رحلة علاج بنتي بالهند .. سؤال وجواب

[فالنسيا الكويت]

السلام عليكم ورحمة الله وبركــاتــه ​

حبوبــاتـــي ،،،، امسي عليكم بالف خير واتمنى ربي يقر عيونا بشوفت اولادنــا يمشون جدام عيونــا .. آميين

بخصوص رحلة علاجي بالهند مع بنتي ... حبيت انقل لكم تجربتي مع الرحلــة عشان اقدر افيدكم .. عســى ربي يكتب فيها الشفــاء لكل اولادنا وبناتنا .....

:ada:وراح اخلى موضوعي على طريقة السؤال والجواب ... عشان توصل المعلومة بسرعــة لكم:ada:

وللي تحب تستفسر عن اي شــئ يخص الرحلة تحط سؤالها هني وراح اجاوب عليها ((ان شاء الله) بأسرع ووقت وأقرب فرصـــة


وبالنهــايــة حبيت اشكر كل من سألت عني في رحلة علاجي .. وعسى ربي يفرحكم بالاخبار الحلوووة لعيالكم . امييين​

 

[الصابرة المحتسبة]

 

[فجرالعيد]

ماعليه أبي أسأل شنو حالة ولدج؟
ورحتي الهند عشان العلاج الطبيعي؟
ودمتي والله يشفي وليدج ويفرحج فيه

 

[الصابرة المحتسبة]

الأسئلة تكون عامة أفضل( يعني شنو حالة بنتج أو ولدج )خل تكون أسألتنا عن العلاج والتكاليف وأحسن دكتور وغيرها من المواضيع العامة وشاكرة حسن تعاونكم.

 

[نونا العتيبى]

هلا أختي فالنسيا وين سويت العلاج بأي منطقه ؟؟وشنو كان نوع العلاج ؟؟تدرين أن الهند شطار بسوالف الأعشاب والتدليك
وهل حسيتي بتقدم في علاج بنتج؟؟وبس سويتيلها علاج وفي معاه شي ثاني؟؟وتنصحينا نروح لها؟؟؟
وآآآآآآآآآآسفه عالأطاله

 

[فالنسيا الكويت]

الأسئلة تكون عامة أفضل( يعني شنو حالة بنتج أو ولدج )خل تكون أسألتنا عن العلاج والتكاليف وأحسن دكتور وغيرها من المواضيع العامة وشاكرة حسن تعاونكم.

يزاااااااااااااج الله خير حبووبة
وان شاء الله انا جاهزة للاسئلــة وحياااااااااااااكم​

​

 

[فالنسيا الكويت]

ماعليه أبي أسأل شنو حالة ولدج؟
ورحتي الهند عشان العلاج الطبيعي؟
ودمتي والله يشفي وليدج ويفرحج فيه

بنتي عندها شلل دماغي ناتج عن نقص الاكسجين بالمخ
,,,, وسوى عندها اعاقة حركيــة .... يعني حاليا اهي عمرها 6 سنوات وما مشت للحين((الله يفك اسرها ويطلق ريولهــا))
ورحت للهند عشان اسوي لها علاج طبيعي .... والحمدلله​

 

[فالنسيا الكويت]

هلا أختي فالنسيا وين سويت العلاج بأي منطقه ؟؟وشنو كان نوع العلاج ؟؟تدرين أن الهند شطار بسوالف الأعشاب والتدليك
وهل حسيتي بتقدم في علاج بنتج؟؟وبس سويتيلها علاج وفي معاه شي ثاني؟؟وتنصحينا نروح لها؟؟؟
وآآآآآآآآآآسفه عالأطاله

هلا فيج حبوووبة
سويت لها العلاج بمنطقة اسمها كيرلا.... بقريــة اسمها((كوتيكل))
العلاج عبارة عن علاج طبيعي بالزيوت الطبيعية والاعشاب .. وما شاء الله اهم شطارين حيل بالتدليك والمساج
والحمدلله في تحسن واايد بالعلاج .... كانت الله يسلمها ماتقعد بروحها .. الحين تقعد بروحها بدون مساندة .. وقبل كانت تمشي خطوتين .. والحين ماشاء الله 5 خطوات ,,, يعني في تقدم كبير خاصة وانا احنا قعدنا شهــر بس .. يعني خلال هالمدة ويبين النتيجة هااذي .. وااايد زين

العلاج عبارة عن تدليك للرأس لمدة 30 دقيقة تقريبا ... وباقي الجسم 30 دقيقة ....((لاحظي يدلكون الراس ويركزون على الرأس ))..... الصبح ساعة .. وبالليل ساعــة ...... وساعة 8 مساء يجي دكتور حق التمارين يسوي لها حركات وتمارين بالعمل ....

وانا انصح الكل اللي عندهم اعاقة حركية بالذات... يروحون للمستشفــى خاصة وانها معقولة التكاليف يعني واايد اسعارهم زينــة​

 

[نونا العتيبى]

الحمدلله علي الأخبار الطيبه ,,وتشوفينها تركض جدامج ,,كل شي يبيله صبر حبيبتي ,,والله آنا مثلج يا فالنسيا أمنيتي أن بنتي تمشي جدامي
والحمد لله أهيا قاعد تتحسن يوم عن يوم بس الأنسان عجول وده كل شي يصير بسرعه ,,وخصوصا بالنسبه للي صار عنده نقص أكسجين
فتطوره بيكون بطئ
هم عندي جم سؤال,,أشلون الأقامه بالهند ؟؟يعني في فندق قريب المستشفي؟؟وأشلون تعاملهم معاكم ؟؟وناويه ترجعين مره ثانيه؟؟
يا حسرتتتتتتتتتتتتتتتتتتتتتتي جنه صار أستجواب خخخخخخخخخ

 

[فالنسيا الكويت]

الحمدلله علي الأخبار الطيبه ,,وتشوفينها تركض جدامج ,,كل شي يبيله صبر حبيبتي ,,والله آنا مثلج يا فالنسيا أمنيتي أن بنتي تمشي جدامي
والحمد لله أهيا قاعد تتحسن يوم عن يوم بس الأنسان عجول وده كل شي يصير بسرعه ,,وخصوصا بالنسبه للي صار عنده نقص أكسجين
فتطوره بيكون بطئ
هم عندي جم سؤال,,أشلون الأقامه بالهند ؟؟يعني في فندق قريب المستشفي؟؟وأشلون تعاملهم معاكم ؟؟وناويه ترجعين مره ثانيه؟؟
يا حسرتتتتتتتتتتتتتتتتتتتتتتي جنه صار أستجواب خخخخخخخخخ

صدقتي الانسان بطبعة عجوووول ... بس ابس اسألج تعرفين احد يبيع الصبر عشاان اشتريــه ......آآآآآآآآآآآآآه خليها على الله

بخصوص سؤالج :
المنطقة اللي سكنا فيها ((كوتيكل)) تعتبر قريــة يعني مو متطوورة حييل بس كل شئ فيها ((تقريبا)) متوفر
والناس فيها طيبين ومالهم شغل فيج ومن ناحية الامان الديرة اماان .. وكلهم يتكلمون عربي يعني ما تووهقين بالتفاهم معاهم

وحبيت اوووضح لج بالنسبة للعلاج والسكن .... المركز اهو سكن اهو علاج ((واااااااااو) يعني انتي تسكنين بالمركز والعلاج بنفس المركز ... واايد حلووو .... وسكنهم عجيب وحلوووو نظام شقق ....
وتعامل الطاقم ممتاز .. كل ما يشوووفونج يسلمون عليج:dddds: حتى لو بعد دقيقة.....

وان شاء الله رادة لهم على شهر 12 او 1 اليااااي (ان شاء الله)

ملاحظة مهمــة : اذا عندج اي سؤال ... لا يردج الا لساانج ...((بس كل شئ بحسابــه )):krkrkr::krkrkr:

حبووبة انا وودي اخدمج انتي وخواتي وانقل لكم تجربتي عشان تستفيدون منهــا​

 

[الصابرة المحتسبة]

يعطيج العافية يافالنسيا ويارب يطمن قليبج أكثر وأكثر.
نونا شلونج يالغالية؟؟

 

[غزووووووله]

واي يا قلبي نفس حالة بنتي

عسى الله يفرح قلوبنا بصحتهم ونشوفهم يمشون

اللهم آمين

بسألج جم كلفج العلاج عندج ؟؟؟؟؟؟؟

واكون شاكرة لج

 

[فالنسيا الكويت]

يعطيج العافية يافالنسيا ويارب يطمن قليبج أكثر وأكثر.
نونا شلونج يالغالية؟؟

الله يعافيج حبوووووووووبة:tek:​

 

[فالنسيا الكويت]

واي يا قلبي نفس حالة بنتي

عسى الله يفرح قلوبنا بصحتهم ونشوفهم يمشون

اللهم آمين

بسألج جم كلفج العلاج عندج ؟؟؟؟؟؟؟

واكون شاكرة لج

هلا حبوووبة ,, الله يخلي لج بنيتج وتشووفينها عرووس جدام عينج
وبالنسبة لتكلفــة العلاج تقريبا 15 دينار سكن وعلاج ((وااااااااااااااااااو)) واايد مناسب للي تبي ترووح على حسابها​

​

​

 

[نونا العتيبى]

مشكوره يا فالنسيا ماقصرتي ,,,ربي يوفقج ويرزقج ويعطيج علي قد نيتج ,,,
والله يا الصابره نووفه بخير وللحين بالبحرين مستمره عالعلاج وبنرد بنص الشهر الجاي ,,
نوووووووووووفه تبي من مشرفتنا الدعاء,,

 

[الصابرة المحتسبة]

نونا ربي يشافيها ويعافيها لكم إن شاءالله

 

[زهرااا]

الله يشافيها ياااااا رب

 

[فالنسيا الكويت]

مشكوره يا فالنسيا ماقصرتي ,,,ربي يوفقج ويرزقج ويعطيج علي قد نيتج ,,,
والله يا الصابره نووفه بخير وللحين بالبحرين مستمره عالعلاج وبنرد بنص الشهر الجاي ,,
نوووووووووووفه تبي من مشرفتنا الدعاء,,

نونا ربي يشافيها ويعافيها لكم إن شاءالله

الله يشافيها ياااااا رب

مشكووورات حبووووووبااااااااات على تواااصلكم ​

​

 

[ريناااد]

الحين بنتك كم نسبة نقص الاكسجين عندها؟ وهل عندها شد ولا لأ؟

الله يعطيك العافيه..

 

[فالنسيا الكويت]

الحين بنتك كم نسبة نقص الاكسجين عندها؟ وهل عندها شد ولا لأ؟

الله يعطيك العافيه..

؟؟؟؟؟؟؟؟؟؟؟؟؟اختى ماقالوا لي انها نقص الاكسجين فيه نســب !!!!...
وعندهــا شد بيدينها وريوولهــا ​