أم عزيز في ايطاليا

[أم عزيـز]

قوه بنات شلونكم شخباركم

رديت لكم ومعاي تقرير حلو عن رحلتي حق ايطاليا

طبعا احنا طرنا الفير ولأن على الاماراتيه قعدنا ترانزين تقريبا 3 ساعات في الامارات وبعدين طرنا على ميلانو ووصلنا العصر ورحنا في الفندق وكان اسمه (فور بوينت باي شيراتون ) طبعا مو شيراتون بس ماخذ اسمه والفندق عادي ومكانه هم عادي

ريحنا ساعتين وبعدين رحنا ساحه الدومو المشهوره في ايطاليا واهي ساحه كبيره فيها حمام وفيها مجمعات وكافيهات ومطاعم والقعده فيها حلوه وخاصه عيالي وايد استانسوا على الحمام بس بشكل عام جو ايطاليا حار في الصيف

وهذي بعض الصور حق الدومو وساحة الحمام






وهذولي عيالي قاعدين يوكلون الحمام الله يحفظهم



وطبعا ساحه الدومو متروسه مصاروه اييون من غير ما تنادينهم ويحطون في ايدج عيش او ذره علشان الحمام ياكلون وبعدها تبخششينهم
وبعد ما يعجبهم العجب ما يبون يورو او 2 يورو يبون 5 يورو وفوق !!! صج طرارا ويتشرط

شوفو هذا المصري اشلون لاصق في عيالي وقاعد يحط في ايدهم اكل عشان يعطون الحمام وطبعا مو لله كله بفلوووس
وبنتي خوافه لوووووووول كله تصارخ على بالها الحمام يبي يعضها

 

[UMSAROON]

وناسه سجليني متابعه:")
واي المصري باط جبدي كل شي يسوونه باحسابه ماكو شي لله

 

[أم@الحلوين]

حمد الله على السلامـــــــــــــــــه


طمنينا شلون السفره ؟؟


خوش تقرير أم عزوز سجليني متـــــــــــــابعه @-@

 

[أم عزيـز]

طبعا ثاني يوم رحنا مجمع اسمه فوكس عباره عن اوت ليت صراحه وايد حلو وهادي ومكانه بين الحدود الايطاليه السويسريه
فيه خصومات عجيبه وماراكات عاليميه بأسعار حدها رخيصه مقارنه بالسوق
بس اللي بيشتري بالفرنك مو باليورو لأنه المنطقه اللي فيها المجمع تعتبر سويسريه

هذي الصور المنظر واحا بالباص متجهين للمجمع
شوفوا الطبيعه الحلوه والمنظر الروعه







وهذي الصور لما وصلنا المجمع وصورنا بره وداخل المجمع





ولدي حبيبي يوعان مجابل بيتزا مارجاريتا وبيتزا الخضار
طبعا كانت لذيذه وخفييييييفه

 

[أم@الحلوين]

أم عزيز بغيت أسألج اشلون اتنزلين الصور وتصغرينهم وتحطين اسمج عليهم ؟؟

 

[{ شيوخهـ ~]

يــاااربي يــاااحلاااااتهــااا ميــلانووو تهبـل و لاتنسـون تزورون رومـا و فينيس المــرره اليـااايه تراا هم بعد يهبــلوون نفس ميـلانوو :eh_s(6):
متــــــااابعتج قلبي ،، والحمـدالله على سلااامتـج

،،

 

[أم عزيـز]

هلا والله UMSAROON وام الحلوين منورين الموضوع
ويشرفني تواجدكم خلكم معاي وتابعوا التقرير

المجمع اللي قلت لكم عنه قعدنا فيه 3 ساعات وبعدها رحنا بحيره في سويسرا اسمها لوقانو تبعد ساعه تقريبا عن ايطاليا بس كانت روووووووووووووعه طبيعه وجمال وجو روعه بس حسافه القايد الله يسامحه قالنا حدكم فيها ساعه وربع واهي بيني وبينكم تستاهل الواحد يقعد فيها 3 ساعات من كثر ما اهي حلوه والمنظر ما ينمل وهاديه ونظيفه

وانا وزوجي وعيالي اجرنا طراد وخذينا جوله في البحيره وكانت جوله وايد حلوه واستمتعنا فيها وبهالجو العجييييييييب

 

[أم عزيـز]

أم عزيز بغيت أسألج اشلون اتنزلين الصور وتصغرينهم وتحطين اسمج عليهم ؟؟

هلا يا قلبي
انا قاعده اشتغل عليهم في برنامج الفوتوشوب
مسويتلي توقيع واصغرهم في الفوتوشوب واحط التوقيع فوقهم وبعدين اسيفهم
وارفعهم على مركز تحميل صور

يــاااربي يــاااحلاااااتهــااا ميــلانووو تهبـل و لاتنسـون تزورون رومـا و فينيس المــرره اليـااايه تراا هم بعد يهبــلوون نفس ميـلانوو :eh_s(6):
متــــــااابعتج قلبي ،، والحمـدالله على سلااامتـج

،،

روما ما رحنا لها لأنها وايد بعيده عن ميلانو بس فينيس رحت لها وان شاء الله راح انزل صورها لكم اذا مداني اليوم ان شاء الله

والله يسلمج حبيبتي تسلمين

 

[أم عزيـز]

نكمل معاكم ثاني يوم من رحلتي حق ايطاليا

بعد ما خلصنا من بحيره لوقانو رحنا بعدها بحيره في ايطاليا اسمها كومو
هم كانت وايد حلوه المنطقه وفيها طبيعه وجبال خضره وبحيره هاديه وحلوه ودار مدارها مناظر روعه وفيها نافوره حلوه
من قريب تطلع لون قوس قزح بس حسافه ما قدرت اصور قوس قزح لما طلع بس صورت النافوره واهي بوسط البحيره

طبعا اجرنا مركب كامل حق القروب وخذا فينا جوله في البحيره وكانت جوله روحه وايد استانسنا وايد فيها





















وبجذي انتهت جولتنا في ثاني يوم بإيطاليا

تابعوا جولتي في ثالث يوم في ايطاليا ومحطتنا اليايه راح تكون (فينيس)

 

[أم عزيـز]

اليوم الثالث كانت رحنا حق مدينه الرومانسيه فينيس
وكان حلم حياتي اني ازور هالمدينه والحمدالله تحقق الحلم

بصراحه كانت المدينه روعه واستمتعت فيها بس رحنا يوم الأحد وكان زحمه موووووووووووت !!
طبعا القايد اقترح علينا ان نروح بالقطار لأن بالباص التكلفه راح تكون وايد عاليه على النفر
واحنا وافقنا بس تعذبنا بالباص لأن ركبنا اخر ناس وقمنا نركض علشان الباص ما يمشي عنا لووووووووول
والله شكلنا كان يضحك واحنا نركض كلنا صغار وكبار بس الرحله كانت وايد طويله تقريبا ساعتين ونص تعبنا وايد فيها لكن من وصلنا فينيس وهفنا الهوى الحلو وشفنا بحرهم صراحه نسيت كل شي واستانست وايد

وهذي صوره حق محطه القطار




وهذا منظر من بره القطار واحنا متجهين حق فينيس



واهني وصلنا فينيس



وهذا تمثال لمريم العذراء مثل الناوره ينزل من ايدها ماي



وهني بنتي حور وحوالينا الحمام



عيالي عند بحيره فينيس

 

[أم عزيـز]

نكمل


طبعا هذا المركب الرومانسي سعره 80 يورو يفتر فيكم في فينيس وايد حلو
وتره في بعضهم يأجرونه بــ 100 يورو يكفي تقريبا 6 اشخاص



واهي السنتر مال فينيس وايد حلو ويونس وعيالي استانسوا عليه وايد لأن فيه حمام جابلوهم وقعدوا يوكلون الحمام لووول













بصراحه وايد استانست في فينيس وفعلا مدينه تستاهل الزياره والعنوه
بس انصحكم لا تروحون يوم الأحد لأن وايد زحمه اختاروا اي يوم غير الأحد اكيد راح تستانسون فيها وتستمتعون في جوها

 

[*مارلين_مونرو*]

ياااااااااااااي والله جنج تعيدين ذكرياتي مالت العام بميلانو .. كل الصور اللي حاطتها والاماكن اللي رحتيلها كنت رايحتلها ..

ياحلااات كومو اتينننننننن .. هنااك بيوت (( براد بيت و انجلينا جولي )) (( و جورج كلوني )) (( ويل سميث جنه و جوني ديب ))

عليكم بالف الف الف عااافيه ..

 

[أم عزيـز]

رابع يوم واهو اليوم الختامي حق ايطاليا كان المفروض عندنا عده جولات بس للأسف لأن القايد ما كان مرتبها صح ولا منسقها عدل ما رحنا الا مكان واحد وحتى ما مدانا نستانس فيه

رحنا مدينه قاردا لاند وطبعا المدينه وايد كبيره واهي مدينه العاب روعه وحلوه ويبيلها يومين علشان نخلصها تخيلوا القايد قلنا لكم فيها بس 3 ساعات !!! وبهالثلاث ساعات ما لعبنا الا لعبه وحده من الزحمه ودخلت عيالي عرض الدلافين (وكان بفلوس مو مع التذكره ) بس استانسوا لكن الجو كان وايد حاااااااااار في مدينه قاردا!!! ميلانو وايد اهون يعني اللي يفكر يروح قاردا لاند لازم يروح لها من الساعه 9 ويرجع بالليل يعني يبيلها يوم كامل علشان تقدرون تغطون بعض الألعاب وتستمتعون فيها

وهذي بعض الصور اللي صورتها واحنا متجهين حق قاردا لاند وحق المدينه نفسها




















يتبع ،،،

 

[أم عزيـز]

نكمل







وهني لما وصلنا حق المكان مال عروض الدلافين مده العرض كانت 25 دقيقه
وسعر التذكره 5 يورو واليهال اصغر من 7 سنوات بلاش











وهني خلاص طلعنا من قاردا لاند وصورنا عند هذي الساعه الحلوه




بعدها القايد كان مواعد الشباب يوديهم ملعب سنسيرو وكانوا وعليه متلهفين
وقلناله الملعب يسكر الساعه 5 ونص واهو يقول الساعه 7 !!!
ووصلنا الملعب الساعه 6 والا مسكر مثل ما توقعنا مساكين ما شافوا الملعب الا من بره وما قدروا يشوفونه من داخل لأن من داخل فيه متحف وسوق يبيع ملابس وهالسوالف الي يحبونها الشباب والرياضيين

وهذا الملعب من بره








وبجذي انتهت جولتي في ايطاليا اللي استمتعت فيها مدتها 4 ايام
واتمنى انكم تكونون استمتعتوا في التقرير

 

[أم عزيـز]

ياااااااااااااي والله جنج تعيدين ذكرياتي مالت العام بميلانو .. كل الصور اللي حاطتها والاماكن اللي رحتيلها كنت رايحتلها ..

ياحلااات كومو اتينننننننن .. هنااك بيوت (( براد بيت و انجلينا جولي )) (( و جورج كلوني )) (( ويل سميث جنه و جوني ديب ))

عليكم بالف الف الف عااافيه ..

تسلمين حبيبتي والله
واحنا فعلا شفنا بيوتهم وحتى شفنا بيت شوارفسكي وبيوت بعض المشاهير والفنادق اللي الأثريه اللي عندهم وبعض المتاحف اللي تطل على البحيره

نورتي موضوعي يالغاليه

 

[{ شيوخهـ ~]

،،

إيطــاليا لهـا ذكريات حلوووه والله ..
التصــوير روعـه بصـراحه..
عليـكم بـالف عافيـه يا قلبي


،،

 

[أم عزيـز]

،،

إيطــاليا لهـا ذكريات حلوووه والله ..
التصــوير روعـه بصـراحه..
عليـكم بـالف عافيـه يا قلبي


،،

الله يعافيج يالغاليه

ومشكوره على المشاركه والمرور الحلو

 

[سحيله_الحلوه]

عليكم بالعافيه
والحمدلله على السلامه

 

[foofo]

وااااااااااااااااااااااااااو رووووووووعه مشاءالله
عليكم بالعاااااافيه يااارب

 

[أم عزيـز]

عليكم بالعافيه
والحمدلله على السلامه

الله يعافيج حبيبتي
ويسلمج يالغاليه

وااااااااااااااااااااااااااو رووووووووعه مشاءالله
عليكم بالعاااااافيه يااارب

يعافيج ويخليج يالغاليه