ساعدوني

[the-roses]

السلام علييكم
ممكن يابنات الي تحب تقرأ كتب انا ولا مره قريت كتب ومن داخلي شعور ودي اقرأ كتاب بس شلون ابدي لا تقولولي اقري جريده ادوخ ؟، اذا ممكن ابي بعد كتاب استفييد فييه عن حياتي واتعلم منه كل والامور ولكم جزيل الشكر
اختك تبي المساعده :0bee2e8d89:​

​

 

[Bq]

هلا حبوبه انتي أتميلي بالقراءه حق شنو يعني شنو ألي تحبينه روايات - معلومات عن الجسد(غير تفكيرك غير حياتك ) - معلومات عن الكون (كتاب السر )
روحي مكتيه من اشتري كتاب ورحي الكوفي الي فاتحينه حق القراء book cafe الان هنالك الأجواء تساعد يعني أشوفين كل من ماسك كتاب ويقرى فتتشجعين

وأنشاء الله اكون ساعدتج

 

[C'est La Vie]

حبيبتي حسب ميولج انتي شنو تحبين؟
روحي مكتبة واختاري كتاب يعجبج بس يكون صغير من 150 لي 200 صفحة
وتحدي نفسج انج تكملينه
وبعدين اقري غيره من الكتب اللي تعجبج وانشالله مع الوقت تطورين هالهواية
وبهالقسم مشالله في وايد مواضيع عن كتب انتي بس طبي وتخيري

 

[أخر العنقود 2007]

اقري اول كتب بسيطة مو معقدة مثل كتب العريفي اللي تتكلم عن تجارب الحياة ومواقف اللي تصير الدنيا
او اقري لعائض القرني اسعد امراة بالعلم ممتع
وبالتدريج راح تتعودين على القراءة
ودمتم سالمين

 

[7neaN]

أول شي سألي ع الكتب والروايات الحلوه عساس لا تنقثين من أولها بعدين
تكرهين القراءة أنا أوصيج بعدة كتب منها المرأة القطة وكتب دانيال ستيل ..
وأتمنى تتبعين نصيحتي لأن أنا كنت مثلج في بدايتي ..:eh_s(6):​

 

[Om eL-3a9aGeeL]

شوفي بالبداية لا تقرين شي طويل وصعب عشان لا تملين بسرعة

ابدي خطوة خطوة .. Baby steps على قولتهم

شوفي كتب عبد الوهاب السيد ..
انا ماحب كتب الخيال العلمي بس كتبه وايد حلوة واسلوبه يشد
حتى الطباعة مو خط صغير وكلام متقلقص ! .. لأ العكس يعني يشوقج انج تقرينه

الأبعاد المجهولة أول كتبه واذا عجبج اقري الجزء الثاني .. وفي غيرهم هم حلوين

:

اقريلج مجموعة قصصية .. يعني كتاب واحد فيه اكثر من قصة

عشان ما تستصعبين الموضوع القصص تكون غالباً قصيرة

اممم مرة وحدة هني كتبت عن مجموعة قصصية حلوة بس ماذكر اذا كانت حق علياء الكاظمي ولا حمد الحمد ..

:

وفي كتب عن تطوير الذات وعلم النفس وجذي .. بس تكون سهلة وتستفيدين منها بنفس الوقت
مثل لغة الجسد .. كتاب السر .. وغيرهم ما يحضروني الحين << للأمانة ما قريت ولا واحد منهم

وحوووسي بالقسم ومواضيعه بتشوفين وايد كتب حلوة وتشووق اقري اللي يعجبج

 

[حبيبه امها]

هلا اختي ..

انا مثل رايي الخوات اقري الشي الي انتي تحبينة .... لا تقرين شي تقصبين عمرج علية ....

شوفي شنو ميولج ... ويمكن ما تكتشفين بسرعه نوعي لين ما تشوفين شنو تحبين اكثر واستمري فية ... ولا تملين ولا توقفين كملي

ودشي معانا اهني اقري وكتبي تعليقاتج ... وعندج كذا رابطة بهالقسم ...هالشي ترا راح يشجعج بعد

 

[وردة الصحراء]

القراءه مهاره نفس استخدام الكمبيوتر ممارسة الرياضه الطبخ ههاا


بالتدريييج تقدرييين تقرييين


وانتي عديتيي نص الدرب لأنه عندج اراده ورغبه انج تبين تقرين : )



اشتري كتاب تميل له نفسج اى مجال تحبين انتي شعر علم نفس روايات وشرط يكووون عدد صفحاته اشووويه


وبالتدريييج لو تقرييين مبدئيااا صفحه وحده كل يووووم


عقب راح اتلاحظييين نفسج تركضيييين بالقراااءه لنج تعودتي


موفقه

 

[Anastasia]

شوفي بالبداية لا تقرين شي طويل وصعب عشان لا تملين بسرعة

ابدي خطوة خطوة .. Baby steps على قولتهم

شوفي كتب عبد الوهاب السيد ..
انا ماحب كتب الخيال العلمي بس كتبه وايد حلوة واسلوبه يشد
حتى الطباعة مو خط صغير وكلام متقلقص ! .. لأ العكس يعني يشوقج انج تقرينه

الأبعاد المجهولة أول كتبه واذا عجبج اقري الجزء الثاني .. وفي غيرهم هم حلوين

:

اقريلج مجموعة قصصية .. يعني كتاب واحد فيه اكثر من قصة

عشان ما تستصعبين الموضوع القصص تكون غالباً قصيرة

اممم مرة وحدة هني كتبت عن مجموعة قصصية حلوة بس ماذكر اذا كانت حق علياء الكاظمي ولا حمد الحمد ..

:

وفي كتب عن تطوير الذات وعلم النفس وجذي .. بس تكون سهلة وتستفيدين منها بنفس الوقت
مثل لغة الجسد .. كتاب السر .. وغيرهم ما يحضروني الحين << للأمانة ما قريت ولا واحد منهم

وحوووسي بالقسم ومواضيعه بتشوفين وايد كتب حلوة وتشووق اقري اللي يعجبج

ياسلام عليج عصقولة ..
.
فعلا جربي اول شي بمجال القصة والرواية مو على طول تدرعميين بالكتب الجادة .. ستيب باي ستيب راح تعودين انج تقرين ..
.
جربي مثل ماقالت روايات عبدالوهاب السيد ..
وروايات دكتور أحمد خالد توفيق .. يشووق
.
والقراءة متعة لكل الناس
أخوي ماعمره قرا الحين صار يقرا ..

 

[princesse X]

بصراحة ما أدري لان انا طول عمري اقرا من اول ماتعلمت الابجدية حتى كان مصروفي كله على القصصص والكتب وعودت عيالي على القراءة من صغار كنت اوديهم المكتبات و معارض الكتب اكثر ما اوديهم يشترون العاب بس اعتقد القراءة مثل اي شي رغبة وتعود