تجميع للاستفسارات حول تجميل الانف @@

[virgoo]

ابله روضه سالي الدكتور اليوم عن الهوا الحار وعن النقاب وعن الحكه ماعليج أمر

ويله هانت ماباقي شي جم ساعه وتفتكين وطمنينا عاد

 

[@جنى@]

بنات هل اللحمه الي تحت الارنبه الي فوق الغرز الخارجيه ان شاء الله شرحي واضح
هل عادي تكون منفوخه يعني هل بعدين ترجع لوضعها

 

[ms world]

ما فهمت جنى

 

[ms world]

روضه انا امس تسبحت وغسلت شعري بروحه وجسمي بروحه ههه يعني ويهي كلش ما صاده ماي ..

واستشورت شعري هههه !!!

انزين بقولج الساعه جم موعدج ..

ابسرعه روحي ورجعي نبي نعرف شصاااااااار بالتفصيل .. واشرايج في خشمج ...

 

[ms world]

بنات بسألكم المراجعه الي بعد العمليه بفلووووس !!!

كفايه الي دفعته 2200 دينار مو ناقصه بعد !!

 

[اشوريا]

دايموند
اها جديده انا حسيت انما عندها سالفه عشان كذا قلت خليني اكلمه اخذ من راسه
طيب متى يكون موجود صدق الساعه 7 ونص
لان المغرب عندنا يأذن 6و40 دقيقه
ما شاء الله اهم شي طلعت قصت الخشم حلوه ولا الباقي صبري عليه كله تفافيخ وبعدين تروح

بنات الغرز اللي داخل الخشم اهيا من نفسها تذوب وتروح اما الخارجيه لازم يفكونها


مس وورد
يعني تراجعين عند دكتور ثاني اها لان لو كتب الله وجاء دكتور العجمي اكيد في المراجعه الاخيره بيخلي دكتور ثاني يتابعني بس ودي اهوا اللي يتابعني لان من كثر اللي شفته من الدكاتره احس ماعندهم ضمير اهم شي الفلوس حسبي الله عليهم

ابله روضه
هانت اليوم ترتاحين ان شاء الله ولا اوصيك حكيه لين تقولين بس طلعي كل حكة الاسبوع اللي طاف ههههه امزح انتبهي حتى تلمسينه خليه يتدلع اهم شي يطلع زي ما تبين واحسن

 

[اشوريا]

بنات بسألكم المراجعه الي بعد العمليه بفلووووس !!!

كفايه الي دفعته 2200 دينار مو ناقصه بعد !!

لااااااااااااااااااااا وش فلوسه كلها من الدفعه الاوليه حتى المراجعه اللي بعدها من الدفعه

 

[ms world]

وااااااااااااااااااااااااي


باجر موعدي

بشوووف خشمي وااااااااااااااااااااااااااااي

 

[@جنى@]

ما فهمت جنى

انا قصدت المكان الي بين الفتحتين الحين منفوخ جدا
مادري كلكم كذا ولا لا؟

 

[virgoo]

بنات بسألكم المراجعه الي بعد العمليه بفلووووس !!!

كفايه الي دفعته 2200 دينار مو ناقصه بعد !!

انا عن نفسي وعند دكتور منذر العجمي اي 15 دينار دفعت مع الجل حق اثار الغرز

 

[ابلة روضه]

بنات شلونكم رحت موعدي اليوم مت الغرز تعور لان كان عليها دم يابس بس يلا افتكيت الحمدالله وشيلت الجبس اشوة ما تعور اما بنات كنت لاهيه بشوفة خشمي نسيت اسئله عن النقاب والدخات لووووووووووووووووول بس بشوف خشمي يننته هههههههههه حتى يقولي مالا داعي متفوخ نطري قلتله ما اقدر حتى قبل لا ينظفة نطيت عالمظرة

 

[ابلة روضه]

اشوة صج متفوخ بس مبين شغله حلو ومظبوط مع العلم خشمي صعب وتعديل من عقب عبد المحسن جعفر مبدئيا عاجبني وراضيه وقالي ببعد راح يفش ويحلى اكثر والاسبوع الياي يعطيني الحبوب اللي تضعفه زياده

 

[ابلة روضه]

اشوريا حبيبتي سالته يقول راح يروح مستشفى الحمادي على ما اظن بس ليلحين ماحدد موعد الزيارة لان ماتم الاتفاق الاكيد فدقي كلميهم احسن واظمن

 

[ms world]

هلا ابله روضه

الله يفرحج ..

استانست لج وايد كنت احاتيج ..

عقبالي استانس ع خشمي باجر..

الله يستر من هلحشوات ..

بس بسالج شال الجبس ما حط لج غيره ؟

 

[ms world]

الحيت تنفسين من خشمج روضه .. ما في صعوبه؟

 

[virgoo]

مبرووووووك ابله روضه هياااا واخيرا افتكيتي صج مو راحه تامه بس الجبس الثاني أهون من الغرز
وحسافه ماسألتيه عن النقاب والدخان بس اهم شي ان خشمج عجبج لووول
يالله يالله هانت انشالله على نهاية الاسبوع الياي كل وحده فينا تسوي حفله على شيلة الجبس النهائي

 

[ابلة روضه]

:ggdw:الحين الدور على مس وورلد ناطرين النتيجه بشرينا عاد

 

[ms world]

واي متشوقه حده ..

بس مدري ليش اشوف فتحات خشمي مع الحشوات صايرين جنهم خنافر هههه

والا هاي بسبب الحشوات وبعدين يصغروون ؟

طمنوني

 

[ابلة روضه]

:ggdw:

هلا ابله روضه

الله يفرحج ..

استانست لج وايد كنت احاتيج ..

عقبالي استانس ع خشمي باجر..

الله يستر من هلحشوات ..

بس بسالج شال الجبس ما حط لج غيره ؟

حط لي واحد ثاني لي الاسبوع الياي وخلاص فنش

 

[virgoo]

الا بسالج ابله روضه العياده اليوم كانت زحمه والا لأ؟؟
عندي مشكله بداخل وحده من الفتحات اللحمه اللي فوق نازله وودي اروحله بس اخاف زحمه مايستقبلني والا اخليها لي موعدي الاسبوع الياي اقوله شرايكم بنات؟؟