خبرة 19 سنة قراءة والموظف المثالي

[lavendar-89]

قوة بنات وصبايا وحريم وستات مو مهم الاهم انكم محبات للكتب









انا عضوة في هذا المنتدى وحبيت اقولكم على جم شغلة عن الكتب





انا من وانا صغييييييرة احب اقرأ حتى لو ما عندي كتاااب اقرأ المجلات والجرايد صفحة صفحة ما اخليها الا بعد ما انهد حيلها المسكينه واحيانا ارد اقرأ الكتب الي قريتهم من زمااااااان تبين تعرفين شنو أثر هالكتب علي اني صرت كاتبة مبتدئة والي تحب تشوف كتاباتي تدش على قسم ابداعات وراح تشوفهم وان شالله بصدد تأليف كتاب اذا تيسر اموري
انا عمري صغيير بس الكتب الي قريتها ضعف عمرين مرتين
اتمنى انكم تواصلون القراءة خاصة القراءة من الكتاب لاعن طريق التحميل لان القراءة عن طريق الكتاب تشمل كل حواسج الي هي اللمس ( لمس اوراق الكتاب ) الشم ( شم اوراق الكتاب ) البصر ( رؤية الكتاب ) السمع ( عن طريق قراءتج تسمعين الكلمات تتردد داخلج ) وغيرها من الحواس

معلووووومة او دعاااااااااية احسن مكتبة نتيجة خبرة 19 سنة هي مكتبة دار العروبة في حولي جدام مجمع النقرة الشمالي وموظفهم عدنان الصراحة مهما تكلمت عنه ماوفيه حقه رجل صاحب ابتسامة وخلق راقي وينصحج من القلب ويشجعج على قراءة نوعية كتب انتي مو متعودة عليها بعد هذي المكتبة تشمل كل الكتب على عكس باقي المكتبات واسعارها ارخص من باقي المكتبات واتمنى من الي تروح للمكتبة وتلقى عدنان تبلغه ان انا لافندر سويتله دعاية بالمنتدى والله بنات نصيحة هي احسن مكتبة غيرها مافيش هي وعدنان فديته مو تنسون ماراح تخسرون شي

 

[lavendar-89]

اتمنى في ردود عفية لا تفشلوني

 

[Anastasia]

وااي بعد عمري
يعطيج ألف عافية .. ان شالله أروحلها عن جريب ..
تسلمين حبيبتي

 

[Om eL-3a9aGeeL]

ماشالله عليج

انشالله نشوفلج كتااب بأقرب وقت

الله يوفقج ..

 

[.]

مشكوره..

ماعمري رحت لها بس يبيله ..

اهي يم العجيري؟؟

 

[lavendar-89]

مشكورين بنات فيكم البركة

 

[lavendar-89]

مشكوره..

ماعمري رحت لها بس يبيله ..

اهي يم العجيري؟؟

رونه حبيبتي المكتبة صوب المطافط الي جدام النقرة الشمالي راح تلاقون يمها محل لفساتين اعراس ولا تنسون تسلمولي على عدنان

 

[Om eL-3a9aGeeL]

توني قريت مواضيعج ..
اكثر شي عجبني .. يتراهنون على موتك ، و ما عاد

اسلوبج ماشالله راااااقي

وحسافة اذا ما شفنالج اصدارات برا المنتدى بالمستقبل ان شاء الله

بكون اول وحدة متابعتج !

بس اذا ما فيها لقافة زايدة .. شنو تدرسين؟

وبالتوفييييييييييييق :*

 

[lavendar-89]

توني قريت مواضيعج ..
اكثر شي عجبني .. يتراهنون على موتك ، و ما عاد

اسلوبج ماشالله راااااقي

وحسافة اذا ما شفنالج اصدارات برا المنتدى بالمستقبل ان شاء الله

بكون اول وحدة متابعتج !

بس اذا ما فيها لقافة زايدة .. شنو تدرسين؟

وبالتوفييييييييييييق :*

حبيبتي والله انتي الراقية وصدقيني تشجيعج انتي وبااااقي البنات تاج على راااااسي وانا اذا اصدرت كتاب راح يكون باسم لافندر بس امكانياتي الحين ما تسمح وادور شركة تتبنى المواهب انا الله يسلمج في كلية الاداب اذا تيسرت اموري حولت حقوق واذا ما تيسرت تخصصت ادب انجليزي _ فرق صح التخصصات الي ابيها بعيييدة عن موهبة الكتابه صح :dddds: وشرف لي انج تكونين من متابعيني وانتي دام اعجبوج هالموضوعين معناتها تحبين المواضيع الواقعية الي فيها تشبيهات وصور شوي خيالية صح ؟

 

[Om eL-3a9aGeeL]

^
^

صـــــح !

الله يوفقج انشالله بدراستج + كتاباتج

 

[وردة الصحراء]

ابششششريييي ولايهمج بقوووله انا من طرف لافندرررر : )



يبيله رووووحه لهل المكتبه العروووبه /

 

[قمر الليل]

موفقة بكتاباتج

بس وين قسم ابداعات ؟؟

 

[lavendar-89]

مشكورة هو يعرف اسمي الصجي بس مايعرف النيك نيم انتوا بس قولوا له وحدة اسمها لافندر امدحتك مدح والله يستااااااااهل يؤبرني

 

[lavendar-89]

موفقة بكتاباتج

بس وين قسم ابداعات ؟؟

هلا حبيبتي تلاقينه بالمنتدى العام

 

[الصبر_وياك]

صراحه انتي نصحتيني من قبل ورحتله وكان عند حسن الظن....يابختي اعز اصحاااااابي بتصير كاتبه وانا اول مشجعينها والى الامام ياااااا تؤأم لوووووووووحي

 

[lavendar-89]

صراحه انتي نصحتيني من قبل ورحتله وكان عند حسن الظن....يابختي اعز اصحاااااابي بتصير كاتبه وانا اول مشجعينها والى الامام ياااااا تؤأم لوووووووووحي

حبي قلبي عيني انتي يا بعد جبدي ما انحرم من تشجيعج
لافندر + الصبر وياك روحين وعقلين في جسد وااااااااحد الله لايفرقنا الي يقرأ يقول آميييييييين

 

[7neaN]

لوووول بدون ما تقوليلي أنا رايحه المكتبه وتهبل وتينن بصراحه
طول ما تلتفتين كتب كتب كتب حده وناسه << جان زين هالكتب كتبي :0bee2e8d89:
بس أنا الحين صار لي قرن أحن أبي أروح أي مكتبه أبي أشتري يا ربي صار فيني فقر كتب
بس إستقريت اخر شي ع مكتبة العروبه مكتبتي المفضله وبصراحه وااااااايد أحلى من مكتبة جرير ..

ويعطيج العافيه وانشاالله راح أكون حريصه ع قراءة كتاباتج
.. وأبي هم تشجيع منج أنا عندي بعد وايد كتابات بس متردده أكتبهم بالمنتدى ولا لأ
أستحي .. :eh_s(22):

بس خلاص قررت أكتبهم يمكن أحطهم بقسم القصص والروايات أو نفسج بقسم الإبداع
الله يسهل ..:eh_s(6):​

 

[نماين]

اسلوبك يووونس

وبالتوفيق ان شاءالله

وابشري ان مريتها بقول من طرف لافندر

 

[Bq]

ماشاء اللله اسلوبج حلو يبيلة أروح هل كتبة واشوف شنو فيها والحين بروح قسم الأبداعات تسلمين

 

[lavendar-89]

لوووول بدون ما تقوليلي أنا رايحه المكتبه وتهبل وتينن بصراحه
طول ما تلتفتين كتب كتب كتب حده وناسه << جان زين هالكتب كتبي :0bee2e8d89:
بس أنا الحين صار لي قرن أحن أبي أروح أي مكتبه أبي أشتري يا ربي صار فيني فقر كتب
بس إستقريت اخر شي ع مكتبة العروبه مكتبتي المفضله وبصراحه وااااااايد أحلى من مكتبة جرير ..

ويعطيج العافيه وانشاالله راح أكون حريصه ع قراءة كتاباتج
.. وأبي هم تشجيع منج أنا عندي بعد وايد كتابات بس متردده أكتبهم بالمنتدى ولا لأ
أستحي .. :eh_s(22):

بس خلاص قررت أكتبهم يمكن أحطهم بقسم القصص والروايات أو نفسج بقسم الإبداع
الله يسهل ..:eh_s(6):​

هلا حبيبتي تسلمين على كلامج وبعدين ليش ما تنشرين كتاباتج ترى بنات المنتدى ما يقصرون معاج يشجعونج ويعلمونج اخطائج وصدقيني شعور ان الواحد يقرأ كتاباتج ويرد عليهم شعور حلو اتمنى انج تجربينه وناطرة ابداعاتج :ggdw: