايما نشوف الطلاق شي سلبي ،
الحياة أحيانا يستحيل تكملينها مع الطرف الآخر ،والطلاق هو الحل ،
بالعكس انا الطلاق عندي قوة لي ولعيالي ،وكل واحد ادرى بظروفه

شاكرة لج مشاعرج

 

[سوسو بنت ابوها]

صبحكم الله بالخير

سوسو مشكورة حبيتي عالنصيحة

بس ليش تقولين سلبية ،ليش احنا دايما نشوف الطلاق شي سلبي ،
الحياة أحيانا يستحيل تكملينها مع الطرف الآخر ،والطلاق هو الحل ،
بالعكس انا الطلاق عندي قوة لي ولعيالي ،وكل واحد ادرى بظروفه

شاكرة لج مشاعرج

حبيبتي والله مو قصدي اذا كلمة سلبية اذتج لكن قولي اميييييين عساج تلقين السعادة وين ماتروحين ولايفرقج انتي وعيالج عسى ربي مايحوجج لاحد قولي اميييييييين

 

[ShoSho_4]

up
لي رجعه باذن الله

 

[^وجد قلبي^]

شكرا