Book Addicts Anonymous

[Q8NanY]

الله وناسه خوش بيت
شحالت المنظر ابى ارووووووح
انا عجبنى نفسى حوارهم الله لو كويتين لووووووول جان طلقها وفضحها هههههه
مع ان انا اعرف كويتين مطلقين ماشاء الله جذى
يالله اليله بكمل ما ادرى وين وصلت حد القراءه بطيئه وغصب

 

[ScarletteO'Hara]

سكارليت جنج تدرين!!


انا خوش ابنيه بس عيبي الشرعي الكسل!!


والله مو مني المشكله عندي كثر من شغله اسويها بنفس الوقت!! الله كريم ادعولي الله يسهلها علي وانال اللي في بالي


ان شاءالله ما ايي يوم الخميس الا واناقش معاكم باذن الله .. بس اتصدقون من اول جم سطر مليت! ماقريت لستيفن كينغ من قبل بس مادري ماجذبني اسلوبه عادي؟ وا بس اول شي؟

​

الله يعينج حبوبة, الله يسهل عليج يا رب
انا مثلج اول جم صفحة غصب قريتهم و وايد سهيت بس كل ما تعمقت بالقصة حسيتها شوي تحسنت
انا عموما قارية كتابين له
the dark half
misery
القصص تكون حلوة بس للاسف اهو ممكن يخربها بالتفاصيل الزايدة

 

[ScarletteO'Hara]

و اخيرا
كتابي وصل
الحين راح اقدر اقرى نفس الاوادم

 

[C'est La Vie]

لوووول اخيراا
قرت عينج :dddds:

 

[ScarletteO'Hara]

بويه نبييج
امبيه بس ما كنت ادري ان الكتاب هالكبر
744 صفحة بالتمام و الكمال
بس من غير القصة الاولى حاليا راح اقرى تقريبا 500 صفحة
الله يعين

 

[C'est La Vie]

سكارلت الروايات اللي قريتيهم حق stephen king نفس المستوى ولا احسن؟

 

[ScarletteO'Hara]

للحين انا شايفتهم نفس المستوى
من ناحية الكتابة و الطوالة نفس الشي

 

[Q8NanY]

لسلام انا وصلت الفصل 22 يعنى المستوى تحسن شوى
انا عندى احساس ان السالفه كلها من ورا تيم رفيج زوجتها شكلها جذى
يعنى صح اسلوبه وايد تفاصيل بس مثلا القصه الاولى كانت حلوه وتشد هل مره لانها تدور على شخص واحد صارت ممله شوى

 

[~Luxury]

مرحبا بنات ولهت عليكم اخيرا خلصت القصه الاولى

صراحه مااستمتعت في قرايتها احسها معقده وممله واحس نفسي ضايعه في تفاصيل الاحداث


ماحبيت هالكاتب




شكلي بكمل معاكم في التصويت ال2


ولكن بقرا تعليقاااتكم على باجي القصص ال 3

 

[rawona]

هاااااااااااااي بنات شلونكم؟؟


واخيرا ابتديت امس بقراية القصة ..!!

بس انا اشوي confused !!


ابتدت الستوري جنه الكاتب ستيفن كينغ اللي يتكلم وتال نقز على الكاتب مرت بطل القصه والريال اللي هدده وقاله انه باق قصته!! شالسالفه؟؟


اللي فهمته so far ان مورت كاتب انفصل عن مرته من فترة قصيرة وقرر يعيش فتره بهالكوخ او البيت اللي حطلتلنا سي لافيي صورته لووول


وoutta nowhere he found himself facing this strange واللي على مافهمت اهوا نفسه يطلع جون شوتر؟


شوفي انا اشوي ضعت الحين هذا شوتر اشيبي من مورت؟ ليش يهدده؟

ولما مورت كان يشرب بيبسي والورقة علقت في الطابعه شنو صار؟ شنو اللي مو له؟


صج صج صج القراءه من السكرين متعبه حيل!! راتح احاول اكمل معاكم بس توبه بعد ما اشارك وياكم اذا مافي كتاب مطبوع لووووول


احلى شي عجبني مس غرين لما قالها اسف انه كب البيبسي قالتله it's my job! نفس اللي عندنا بالبيت بالضبط!! زين ما ياكلونا بلسانهم هههه


اوكي باكمل واقولكم شصار معاي :ada:

​

 

[C'est La Vie]

ناني مع الوقت راح يبين


luxury حيالله الغالية شلونج فقدناج؟
اللي يريحج حبيبتي موعدنا التصويت يوم الخميس انشالله


روونا مورت كاتب توه متطلق من مرته
وييله شوتر يتهمه انه بايق قصته
فمورت يقوله انا بييبلك دليل ان هالقصة انا نشرتها قبل ما تكتبها انت
بس الدليل هذا ببيت طليقته مو عنده الحين
فيتحداه شوتر يقوله عندك 3 ايام على ما تييب دليلك

 

[Q8NanY]

القصه بدت تحلى واخيرا بدى تسيفن كنج يخلينا نشك ونفكر ماراح اقول اكثر

 

[rawona]

ناني مع الوقت راح يبين


luxury حيالله الغالية شلونج فقدناج؟
اللي يريحج حبيبتي موعدنا التصويت يوم الخميس انشالله


روونا مورت كاتب توه متطلق من مرته
وييله شوتر يتهمه انه بايق قصته
فمورت يقوله انا بييبلك دليل ان هالقصة انا نشرتها قبل ما تكتبها انت
بس الدليل هذا ببيت طليقته مو عنده الحين
فيتحداه شوتر يقوله عندك 3 ايام على ما تييب دليلك

اي قريت بعد وكملت وعرفت السالفه صج الاحداث قامت اتصير حلوه وتشد اكثر كل ماقريتي More


​

 

[×~NoOoSh~×]

مرحبااا بنااااات اشتقت لكم .. sorry انشغلت عن الbook club .. بس للاسف my lap اخترب وتونى صلحته
القصه الاولى
القصة وايد كانو يلفون ويدورون
ويستبقون الاحداث
وايد ضيعو وقت بتجاربهم اللي مالها داعي
تسلسل الاحداث كلش ما كان مترابط
الى ضحكنى ان بداية القصه يتنى كأبه هههههههههههههههه بس ليمن وصلت النص حبيت القصه
براين : اهو الليدر بالقصه
راح اعطى القصه 6من 10

القصه الثانيه تونى باديه فيها شكلها حلوه

جاوووز​

 

[C'est La Vie]

Noosh Welcome back
miss u too 7bebty

ميرسي على المناقشة
يالله شدي حيلج بالقصة الثانية :ggdw:

 

[ScarletteO'Hara]

وصلت لي الجزء 36
صح كلامكم القصة بالبداية كانت مملة و الحين صارت احلى
عشان جذي ما حبيت احكم عليها مبجر
خصوصا و اني عارفة النهاية
بس هم الفلم كان احلى بواااااااااايد
يمكن عشان جوني ديب اهو مورت؟

 

[C'est La Vie]

سكارلت انتو سابقيني
انا ليلحين 22
يالله شوي والحق عليكم :RoadRunner:

 

[Q8NanY]

وصلت لي الجزء 36
صح كلامكم القصة بالبداية كانت مملة و الحين صارت احلى
عشان جذي ما حبيت احكم عليها مبجر
خصوصا و اني عارفة النهاية
بس هم الفلم كان احلى بواااااااااايد
يمكن عشان جوني ديب اهو مورت؟

انا هذا للحين الشى الوحيد الى شادنى انه جونى ديب هو البطل بس اخلص القصه بشوف الفلم

 

[C'est La Vie]

بنات ترا نكتهم اللي يقطونها مو قاعدة استوعبها :080402ask_prv:

 

[đeɱɛɼɑ™]

هاااااااي بنااات
لي الحين ما خلصت قراااية صاير فيني كسسل ما ادري لييش

المهم بنات شنو chapter 36 !! قمت اشك بالنسخة اللي عندي
عدد الصفحات اللي قاعدة اقراها بالنت بس 84 معقووولة بهال84 صفحة فيه 36 chapters ؟؟؟!!