رابطة "دودات الكتب " .. حياكم

[الؤلؤة السوداء]

السلام عليكم ورحمة الله وبركاته

شلونكم بنات..شخباركم

قصة بؤس لستيفن كنج ..
هالقصة إبدااااع إبداااااع إبداااع .. القصة سوداوية وكئيبة لكن فعلا تعيشين بجو الأحداث لحظة بلحظة
وتنقهريين .. أهيا قصة كاتب مشهور ومعروف والناس متيمين بكتاباته ... يصير له حادث مرة واهوا سكران بعاصفة وتنقذه ممرضة معجبة بكتاباته .. تعالجه وتباريه بس ريوله مكسورة وركبه متفتتة فطايح بالفراش .. تمحي آثار سيارته وهويته وتحبسه عن العالم الخارجي لمن يصير في عداد لمفقودين .. وتبدي تستغله وتخليه يكتبله واهوا تحت رحمتها تعذييب واي .. والنس يدورون عليه والشرطة تدور واهوا يحاول ينبهم بس مايشوفونه ..
.

أنا عندي هالرواية لكن ما كنت متشجعة أقراها
لكن الحين لما قريت الملخص تشجعت واااااايد
لأن شفت فيلم نفس هالرواية بالضبط والظاهر هو مقتبس عنها والفيلم كان روووووعة

سلسلة روايات عائلة أوفقير
قريت منهم 2
السجينة .. للبنت الكبرى مليكة أوفقير إبدااع لا يوصف
الغريبة .. لنفس الكاتبة مليكة أوفقير .. قمة في السخاافة والتفاهة ضيعت وقتي على تفلسفها ومبالغتها
الضيوف عشرون عاما في سجون الحسن الثاني .. لرؤوف .. أنا ماقريتها صراحة رفيجتي خذتها معاي بمعرض الكتاب ب 11 دينار وتقول سياسية بحته كلها تورايخ وأسماء جنرالات !
.
تنصحيني أقرا لفاطمة حدائق الملك .. والحياة بين يدي لسكينة أوفقير ؟؟ ولا مجرد تكرار لايخلو من إملال ؟

عندي رواية السجينة لكن ما قريتها ليلحين ..أصلاً نص الكتب اللي عندي ما قريتهم هههه

​

 

[وهج الحب]

السلام :
انا قصة بؤس هذي تعبتني نفسيا طوال قرأيتها والله طول يومي اتحندى واسب هذا اذا هديتها لدرجة ان زوجي كان يقولي خليها تولي ما تسوى عليك اول مرة اشوف حد يقرأ ويتعذب وبعدين قعدت من الليل الى اليوم الثاني بس عشان اكملها وارتاح ..
صج قصة قوية ..عموما انا امووت على ستيفن كينغ

 

[وهج الحب]

السلام :
انا السجينة يوم شريتها وقريتها صج تعاطفت معها قلبا وقالبا رغم انها ما اعجبتني لا هي ولا اهلها كلهم في تمسحهم لاجانب انهم يحبون ينادون بصلاتهم على مريم العذراء عيل كيف مسلمين وتصلون صلاة مسيحين ...
والله انا اللي ينقال عني اني منفتحة اكثر من اللازم اشمئزيت من هذه النقطة ورغم اني دائما اقول كلا حر بدينة وفكرة ولازم ما نصادر حرية الاخرين بس ما عجبني هالتسمخ للجوخ على قولهم ..
أ- سكينة .
ب- وامها اللي علقت الصليب ونص كلامها تقول انها مسلمة قمة النتاقض بكلامهم ..
ج - سكينة المجنونه عاد هذي كتابها قسم بالله اللي يريد يشترية يتصدق بالفلوس افود له على الاقل يأخذ اجر اما بقرأة كتابها ما يلقى اي فايدة .. وبعد هم رجعت انها تصلي للعذراء لانها امرأة وتفهمهم وبعدين اكفرت بالكل ..وخلصت عمرها ..
د- اما رؤف هذا اللي شوي عاقل فيهم ما قال غرمياته بكتابه تمسح عاد هذا باليهود مرة واحدة وان ابوه راضع مع يهودي ويروح ويرجع عليهم وعلى انه منفتح مع دينهم...
واللي ايضا ما عجبني بكتهم تكلمهم عن الجنس وكيف انهم اطلعوا مفاجيع بحثا عن هذه الغريزة وتنقلهم من رجل لاخر ... اما الام ما قصرت من اول كتابها وهي تتحدث عن خيانتها لزوجها ..
اما كتاب روؤف هو صحيح ممل بس انا حبيته لانها وضحي امور كثيرة هم يحاولون يخفونها عن ابوهم ان ابوهم كان مقرر يقتل الملك وعائلته كاملة وهو ينكر هذا الشئ لكن سبحان الله يزل احيانا وهو يشرحج ويناقض مع نفسة ..
انا بعد عجبني مذكرات واحد اسمه احمد المرزوقي عاد هذول صج تعذبوا انا شفته بالجزيرة والحين ادور المذكرات ..
انا بصراحة لا احب التعذيب ولا ان ياخذ حد بجريرة احد بس ما تشوفون ان حرقة قلب لما احب ناس واكرمهم واقربهم مني واسويهم اكثر من عيالي وارسلهم مدارس خارجية يتعلمون وووو ... وبعد اتفأجأ انهم يريدون قتلي وعائلتي واخذ السلطة مكاني ..انا اشوف المعتقلين اللي في تزامارت كلهم اجمعوا ان محمد اوفقير هو المخطط الرئيسي لكل الانقلابات واتفق مع الفرنسين ومع اللاسرائلينن والامريكان على هذا الامر ... استغفر الله اللهم لا تبليني حرقة القلب خاصة للي عنده سلطة تسوي اكثر من جذية بس انا اشوف عقابه لباقي الجنود افظع صج ..اقصد هنا اللي بسجون تازامارت ..
واسفة اني طلعت عن الموضوع بس احيانا افكر من هذه الناحية .. اقصد ناحية الملك ولاني قرأت كتابه ذاكرة ملك وهو قال هذه النقطة يوم سأله الصحفي الفرنسي قال افظع شئ مر عليه بحياته هو انه انطعن بالظهر من اقرب الناس له

 

[نبض الجود]

بنات السجينه حلووه اشووف جم صفحه بهالموضوع وانت وتتكلمن عنها

 

[وهج الحب]

السلام:
اليوم العب بالساحة صج ما دخلت يومين باغسل صدري صج ..
1- نماين:
تراها هي اللي تكتب تكتب مسلسل بون او تعطي الافكار اذا مالها خلق تكتب ..
2- ترا بعض اللي مدح لي شيكاجو شجعني شوي والله لي كم يوم ما قريت الا المقدمة واشوفها على الطاولة كأني اطالع فار خايفة ومشمأزة منه..
3- انا ما احب الكتب اللي تعتمد اعتماد كلي على الجنس .. لاني احس اللي كاتبها ضيف ويريد الشهرة عن هذه الطريقة بس .. كنت يومني صغيرة اقرأ للكتاب المصرين من نجيب محفوظ لاحسان عبد القدوس وغيره ورغم شهرتهم وتمدح الناس وخاصة لنجيب محفوظ ما عجبني لانه وايد يتكلم عن الجنس ... ومن اخذ الجائزة والكتاب اعرفوا ايش يريد الاجانب عشان يترجمون كتبهم ويشتهرون بالتالي العب على الوتر الجنس وصاروا ركضة حتى صار الكتاب السعوديين الان ما اخذين هذا الجانب بعد المصريين ..
وهذا اللي مش مخليني اخاف من قصة شيكاجو اخاف ما القى الا هذي السالفة وبس ..

 

[ياعيونك]

السلام:
اليوم العب بالساحة صج ما دخلت يومين باغسل صدري صج ..
1- نماين:
تراها هي اللي تكتب تكتب مسلسل بون او تعطي الافكار اذا مالها خلق تكتب ..
2- ترا بعض اللي مدح لي شيكاجو شجعني شوي والله لي كم يوم ما قريت الا المقدمة واشوفها على الطاولة كأني اطالع فار خايفة ومشمأزة منه..
3- انا ما احب الكتب اللي تعتمد اعتماد كلي على الجنس .. لاني احس اللي كاتبها ضيف ويريد الشهرة عن هذه الطريقة بس .. كنت يومني صغيرة اقرأ للكتاب المصرين من نجيب محفوظ لاحسان عبد القدوس وغيره ورغم شهرتهم وتمدح الناس وخاصة لنجيب محفوظ ما عجبني لانه وايد يتكلم عن الجنس ... ومن اخذ الجائزة والكتاب اعرفوا ايش يريد الاجانب عشان يترجمون كتبهم ويشتهرون بالتالي العب على الوتر الجنس وصاروا ركضة حتى صار الكتاب السعوديين الان ما اخذين هذا الجانب بعد المصريين ..
وهذا اللي مش مخليني اخاف من قصة شيكاجو اخاف ما القى الا هذي السالفة وبس ..

عباره عن شنو قصة شياجو

ومنو كاتبها ؟

 

[توله بلوله]

اختي غرفك ديزاينر راح اقول لها اذا تقدر اتسوي شعار ، صراحه انا احب اقرا و اكتب بعد بس من دشيت الطب تبخرت الهوايات بس ودي ارد اقرا صراحه متعه

 

[وهج الحب]

السلام :
الكاتب علاء الاسواني وانا ترا ما قريت الصفحة الا الاوراق الاولى لكني بعزم وانا من طبعي لو القصة لوععععه اكملها اكملها ..
انا شفت له مرة لقاء يتكلم عن هاي القصة ويقول انها عن فترة دراسته بأمريكا بس مش كل اشخوص حقيقة وهي عن مجموعة بنات كل واحدة لها قصتها وانا لما اخلص القصة باقولج سالفتها عدل ..
والحين حابة اقول لكم القصص اللي عندي وباقراها وهي متسلسة حسب دورها بالقراية :
الرقم الكتاب المؤلف
1- القنفـــــــــذ زكريا تامـر
2- تحت الصفـــر.. ساندرا براون
3- يوميات دراجة نارية ارنسو تشي غيفارا
4- ويأتي الغـد.... نبيل فاروق
5- المنتظــــــــــر. عبدالله غازي المضف
6- وتحدث العلم... سند راشد.. محمد العنزي
7- سعوديون في أميركا تركي الدخيل
8- يوميات خادمة في الخليج محمد التونجي
9- الهارب....... ستيفن كينغ
10- الان نفتح الصندوق ج1 احمد توفيق[/
COLOR]11-العبقري البسيط. ديفيد بالديتشي
12- الوداع ..رجل المستحيل نبيل فاروق
13- قلب الخطــر.............. باتريشيا كورنويل
14- 17.......... عبدالوهاب السيد
15- لاس فيغاس مع التحية سند راشد
16- الهــدية....... سبنسر جونسون
17- عزيزي الرئيس بوش سيندي شيهان
18- وآخـــرتها؟.... انيس منصور
19- النساء من الوفرة الرجال من العبدلي احمد عبد الحميد الحيدر
20- زيارات ليلية ........... عبدالوهاب السيد
21[ قانون الجذب ............ مايكل جيه.لوسيير
22- عشاق الادرينالين سند راشد
23- بنات إبليس ............ محسن الهاجري
24- رحلة في القلوب سحر غلوم
25- الان نفتح تاصندوق ج2 احمد خالد
26- كنت في افغانستان تركي الدخيل
27- عقل بلا جسد ........... .احمد خالد توفيق
28- المنتظرة سر مريم المجدليه كاتلين ماك غوان
29- يوم الحدث .......... خالد عادل النصر الله
30- ذكرى الابنه المفقودة كيم ادواردز
31- لغز العظام.... كاتي رايكس
32- نادي مفيسو.... تيس جريتسن
33- حكاية رجل اسمة دايف دايف بيلزر
34- لاتهتم بصغائر الامور في العلاقات الزوجية ريتشارد كارلسون و كريستين كارلسون
45- غزو الأشباح.... هاري وبستر
46- لا تهتم بصغائر الامور فكل الامور صغائر ريتشارد كارلسون
47- الاحتفاظ بهدوئك جيل لندنفيلد
48- كيف تتحرر من مخاوفك وهواجسك راغدا أسعد
49- مائة طريقة لتحفيز نفسك ستيف تشاندلر
50- لقد هذه الأغية من قبل ماري هينز كلارك
51- حكومة الظل منذر القباني
52- مئة عام من العزلة جابرييل جارسيا
53- مصر مش امي دي مرات ابويا اسامة غريب
54- بنت سيناء محمد التونجي
55- فتاتان صغيراتان في ثياب زرقاء..... ماري هينز كلارك
56- مياه الفيل...... ساره جروين
57- دموع في ليلة الزفاف قماشة العليان
58- بوش تحت المجهر جوستن فرانك
59- شيفرة دافنشي التحقيق ماري فرانس و فرديك لونوار

 

[Anastasia]

شكليطة
للأسف صار الجنس والاباحية بالرواية عنصر جذب وعامل طردي لنجاح الرواية العربية !!
أنا خبري يحطون تلميحات .. كلمة .. جملة .. هاذا تجاوز كل الخطوووط والحواجز .. شرح تفصيلي !!
.
BaTTyوي عيل اشوا ماخذيت يوتوبيا ..
أنا كتب د.أحمد خالد توفيق اللي مسويهم عندنا حاطة عليهم اكس حمر من زمان .. دايما مجموعة قصصية والأفكار نفسها نفسها ! غير الأسلوب الصادم صراحة !
.
اللؤلؤة السوداء
.
عليييج نوووووووور ز. سووها فلم بس عتيج شوي
اقريها اقريها شناطرة .. حتن السجينة تهبل ..
.
وهج الحب.
صاااااااااجة .. امبي والله مقدرت انام ولا أعيش نفس الأوادم الا يوم خلصتها .. هم وانزااح
وهاذا احى مافيها .. تعيشج جو الرواية وتخليج تتفاعلين معاها عدل عدل جنج أحد الشخوص .. لاحظي اني وصفتها بالأبداع مو (تهبل أو تينن أو عجيب)
لأنها رغم سوداويتها إبداع .. روايات إدجار آلان بو ولافكرافت .. رغم سوداويتها وكآبتها وقنوطها .. لعالم أجمع يشهدلهم بابداعهم الامحدود ..!
.
وبالنسبة للسجينة
وااي معقوولة .. والله نفس ملاحظاتي ..
عيل شلوون لو تقرين الغريبة !!!! مو شي صراحة مضيعة وقت
عالعموم .. رواية السجينة (رغم النقاط الي ذكرتيها والسلبيات العديدة) تبقى رواية مؤثرة في الوجدان الجمعي حاليا ..
قابلتها أبرا ونفري وخلت كتابها هاذا بالنسخة الانجليزية (Stolen Lives ) كتاب الشهر لندي أبرا للكتاب
هههههههههه
واي واي حدي ضحكت على تعليقج عن سكينة ههههه آخر شي كفرت فيهم اثنيناتهم هههههه
ههههه ولا سالفة المفاجيع هههه والله صاجة ههه .. أنا انبطت جببدي يوم تقول مليكة ( وقررنا أن نعيش معا طول العمر لن نتزوج بل سنقيم علاقات حب كثيرة العديد منها )
استغفر الله حتن عبداللطيف .. اللي عيونه تفتحو بالسجن ويوم طلع انشفح عالدنيا وقعد بالفندق عباله قطار .. تقول عنه بكتابها الغريبة انه حضرته رااايح وماااشي بمغامراات جنسية عديدة !!!
أما فاطمة .. هههههه حلللوة اهي وخيانتها .. اصلا سنة من السنين تطلقت من زوجها وراحت مع حبيبها وسكنوا بفرنسا .. وريلها الجنرال اوفقير زوجه الملك .. عقب ردوا .. وااي انا عرفت شنهي نمونتها من هالموقف !
.
انقلاب الصخيرات ومحاولة اغتيال الملك كللها من تحت راس هالجنرال .. ويستاهل اللي ياه .. بس اهله حرام مالهم شغل
.

 

[Anastasia]

بنات على ما أظن( جنه) محد معطيني فيـس ​

لا والله محشوومة .. عزيزة وغالية حبيبتي
.
قلتي ماتحبين تقرين فصحى ؟
واي لييش احلى شي الفصحى ..
.
جان تبين كتاب لهجة عامية شوفي (سعوديات) لسارة العليوي تلاقينها بجرير..
و (لعبة المرة الرجل ) لنفس الكاتبة
وهم (بنات الرياض) لرجاء الصانع
.
ما حبيتهم وايد .. بس صدقيني يعجبونج
.
تقرين قصص نت ؟
قوليلي شقريتي وعجبج .. انا ودي اقرا هالسوالف هاليومين طاقة جبدي
.
قريت من قصص النت
.
تعبت أشكي : أول قصة نت اقراها .. اندمجت معاها حييل .. بس ماعجبتني
سعوديات في بريطانيا : حليوة .. وانا حزتها كنت مييتة عليها .. عقب ماخلصتها اكتشفت انها نسخة شبه مطابقة لبنات الرياض !
.
بنات السفير : وييييييييييععع .. تقول ان ابوها سفير بدولة اجنبية .. بس كل الناس والشخصيات والأحداث سعوديين لايلتزمون بالحجاب والحريم يسوقون ..باختصار السعودية بس متأمركة .. ماكملتها من ملاقتها

عشاق من أحفاد الشياطين : لنفس كاتبة سعوديات في بريطانيا .. أهيا حلوة وتينن .. بس تحسين فعلا ان مراهقة اللي كاتبتها
.
هذيلي الروايات لاحظت فيهم عدم نضج القلم .. وحسيت انهم مجرد مراهقات يعبرون عن احلامهم ونظرتهم لفارس الاحلام المثالي فيها احداث غير منطقية ومليقة كثيرا
.
صاحب الظل الطويل : للكاتبة إيميلياأمل .. نككككتتته .. وايد حبيتها
.
ملامح الحزن العتيق : هالرواية .. تينن .. الكاتبة مو مراهقة .. تحسين في نضج بالاسلوب .. والأحداث منطقية ومتماسكة
القصة مبدعة ومختلفة تماما عن نمط قصص النت في قصص الحب المتكررة
.
عندما عبروا حدود الظلام : فيها نضج .. لكن احيانا فيه شغلات ماتدش العقل .. جميلة هالرواية واحطها بالمركز الثاني عقب ملامح الحزن العتيق
.
هاتي اللي عندك

 

[Anastasia]

السلام :
الكاتب علاء الاسواني وانا ترا ما قريت الصفحة الا الاوراق الاولى لكني بعزم وانا من طبعي لو القصة لوععععه اكملها اكملها ..
انا شفت له مرة لقاء يتكلم عن هاي القصة ويقول انها عن فترة دراسته بأمريكا بس مش كل اشخوص حقيقة وهي عن مجموعة بنات كل واحدة لها قصتها وانا لما اخلص القصة باقولج سالفتها عدل ..
والحين حابة اقول لكم القصص اللي عندي وباقراها وهي متسلسة حسب دورها بالقراية :
الرقم الكتاب المؤلف
1- القنفـــــــــذ زكريا تامـر
2- تحت الصفـــر.. ساندرا براون
3- يوميات دراجة نارية ارنسو تشي غيفارا
4- ويأتي الغـد.... نبيل فاروق
5- المنتظــــــــــر. عبدالله غازي المضف
6- وتحدث العلم... سند راشد.. محمد العنزي7- سعوديون في أميركا تركي الدخيل
8- يوميات خادمة في الخليج محمد التونجي
9- الهارب....... ستيفن كينغ10- الان نفتح الصندوق ج1 احمد توفيق[/
color]11-العبقري البسيط. ديفيد بالديتشي
12- الوداع ..رجل المستحيل نبيل فاروق
13- قلب الخطــر.............. باتريشيا كورنويل
14- 17.......... عبدالوهاب السيد
15- لاس فيغاس مع التحية سند راشد
16- الهــدية....... سبنسر جونسون
17- عزيزي الرئيس بوش سيندي شيهان
18- وآخـــرتها؟.... انيس منصور
19- النساء من الوفرة الرجال من العبدلي احمد عبد الحميد الحيدر
20- زيارات ليلية ........... عبدالوهاب السيد
21[ قانون الجذب ............ مايكل جيه.لوسيير
22- عشاق الادرينالين سند راشد
23- بنات إبليس ............ محسن الهاجري
24- رحلة في القلوب سحر غلوم
25- الان نفتح تاصندوق ج2 احمد خالد
26- كنت في افغانستان تركي الدخيل
27- عقل بلا جسد ........... .احمد خالد توفيق
28- المنتظرة سر مريم المجدليه كاتلين ماك غوان
29- يوم الحدث .......... خالد عادل النصر الله
30- ذكرى الابنه المفقودة كيم ادواردز
31- لغز العظام.... كاتي رايكس
32- نادي مفيسو.... تيس جريتسن
33- حكاية رجل اسمة دايف دايف بيلزر34- لاتهتم بصغائر الامور في العلاقات الزوجية ريتشارد كارلسون و كريستين كارلسون
45- غزو الأشباح.... هاري وبستر
46- لا تهتم بصغائر الامور فكل الامور صغائر ريتشارد كارلسون
47- الاحتفاظ بهدوئك جيل لندنفيلد
48- كيف تتحرر من مخاوفك وهواجسك راغدا أسعد
49- مائة طريقة لتحفيز نفسك ستيف تشاندلر
50- لقد هذه الأغية من قبل ماري هينز كلارك
51- حكومة الظل منذر القباني
52- مئة عام من العزلة جابرييل جارسيا
53- مصر مش امي دي مرات ابويا اسامة غريب
54- بنت سيناء محمد التونجي
55- فتاتان صغيراتان في ثياب زرقاء..... ماري هينز كلارك
56- مياه الفيل...... ساره جروين
57- دموع في ليلة الزفاف قماشة العليان
58- بوش تحت المجهر جوستن فرانك
59- شيفرة دافنشي التحقيق ماري فرانس و فرديك لونوار

.
اللي معلمةة عليهم بالحمر هذيلي اللي قريتهم
.
بالنسبة للمنتظر انا كاتبو عنه تعليقي .. وهذا اهو
.

شهرة الرواية ابدا مو دليل على نجاحها .. الرواية حازت على دعاية ضخمة ضخمة بمعنى الكلمة .. ونظرا لان الوطن طابعتها ولان الوطن عندها اكبر وسيلتين اعلاميتين (قناة وجريدة) فكانت الدعاية بهذي الضخامة ..
.
انا بصراحة اشوف انهم عطوها اكبر من حجمها .. وللاسف واللي يحز بالقلب .. ان بنات صغاااار بخامس وسادس حاطينها بسلتهم بمكتبة جرير !!!
المفروض يتحدد العمر المناسب للرواية .. بامريكا ولندن ينكتب بتصنيف الرواية لاي عمر اهيا مناسبة .. لكن للاسف اهني ماكو رقابة
الناس يشترونها ويعطونها عيالهم لمجرد ان والله هذي الرواية شفناها بدعاية بتلفزيون والجريدة !!
.
ابيج تروحين وتدشين المنتدبات وتشوفين تعليقات القراء على رواية المنتظر .. راح تعرفين شنو قصدي لمن قلت خذت اكبر من حجمها ممكن اهوا برع بمجال المقالات مثل ما قالت دقوم ..
.
انا لمن قريت عاشق مهزوم .. ملل .. وتمثل نظرتنا الطفولية العتيجة للجمال اللي تتلخص في (شقرة -عيونها زرق -بيضة) باختصار اجنبية ومع اللف والدوران كويتية لكن امها اجنبية ..
نهاية حاول ان تكون مأسياوية شجنية ..
اللغة غير ناضجة ابدا والنهاية باردة ميتة عالعموم القصة كلها ميتة ..
.
رواية المنتظر كانت شطحة واااسعة غير مدروسة وغير سنعة.. ومحاولة للنضج عبر المشاهد الاباحية بمعنى الكلمة ..
شخصيات مريضة شاذة غريبة مبالغ فيها .. تعبر عن حالة بارانويا متقدمة !
لمن اقول شاذة فانا اقصد النائب الليبرالي الاجرب االي عنده بويفرند يهيم فيه حبا !
لمن اقول معقدة فانا اقصد الشرطي شبيه الفار وليد السيلانية صاحب مركبات النقص العديدةَ!
لمن اقول مريضة فانا اقصد مدعي الدين والصلاح والتقوى الذي يبيت في احضان الفلبينيات !
لمن اقول مبالغ فيها فانا اقصد بنت المعنى اعلاه اللي تفخصت عند اول فرصة وانخرطت في العهر والمجون و..فارسات جدة !
لمن اقول غريبة فانا اقصد البنت المعاقة اللي تهيم بشايب كبر ابوها !
!
فهمتوا شقصد بالبارانويا ؟؟ محد زين كل الناس تتظاهر بالطهر وهي اشنع واقبح ماتكون من وراء الابواب !!
.
كل هالشخصيات حطوها على كتر وتعالو نشوف العقدة ..
.
استنساخ المسيخ .. يعبر عن انسان ينام عالافلام .. ومحاولة لاضفاء لمحة دينية عالرواية على غرار آلام المسيح ووو هرمجدون وذي أومن وأنتي كرسيت وذي أرايفال والعديد من الافلام الي تحمل بوستراتها علامة "666" وووالخ من الخيال العلمي/ الديني
.
الاحتلال المتخفي خلف قناع السفارات ومراكز الابحاث تحت الارض والخطط الاحتلالية وسيطرة امريكا على العالم .. ينم عن انسان ينام عالاساطير اللي تنشر عبر الانترنت على غرار "هتلر لسة عايش" ! محاولة لاضفاء لمسة سياسية للموضوع !
.
اقحام سوالف صندوق الاجيال وسيطرة الاخوان على الجامعة .. محاولة لاضفاء لمسة وطنية عالرواية !
.
اقحام الكم الهائل من الوصف الجنسي المقزز والفلبينيات والاكتناز والنشوة واللوحات التي يرسمها شيخ الدين-خفية- للنساء العرايا وووالخ ..هي محاولة -اسمحولي- غبية لاضفاء لمحة النضج والتفتح والجرأة على الرواية !!!!على غرار رواية شيكاغو !
.
بالنهاية رأيي التوتالي راح يكون .. " تفاخية منتفخة لزقوا عليها مجموعة من الاستكرزااات والصور المبهرجة فارغة من الداخل وسباركلي من الخارج "!!
.
فهمتو شقصد ولا لا ؟؟
بالنهاية الأمر راجع للكل ان يسوي سيرج بقوقل عن النقاشات التي دارت حول الرواية راح تلاقون انها تصب في جانب واحد .. !
.
الغلط مو على المكتبة .. لان المكتبة ماقصرت حاطتها بقسم الروايات بعيدا عن قسم الاطفال ..
الغلط اولا عالرقابة الأبوية اللي ماتشوف عيالهم شقاعد يقرون .. انا اقصد بعيالهم اللي يكونون في العمر الي ممكن الاطلاع على مثل هالقراءات تأثر في نظرتهم ونفسيتهم .. ثلثتعش سنة وتحت !
أما الكبار يعرفون الصح من الغلط وعندهم "مشخالة ذاتية" تشخل الشين وتخلي الزين ..
.
وثانيا على الدعاااية اللي مالها دااعي .. جنها منتج يديد ولا معجون اسنان يضمن تبييض الاسنان في خمستعش يوم !!
.
نسيت اشكر الأخت الإسراء على طرحها هالموضوع اللي وجدت فيه متنفس لان اعرض وجهة نظري .. وانا اهني انقد رواية غازي المضف "المنتظر" .. ما انتقد حبيبتي الأسراء
.
والاختلاف لا يفسد للود قضية .. ولولا الأذواق لبارت السلع ..

 

[Anastasia]

وتحدث العلم .. الكتاب متروس اخطاء املائية .. والاستاذ سند رد وعاد نفس الحجي بكتاب هادم الأساطير !
.
الهارب .. كانت عندي بس معطتها رفيجتي مادري ليش ماحبيتها
.
يوميات خادمة ,, نقهرررت من هالرواية السخيفة .. قريتها قبل جم سنة فخاف مخربطة بالاحداث .. بس اللي اذكره ان مصور الخدامة ملاك والمعزيب شياطين .. وجنه بحزة الغزو كانت !
.
لاس فيغاس .. تووني حاطة تعليقي بموضوع الأخت 7aneN
.
حكاية رجل اسمه دايف .. احس الكاتب جذاب .. وفعلا طلع خبر ان القصة كلها جذب بجذب !
.
مئة عام من العزلة .. هاذا تعليقي عليها ...
.
QUOTE=~ J O J O ~;10479292]وااي ..
.
ماحبيتها مئة عام من العزلة .. على قولتج آرتيست .. فيها اشياء عيب
.
وثاني شغلة واايد محيووسة .. كل الابطال لهم نفس الاسامي .. وبعدين مافي تناغم زمني مخلوووط ببعضه .. يعني عادي جذي يرد فيج بالزمن ورا بعدين يجدم بعدين يوقف .. كل هذا وانتي ماتستوعبين الا عقب ساعتين ..
بعدين وايد فيها خلط الخرافات الاشباح امر مفروغ منه .. عايشين ويانا وياكلون ويتقهوون ياحليلهم .. مادري وايد ترجرج مخي منها .. [/QUOTE]
.

قماشة العليا ن :: ههالكاااتبة اسمحولي فاشلة .. الرواية الوحيدة اللي تنزرط أنثى العنكبوت رغم انها حزن بحزن وآلام بمبالغة بمادري شنو .. تكئب
أما قصته الزوجة العذراء فهااذي ههههههههههههههههههه .. القصة فلم سيلاااااااااني اندونيسي .. وحدة جيكرة واهلها يكرهونها ويحبون اختها الصغيرة الحلوة !تتزوج ريال والريال محجم عنها ومايبيها ويبدو مضطرب .. عقب فترة يتضح ان ريلها مرة بس سوى عملية تحويل جنس
وقريت عيون على السماء .. هم ويع والنهاية تلوع الجبد
.
وامتشفت عقب .. ان كل الكاتبة قماشة تهيم بالنهايات الخايسة وتحب المأساوية وتبالغ فيها ,, وتبالغ في وصف الكره العائلي وعقد الطفولة ..!!

 

[الؤلؤة السوداء]

J O J O
​

.

عليييج نوووووووور ز. سووها فلم بس عتيج شوي
اقريها اقريها شناطرة .. حتن السجينة تهبل ..

إي..الفيلم قديم مال سنة 1990
بديت في الرواية أمس وخلصتها اليوم..واااايد حلوة :ggdw:
لكن في نفس الوقت عذاب نفسي..كنت أحس بيأس وانا أقرا
على فكرة..قريتي رواية الهارب ؟ قريت عنها تعليقات في النت ومحد مدحها

الحين محتارة شنو أقرا
ما بي كله أقرا روايات..أبي أغير شوي
يمكن أقرا قوة عقلك الباطن..يقولون وايد حلو

​

.

 

[Anastasia]

ماحبيت الهااارب كللش ..
.
أولا خيال علمي .. وستايلها نفس اممم لعبة الموت او شي جذي ..
ماحبيتها

 

[الؤلؤة السوداء]

أنا أحب الخيال العملي..إن شاء الله تعجبني

وراح أشتري روايات أكثر لستيفن كينغ..عجبني أسلوبه وايد
​

 

[وهج الحب]

السلام:
ترا معظم القصص شاريتها من زمان بس اؤجل فيهم واقرأ الجديد بس مرة جلست مع نفسي وقلت nooooooooooوالف nooooooooooooo لازم اشوف حل لمشكلتي الابدية ادلع واقرأ كتاب واخليه لبعدين وهكذا ..
نثرت كل الكتب اللي ما قريتها على الارض ..وقمت اخذ كتاب كتاب وارقمة واحطة بالتسلسل الرقمي اللي كتبته واطلعة واقضي علي وابلش بالثاني ...
وانا مش طبعي اشتري كتاب كتاب لا لاني من اسافر الحريم ركضة على الاسواق وانا ادور الكتب ..
اما اذا قصدتيني يا jojo اني اقرأ الغريبة انا قريتها بعد السجينه ..وعشان كذا انها قامت تغازل بأمريكا عشان اوبرا جابتها ..
اما فاطمة يا حبيبتي ذي او ما تعرفت على عشيقها تروح معاه في انابيب المجاري وترقد معاه طوال الليل هذا قبل فرنسا وقبل الطلاق ..
انا قرأت الزوجة العذراء بس عجبتني يمكن الظروف التي رافقت قرأئتها .. لاني قريتها في فترة اسوي بجهاز حراري لتذويب الشحوم .. يمكن من الهبة الحرارة لاني كاني دجاجة يشونها حبيت القصة ...

 

[Anastasia]

وي ياغبرة ..
مجاري !! مجاااري !!
وييع
.
هههههههههه
الله يهداج وين ظروف حلوة ههههه دياية وتنشوي ههههه

 

[حبيبه امها]

قوووووووووووووووووه بنات اشلونكم شخباركم ولهت عليكم حييييييييييييل من دهر موداشه

اشلونج حبيبة امها شخبارج شمسويه - انا عن نفسي شريتلي رواية دان براون يعجبني اسلوبه - اسمها ملائكة وشياطين وقالي مال اللي يبيع انه تتكلم عن الملائكة والشياطين اللي سكنوا الارض قبل الناس والصراحه للحين متردده اقراها تعرفون افكارهم والتجرئ على الذات الالهيه في رواياتهم بس انا هم وارد واقول اللي يتكلمون عنه ربهم مو ربنا المنزه عن كلامهم - فمو عارفه اقراها والا لأ

وعالعموم انا خليتها لمن ارد الديره اقراها انا بمصر من اول 6 وطقت جبدي وررررررررررررررراده عقب 3ايام الحين حسيت بمعاناتج ياحبيبة امها

ووووووووووواي تحوشتكم كتير والله

هلااااااااااااااااااااااااااا وغلاااااااااااااااااااااااااااااااااا

هلا والله يا الغالية شلونج ؟؟؟ ولهنا عليج ... بشري شلون صحتج مع الحمل ؟؟
بعد قلبي يلا ميخلف مو باقي شي وتردين ....

الرواية صج سووها فيلم وشفتة حلو ما فيه شي ... بس مو نفس الي قالج كله عن البشر شياب الملائكة والشياطين

يعني اهو صج عنوانها بس قصتها غير .... بس انا احس انه قصصة بالكتابة احلى من الافلام لنج تقرينها عدل الافلام المشاهد سريعه ...


انا عن نفسي عجبني الفيلم ... وبالعكس ما فية شي ياثر .. وما ادري انا احس احنا وايد الحمدالله واثقين بنفسنا وعقيدتنا اتصدقين بالعكس مرات لو تربطين اي شي تقرينة علينا راح تزيدين ثقة انه احنا الصح
​

 

[حبيبه امها]

بنات على ما أظن( جنه) محد معطيني فيـس ​

هلا اختي لا شدعوة لا تقولين جذية بالعكس كلنا بنفيدج ان شاء الله

انا عن نفسي ما اقرا عامي كلة بالفصحى .... انزين جربي تقرين الفصحى البسيط ترا حلو ويقوي اللغة والاسلوب

وقوليلي شنو تحبين بعد علشان انعرف شنو انرشحلج ​

 

[حبيبه امها]

اهلين حبيبة

حلووو عرفت الشخصية الي عجبتني ...

بالنسبة لزوجةاحمد لا م اهي الي في بالك اهي قصة حلو وخفيفة تجي على لسان البطلة الي حبت واحد وحطت خطط

اولها شلون تخليه يحبها وبعدين شلون يتقدملها وبعدين شلون اهلها يوافقون على اختيارها

ولانه مو نفس مستوى ازواج خواتها فتبين لنا شلون اجتهدت وحالت انه ترفع من مستواهم ويترقون

وطريقتها بتربية عيالها والاهم موقفها من خيانه زوجها ...

حلو القصة انصحك فيها تصلح لاوقات الفراغ

هلا نمووووووووووووون شلونج حبيبتي ؟؟؟


صج شكلها حلو ... بحاول اشتريها ان شاء الله ...