رايي عن سند الدخيل بلاس فيغاس !!

[7neaN]

:eh_s(14):

السلام عليكم ..
بنات شلونكم شخباركم ؟؟ أمس رحت مكتبة العجيري وشريت كتاب إسمه لاس فيغاس حق الكاتب المهندس
سند راشد الدخيل .. بصراحه أول ما مسكته إختي الكبيره قالتلي لا تشترينه ما يسوى قتلها ليش كتبه كلها عندج
جان تقولي إي بس ما يسوى ب3دنانير ..
بس ما سمعت كلامها وخذيته هذا ثالث كتاب عندي له .., إلي يشدني في كتبه الغلاف والصور إلي داخل
بس يعني أمبي الغلاف يكون روعه بصراحه ومشوق وهذا الي يشجع ع إقتناء الكتاب إلي أنا ما أشجع ع إقتنائه
عاد أنا قلت إلا أشوف منو مصمم الغلاف ولا واحد إسمه محمد العنزي بس صج روعه شغله وخصوصا هالكتاب ..

المهم ..
قلت لازم أسوي جو رومانسي وغامض بما إنه الكتاب أسود و شكله حلو ..
صارت غرفتي تينن وصكرت الليتات وشغلت بس الأبجوره جان يطلع الجو يهبل ..
وغييييير الأكل والبلعه .., عاد فتحت الكتاب وقلت بسم الله أقرا و أقرا وما في إلا الملاقه والملاقه
أمبي Sorry أدري إنه في منكم وايد يحبونه بس هذا الصج ..

عاد شنو الملاقه بالضبط :أول شي , الكاتب بصراحه بصراحه وايد شايف نفسه ومغرور << وااااااااي والله ..:eh_s(14):
يعني تخيلو أنا قاعده أقرا الكتاب كأني قاعده أشوف وأقرا ميزانيته وكشخته وفلوسه يعني كأنه يقول حق الناس
شوفو شنو عندي لا و المشكله إنه ما يكتب مثلا بصريح العباره لأ ..
يعني مثلا تصير محاوره اخر شي نعرف إنه مثلا راكب طياره بمستوى رجال الأعمال مثلا ..
صح كيفه بس الإسلوب ما يشجع يعني شلون بتقرون كتاب واحد بس قاعد يوريكم كشخته لااااااااا
وهذا غير إسلوبه إلي يعكس شخصيته لأنه قاعد يتكلم عن نفسه صج وعن رحلته إلى لاس فيغاس مدينة الخطيئة
ع قولته ..
لا وكله ما له خلق الناس ومعصب لا وتخيلو أوهو رايح لاس فيغاس عشان يحضر عرض الساحر
العالمي ديفيد كوبرفيلد و يسوي معاه مقابله بس المشكله إنه واااااي وده يكفخه تخيلو معاي !!
يعني منو يحصله يحضر عرض ديفيد كوبرفيلد ومو عاجبه .. , طبعا هذا غير محاولاته لتضحيك الناس
بوسائل مليقه ..:0bee2e8d89:

ملاحظه هامه :
أنا قاعده أتكلم عن كتاب لاس فيغاس مو عن جميع كتبه ..
و أنا توني أشتري الكتاب ومو من معرض الكتاب .. والحلو فيه الغلاف وبس ..
صح إنه بينلج وايد أماكن ممكن تزورونها بس شالفايده مدام إسلوب الكاتب ممل ومو ذاك الزود ..

في النهايه :أبي رايكم عن الكاتب سند الدخيل ؟؟
ثاني شغله شنو رايكم بالكتاب للي قرته ؟؟
و أتركلكم المناقشه .. ,علما بأنه ريل حماة بنت خالتي << أوالله صح ...:dddds:

ومع السلامه حبايبي ..:eh_s(6):​

 

[Anastasia]

.
وااي حبيبة قلبي معاج بكل كلمة قلتيها .. حدة مايسوىىىى
.
مجرد سوالف عن السفر ماطلعنا منها بشي .. يعني مافيه اثارة وتشويق وقصة وحبكة وعقدة وحل ..
مافي شرح وافي حق العروض ..
واللي يبط الجبد انه كذا مرة يقول .. وبكتابي الثاني راح أفصح عن تفاصيل هالحادثة .. يعني أحس جني شارية بروشور دعاية .. باختصار نطروا كتابي الثاني واشتروه ..
.
فعلا وايد شايف روحه.. ومعصب وطاااق الدنيا بعرض الحيط ووايد يستعرض .. الكتاب عن طيارته وفندقة ومطعمه .. غير الصورة اللي مصورلي ياها لوجبة برغر كنج !
وحاط أكثر من صورة .. وما أتى على ذكر سالفتهم من ضمن سياق الحديث !

.
بس اصنفه على انه وجبة خفيفة .. ممتع نعم .. لذيذ .. نعم .. لكن مايسوى الطرطعة اللي سووها .. عااد الكويييت فديتها مافيها بضاعة بايرة .. أي شي يطب فيها مشى سوقه .. والناس هبني واهبك هههه
.

 

[Anastasia]

وفي نقطة انا من زمان ودي انوه عليها ..
.
يعني انت كاتب يديد .. ومالك باع كبير بمجال القصة والرواية ..
شماله السعر هاذا !!
.
اوكي 3 دننير ماتسوى عندنا الحمدلله .. بس 3 دنانير عن 3 دنانير تفرق
تعالو حطوه يم كتاب كاتبه نجيب محفوظ .. ولا أغاثا كريستي ولا تشيكوف ولا غازي القصيبي !!
والله حتن هذيلي ماوصلو هالسعر !!
محد يرضى بهالأسعار الا احنا .. شوفو معارضنا . شغل الحريم ستين وسبعين دينار على جنطة تلوع الجبد كحيااانة ملزقة الستراس عليها بالأوتي !
.
الكتب بمصر والشام والله العظيم ان بنص وثلثمية فلس بعضهم .. وماايتعدون الدينار ونص ..!
حتن بالمنطق مادري شلون !
اوكي بتقولولي الغلاف وسعر الورق .. بس السعر دبل دبل دبله سعر التكلفة والطباعة !!
.

 

[rawona]

امممممممممم شوفي انا باقول رايي بصراحه ..


انا اول كتاب شريته له اهوا "قصتي مع اللوفر" الكتاب + الغلاف + الصور روعه!! بس مافيه ذيج المعلومات اللي تفيدني اذا باروح باريس مثلا!! يعني لو انا مكانه وحابه اكتب في هالمجال "كتب الرحلات" حتى لو اكتب عن سفرتي ووين سكنت ووين رحت .. احاول افيد القارئ باكبر كم من المعلومات عن هالدوله اكثر من اني احط الافلام اللي تكلمت عنها عدل؟


ما انكر اني استفدت جم شغله من الكتاب لو بازور فرنسا بالمستقبل بس هم مو كافيه!


نفس الشي بالنسبة حق لاس فيغاس .. اطلع "جذابه =كذابه" اذا قلت ما استفدت من المعلومات اللي حطها عن لاس فيغاس و بالنسبه لي اعتقد اعطى هالكتاب حقه اكثر من كتابه عن باريس .. بس ستل.. يعني لو انا اول مره باروح مثلا لاس فيغاس مافيه معلومات وايده اتفيدني .. كمسافر ..

واعتقد اهوا ذكر بمقدمة الكتب مالته انها مو دليل سياحي ولا من ادب الرحلات .. يعني بس كاتب لكم عن سفرته لهالمكان ..

بالاخير انا وحده من الناس احس ان كتب الرحلات وايد مرغوبه .. والناس تبيها للاستفاده .. مو للشو ..


والله يكون بعونه لاني سمعت ان شركته .. "دايموند بوكس" قاعده اتواجه مشاكل كبيره .. ومايندرى شراح يصير!




​

 

[زهرااا]

ما اعرفه

 

[Pink Angle]

واي صج مليق وشايف نفسه ما أفكر أقراله شي الصراحه قابلوه مره في تو الليل ياي المقابله منفس عليهم وقصب يتكلم جنه ماله خلق !! مالك خلق ليش طالع بالتلفزيون اللي يعجبني فيه انه جامع أكثر من شغله بنفس الوقت من أيام الجامعه يعني عنده وايد هوايات ماشاالله بس كلها أشياء غريبه !

 

[بدوره 22]

واي صج مليق وشايف نفسه ما أفكر أقراله شي الصراحه قابلوه مره في تو الليل ياي المقابله منفس عليهم وقصب يتكلم جنه ماله خلق !! مالك خلق ليش طالع بالتلفزيون اللي يعجبني فيه انه جامع أكثر من شغله بنفس الوقت من أيام الجامعه يعني عنده وايد هوايات ماشاالله بس كلها أشياء غريبه !

امبي نفس ملاحظتي :dddds:

صح شكله ما كان خلق للمقابله وكل ما سألوه سؤال مايرد ولا يقولهم انا كنت مجاوب على هالسؤال في مقابله سابقه !!!

انزين مو كلنا كنا شايفين هذيك المقابله !!

بس للامانه ما قريت له الاكتاب هادم الاصاطير ..

 

[وهج الحب]

السلام:
انا الكتاب عندي بس ما قريته لين الحين ..بصراحة انا كان يعجبني سند والى الان ماعندي عليه شئ ابدا بس مرة شفت له لقاء في تو الليل حسيت به شوي شايف نفسه وحابب يسوي حق نفسه غموض وهاله .. يعني ما يبتسم حق حد ويطالع الناس بطريقة يعني كأن يحد على نفسة غموض ما اقدر اوصف عدل ... وبصراحة انا احب ادب الرحلات واحببت كتابه رحلة الى اللوفر لان صارلي كثير من اللي فيها وانا رايحة لفرنسا باذكرها في منتدى السياحة ...

 

[rawona]

السلام:
انا الكتاب عندي بس ما قريته لين الحين ..بصراحة انا كان يعجبني سند والى الان ماعندي عليه شئ ابدا بس مرة شفت له لقاء في تو الليل حسيت به شوي شايف نفسه وحابب يسوي حق نفسه غموض وهاله .. يعني ما يبتسم حق حد ويطالع الناس بطريقة يعني كأن يحد على نفسة غموض ما اقدر اوصف عدل ... وبصراحة انا احب ادب الرحلات واحببت كتابه رحلة الى اللوفر لان صارلي كثير من اللي فيها وانا رايحة لفرنسا باذكرها في منتدى السياحة ...

يعني لو أألف كتاب عن الرحلات تشترينه؟؟ :eh_s(6):​

 

[وهج الحب]

[ترا اجرب احط صورة الكتاب ومنيت بفشل ضريع
ليش لاء اشتريه لو لقيته بالمكتبة بس خليه يطيح بعيني بتكون عندي نسخته الاولى ويا خوفي الوحيدة بس ولا يهمج بادور على المنتديات وبمدح فيه لين يشترونه عاد يدعون علي معليه عشانج كل شئ يهون بس نزلي الكتاب ..وما يهمج الباقي علي

 

[.]

انا قريت الكتاب والصراحه اسمتعت فيه واستفدت منه وعندي مال لاس فيغاس احلى من مال فرنسا بس مال فرنسا يعد تجربه اولى فالطبيعي انه التجربه الثانيه تكون انضج وافيد ..

نقدكم وايد جارح طبيتوا بشخص الكاتب ..

اهو يمكن شخصيته جذي مايحب يتكلم وايد و يمكن من الكاميرات يتوتر فيختصر ..

واعتقد اذا ماخب ظني اذا ذكر نوع الحجز لانه مالقوا اسمه وغيروا حجزه لدرجة الاحسن ..

وماعجبها العرض لانه هاوي ومتعمق المجال ويعرفه وبعدين الناس اذواق اهو كان يقيم لعروض كلن على حدا ..

وانه يشير لكتاب اليديد مو بس اهو اللي يقول جذي وايد كتاب يشيرون له لشغله..

بالنسبه للسعر كل كتب دايموند بوك هذا اسعارها واغلب الكتب اللي اشتريها اسعارها بهالحدود حتى الكتب اللي ترجمتها ركيكه ..

وبس

 

[7neaN]

يعطيكم العافيه كيفيتو أو وفيتو ..

عندي تعليقات ع بعض العضوات .. أولها :

واي صج مليق وشايف نفسه ما أفكر أقراله شي الصراحه قابلوه مره في تو الليل ياي المقابله منفس عليهم وقصب يتكلم جنه ماله خلق !! مالك خلق ليش طالع بالتلفزيون اللي يعجبني فيه انه جامع أكثر من شغله بنفس الوقت من أيام الجامعه يعني عنده وايد هوايات ماشاالله بس كلها أشياء غريبه !

لوووول .. أمبي عاد أنا ما شفت المقابله بس مو قتلكم بس صج والله عباله كلش ولا
غامض لما يسوي جذي << واااااااي جان زين يقرا تعليقاتنا عنه عشان شوي يرحمنا ..:dddds:

بالنسبه للسعر كل كتب دايموند بوك هذا اسعارها واغلب الكتب اللي اشتريها اسعارها بهالحدود حتى الكتب اللي ترجمتها ركيكه ..

رونه حبيبتي أنا مو هامني السعر كثر مو هامني الكاتب نفسه ومؤلفاته
و 3 دنانير ولا شي عندنا بالكويت بس مثلا إذا بتشترين أكثر من كتاب شراح يصير ؟
أنا عن نفسي أروح المكتبات بفترات متباعده عشان جذي أشتري الأكو و الماكو ..
بس مثل ما قتلج ما يهمني السعر كثر ما يهمني الكاتب , وسوري لأني بالغت شوي ..
بس كل شخص له وجهة نظره ورؤيته و أغلب البنات إلي ردو رايهم كان من رايي ولا غلط كلامي ؟؟!

صح شكله ما كان خلق للمقابله وكل ما سألوه سؤال مايرد ولا يقولهم انا كنت مجاوب على هالسؤال في مقابله سابقه !!!

انزين مو كلنا كنا شايفين هذيك المقابله !!

لا و أزيدكم بعد ..
أنا كله أشوفه بمعرض الكتاب يتمشى وكله معصب وما يضحك ع قولتكم
لووول ومعلق ع لون الأسود وااااي أخاف ملك ال.. استغفر الله ..
بس أهو يعتبر هذا ستايله الغامض الخطييييييييييير .. خخخ ..:dddds:

و ثااااااااانكس .. :eh_s(6):

 

[Shade]

:eh_s(14):

السلام عليكم ..
بنات شلونكم شخباركم ؟؟ أمس رحت مكتبة العجيري وشريت كتاب إسمه لاس فيغاس حق الكاتب المهندس
سند راشد الدخيل .. بصراحه أول ما مسكته إختي الكبيره قالتلي لا تشترينه ما يسوى قتلها ليش كتبه كلها عندج
جان تقولي إي بس ما يسوى ب3دنانير ..
بس ما سمعت كلامها وخذيته هذا ثالث كتاب عندي له .., إلي يشدني في كتبه الغلاف والصور إلي داخل
بس يعني أمبي الغلاف يكون روعه بصراحه ومشوق وهذا الي يشجع ع إقتناء الكتاب إلي أنا ما أشجع ع إقتنائه
عاد أنا قلت إلا أشوف منو مصمم الغلاف ولا واحد إسمه محمد العنزي بس صج روعه شغله وخصوصا هالكتاب ..

المهم ..
قلت لازم أسوي جو رومانسي وغامض بما إنه الكتاب أسود و شكله حلو ..
صارت غرفتي تينن وصكرت الليتات وشغلت بس الأبجوره جان يطلع الجو يهبل ..
وغييييير الأكل والبلعه .., عاد فتحت الكتاب وقلت بسم الله أقرا و أقرا وما في إلا الملاقه والملاقه
أمبي Sorry أدري إنه في منكم وايد يحبونه بس هذا الصج ..

عاد شنو الملاقه بالضبط :أول شي , الكاتب بصراحه بصراحه وايد شايف نفسه ومغرور << وااااااااي والله ..:eh_s(14):
يعني تخيلو أنا قاعده أقرا الكتاب كأني قاعده أشوف وأقرا ميزانيته وكشخته وفلوسه يعني كأنه يقول حق الناس
شوفو شنو عندي لا و المشكله إنه ما يكتب مثلا بصريح العباره لأ ..
يعني مثلا تصير محاوره اخر شي نعرف إنه مثلا راكب طياره بمستوى رجال الأعمال مثلا ..
صح كيفه بس الإسلوب ما يشجع يعني شلون بتقرون كتاب واحد بس قاعد يوريكم كشخته لااااااااا
وهذا غير إسلوبه إلي يعكس شخصيته لأنه قاعد يتكلم عن نفسه صج وعن رحلته إلى لاس فيغاس مدينة الخطيئة
ع قولته ..
لا وكله ما له خلق الناس ومعصب لا وتخيلو أوهو رايح لاس فيغاس عشان يحضر عرض الساحر
العالمي ديفيد كوبرفيلد و يسوي معاه مقابله بس المشكله إنه واااااي وده يكفخه تخيلو معاي !!
يعني منو يحصله يحضر عرض ديفيد كوبرفيلد ومو عاجبه .. , طبعا هذا غير محاولاته لتضحيك الناس
بوسائل مليقه ..:0bee2e8d89:

ملاحظه هامه :
أنا قاعده أتكلم عن كتاب لاس فيغاس مو عن جميع كتبه ..
و أنا توني أشتري الكتاب ومو من معرض الكتاب .. والحلو فيه الغلاف وبس ..
صح إنه بينلج وايد أماكن ممكن تزورونها بس شالفايده مدام إسلوب الكاتب ممل ومو ذاك الزود ..

في النهايه :أبي رايكم عن الكاتب سند الدخيل ؟؟
ثاني شغله شنو رايكم بالكتاب للي قرته ؟؟
و أتركلكم المناقشه .. ,علما بأنه ريل حماة بنت خالتي << أوالله صح ...:dddds:

ومع السلامه حبايبي ..:eh_s(6):​

نفس رايك بالضبط :ggdw:

 

[~q8ia~]

الكتاب حلو من تصميم الغلاف و الصور اللي بالداخل و ترى خلصته بيوم واحد لانه اغلبه صور و الكتاب حلو حق اللي يبي يروح لاس فيجاس يعني ياخذ الكتاب كمرشد او دليل سياحي ...

 

[7neaN]

Shade حبيبتي مشكوره .. مرورج أسعدني ..:eh_s(6):

الكتاب حلو من تصميم الغلاف و الصور اللي بالداخل و ترى خلصته بيوم واحد لانه اغلبه صور و الكتاب حلو حق اللي يبي يروح لاس فيجاس يعني ياخذ الكتاب كمرشد او دليل سياحي ...

أنا أوافقج بأنه الكتاب بسرعه يخلص لأنه متروس صور وهم أنا خلصته بيوم واحد بس هذا ما يعني
إنه حلو ..! , بس حبيبتي أشوفه بصراحه مو مفيد كمرشد أو كدليل سياحي حق الناس لأنه معتمد ع العروض
الي راح تنتهي و يمكن الكثير من الناس ما تعجبها لأن فيها حس الغموض ونفس الستايل ..
يمكن الي أقدر أقول عنه مفيد شويه حسب رايي أهوا أسماء الفنادق الي ذكرهم بشكل هامشي الى جانب بعض
المحلات البسيطه ... وبس ..

و THaNkS حبيبتي ..

 

[~q8ia~]

صح كلامج تسلمين حبيبتي و العفو ولو

 

[حامله القنديل]

ماقريتله اي شيئ مع اني شاريه منهم كتاب..!!
بس ما احسسس بحمااس كلششش لكتبه..!!

 

[ENG.Nour]

انا قريت الكتاب والصراحه اسمتعت فيه واستفدت منه وعندي مال لاس فيغاس احلى من مال فرنسا بس مال فرنسا يعد تجربه اولى فالطبيعي انه التجربه الثانيه تكون انضج وافيد ..

نقدكم وايد جارح طبيتوا بشخص الكاتب ..

اهو يمكن شخصيته جذي مايحب يتكلم وايد و يمكن من الكاميرات يتوتر فيختصر ..

واعتقد اذا ماخب ظني اذا ذكر نوع الحجز لانه مالقوا اسمه وغيروا حجزه لدرجة الاحسن ..

وماعجبها العرض لانه هاوي ومتعمق المجال ويعرفه وبعدين الناس اذواق اهو كان يقيم لعروض كلن على حدا ..

وانه يشير لكتاب اليديد مو بس اهو اللي يقول جذي وايد كتاب يشيرون له لشغله..

بالنسبه للسعر كل كتب دايموند بوك هذا اسعارها واغلب الكتب اللي اشتريها اسعارها بهالحدود حتى الكتب اللي ترجمتها ركيكه ..

وبس

حبيبتي انا ما اني ماقريت الا خمسين صفحة من الكتاب وحاليا قاعده اكمل
حسيته عجييب واحس ان مافيه شي الكاتب واسلوبه حلو ويشد
وانا رايي من رايج

 

[7neaN]

صح كلامج تسلمين حبيبتي و العفو ولو

يا بعد قلبي انا اسفه إذا كان كلامي حاد معاج بس والله مو قصدي وبعدين هاذي وجهة
نظرج حبيبتي مو لازم تقتنعين بلي أنا أقوله .. و أنا اسفه ..

ماقريتله اي شيئ مع اني شاريه منهم كتاب..!! بس ما احسسس بحمااس كلششش لكتبه..!!

اقريه حبيبتي الكتاب ثاني يمكن يكون أحلى من لاس فيغاس ..
و شكرا ..:eh_s(6):

حبيبتي انا ما اني ماقريت الا خمسين صفحة من الكتاب وحاليا قاعده اكمل
حسيته عجييب واحس ان مافيه شي الكاتب واسلوبه حلو ويشد
وانا رايي من رايج

ماكو مشكله رايج يختلف عن رايي ..:eh_s(6):
موفقه انشاالله ..​

 

[نيــلــوفــر]

مشكووورة حياااتي