هذا باختصار تفريزي لهذى السنه وكل عام وانتوا بخير (صور)

[ام عزيزان]

هلا فيكم حبيباتي

وحبيت اشاركم في تفريزي لرمضان هذى السنه .... الله يبلغنا اياه واياكم بالخير والبركه والرحمه والغفرااااااااان والعتق من النار .....


1- مكرونه بالبشاميل ... اضبطها واسويها طبقات باطباق القصدير واحفظها .... وبعدها اطلعها اخليها نص ساعه واسخنها بالفرن ​

​

2- سمبوسه اشتريها مثلجه من الهنود .... وقبل القلي بنص ساعه اطلعا ثم اقليها ​

​

3- الفطاير ... اعجنها واشكلها وعلى الفرن واطلعها على طول واغطيها بالنايلون حتى تبرد تماما ثم ادخلها الفريزر وبعدها اسخنها فقط ... او احفظها في كيس في حرارة المطبخ حتى يفك عنها الثلج وترجع لطراوتها​

4- تتبيلة السلطه .... اسويها كل يومين وثلاث وهي عباره عن ليمون وزيت زيتون وملح وثوم مهروس واشوي نعناع ... واحفظها بزجاجه بالثلاجه​

5- افخاذ الدجاج الكذابه طريقتها معروفه بعجينة الباف ​

​

6- القطايف اعجنها واصبها ثم احشيها وعلى الفريزر ​

7- الكنافه .... افتتها واخلطها بالزبده واقسمها على طبقين ... وكل طبق على قسمين واحشيها بالجبن والقشطه وارتبها بالقصدير بعد دهنه وعلى الفريزر وبعدها اطلعها واحمرها بالفرن ​

​

8- السينامون احبه .... وطريقته نفس الفطاير​

​

9- اصابع الكيري واصابع التفاح بالدارسين ... اسويها بعجينة السمبوسه ​

10 - تجفيف النعناع .... اغسله واصفيه ثم انثره بالصينيه واخليه ينشف كم يوم واحفظه ...واغسل الشبنت والكزبره واغسلها واصفيها ثم افرمها واوزعها باكياس وعلى الفريزر​

11- سندويشات الدجاج بالخبز ... ادهن الخبزه بمسحه خفيفه جبن الكاسات ... واحشيه دجاج مسلوق ومحموس مع البصل والبهارات والكركم .... الف وافرزنه ​

12- خبز مقطع ارش عليه زيت الزيتون وعلى صينية الفرن حتى يتحمر .... وبعد ما يتحمر ويبرد احطه باكياس واحفظه للسلطات او للشوربات ​

13- ورق العنب ... احشيه واوزعه باطباق القصدير ... وبعدها اخذ منه وبالقدر واطبخه عادي ​

14- اطحن سكر ... واطحن رز للمهلبه ... واحمر كيس طحين ... واجهز برطمان الشيره .... والتوفي​

​

15- الكبب اسويها بانواعها ... وافرزنها .... واقليها على طول .... واحط 3 حبات بالدفعه الوحده حتى ما يبرد الزيت وتفتت ​

​

16- سوي كيكه... وقصصيها واحفظها باكياس وعلى الفريزر تنفع للمحلبيه او للجيز كيك ​

​

17- شرايح القمر دين ... انقعها في ماء حار وثم على الخلاط وبعدها احطها في زجاجه.... واسوي منها محلبية قمر الدين او عصير قمر الدين

18- سندويش التوست ... يقطع دوائر ويرق ثم توضع طبقتين وبينهم الحشوه واقفلها بالعجين او بالجبن .... وبالبيض والبقسماط وبعدها على الفريزر

19- الزايد من التوست احمره وافتته واسوي منه عيش السرايا

​

وهذا اللي تذكرته وهذا اللي على بالي واللي ناويه اسويه .... وان شاء الله تستفيدوووون... على فكره يا بنات هالصور كها من اطباقي بس صورة السمبوسه ماهي لي​

 

[جارة القمر]

مشكوووووووووووره



حبيبتي

 

[ام عزيزان]

العفو يا جارة القمر

وان شاء الله نصير انا وياج من جيران الرسول صلى الله عليه وسلم قولي امين

 

[زهرااا]

ماشالله
حبوبه بغيت اعرف طريقة السينامون

 

[ام عزيزان]

من عيوني يا زهراااا​

واخيرا جربت عجينة هند الذهبية​

وما شاء الله اطلعت تجنننننننننننن ​

وكميتها مناسبه جدا حق اللي مايحبون يعملون معجنات كثيره​

وهذى طريقتها ربي يعافيها​

لعمل العجينة نحتاج
1 جيلة طحين رقم 1 ( 500 جرام طحين معجنات ) (( تقريباً 3 كاسات وربع ))
4 ملاعق ط حليب بودرة
1 فنجان زيت
1 فنجان سكر
1 م ك خميرة فورية
1 ملعقة ص ملح
1 م ك بيكنج باودر
ماء دافئ للعجن​

الطريقة يا حلوات
تعجن العجينة بخلط كل المقادير ( عدا مقادير الوجه ) حتى تتشكل لك عجينة طرية
وانتبهي أن تستمري بالعجن لمدة لا تقل عن عشرة دقائق
وكلما زادت مدة العجن كلمات زادت طراوة العجينة​

الآن غطي العجينة في مكان دافيء لمدة ساعة
ومن ثم شكليها بعد أن تتضاعف ​

عملت منها السيناموووووووون وطلع روووعه​

​

نرق العجينه وندهنها بالزبده السائحه ثم نضع عليها القرفه والسكر ​

​

ثم نلفها على شكل الرول ونقطعها

ونخليها تخمر مره اخرى وهي بالصينيه ​

ثم ندخلها الفرن حتى تتحمر من فوق وتحت ​

​

وبعدها نزينها بالتوفي واللوز ​

​

 

[eman84]

مشكوورة

 

[nadooya]

ماشاءالله تسلم الايادي ومبروك عليكم الشهر مقدماً

 

[جرح الليالي]

تسلمين وعليكم بالعافية

 

[F.A]

مشكوره حبيبتى

 

[أم عزة]

ما شاء الله عليج مبين سنعه وإيدج خفيفه فى الطبخ

 

[مس اموله]

ماشاءالله رووعه

انزين حبيبتي الكيك مايخرب بالفريزر مايصير مبلل من الثلج ؟؟

 

[كلي مشاعر هايمه]

يسلموو ...

السينامون شكله عذاب ..

بس ماعرف اسوي ولاشي من الموجود .. لوووول

 

[أمواج البحر]

الله يعطيج العافيه ع الموضوع المفيد

بس سؤال ... الفطاير ما تييبس اذا فرزنتيها؟

 

[بسمة باباتي]

يعطيج العافية و تسلم ايدج اختي ام عزيزان ,, بس بغيت اعرف شلون تسوين عجينة القطايف ؟ لانه احنا دايما نشتريها جاهزة و نحشيها و مثل سويتي نحطها بالفريزر

 

[bambena]

مشكوره

 

[ام حمود الغالي]

شي حلو والله

 

[ضحكة الدنيا]

تسلم ايدج

ام عزيزان

ويعطيج العافيه

 

[ام عزيزان]

ماشاءالله رووعه

انزين حبيبتي الكيك مايخرب بالفريزر مايصير مبلل من الثلج ؟؟

لا ما يخترب ولا يصير مبلل لفيه عدل بالنايلون وحطيه بالفريزر وبعدها خليه بره ساعه وشوفي اشلون يرجع جنج توج مسويته والكيك كل ماصار بارد يطلع احلى بس مو مثلج يعني

يسلموو ...

السينامون شكله عذاب ..

بس ماعرف اسوي ولاشي من الموجود .. لوووول

لووووول تعلمي مافيها شي وكل الطرق سهله

الله يعطيج العافيه ع الموضوع المفيد

بس سؤال ... الفطاير ما تييبس اذا فرزنتيها؟

ليش انتو ماتحطون الخبز بالفريزر ؟؟؟ الفطاير نفس الطريقه اكيد تيبيس بالفريزر بس بعدين لما اطلعينها بره راح ترجع مثل ماكانت .... واكيد تخلينها بكيس حتى ما تيبييس .... وجربي

 

[ام عزيزان]

يعطيج العافية و تسلم ايدج اختي ام عزيزان ,, بس بغيت اعرف شلون تسوين عجينة القطايف ؟ لانه احنا دايما نشتريها جاهزة و نحشيها و مثل سويتي نحطها بالفريزر

من الذ حلويات رمضان هي القطايف ... وطريقتها سهله


الطريقة :


1 ك سميد ناعم

2 ك طحين

1 م صغيره خميره

2 م وسط بيكن باودر

رشة ملح

ربع كاس سكر

3 ك ماء او اكثر حسب الطحين


الطريقه:

تخلط المقادير وتكون سائله وقابله للصب

وفي القلايه نضع مقدار مغرفه صغيره في المقلى الغير قابله للالتصاق تكون النار وسط وحتى ينشف شكلها وتحمر من جهه وحده فقط

هذا بعد التحمير نتركها اشوي لانها راح تكون ساخنه جدا ولا تحطيهم فوق بعضهم عشان ما يلزقو على بعض... وممكن حفظها بالافظه لحين الانتهاء من المقدار كله
وفي ملاحظه : لا تتركينها مده طويله على النار حتى ماتنشف اطرافها كثير وبعدين ما تلصق ... يعني من تنشف وتتحمر خفيف شليها من النار

ثم نحشيها ونقليها

​

 

[أمواج البحر]

ام عزيزان .. تصدقين ما ربطت بين الخبز و بين المعجنات ^_^

مشكووورة على الاجابه و ان شاء الله بسوي و احطهم بالفريزر اسرع و اريح