قروبات الوسيط (تم دمج المواضيع)

[أم@الحلوين]

؟؟؟؟

 

[أم عزيـز]

السلاااااااااااااام عليكم
رديت من السفر صايرلي يومين
آآآآآآآآآآآآآآآخر مره ياسفريات الوسيط

الف الحمدالله على سلامتج حبيبتي
عسى ما شر ؟؟؟؟ شنو صار معاج

 

[سينتيا]

الحمد الله على سلامتي امس رديت من تايلند مع سفريات الوسيط والقايد كان حسام الوهابي بوعبدالوهاب ماقصر وراح اوافيكم بالتفاصيل انشالله

 

[أم عزيـز]

الحمد الله على سلامتي امس رديت من تايلند مع سفريات الوسيط والقايد كان حسام الوهابي بوعبدالوهاب ماقصر وراح اوافيكم بالتفاصيل انشالله

الف الحمدالله على سلامتج حبيبتي
والله لج وحشه يالغاليه
تو ما نور الموضوع برجوعج
وناطرين التفاصيل يالغاليه
ان شاء الله تكون سفرتج حلوه واستانستي فيها

 

[أم@الحلوين]

الحمد الله على سلامتي امس رديت من تايلند مع سفريات الوسيط والقايد كان حسام الوهابي بوعبدالوهاب ماقصر وراح اوافيكم بالتفاصيل انشالله

حمد الله على السلامه


نورتي يالغاليه



وعليج بألف عافيه



ناطرين التفاصيل على نار

 

[أم عزيـز]

ام الحلوين شلون الجو بالنمسا ؟؟؟ ان شاء الله كان حلو وبارد ؟؟

 

[أم@الحلوين]

ام الحلوين شلون الجو بالنمسا ؟؟؟ ان شاء الله كان حلو وبارد ؟؟

وااااااااو الجو عجييب براد اينن وبزيلامسي عالم ثاني اخر يومين قام يطق مطر ماشالله عزير يبناه معانا ميونخ
وانتوا شلون الجو بإيطاليا وزيورخ؟؟

 

[أم عزيـز]

وااااااااو الجو عجييب براد اينن وبزيلامسي عالم ثاني اخر يومين قام يطق مطر ماشالله عزير يبناه معانا ميونخ
وانتوا شلون الجو بإيطاليا وزيورخ؟؟

ماشاء الله تبارك الله والله زين

احنا تخيلي عكسكم لووووول الجو في ميلانو حار درجه الحراره عندهم 30
ولما رحنا سويسرا قلنا بنفتك من الحر لقينا عندهم الجو حار !!!! تخيلي درجه الحراره 25 يعني المفروض نحس ان الجو زين بس استغربنا ان شمسهم حاره وقاعدين نعرق وايد !!! بس حسينا بالبراد لما رحنا الثلج والشلالات

واشوه لما رحنا المانيا صار الجو كان بارد ومطر غزير استانسا وايد واخيرا شفنا البراد لوووووول
مع ان سويسرا المفروض جوها يكون ابرد جو بس على حظنا عندهم موجه حر واليوم زوجي قالي درجه الحراره في زيورخ 30 !!! يعني العن من لما كنا هناك اشوه رجعنا لوووووول

 

[أم@الحلوين]

يالله حمدالله اهم شي استانسنا


امس كنت اقول حق ملكة روحي ان أم عزيز طلعت اهيه اللي كانت قاعده عندي بالريوق تخيلي قبل ثواني ملكة روحي كانت تقولي خل نسأل عن ام عزيز وقامت جان انتوا تقعدون على طاولتهم شفتي الصدف

 

[أم عزيـز]

يالله حمدالله اهم شي استانسنا


امس كنت اقول حق ملكة روحي ان أم عزيز طلعت اهيه اللي كانت قاعده عندي بالريوق تخيلي قبل ثواني ملكة روحي كانت تقولي خل نسأل عن ام عزيز وقامت جان انتوا تقعدون على طاولتهم شفتي الصدف

اي والله خوش صدفه بس للأسف انا ما ثبتكم كنت لاهيه بعيالي لوووول
شوفي السفر حلو مع اليهال خاصه ان قلبج مطمن انهم معاج وتحت عيونج بس لازم تستحملين
انا صراحه كنت يوميا اغسل الملابس الوصخه مالت عيالي واكوي ملابسهم من بليل حق باجر
واقعدهم الصبح مبجر وامشط شعور بناتي وزوجي يسعادني في تلبيسهم وانا اخر شي البس عقب ما اتأكد انهم خلصوا علشان ما نتأخر على القروب والحمدالله دايما ننزل مبجر عمرنا ما تأخرنا مع ان عيالي اصغر ناس في القروب بس انا حريصه على الوقت

 

[أم@الحلوين]

والله نفسي انا يوميا على هالحال واليهال صج لهم حركات اتنرفز بس كافي انهم تحت عينج

 

[الناعسه@@@]

الله يسلمكم آسفه عالتأخير
بس اللي صار فينا مع سفريات الوسيط اول مره يصير فيني
مع اني مجربه الفضاء والرايه كل سفريات فيها عيوب بس مو جذي
اول يوم طلعنا من الكويت ترانزيت قطر الطيران حلو ومافيه شي
وصلنا الفندق 8 الصبح تقريبا في توقيت زيورخ المفروض ناخذ الغرف
راح يبشرنا القايد انه مافيه غرف الساعه 4 العصر ناخذهم
هذا اول يوم
هلكنا من التعب يقول تسوقو بالسنتر واحنا يايين من تعب وطياره
امرنا لله شنسوي رحنا السنتر
واستلمنا الغرف الساعه 4 العصر
رحنا الشلالات رووووووعه استانسنا صراحه وبس
وكل مايكنسل عايله او عايلتين الرحله كنسل الرحله كامله الله يهديه القايد

والمصيبه بازل اللي بسويسرا
وصلنا بازل قريبه من زيورخ مكتوب في العقد فندق سويس هوتيل
ودونا فندق اسمه (ميركيور) والله مومكتوب بالعقد الاول اللي حجزنا فيه كتبوه لما سلمنا فلوسنا (سويس هوتيل اوميركيور)
بازل الايام الاربعه اللي قعدنا فيها كانت حااااااااااره
والفندق مافيه تكييييييييفeh_s(14)::eh_s(14)::eh_s(14)::eh_s(14)::eh_s(14)::eh_s(14)::eh_s(14):
والحشرا ت ذبحونا لما نبطل الدرايش
القايد يماطل فينا بنغير الفندق حار مافيه تكييف وماغيروه
واحسن شي بالفندق انه يم السنتر على طول
رحنا لحديقة الحيوان في بازل
رحنا يوروبارك مدينة العاب بالمانيا استانسنا فيها وايد
وقرر يودينا رحله للبرشوت الساعه 12 الظهر طبعا محد راح معاه راح اهو بروحه
وبازل تسوقنا فيها لان مافيها غير السوق وماودنا نرجع الفندق لانه حاااااااااااااااااار:krkrkr:


اما باريس آآآآآآآآآه ياباريس
المكتب في الكويت قالو تبعد بازل عن باريس 3 ساعات
واحنا صدمنا القايد قالنا 5 ساعات
لما صعدنا الباص سايق الباص يقول للقايد من 8 الي 10 ساعات
لاااااااا ماعطونا خبر
يوم كاااااااااااامل ضاع بالباص

في باريس كان الفندق حلو والرحلات منظمه واستانسنا فيها الحمدلله كان ختامها مسك

بازل تعبنا من الفندق مااقدر انام وايام شكثر ضاعت علينا
عالعموم الرحله بشكل عام كانت حلوه وخاصه في سويسرا:ada: كان من الممكن انها تكون احلى

بس الغلط مومن القايد من السفريات

وآآآآآآآآآآآسفه عالاطاله

 

[الـحـ الاول ـب]

مرحبا بنااااااااااااات شلونكم

والله بصراحه رحلتنا خووووووش رحله
انا رحلتي كانت 27/6
فيينا زلمسي ميونخ
والقروب خوووش ناس بصراحه
وكان عددنا 18 شخص ومامعانا اطفال اصغرنا بنت
عمرها 16 سنه مع اهلها
واللي العيبه الوحيده اللي صارت من قايدنا
وعقبها تاب ووقع تعهد للقروب ان مايعيد سالفته
ان القايد خارها بالطياره وشرب واين
لين ماوصل لمرحله الترجيع وانتو بكرامه
ولما نرزلنا من الطيار الكل نزل الا اهو
وتعال عاد شينزله الاخ طفح
وياخذه زوجي وواحد من السباب اللي معانا
وينزلونه وبنقعد تقريبا بالمطار حول 4 ساعات
ننطر شيصير فينا وكل القروب اول مره يزور النمسا
ومني مناك غسلو وجهه ماكو فايده اخر شي استلمنا واحد من الشباب
اللي بالقروب ولا المسكين كان هاليوم ثاني يوم من عرسه
واحنا الحريم خلونا بالباص والقانون الردي ان اذا السياره واقفه في باركنج مايشتغل التكييف
لان لما وصلنا فيينا كانت حاره وخسنا من الحر
وطبعا اول يوم راح علينا لان الاخ حبسوه الشباب بالغرفه
ولما صحصح ثاني يوم وقع التعهد وانضبط واعتذر وطلع خووووووش رجال
ماقصر معانا لان حس بغلطته وعوضنا وودانا اماكن موجوده بالجدول صج استانسنا
وودانا اماكن واجد وحلوه

 

[أم عزيـز]

الناعسه@@@

سويس اوتيل موجود بزيورخ مو في بازل
وكان خوش فندق وايد حلو وهادي
الظاهر غلطانين عاد صج الجو بسويسرا هالسنه كان وايد حاااااااار !!!!
وفعلا احنا بعد مثلكم قالوا لنا المسافه من ميلانو لي زيورخ بالباص 3 ساعات طلعت 4 ساعات ونص او 5 ساعات
ونفس الشي المسافه من زيورخ لي ميونخ كانت 4 ساعات مع انهم قالوا حيل قراب من بعض !!! طلع كله كلام
وحتى سفرتنا المفروض تكون 15 يوم يوم حسبناها 13 يوم !!! لأن اليوم اللي وصلنا فيه الكويت 24/7 الفير !! يعني محسوب علينا واحنا بالكويت

انا صراحه صج استانست وعيالي استانسوا وتعرفنا على ناس وايد زينين وحبوبين
لكن اللي خلاها تهون علينا ان تقريبا 5 رحلات رحناها بروحنا من غير القايد انا وزوجي وعيالي وحد راحها من القروب غيرنا لأن القايد كان بيوديهم سوق او مكان مسافته بعيده ومو عاجبني

وانا استغرب اشلون تلغي الرحلات عندكم اذا عايله او عايلتين كنسلوا ؟؟ احنا تخيلي بس كنا 6 عوايل
يوم قال بوديكم يوروب بارك 3 عوايل ما يبون من ظمنهم احنا ومشت الرحله وما تكنسلت !!!

المهم ان استانستوا وغيرتوا جو

-----------

الـحـ الاول ـب

حمدالله على سلامتج يالغاليه نورتي المنتدى والله لج وحشه
الحمدالله ان استانستي بسفرتج وغيرتي جو
بس تعالي شنو هالقايد المشفوح من اولها بالطياره طاح له تدردع لوووووووووووول

 

[الـحـ الاول ـب]

الله يسلمج ام عزيز

وهم انتي حبيبتي الحمدالله على السلامه
عادي ياقلبي حتى احنا مره من المرات وحده من العايلات
مابغو يروحون معانا والقايد قال اذا ما راحو راح تتكنسل الرحله
والقروب اعترض وقال لنا مالكم الا حل ان قيمه الباص راح
تترفع بحيث مبلغ العايله اللي ماراح تروح يتقاسم بينكم
يعني اذا باليوم ياخذ علينا 30 اذا هالعايله ماراحت ياخذ عن كل شخص
35 يقول انا متفق مع الباص على انكم عدد كامل والكمال لله
وصارت هالحركه معانا 3 مرات ومن منو من نفس العايله
ولا مره من المرات كنسلو لنا رحله بس احنا راضين
لانهم خوش ناس وقروبنا كان كلاهم قلوبهم على بعض
اي قايدنا فشلنا حتى موظفه الجوزات نقدت علينا تشوفنا
محتاسين ولما جابوه الشباب قالت لهم هذا قايدكم الله يعينكم
ومايمديكم وصلتو اكيد انتو خليجيين هني تفشلنا نقدت علينا
وشوفي عاد شكلنا بالمطار تايهين

 

[الناعسه@@@]

الناعسه@@@

 

[الناعسه@@@]

ام عزيز حبيبتي احنا مرينا على فندق في بازل اسمه سويس هوتيل همن موجود في بازل ومكتوب في العقد ودونا فندق يمكن نجمتين موشي بالمره
بس احنا من حسن الحظ زيورخ كانت باااااااااااااااارده والمطر استقبلنا من اول مانزلنا من المطار وفي زيورخ مطر في مطر زين اللي لحقنا على برادهم
امافي بازل درجة الحراره30
بس لو اشيل الايام اللس ضاعت علينا تصير السفره كلها 11 يوم
باريس بالعاده حاره هالمره مطر وبراد والجو روعه

 

[الناعسه@@@]

الحب الاول
سالفة قايدكم صراحه قوييييه
تدرين عاد اهو اللي حجز تذاكرنا وقالنا انه رايح بالتاريخ مالكم سبحان الله زين اللي مارحنا
اسلوبه كان حلو وفاهم ومن كلامه انه مافي مكان باوربا مو رايحله
اخراتها سكران لاااااااااموشي

 

[الناعسه@@@]

الله يسلمج ام عزيز

وهم انتي حبيبتي الحمدالله على السلامه
عادي ياقلبي حتى احنا مره من المرات وحده من العايلات
مابغو يروحون معانا والقايد قال اذا ما راحو راح تتكنسل الرحله
والقروب اعترض وقال لنا مالكم الا حل ان قيمه الباص راح
تترفع بحيث مبلغ العايله اللي ماراح تروح يتقاسم بينكم
يعني اذا باليوم ياخذ علينا 30 اذا هالعايله ماراحت ياخذ عن كل شخص
35 يقول انا متفق مع الباص على انكم عدد كامل والكمال لله
وصارت هالحركه معانا 3 مرات ومن منو من نفس العايله
ولا مره من المرات كنسلو لنا رحله بس احنا راضين
لانهم خوش ناس وقروبنا كان كلاهم قلوبهم على بعض
اي قايدنا فشلنا حتى موظفه الجوزات نقدت علينا تشوفنا
محتاسين ولما جابوه الشباب قالت لهم هذا قايدكم الله يعينكم
ومايمديكم وصلتو اكيد انتو خليجيين هني تفشلنا نقدت علينا
وشوفي عاد شكلنا بالمطار تايهين

قلناله هالكلام وما عندنا مانع انه يوزعون الباجي علينا بس اهو يقول تطلع مثلا للشخص 80 بس الباص فبعض الناس مايقدرون يدفعون تطلع عليه بس الرحله بالباص بدون تذاكر ولا شي 500
ولا بعد مافيه مخطط يمشي عليه يقعد باللوبي شرايكم وشرايكم هذا يعارض وهذا يعارض فما نروح مكان

 

[أم@الحلوين]

حمدالله على السلامه الحب الاول انشالله استانستوا

امبيييييييييييييييييه شنو هذا قايدكم مايستحي لا يكون سعيد مبارك من صجه!!!!!!

لازم تقولون حق السفريات وين قاعدين احنا