الأكل الممل.....ساعدوني

[HearT ChocolaTe]

خوش موضوع


حبيبتي لاتبعدين عزوز عن القمح إذا ما عنده حساسية لأنه مهم بنموه


وانصح بالشوربات جدا مفيدة وسهله الهضم


شوربة خضار


2 حبة كوسا مكعبات صغيرة

2 حبة جزر مكعبات صغيرة

حبة واحدة بطاط تكون صغيرة ومقطعة مكعبات

بقدونس
بصلة صغيرة مقطعة + ثوم

الطريقة: تحمس البصلة والثوم بقليل من الزيت ثم تضاف الخضار وتحرك لمدة خمس دقائق

ويتغير لونها نضيف الماء المغلي طبعا حسب الكمية الكافية لعمل الشوربة

بعد ان تستوي الخضار طفي النار وضيفي البقدونس اخلطيها بالخلاط بعد ماتفتر


وفيه شوربات روعة مثل العدس - البروكلي - الجريش - العيش

ان شاءالله أكتبهم وانزلهم لك

وبالعافية

قواج الله يا توت وتين على هالأكلات الطيبه ومداخيل العافيه يا رب
عزوز ما عنده حساسيه من القمح بس أنا أخاف أعطيه تثير الكحه عنده.. يعني مو قاطعته أعطيه من
فترات متباعدة ... والشوربات جربت منها شوربة الكوسا بصراحه حلوة أنا عن نفسي حبيتها

وناطرينج يا توت لا تنسين ... ومنكم نستفيد

 

[HearT ChocolaTe]

والله يوعتوني يا بنات تالي هالليل ,,,,توته شكلي بأسوي الشوربه وبأشربها آنا,,,,

:dddds:
نونا عزمينا وياج أنا يعت الحين
خخخخخخخخخخخخخخ

 

[نونا العتيبى]

:ggdw:حياكم الله ,,,العين أوسع لكم من المكان ,,,هذي الساعه المباركه اللي تزورنا أم عزوز ,,,مو بس شوربه أفا عليج بوفيه كامل

 

[HearT ChocolaTe]

فديت قلبها يا ناس ... قولوا آمين الله لا يحرمني من محبتكم
يا أحلى خواااات بالدنيا

 

[HearT ChocolaTe]

لعيون عزوز

 

[Koka&RanOo]

السلام عليكمالله يشفي عيالنا ويفرحنا فيهم انشالله انا انقع التمر بالماي وبعدين احطه بالخلاط مع جوز او لوز او بندق مطحونه واخليه يشربها لان فوايدهم وااااايد كثيره ...

 

[نونا العتيبى]

خوش فكره ,,يعني بيصير مثل العصير؟؟؟

 

[HearT ChocolaTe]

السلام عليكمالله يشفي عيالنا ويفرحنا فيهم انشالله انا انقع التمر بالماي وبعدين احطه بالخلاط مع جوز او لوز او بندق مطحونه واخليه يشربها لان فوايدهم وااااايد كثيره ...

أي والله صدقتي فوايدة كثيرة .. زين عطينا المقادير فديتج :ggdw:
وشلون تصير مثل السيريلاك وإلا عصير مثل ما قالت الأخت نونا
مشكورة يا كوكا :eh_s(6):

 

[فجرالعيد]

مثلا:نص كلاص عدس مسلوق وبطاطا مسلوقه طبعا تضيفين ملح وكمون وتحطينهم بالخلاط مع 1كريمه وتخلينه يطبخ عالنار وتعطينه لذيذه ومفيده

 

[HearT ChocolaTe]

يا مال العافيه يا فجر خوووش حق العشا ... أنا الشوربات أخليها للعشا أخف
وأعطيه العدس بس مرة بالأسبوع عشان الغازات بس حلوة فكرة الكريمه بجربها
مشكورة فديت قلبج

 

[HearT ChocolaTe]

على طار ي الشوربات أمس قريت طريقه حلوة لشوربة الجزر .. وأنا ولل مرة سويت شوربة جزر
2 جزر - بصل - ثوم - تحمسينهم مع قليل من الزبده
مع فلفل أسود وكركم وكمون و مكعب الخضار وماي
ونص كلاس كريمه .. عجيبه
<<< لاحظو أني ما سويتها خخخخخخخخ

 

[فجرالعيد]

والله إنتي اللي عجييييييييييييييييييبه يام عزوز الله يخليج لعزوز وإخوانه

 

[سمسومه الحبوبه]

أهلين حبيباتي بالنسبه ألي عندهم أعاقه حركيه لازم يكون عندهم إمساك
جربت مع بنتي أحط لها ملعقة زيت زيتون مع الاكل والحمد لله تحسن الأمساك عندها
يعني أذا جهزتي الوجبه سواء زبادي أوخضار قبل الأكل حطي ملعقة الزيت
مدري اذا احد ذكر هالشي قبلي لأني ماقريت الردود

 

[HearT ChocolaTe]

والله إنتي اللي عجييييييييييييييييييبه يام عزوز الله يخليج لعزوز وإخوانه

يا قلبي انتي يا فجر العيد .. ويخلي لج عيالج فديتج

 

[HearT ChocolaTe]

أهلين حبيباتي بالنسبه ألي عندهم أعاقه حركيه لازم يكون عندهم إمساك
جربت مع بنتي أحط لها ملعقة زيت زيتون مع الاكل والحمد لله تحسن الأمساك عندها
يعني أذا جهزتي الوجبه سواء زبادي أوخضار قبل الأكل حطي ملعقة الزيت
مدري اذا احد ذكر هالشي قبلي لأني ماقريت الردود

صدقتي فديتج .. انا يوميا الزيت زيتون بأكله لازم.. وعلى فكرة هو فيتامين د بالدرجه الأولى

 

[نشـــامي]

بنات ديروا بالكم ع الوزن لايزيد ترى يأخر المشي والحركه هذا كلام اكث من دكتور لي

وعندي لكم اكله حلوه ومغذيه دايم اسويها لبنتي عشان قدره التركيز والمخ الله يرزقها امين

اطحني مكسرات جوز كازو اهم شي الجوز ابومخ عرفتوه مفيد حيل
ونقعي فواكه مجففه او اغليهم واخلطيهم مع مطحون المكسرات
ترى الفواكه المجففه افيد وتغني عن روحه الجمعيه
اخذي مشمش وعنب اسود وكشمش الطويل وكشمش عشان لامسك بعد

 

[HearT ChocolaTe]

مشكوورة يا نشامي .. صح لسانك .. أنا والله من غير ما يقولي ما أعطيه سكريات واايد
ولا نشوياات أخاف عليه يضر صدره السمنه مو زينه مثل ما قلتي بعد تأخر المشي والحركه
وحلوة والله طريقتج .. من باجر بطبقها

 

[الصابرة المحتسبة]

جزاج الله خير يانشامى

 

[الصابرة المحتسبة]

رد : الأكل الممل.....ساعدوني

رفع

 

[الصابرة المحتسبة]

رد : الأكل الممل.....ساعدوني

رفع