أم عزيز في سويسرا

[أم عزيـز]

مرحبا بناااااااااااات

اليوم راح احط لكم صور رحلتي حق سويسرا وكانت 4 ليالي
عقب ما خلصنا من ايطاليا انتقلنا حق سويسرا بالباص وكانت الرحله تقريبا 4 ساعات
لكن ماشاء الله تبارك الله صج سويسرا جنه !!! وين ما تمشون تشوفون هالخضار والجبال والغيوم النازله والبحر الصافي والشلالات فعلا جنها لوحه مرسومه رسم
وخاصه بيوتهم موزعه فوق الجبل يمين ويسار اشكالها مثل الأكواخ ذكرتني في هايدي لوووول

شوفوا المناظر هذي حوالينا اول ما دخلنا سويسرا







شوفوا مجرى النهر اشلون صافي ومنظره حلو





اهني نزلنا فر استراحه بسويسرا نص ساعه وصورنا عند هالمنظر الروعه





شوفوا البيوت فوق الجبل اشحلاتها مثل الأكواخ





وهني شوارعهم تشوفون الون الأخضر على يمينكم ويساركم



[/url

 

[أم عزيـز]

طبعا الفندق اللي سكنا فيه اسمه سويس اوتيل في زيورخ كان وايد حلو وهادي ومكانه بعد حلو وجدامه محطه مترو ويمه مجمع حلو لتسوق وكانت الأسعار حدها رخيصه وبنفس المجمع ماكدونالدز
وحتى خدمه الفندق كانت حلو وسريرهم كبير وراهي
المهم ارتحنا ساعه ونص وبعدها القايد قالنا يبي يودينا السوق !! قلناله مانبي نروح السوق بنروح بروحنا
وفعلا القروب راح معاه السوق واحنا رحنا بحيرة زيورخ وكانت رووووووووعه ماشاء الله تبارك الله وفيها سفن تودينا بجوله في البحيره وتشوفون المناظر والجبال والطبيعه الحلوه ما ودكم تخلص هالرحله
وانا عن نفسي كنت طول ما انا بالسفينه مجابله البحر والطبيعه واقول سبحان الله تبارك الخالق في ما خلق
وهم هناك كان في بط وحمام عيالي جابلوهم وقعدوا يوكلونهم كالعاده لوووووووول

اهني بالسنتر مال زيورخ طبعا اهو كبير وايد كله مجمعات ومحلات ماركات عالميه بس سوقهم وايد غالي



وهني عند البحيره في صوره حق الثور على نافوره ولدي صور يمه لوووول



عيالي قاعدين يوكلون البط والحمام فديتهم والله









شوفوا البطه مع بنتها تشووووووق



طبعا هني لما صعدنا السفينه وانا قعدت اخذ لي جم لقطه حق المنظر الحلو حوالينا









وهذي صوره من شارع زيورخ يم البحيره وايد نظيف وشرح وحلو

 

[أم عزيـز]

طبعا احنا بهالجوله السابقه كنا برفقه واحد من معارف زوجي عنده عايش في زيورخ وعنده خبره عن الأماكن الحلوه اللي فيها
بعدها اقترح علينا يودينا جبل في زيورخ نصعدله بالتلفريك ويقول القعده فيه حلوه وشرحه
وانا صراحه ما مانعت لأني ما ابي اضيع يوم في سويسرا وفعلا رحنا حق هالجبل .... بنات المكان كان حده روعه والجو كان وايد حلو صعدنا بالتلفريك وحوالينا الون الأخضر ونشوف بحيره زيورخ من بعيد ماشاء الله تلمع من كثر ما ان الماي صافي

هذي صور من التلفريك









وهذا واحد كان فوقنا نازل بالبراشوت من فوق الجبل



وهني لما صعدنا قمه الجبل صورت زيورخ ماشاء الله شكلها اينن من بعيد



كان في مكان هناك حق ألعاب يهال عيالي وايد استانسوا ولعبوا وخذوا راحتهم مع إن الألعاب بسيطه لكنها بالنسبه حق اليهال حلوه وهذا اهم شي





[/url

احنا طولنا هناك يمكن قعدنا 3 ساعات وكنا لازم ننزل لأن اخر تلفريك يحرك الساعه 10 على ما اظن
وبدت زيورخ تظلم لكن المنظر لين الحين اينن

[url=http://fashion.azyya.com]





وانتهى هاليوم بسرعه ما حسينا فيه من كثر ماكان حلو وخفيف وبعدها رجعنا الفندق وحطينا راسنا ونمنا لأن ثاني يوم كان مواعدنا القايد يودينا رحله حق جبل تيتلس الثلجي

 

[أم عزيـز]

ثاني يوم قعدنا من الصبح مبجر وزهبت بوالطو عيالي وكبابيسهم الشتويه ودسوسهم علشان الثلج وكانوا وعيالي وايد مستانسين انهم بيشوفون الثلج وانا مستانسه اكثر منهم لووووووووووووول
ركبنا الباص متجهين حق تيتلس وكان قاعد يطق مطر خفيف والجو غيم
تخيلوا معاي منظر الغيم واهو نازل علينا جنه ظباب امبيييييييييه المنظر خياااااااااال طول ما احنا بالباص نشوف المناظر الحلوه والغيم والبرااااااد ،،، شوفوا معاي الصور









هني لما وصلنا وصورت عيالي ووراهم البقر



وهذا منظر المنطقه الحلوه



وهني ولدي بالتلفريك وشوفوا المنظر من وراه حده روعه





واهني لما وصلنا و شفنا الثلج



شوفوا بنوتي واهي ماسكه ثلجه بعد عمري قاعده تقولي بااااااااااااااالد (يعني بارد لوووول)








يتبـــع ،،،،

 

[أم عزيـز]

واهي ركبنا تلفريك ثاني بس مثل الكرسي وريولنا معلقه بالهوى والثلج تحتنا وحوالينا كان احساس حده عجييييييب









طبعا استانسوا اليهال لأن هناك كان مثل طفاحيه نقعد علينا ويدزونا من فوق الجبل الثلجي وتصير مثل الزحلاقيه بس حسافه ما صورتها المهم بعدها رجعنا مره ثانيه ودخلنا مثل كهف ثلجي موجود واااااااااااااايد بارد المكان عيالي ثلجوا بعد عمري بس صج المكان كان يونس كهف من ثلج










يتبــع ،،،،

 

[أم عزيـز]

بعد ما استانسنا رجعنا مره ثانيه بالتلفريك عشان ننزل وماشاء الله نشوف منظر الثلج لما يذوب مثل الشلال نازل على الجبل



وهني غزاله قاعده فوق العشب حدها تشوق



والبقر صورتهم من فوووق



وخلاص اهني نزلنا علشان نركب الباص ونروح منطقه لوزيرن



طبعا رحنا لوزين ووصلنا الساعه 5 ونص بس للأسف طلعت المراكب اللي تاخذنا في جوله تسكر الساعه 5
وما قدنا ناخذ جوله في بحيره لوزان والقايد ما خلانا نقعد نتمشى في المنطقه بس ودانا نشوف تمثال الأسد النائم
كان شكل التمثال وايد حلو وفكرته حلوه وهذي جم صوره حق التمثال





طبعا لاحظت ان في البحيره اللي تحت تمثال الأسد خرده !!! الناس قاعدين يتمنون ويقطون فلوس الظاهر عبالهم تتحقق امنياتهم لووووول



وبجذي انتهى ثاني يوم لنا في سويسرا تابعوني في ثالث يوم بسويسرا

 

[أم عزيـز]

ثالث يوم القايد اقترح علينا يودينا يوروب بارك اللي في المانيا والطريج تقريبا ساعتين ونص !!!
وانا طبعا مع 3 عوايل قلنا ما نبي نروح لأن ايامنا في سويسرا بس 4 ليالي !! ليش نطلع منها ونروح المانيا يوم كامل بس ملاهي ؟ لا ويمكن زحمه والجو حااااار ويصير فينا مثل ما صار في جاردا لاند اللي في ايطاليا
طبعا في عوايل يبون يروحون اهو وداهم وانا اقترحت على زوجي نروح حديقه الحيوانات اللي زيورخ علشان عيالي يستانسون

راح زوجي حق الريسبشن وسألهم عن تور يودي حديقه حيوانات وبنفس الوقت ياخذنا في جوله بزروخ
وفعلا حجزنا تور من الفندق وبسعر حلو مدته 3 ساعات اخذنا في جوله بزيورخ

طبعا هذا متحف موجود يم موقف الباصات اللي يودينا رحلات عجبني شكله وصورته بس صراحه ما ادري متحف شنو




وهني بالجوله نزلونا عند بحيره زيورخ وصورت النافوره شكلها احلى من جذي بصراحه بس لأن الجو شوي حار ما قدرت اصورها وايد



وبعدين بالجوله ودونا حق اغلى واقدم فندق في زيورخ شكله حلو ومكانه وايد حلو





وبعدين وصلونا حديقه الحيوانات واهم كملوا باجي التور

 

[أم عزيـز]

شوفوا البطريق حده يشوووق واهو يسبح بالماي اينن اول مره اشوف بطريق صجي





هذي بنتي مصوره ووراها وحيد القرن لوووول



وهذا الياهل يشوق اسم الله عليه قاعد يلعب في الماي



وهني مثل استراحه وقعده تعبنا شوي من حديقتهم وايد كبيره قلنا نريح فيها وكان فيها العاب يهال











وهني خلاص عتبنا من الحر كان الجو وايد حار طلعنا وركبنا القطار عشان وبنتي لقت لها رفيجه بالقطار وقعدت تلعب معاها لووووول



طبعا عقب ما خلصنا حديقه الحيوانات كانت الساعه 5 تقريبا وكان قريب زوجي عازمنا على غده في شقته (غده كويتي مجبوس يمي يمي لووول) رحنا تغدينا عنده وكان تحت شقته في حديقه حلوه وشرحه وفيها العاب يهال قعدوا اليهال ولعبوا استانسوا ورجعنا الفندق الساعه 9

 

[أم عزيـز]

رابع يوم القايد كان مكلمنا وقايل لنا أخر يوم راح يودينا شلالات الراين ومصنع الكاكاو واحنا وافقنا نروح معاهم لأن هالرحله ما تطوف
وكان بنفس اليوم مطر خفيف وبراد والجو حلو

ماشاء الله الشلال كان وايد قوي وصوته عالي والاحساس ما ينوصف صراحه المنظر رهييييييييب









هني في قوارب تأجير علشان ياخذ فينا جوله لي الشلال وفعلا حجزنا لجوله بالتجاه الشلال









واهي وصلنا الشلال ونزلنا والشلال كان يمنا بالضبط وماشاء الله وايد قوي

 

[أم عزيـز]

شوفوا السمج من قوة الشلال قاعد يطامر بصراحه منظر رووووووووعه







طبعا هني قاعد يزيد المطر بس ما ودنا نطلع من هالمنطقه ودنا نجابل الشلال والطبيعه الحلوه



وبعدها رحنا مصنع الكاكاو للأسف ما قدرت اصوره الا من بره لأن ممنوع التصوير من داخل حسافه
بس كان سعر الكاكاو وايد رخيص مقارنة بسعر جمعياتهم وانا خمطت كاكاو اشكثر حق الصوايغ وحقنا لووووول



وانتهى اخر يوم لنا في سويسرا وكانت دوله ما تنسى واكيد راح ازورها مره ثانيه
فعلا تستاهل الزياره كافي انها نظيفه ومنظمه ومرتبه وأمان ومافيها حراميه واخلاقهم حلوه وطبيعتها خيال

اتمنى التقرير يعجبكم

 

[rawona]

عليكم بالعافيه .. المناظر روعه ​

 

[أم عزيـز]

عليكم بالعافيه .. المناظر روعه ​

الله يعافيج حبيبتي
مشكوره على مشاركتج

 

[حضاره]

عليج بالف عافيه ام عزيز

انا والله رحت سويسرا بس للاسف مازرت هالاماكن الحلوه00

ان شاءالله معوضه 00استفدت واااااايد من تقريرج00

بارك الله فيج00

 

[سنفورة]

مشكووووووووووورة ام عزيز عالتقرير الرائع وسويسرا جنه سبحان الله

انا رحت انترلاكن وجنيف

انترلاكن رووووعه اتينن وجنيف لوووعه ومافيها شي وصخه ههههههههههههههههه

وزيورخ يمدحونها ومن صورج حبيتها

 

[سنفورة]

ام عزيز يوم قلتي ممنوع التصوير بمصنع الكاكاو استغربت لان انا صورت عااادي
بس لما شفت صورته من برة مو نفس اللي رحنا له

احنا اللي رحناله مصنع نستلة

 

[ريوف البحرين]

مشاء الله الله يهنيكم وتقريرج اشد من روعه مشاء الله عليج شوقتيني اروح

 

[أم عزيـز]

عليج بالف عافيه ام عزيز

انا والله رحت سويسرا بس للاسف مازرت هالاماكن الحلوه00

ان شاءالله معوضه 00استفدت واااااايد من تقريرج00

بارك الله فيج00

الله يعافيج حبيبتي
وعلى فكره في اماكن وايد روعه في سويسرا انا نفسي ما قدرت اغطيها المره اليايه ان شاء الله اذا الله كتب ورحت راح اغطيها مثل هايدي لاند وبحيره بلوز اللي ميته واشوفها وانترلاكن وايد يمدحونها وفي منطقه ثانيه اسمها بادن هم يقولون عنها روعه

مشكووووووووووورة ام عزيز عالتقرير الرائع وسويسرا جنه سبحان الله

انا رحت انترلاكن وجنيف

انترلاكن رووووعه اتينن وجنيف لوووعه ومافيها شي وصخه ههههههههههههههههه

وزيورخ يمدحونها ومن صورج حبيتها

صاجه حبيبتي بس المشكله انترلاكن ايد كانت بعيده عن زيورخ عشان جذي ما قدرت اروحها
وجنيف لأنها العاصمه مو شي محد يمدحها وجوها حار بس حوالينها اماكن حلوه
اما زيورخ تره روعه وجوها حلو وتمشي فيها يرد الروح بس السوق ناااااااااااااار صراحه

ام عزيز يوم قلتي ممنوع التصوير بمصنع الكاكاو استغربت لان انا صورت عااادي
بس لما شفت صورته من برة مو نفس اللي رحنا له

احنا اللي رحناله مصنع نستلة

هذا المصنع اللي كان قريب عن زيورخ ورحناله في مصانع كاكاو وايد بسويسرا
اللي انا حاطه صورته كاكاوهم وايد حلو وخفيف ولذيذ وسعره وايد رخيص مع انه طعه وايد حلو
وكنت متشوقه اصور المصنع من داخل لأن فيه شغلات وايد حلوه وحتى حاطين بذره الكاكاو الأصليه وثمره الكاكاو وشلون يحولونه حق بودره ويخلطونه مع بعض المواد مثل السكر والزبده والحليب علشان يسوون منه منتج يديد بس للأسف المره اللي دخلتنا المصنع وقاعده تاخذنا في جوله عينها علينا ما خلتنا نصور

مشاء الله الله يهنيكم وتقريرج اشد من روعه مشاء الله عليج شوقتيني اروح

مشكوره حبيبتي والروعه تواجدج

 

[سينتيا]

عليج ستين الف عافيه

 

[هاديهـ&مطيعهـ]

ماشاء الله عليكم بالعافيه عجبني تمثال الأسد النائم الحمدلله على السلامه

 

[أم عزيـز]

عليج ستين الف عافيه

يعافيج ويخليج حبيبتي

ماشاء الله عليكم بالعافيه عجبني تمثال الأسد النائم الحمدلله على السلامه

تسلمين يا قلبي يعافيج
اي والله شكله وايد حلو وفيه جباله قعده حلوه