روايـتي الثانيــه ** أرهقـني انتـظاره **

[همســات حالـمه]

حبيبتي كلنا نقول اهم شي دراستج خلاص يعني احنا عاذرينج مابقى الا اسبوعين يعني حتى لو تاخرتي علينا مو مشكله المهم ماتكونين مضغوطه احنا حسبت خواتج يعني اذا ماقدرتي قولي لاتستحين

ناطرينج ......... ياعسل ......

بعد قلبييييي والله ما تقصرووون انتووو واكيد بحسة خواتي ونصص والله لا يحرمني منكم

ان شاء الله لا تحاتين اذا حسيت نفسي صج صج ما أقدر راح أقولكم ما راح استحي

الله يوفقج في دراستج حياتي

بعد عمرري الله يوفق الجميع ان شاء الله :ggdw:

همووووسه حبيبتي ناطرينج على احر من الجمر ! بس هم لا تنشغلين في الكتااابه و تنسيين الدراسه
الله يوفقج حياتي !

اي مادري شفيني بايعتها بس لا لا راح ابدي أشد حيلي أكثر ان شاء الله :ggdw:

حيااااتي مشكووووره والله يوفق الجميــــع :eh_s(6):

انا اايد كل البنوتاااااااااات الحلوااااااااات اللي قالوو انه لازم تسوين كتاب

تراااا صج صج يـــبـــيــله #$ كتاب ........

هموسه لازم تسوين كتاب
واذا سويتي هالكتاب قولينا شسمه عشان نشتريه

ونستانس ونندمج برواياااااااااتج الحلوه


يلاااااااااااااااااااااااااااااااااااااااا

لايوقف


لايوقف



لايوقف




لايوقف

....................................................................................................

حيااااااااااااااااااااااتي والله

اكييييييد اكييييييد راح اقووولكم وأصلا لو مو انتو جان ما تشجعت اني أنزل كتاب

يا قلبي صج صج مشكووووووووووووووووووره :ggdw:

 

[طال الهجر]

يلاااااااااااااا وين البارت ناطره حدي متحمسه

 

[همســات حالـمه]

يلاااااااااااااا وين البارت ناطره حدي متحمسه

لاااااااا تخيلي قاعده اكتب اخر جزء من البارت جان بالغلط امسسسحه والمشكله كان اهني مو بالوااارد :0bee2e8d89:

نص ساعه ويكون عندكم ان شاء الله

 

[zqertya]

وااااااااااااي حبيبتي الله يعينج تبين اساعدج خخخخخخخخخخخخ << شكوووو مادري

 

[بقايا همس]

مرحبااااااااااااااا هموسة شخبارج حياتي يالله ترى ناطرين التكملة على احر من الجمر
بس اهم شي ترتاحين يابعد قلبي عشان القصة تطلع على مستوى مع انج معروفه مبدعة بكل الحالات
وتحياتي لج حبوبة............

 

[الدنيا علة]

همووووووووووووووسه فديتج ياقلبي


تفداج الروايه وميه روايه


اهم شي راحتج ياعمري ،،، واحنا كلنا عارفين ان البارت الياي راح يكووون توووووووووووب

يعطيج الف مليوووووووون عافيه


i love you

 

[over love]

ناطرينج ياهمسات مبدعه قصصج بالنسبه لى أدمان

 

[همســات حالـمه]

هاااااااااااي

شلووونكم بنااااااااات؟؟

أول شي الكل يدري ان اليوم 2/8 ذكرى الغزو اللي مستحيل ننساه وعسى الله لا يعود ذيج الأيام ويحفظ الكويت وأهلها من كل شر :yaaaaaarb:
ثاني شي عدسة عيني اليمين اليوم بالمحاضره نطت من مكانها واختفت!! أحد شافها؟؟ :eh_s(3): >>لا والله؟
ثالث شي شرايكم بالجو؟؟؟ >>> خصليييناااا
لا بس عشان حسيت الشمس اليوم مركزه علي فبغيت أتأكد يعني ان مو بس انا

وبعد

وبعد

امممممم :080402ask_prv:

اي صح الباارت!!

>>> ميخالف تحملوني :dddds:

البارت الســـابع + الثـامـن

وطلعت جوى الورقه من مخبى الجينز ومسكتها بايدها وكانت مفتتته....كل شي فيها ممسووح...مستحيــل تنقرااا....اول ما شافتهم انصدمت....ظلت ساكته وقلبها يدق يدق وبعدين لما استوعبت بطتهااااا بجيييي

جنى: جووى شفييييج؟؟؟ لا تبجيييين

جوى: شوووفي الورقه

جنى: حبيبتي خلاص ميخالف...امشي امشي نطلع من اهني

جوى قاعده تبجي وما قادره تبطل بجيي....حست ان خلااااص مستحيل الحين راح تقدر توصله

جوى واهيه تبجي: الحيييين شلووون شلووون راح أقدر اكلمه مره ثانيه

جنى ساكته ما تدري شنو تقولهاا

جوى: واهوه مسكين اكيد ناطر مني شي

جنى: خلاص جوى ما تدرين يمكن يقدر يضيفناا بالايميل

جوى تذكرت ان عطته الايميل بس هم تضايق خلقهاااا حيــــــل

جنى: جوى بس عشاني خلاص لا تبجين

جوى: انتي متأكده ان يحبني؟؟؟

جنى ساكته تخاف تقول شي تخلي الوضع أسوأ,,,,,

جنى: مادري جوى!! ما أقدر أقولج اني متأكده بس هذا اللي حسيته

جوى: ااااه يا القهرر... يااريت يرجع فيني الزمن...يارتني بفرنسا الحين

جنى: جوى انتي تحبينه؟؟؟

جوى: ماادري جنى بس من وقت ما رديت أحسني مخنووقه حيــل...احسني فاقده شي

جنى: ان شاء الله لو في نصيب تشوفون بعض راح تتلاقون

جوى: الحين متى راح اشوفه؟؟؟!!! انا وين واهوه ويــن!!!

في فرنسا..... الساعه 11 بليل

يوسف : عدنان يالمينووون اشتبي تسوووي

عدنان: انااا اوررريه هالكلب

يوسف: حمود وقفه لا تخليه ترى مو صاحي

حمود: انا انا مالي شغل

يوسف: عدنااااان لاااااااااااااا

وقااام مفزووووع يووسف من النوووم.... وعرقااان وقلبه يدق بسرعه بسرعه

ام فيصل: يمه شفيييك؟؟؟ شفييك؟؟؟

يوسف من الخوف مو قادر يتكلم ويتنفس بسرررعه

ام فيصل: اسم الله عليك الرحمن الرحيم

يوسف: يمه ارجعت احلم فييه ( ولحد الحين يتنفس بسرررعه)

ام فيصل: اعوذ بالله من الشيطان الرجيم ( وحطت ايدها على راسه وقامت تقرا عليه)

يوسف: يمه مو قادر اتحمل اكثر...تعبت

ام فيصل: ميخالف يا يمه...شوي شوي على رووحك تنفس

يوسف قام يبجي: يمه دمه دم جاسم كان على ايدييي

يوسف كان كأن طفل بهاللحظه وماسك امه من الخوووف وما يبي يهدها ويرجف وامه تحاول تهديه.....

ام فيصل: يمه حبيبي قوم من الفراش

يوسف قام معاها وبعده كان يبجيي...وقلبه قاعد يعوررره....حاس بخنقه

وخلته يقعد بره بالصاله ويابتله مااي وارجعت تقرا عليه....لما هدا شوي

يوسف: يمه قوليلي لي متى؟؟ لي متى راح أظل على هالحال؟؟!!

ام فيصل: اذكر الله يوسف والله يفرجها ان شاء الله

يوسف: يمه شلوون وانا علي حكم؟؟ لي متى راح اظل هارب جذي؟؟؟ زهقت زهقت

ام فيصل: يمه ميخالف ما تدري شنو راح يصير بعدين...الله كريم

يوسف حط ايدينه على ويهه ومنزل راسه.....

في الكويـت.....

جوى مو قادره تنااام...قاعده بالساعات بس تفكررر...قلبهاا ذابحهااا عواااار...

بينها وبين نفسها: معقوله جوى!!! معقوله حبيتيه؟!! شلون وانتي عمرج ما تؤمنين بالحب؟؟!!!

بس يعني هذا هو الحب؟؟؟

يا الغايب الحاضر بقلبي و لاالقاك

أقرب من عروقي و صعب منالك

شالك زماني عن عيوني ووداك

لا شك وثّق في ضلوعي حبالك

ونامت جوى أخيـــرا

ثاني يوم الصبح في فرنسا.....

طلع يوسف من البيت وأخذ معاه الستاند الخشب وأغراض الرسم وراح المكان الوحيــد اللي بفرنسا اللي يحس فيه بالرااحه...اللي اهوه مكانه مع جوى....

حط أغراضه وعرض بعض لوحاته وبدا يرسـم.....

بس مخـه متشتت...مو قادر يركز!!! كل ما يحاول يمسك الفرشه ويرسم ما يكون في باله الا شخص واحد وده يرسمه....اشتاق لهااا...اشتاق لصوتهااا....كلامهااا حتى ريحة عطرهااا...كل شي بهالمكان يذكره فيـــهااا...بس يتخيلها معااه...تكلمه...تخفف عنه...يرتاااااااااااح



من يقول ..
....ان الاماكن
ماتسولف ماتعاتب
من يقول ....؟؟
الاماكن يا عمري ...
الاماكن ..
لا تهج البوح لا حساس الاماكن
يمتلي صدر الورق حزن وكآبه
والشوارع مظلمه والبيت داكن
والنوافذ كلها صمت وغرابه
....جيت.....
....... جيت
...............جيت
اعشم بردها بالصيف لكن ...
......الفصول الاربعه برد ورتابه
اه لا صار الغلا بالجرح ساكن !!!
......والخناجر كلها ربع وقرابه
مايطيب الحال دام الحب ماكن
...من عروق ومن فياض ومن سحابه
لو نشدني عن سبب حزن الاماكن ؟
..... جف صوتي مت
ماشاف الاجابه

بـعد مرور أسابيــع.....

الكل ملاحظ على جوى ان متغيره عن أول...أهدى...صايره ما تحب تطلع وايد ...واغلب الوقت قافله على نفسها بغرفتها....على طووول سرحانه وتفكرر...

تلفون جوى يرن....

جوى: هلا أنوار

أنوار: وأخيــــرااا فتحتي جهااازج!! جوى فييج شي؟؟؟

جوى: أنوار جم مره أقولكم ما فيني شي ما فيني شي

أنوار: انزين هدي أعصااابج....على العموم احنا بس خايفين عليج ومتى ما حبيتي تتكلمين انا موجوده

جوى: اسفه أنوار اذا انفعلت عليج بس والله لايعه جبدي من كل شييي

كانت طول الوقت جوى خانقتها العبره بس ما اقدرت تمسك نفسها أكثر وبدت تبجي

أنوار: جوى انا يايتج الحين

جوى: لا لا أنوار

وصكت أنوار الخط.....

بعد ربع ساعه وصلت انوار قرطبه.....

جنى: هلا أنوار...حياااج

أنوار: هلا قلبي شلونج؟

جنى: بخير الحمدالله

أنوار: جوى بغرفتها صح؟

جنى: اي فوق

أنوار: جنى اهيه شفيها بالضبط؟؟

جنى: هااا!! مادري

أنوار: شوفي بروح احاول معاها واذا ما قالتلي راح اييج وما راح اروح الا لما تقوليلي كل شي
وصعدت أنوار فوق حق غرفة جوى....

أنوار: جوى فتحي الباب....أنا أنوار

جوى: أنوار لو سمحتي مالي خلق الحين

أنوار: جوى لو انا صديقتج تفتحيلي الباب الحين

جوى قامت تصرخ: بس خلووني بروووحي بسسس

أنوار: والله جوى لو ما تفتحيلي الباب راح ازعل منج حيـل حيــل

جوى: اووووف

وقامت جوى افتحت الباب

جوى: نعم أنوار؟؟ قلتلج ما فيني شي

أنوار : كل هذا وما فيج شي!!!! جوى قوليلي شفيج يمكن أقدر أساعدج

جوى: بس جذي مالي خلق احد

أنوار: جوى انتي من وقت ما رديتي بفرنسا وانتي مو على بعضج!!!

جوى قعدت على فراشها وظلت ساكته ما تبي تاخذ وتعطي وياهاا...

أنوار: جوى انا أنوار صديقة عمرج....اشدعوه يعني انا تخشين عني شي؟؟

جوى: مو عن شي بس.....

أنوار: جوى لا تحاتين تكلمي وصدقيني الكلام راح يكون بس بيني وبينج

جوى ظلت ساكته بس مع الحاح أنوار اخر شي استسلمت وقالتلها كل شي....

أنوار: يعني عرفتي انج تحبينه لما رديتي الكويت؟؟

جوى: اييييي هذي المشكله!! يعني ما يدري اني احبه وشكله عمره ما راح يعرف

أنوار: انزين بس ما تدرين يمكن تروحين مره ثانيه فرنسا وتشوفينه

جوى: متى؟؟!!! بعد جم سنه؟؟؟!!! قاعده احاول مع امي نروح فرنسا بأي اجازه يايه او بالربيع على الأقل موو راضيه كلش

أنوار: ويييي...انزين جوى صبري شوي توه ما مر على سفرتكم الا ثلاث أسابيع عشان جذي رافضه الفكره

جوى: مااادري أنوار ماادري بس أحسني يااائسه

أنوار: لا لا مو انتي جوى اللي اعرفهااا...موو انتي كل كلامج عيشوا اللحظه وخلوا كل يوم بيومه ولا تفكرون ببعدين ومادري شنوو

جوى: اوووه عادك انا أخربط واايد

أنوار: ههههههههههه والله يا جوى وحبييتييي

جوى استحت وقامت تضحك: اوووه عااد الحين شيفكني منج!!

أنوار: شفتي شلوووون....وماكو حب ماكو حب طل بعييينييي

جوى: هههههههههه عشان جذي ما بغيت أقوولج...الحين راح تقعدين تضغطيينيي

أنوار: ههههههههههه لا لا...بس اليوم عفيه خخخخخ

جوى: الله يعييني عليييج

أنوار:انزين وصفيلي اياااه عفيييه...شلون شكله؟؟؟ تعالي بالأول شاسمه؟؟

جوى: اسمه يوسف

أنوار: واااااااي امووت انا على اللي يستحيي!! طاع ويج شلون لونه تغير بس قلتي اسمه

جوى تطق أنوار على ريولها: بس عااد أنوااار

أنوار: انزين شلون شكله قوولي؟؟

جوى: اممممم ما اعرف شلون اوصفه

أنوار: لاا يالله قووولي عاااد...احسه حلو صح؟؟؟

جوى عضت على شفايفها وهزت راسها بمعنى " اي " وقامت تضحك

أنوار: ياااااااااي انزين وصفيلي اياااه يالله عاااد

جوى: طويل...جسمه حلوو...احلى ما فيه عيونه....شعره أسوووود أسووود

أنوار: يااااي وبعد ؟؟

جوى: امممم فنااااااان..رسمه اينننن وهم صووته وايد وايد حلووو

أنوار: اوف حبييييته

جوى: لو سمحتي لا تقولين حبيته

أنوار: هااا أشوف بعد بدييينا نغاااااار

جوى: الحين راح تمسكين علي كل شي ولا شنوو؟؟؟

أنوار: خلاص خلاص انزين....واحلى شي يعرف يتكلم فرنسي احس لااايق عليه

جوى: اوووف الفرنسي يهبل علييييه

أنوار: انزين بس يعني غريبه ليش عايش هناك؟؟!

جوى: مادري أنوار مع ان قالي كل شي عنه بس في شي واااحد خاااشه عنييي حاولت معاه شكثر بس مو رااضي يقوول!!!!

أنوار: غريبه يعني يشتغل جرسون ويقولج ان عايلته من أغنى وأشهر العوايل!!!

جوى: اوووف سكتي غموضه هذا ذابحنييي

أنوار: ان شاء الله تلتقين فيه بيووم

جوى تتنهد: ان شاااء الله أنوااار

في فرنسا.....

يوسف قام ينجح في شغلته أكثرر....ناس تشتري لوحاته المعروضه بالشارع وناس تطلب ان يرسمهااا...باختصاار مرتااااح حيـــل بشغله وقاعد يطلع فلوس أكثر من أول....

رجـع يوسـف البيت بعد يووم طويـــل....لان أغلب وقته يكون واقف بالشارع....

يوسف: السلااااااام عليـــكم

ام فيصل: هلا عمري وعليكم السلاام...ها اشوف نفسيتك حلوه اليوم؟؟

يوسف: اييي تدرين ليش؟؟

ام فيصل: ليش؟؟

يوسف: هذي فلوس كل الأغراض اللي يبتيلي اياهاا

ام فيصل: ويي يا يوسف!!! خلاص يعني انا امك عيب عليك

يوسف: لا والله تاخذييينهم

ام فيصل: لا لا يوسف خلهم حقك يفيدونك

يوسف: يمه قسما بالله لو الحين ما تاخذينهم لا احذف عمري من الدريشه

ام فيصل: وي وي لا خلاص اخذهم اخذهم

يوسف: اي يمه شحلاتج جذي وانتي تسمعين الكلام

ام فيصل: ههههه الله يقطع شرك

يوسف: يمه

ام فيصل: هلا؟؟

يوسف: اخذي هذا بعد

ام فيصل: شنو هذا؟؟

وافتحت الظرف.....

ام فيصل: تذكرة سفر؟؟

يوسف: اي يمه خلاص ردي الكويت في ناس مشتاقتلج هناك اكثر ما انتي مشتاقتلهاا

ام فيصل: لا لا

يوسف: يمه سمعيني...

ام فيصل: لا والله ما اروح واخليك

يوسف: يمه حبيبتي روحي ميخالف عشاني

ام فيصل: خلاص يوسف انا قلتلك ما ارجع الكويت الا ريولي على ريولك

يوسف: يمه حاولي تفهمين...انا عمري ما راح ارجع الكويت

ام فيصل: خلاص ولا انا عيل راجعه

يوسف: يمه روحي شوفي اخواني وابووي

ام فيصل اخنقتها العبره وبدت تبجيي....صج صج مشتاقتلهم

ام فيصل: اروح حق اللي نسوا ان عندهم ام؟؟؟

يوسف: يمه انا اعرف قلبج طيب...انتي سامحتيني وعارف ان بيوم راح تسامحينهم ولا تلومينهم يعني هم اهم متضايقين انج تركتيهم كلهم عشاني!!!

ام فيصل: بس يوسف ما اقدر....

يوسف: يمه خلاص انا ابيج تروحين..سويتي عشاني بما فيه الكفايه

ام فيصل: وانت يوسف؟؟ متو يجهزلك الغدا؟؟ منو يغسل هدومك؟؟؟

يوسف: يمه يعني انا ابيج عندي عشان تسوين هالأشياء؟؟؟ انا مو مقطع قلبي الا جذي....انتي لازم تعيشين عزيزه مكرمه...عشاني يمه لو تحبيني لو تبيني ارتااح ردي الكويت

ام فيصل بدت تبجي ولمته حيـــــــــل....

ام فيصل: بروح بس والله ما راح ارتاح ثانيه بدونك وعلى طول راح تكون في بالي

يوسف: اي يمه يا وييلج لا تنسينيي خخخخخ

ام فيصل: يمه انسى روحي قبل ما انساك

يوسف: يا بعد عمري بس عاد طلي علي بين فتره وفتره

ام فيصل: اكيــد يمه اكيــــد..جم يوسف عندي اناا؟؟

في غرفة يوسف....

قط يوسف نفسه على فراشه...ويفكرر....صج ان مو قادر يتخيل البيت من غيرامه بس مرتااااح من اللي سوااااه..
ويطالع رسومات جوى اللي معلقها على طوف الغرفه....

بينه وبين نفسه: يا ترى جوى شقاعده تسوين الحين؟؟؟ قاعد امر على بالج؟؟؟ اشدعوه كل هالأسابيع تمر وما تيي منج ولا رساله!!! اااااخ يا كثر ما انا مشتاااقلج.... جوى ويــــنج عني؟؟؟ محتاجلج

يا ليل .. تكفى علمه .. كيف الأحوال ،،

قله .. ترى يا ليل .. يا ما ذكرته !!

قله .. ترى جرح المحبة .. برى الحال ،،

وأنا .. معك .. يا ليل .. حزني .. سهرته ،،

يا طول حزني بك ..

ويا ضيقة البال .. جابه معك يا ليل .. شوق .. وذكرته


يوسف منسدح بفراشه قاعد يفكر بكل اللي مر فيه...وين حياته اول ووين حياته الحين؟؟؟ صج ان خسر وايد أشياء بس بنفس الوقت كسب أشياء....

قبــــل ثلاث سنيــــن

في منطقة الخالديـه.....

يوسف: هااااااااا؟؟ منوو على الباااب؟؟

ام فيصل: يمه اناا

يوسف: هااا يمه اشتبييين؟؟؟

ام فيصل: يمه بس شوي افتحلي الباب

يوسف: اووووووف ادري فيج ما تروحين الا لما افتحلج الباب

وقام فتح الباب.....

يوسف بنفسيه: ها يمه خير؟؟؟

ام فيصل: يمه انا ما صدقت تخرجت من فرنسا وقلت الحين راح اقعد معاه لما اشبع منه!! وانت من وقت ما ييت كله وطالع ولما اتيي البيت تدخل غرفتك!!! يمه مو ولهان علي؟؟؟

يوسف: شنو يمه شايفتني ياهل اناا؟؟ اقعد معاي ومو ولهان علي!! فاضيلج انا؟؟

ام فيصل: يعني الحين لما سافرت كل هالسنين وما سألت عن أحد ولا كنت تقول عندك ام وبالغصب ترد علي تكلمني لما ادق عليك كنت اقول ميخالف عنده دراسه الولد وغصبن عليه بس الحين واحنا بنفس البيت نفس الشي!!!!!

يوسف: شوفي يمه سوالف محاضرات ومادري شنوو مااالي خلللق...عندي شي يعجبني تبين تقولينه قووليه شي ثاني غير جذي مو مستعد اسمع

ام فيصل انصدمت من كلامه....ولدها عمره ما كان جذي..شاللي غيره؟!!

ام فيصل: يوسف شفيك جذي تكلمني؟؟؟ عمرك ما كنت جذي؟؟؟

يوسف: اوووه يعني مو خالصين اليوم؟؟؟

ام فيصل: يوسف عيب انا امك كلمني عدل

يوسف: اوووف تدرين شلووون انا رايح عند ربعي أبركلي

ام فيصل: والله ما خربك الا ربعك هذيله

يوسف: يلا يلا باي

ام فيصل: الله يهديك بس

يوسف كان لابس جيـنز وتي شيرت أحمر وطلع ركب سيارته البورش...ودق على رفيجه...

يوسف: هااا عدنانوو قاعدين؟؟

عدنان: هلا بالحبييب...اي اي قاعدين حياك

يوسف: بلشتوو؟؟؟

عدنان: يعني...تونا امبلشين

يوسف: ها امبجرين اليوم!! توها الساعه 9 بليل

عدنان: والله من الفراغه ياخووك

وصل يوسف دوانية عدنان....

يوسف: قوووه

الكل: الله يقويك

عدنان: هلااااااااا

يوسف: ها منو الكسباان؟؟

عدنان: انا طبعااا

حمود: انا بغيت اغلب بس لو ما كنت دايخ

يوسف: يبه أي دايخ؟؟ انت سكران طينه خخخخخ

عدنان: هات جلاص خل أصبلك

يوسف: لا ما ودي أشرب اليوم

عدنان: طاع هذاا!! لا حبيبي ما يصير احد يقعد بدوانيتي صاحي

يوسف: انزين عيل بس جلاص واحد

عدنان : اي يصير خير

يوسف: وين صالح؟؟

عدنان: مادري عنه هذا...احسن أصلا مالي خلقه

حمود: يلا جم تحط؟؟

يوسف: اممممم احط 200 دينار

الساعه 1 الفير....

يوسف: وحياة ألبي وأفراحوو..وهناه في مساه وصباحو

ام فيصل: اووص اووص وط صوتك لا يسمعك ابوك وايي

يوسف: اووووه يمممه كله زاعجتني انتيي...بغني كاااافي اليووم ربحااان اناا

ام فيصل: انت سكرااان؟ ادخل ادخل الغرفه بسرعه

يوسف: يممممه هديني لا تمسكييني وخرري عني

بو فيصل بعصبيه: اطلع بررره

يوسف: اووه اشتبي انت الثاني؟؟؟

بوفيصل: اااه يا جليل الحياااا...اطلع بره بيتي يالله...فيصل طلعه برره

ام فيصل: لا لا طولوا بالكم عليه شوي لان تعبان

بوفيصل: اي تعباان؟؟؟ هذااا سكراااان...ما تشوفين شكله؟؟؟ ما تشمين ريحته؟؟؟ترى ما خربه الا دلعج الزاايد حقه

يوسف: انتو شكلكم مطوليين...انا رايح انااام

بوفيصل: تعال تعال وين رايح؟؟؟؟ انت شفيك جذي؟؟!!! ياريتك مو ولدي...ياريت عمرك ما انولدت

يوسف: انا الحين شسويتلك؟؟؟

بوفيصل: شسويتلي؟؟؟ انا افتشل منك...شوف منظرك شلون صاير!!! شقول حق الناس عنك؟؟؟ انت ليش ما طلعت مثل اخوانك يالفاشل يالمتخلف؟؟؟

يوسف: اي انا طول عمري ما اسمع منك الا هالكلام؟؟؟ اي انا فااشل..الحين شلوون؟؟ اذبح روحي؟؟

بوفيصل: ياريت تذبح روحك....ان شاء الله ايي اليوم اللي افتك فيه منك وما اشوف رقعة ويهك

ام فيصل: خلاص بو فيصل عشاني بس اليوم عديها واذا كررها مره ثانيه انا بنفسي اطرده

بوفيصل كان معصب وماسك نفسه....

بوفيصل: هالمره بس راح اخليه يدخل غرفته عشان لا يرجع يطلع ويشوفونه الناس بهالشكل وبعدين شيقولون عني؟؟!!

وخذت ولدها على طول ودخلت غرفته....

ام فيصل: يووسف وبعدين معاك؟؟ ترى ابوك راح ايي يووم وما راح يطوفلك

يوسف بانفعال: يمه ترى ما صار فيني جذي الا من ورا ابووي

ام فيصل: ميخالف انا ادري بس يوسف ما يصير تسوي بعمرك جذي!! ربك ما يرضى

يوسف: يمه زهقت..طول عمره واهوه يحبط فينييي!! من انا وياهل بس اسمع منه يالفاشل...يالمتخلف...ياللي مالك فايده...وكله يقارنني مع اخوااني!! يعني انا شعلي اذا كان مستواي أقل من مستواهم؟؟؟ليش ما يحبني؟؟ ليش؟؟ انا شسويتله؟؟؟

ام فيصل: ميخالف يمه عشان انت أصغر واحد فيهم عشان جذي يمكن مستلمك بس ما يقصد صدقني

يوسف بعصبيه: ياريته ما كان ابوي....ياريتني مو عايش بهالبيت!!! ياريت عمري ما رجعت من فرنساا احسن من العيشه اهني على الأقل كنت مرتااح هنااااك

ام فيصل: بس هدي أعصابك عشاني

ثاني يوم بليل.....

يوسف حابس نفسه بغرفته...وعلى طول احد فتح عليه الباب ودخل...

بوفيصل: شفيك جنك بنت لحد الحين قاعد بغرفتك؟؟ روح اطلع سولك شي مفيد...ومتى ناوي تدورلك على شغل؟؟ لي متى راح تقعد فاضي جذي؟

يوسف: يعني انت ما تبي تشغلني بشركتك...انا شعلي؟؟

بوفيصل: اي بايعها انا عشان أشغلك عندي؟؟؟ اخوانك يستاهلون المراكز بس انت يالفاشل خلك جذي بمكانك...لا تعرف تتحمل مسؤوليه....لا تعرف تسوي شي عدل...انت فاشل وبتظل طول عمرك فاشل

يوسف ماسك نفسه: انزين يبه...بغيت شي؟؟؟

بوفيصل: شأبي فيك انا

وطلع ابوه وصك الباب حيـل.....

يوسف تنرفز من كلام ابووه وااايد وقرر ان يطلع لان مو متحمل يقعد بغرفته حاس انه مخنووق....

قاعد يفرفر بالشوارع ..ما يدري وين يروح...واخر شي قرر يروح دوانية عدنان..

يوسف: السلام

عدنان: يا حياالله يوسف...شفيك ادق عليك ما ترد؟؟؟

يوسف: كنت مشغول شوي

عدنان: المهم زين ان ييت

يوسف: ها صويلح وحمود شلونكم؟؟

صالح: تمام بخيـر

حمود: تمام

عدنان: يلا تعال اقعد اقعد...تونا امبلشين لعب

يوسف: يلااا

عدنان: هاك

يوسف: لا لا مابي أشرب

عدنان:وبعدين معاك؟؟؟ يا عمي امسك امسك

يوسف خذا الجلاص وشرب....

وقعدوا يقامرون ويشربون ويضحكون....

صالح: هياااااااا

عدنان: لحظه لحظه انت شلون ربحت؟؟

صالح: ربحت بعد شلون ربحت!!!

عدنان: لا لا في شي غلط

يوسف: خلاص شفيك بعد الريال ربح

عدنان: من صجك؟؟؟ ربحان ولا 5000 دينار اليوم

وقام عدنان من مكانه وامسكه واكتشف ان في جم جنجفه موجودين بمخباته

عدنان: يالغشااااااااش

صالح : لا لا اصبرر

وقام يطقه ويوسف وحمود كانوا يحاولون يوقفونه....

يوسف: عدنان بس بس ذبحت الريال طق وخرر

عدنان: انت يعني كل هالمده قاعد تغش؟؟

صالح: لا لا ما غشيت

عدنان: اكيييد بعد الأيام اللي طافت كنت تسوي نفس الشي يالحقير

يوسف: بس عدنااااااان اتركه

ودز يوسف عدنان وحمود وخره بعيـــد

يوسف: قوم صالح قوم

صالح لافه فيه الدنيا من كثر الطق

عدنان: اناا اوررريك

راح عدنان مطبخ البيت الخارجي ورجع....

يوسف : عدنان يالمينووون اشتبي تسوووي

عدنان: انااا اوررريه هالكلب

يوسف: حمود وقفه لا تخليه ترى مو صاحي

حمود بخوف: لا لا انا انا مالي شغل

يوسف: عدنااااان لاااااااااااااا

عدنان: والله لا أذبحه

صالح شاف السجينه واهوه طايح على الأرض ومن الخرعه فز من مكانه

عدنان: يا ترجعلي كل فلوسي اللي خذيتها مني من قبل يا أذبحك

صالح من الخوف ما رد عليه وحاول انه يهرب

عدنان عشان يوخر عن يوسف طقه على راسه

وداخ يوسف وطاااح....

بـعد فتره وعى يوسف وقام مفزوع....

لقى السجينه بالأرض....شاف صالح طايح على الأرض وكله دم.... وارررتعب...

قط السجينه على الأرض وحاول يتأكد اذا صالح بعده عايش او لا!!!

يوسف: صااالح...صااالح

ايده قامت ترررجف....قلبه قااام يطق حيـــــل

شوي ولا داخل عدنان....

يوسف: عدنان انت انت شسووويت؟؟؟

عدنان: ترى بلغت الشرطه أحسنلك تروح من الحين

يوسف: شنووو؟؟ ليش؟؟

عدنان: انت مالك ذنب وما سويت شي...ماله داعي تدخل بهاللويه كلهااا وطبعا وتبتلش بعد مع ابوك..روح وانا ما راح اذكر انك كنت موجود

يوسف: يعني راح تعترف انك ذبحته؟؟

عدنان: اي راح اعترف...يلا رووح بسرعه قبل ما يشوفونك

يوسف: هااا؟؟؟ انزين رايح

كان قلبه يطق بسرعه...مو قادر يفكر عدل....وبسرعه قام وطلع من الدوانيه

طول الطريج واهوه بالسياره كان بحاله صدمه....مو قادر يصدق كل اللي صار توه...!!!


شوي جان يرن تلفونه...تصروووع

يوسف: حمووود شفت اللي صار؟؟؟

حمود: اي يوسف شفت

يوسف: حمود صالح ماات مااات

حمود:الله يرحمه...يوسف اسمعني عدل

يوسف:........

حمود: بس توعدني تسوي اللي أقولك عليه

يوسف: شنوو؟؟

حمود: اوعدني بالأول

يوسف: أوعدك!!!

حمود: يوسف أهرب

يوسف:شنووو؟؟؟

حمود: يوسف بصمات ايدك كلها على السجينه

يوسف من الصدمه سكت.......

حمود: عقب ما اغمى عليك مسح عدنان بصماته ومسكك السجينه

يوسف: بس بس.....

حمود: يوسف انت الحين تعتبر هارب الحق اطلع من الكويت

يوسف: حمود انت لازم تشهد معاي ضده

حمود: لا لا يوسف اهوه مهددني لو أقول شي راح يذبحني

يوسف: بس حمود اناا مظلوووم

حمود: لا يوسف سامحني ما أقدر وانا سويت اللي علي

وصك الخط....

يوسف:حموووود....حموووود

ويرجع يدق عليه جهازه مغلق....

وصل يوسف البيت وقلبه يرقع من الخوووف...مو عارف شلون يدخل البيت وهدومه كله دم!! وما يقدر يرجع يواجه عدنان اكيد وصلوا الشرطه!!!

دخل يوسف البيت شوي شوي.....

انصدم بس شاف ابوه واخوانه وامه بالصاله!!!

يوسف: السلام

وحاول بسرعه يروح غرفته....

بوفيصل:هييي هييي تعاال!! وين رايح؟؟

يوسف: رايح غرفتي..بغيت شي يبه؟؟

بوفيصل: لا يعني داخل 2 الفير جان بعد نمت بره

يوسف: انا اسف

بوفيصل: وين اصرفها " اسف"...طالعني وانا قاعد اكلمك

يوسف:............

قام بوفيصل وراح عنده ولفه....

بوفيصل بعصبيه: قلتلك طالعني وانا اكلمك

انصدم بوفيصل لما الشاف الدم على هدومه!!!

بوفيصل: شنو هذاا؟؟

يوسف:............

بوفيصل: قاعد اقولك شنو هذا؟؟؟ دم؟؟؟

يوسف انهاار وقام يبجي: عدنان اللي اذبحه مو اناااا

بوفيصل: شنوو؟؟؟

يوسف: عدنان ذبح صالح ومسكني السجينه وانا مغمى علي عشان يتهمني ويتبلى علي

الكل من الصدمه ساكت.....

بوفيصل: لا تتبلى على النااااس يا كلب

وطقه كف على ويهه...

يوسف: يبه والله مو انا اللي ذابحه والله العظيم

بوفيصل:انت شام ريحتك يالسكراان....

يوسف: انا مظلوووم...مظلوووم

بوفيصل: اطلع بررره بييتيي.....هذا اللي ناقص؟ولدي قاتل !!! شيقولون عني النااااس؟؟؟

يوسف: يبه صدقنييي

بوفيصل: لا تمسكني اطلع برره

ام فيصل ثاعده تبجي وحاولت تمسك ولدهااا

بوفيصل: تركييييه لا تمسكييينه....اطلع برررره اطلللع يا زباله...ما تيي وراك الا المشاكل...طلعووه بررره

امسكوه أخوانه وقطووه بررره

يوسف: لاااااااا لاااااااااا

فيصل: اسكت لا تصررخ يا حقير لا يسمعونك الييراان

ودخلوا اخوانه البيت وصكوا الباب...

بوفيصل: والله يا ام فيصل اذا شفتج حاولتي تساعدينه بأي طريقه ما راح تلومين الا نفسج

ام فيصل كانت غشياااانه بجيييي!!! ما تدري شنو تسوي!!!

يوسف كان طول الوقت بالحوش على الأرض قاعد يبجي!! ما يدري وين يروح وشيسوي؟؟؟!!

بعد 10 دقايق اطلعت ام فيصل من البيت....

يوسف: يمه يمه صدقيني انا مظلوووم,,,,انا ما ذبحته

ام فيصل: يوسف أخذ جوازك وهالفلوس وهالهدوم والحق اطلع من الكويت بسررعه

يوسف: لا يمه بعدين راح أثبت التهمه علي

ام فيصل: يووسف بسررعه قووم الحق

يوسف: يمه لا....

ام فيصل: يوسف انت تعتبر هارب من موقع الجريمه وهذي بحد ذاتها تهمه...روح بسرعه يوووسف روووح

يوسف مسك ايد امه : يمه بس انتي مصدقتني؟؟

ام فيصل: يوسف دق علي من المكان اللي بتروحله لما توصل

يوسف: انزين يمه

ام فيصل: يلا روح بسرعه

وانحاش......

يوسف واهوه قاعد يستعيد هالذكريات انزلت دمعه من عيــنه!!

تمنيت لو كان للدمعه لسان كان حكت كل اللي فيها

.........: مسيووو....مسيوووو

يوسف: وييي

.........: ممكن ترسمنااا؟؟؟

يوسف: اي اكيــد....تفضلواااا

(الحوار كان كله بالفرنسي طبعاا)

تــــم الجــزء الســـابع + الثـــامن

بنات سامحووني ما راح اقدر انزل بارت لا باجر ولا اللي عقبه لان عندي ميدتيرم حده صعب يووم الأربعااا وعشان جذي اليوم نزلت بارتين عشان أعوضكم...سامحوووني بنااااااات ووالله ما ودي أسوي جذي فيكم بس والله غصبن علي...اعذرووني

وادعولي حدي خاايفه من الامتحاان واااااااايد

 

[همســات حالـمه]

وااااااااااااي حبيبتي الله يعينج تبين اساعدج خخخخخخخخخخخخ << شكوووو مادري

خخخخخخخخ لا اليوم صج صج ما كان يووومي!!! قهرررني لما انمسح!!! بس الحمدالله حصل خيـر :eh_s(6):

مرحبااااااااااااااا هموسة شخبارج حياتي يالله ترى ناطرين التكملة على احر من الجمر
بس اهم شي ترتاحين يابعد قلبي عشان القصة تطلع على مستوى مع انج معروفه مبدعة بكل الحالات
وتحياتي لج حبوبة............

حيااااااااااتي والله انتي....مع ان صج كنت اكتب البارتين وانا دايخه بس لا تحاتين حبيبتي وان شاء الله يعجبكم

همووووووووووووووسه فديتج ياقلبي


تفداج الروايه وميه روايه


اهم شي راحتج ياعمري ،،، واحنا كلنا عارفين ان البارت الياي راح يكووون توووووووووووب

يعطيج الف مليوووووووون عافيه


i love you

وااااااااااااااااي بعد قلبييي انتييي....اناا اللي فديييييييييييييييييييتج :eh_s(6): :eh_s(6):

ان شاء الله يعجبكم وحاطه ايدي على قلبي

مشكوووووووووووووره يا عسلللللللل مليووووووون وترليووووون مررررررره :ggdw:

ناطرينج ياهمسات مبدعه قصصج بالنسبه لى أدمان

حيااااتي انتيييي....وانا شوفتكم صارت بالنسبه لي ادمااان...والله احبكممممم :eh_s(21):

 

[الدنيا علة]

وااااااااااااااااااااااااااااااااي


رررررررررررررررررررووووووووووووووووووووووووووووووعه




يعطيج الف عافيه يالمبدعه ماشاءالله عليج



<<<طقت التحيه لج

 

[بقايا همس]

بأختصــــــــــــــــــــــــــــــــــــــــــــــــــــــــــــــــــــــــــــــــــــــــــــــــــار مبدعة شويه بحقج صراحة...
الللللللللللللللللللللله يعطيج الف عافية وسلامات ماتشوفين شر يالغالية،،،،،،،،
والله يحفظ ديرتنا من كل شر يارب...........

 

[همســات حالـمه]

وااااااااااااااااااااااااااااااااي


رررررررررررررررررررووووووووووووووووووووووووووووووعه




يعطيج الف عافيه يالمبدعه ماشاءالله عليج



<<<طقت التحيه لج

لوووووووووووووووول حيااااااااااااااااااااااااااتي انتي اللي روووووووووعه واشوووه ان اعجبج البارت :ggdw:

بعد عمررري انتي...حدج مشكووووووره يا قمررررر اموااه امواااه :eh_s(6): :eh_s(6):

بأختصــــــــــــــــــــــــــــــــــــــــــــــــــــــــــــــــــــــــــــــــــــــــــــــــــار مبدعة شويه بحقج صراحة...
الللللللللللللللللللللله يعطيج الف عافية وسلامات ماتشوفين شر يالغالية،،،،،،،،
والله يحفظ ديرتنا من كل شر يارب...........

صراحه أخجلتيــــني بكلااااااااامج.....الشر ما اييج حياااااتي....واميـــن يارب الله يحفظ الكويــــت

يا قلبــي انتــي....باختصـــار فديـــــــــتج :eh_s(6):

مشكوووووووووووووووره قلبووو:ggdw:

 

[zqertya]

مسكيييييييييييييييييييييييييين البارت هذا حده صعب يعور القلب

مشكوره حبيبتي عاذرينج لاتخافين موفقه انشالله

 

[over love]

معذوره بعد قلبى عسى ربى يوفقج بأمتحانج ويسهله عليج

قصتج رائعه مثلج وناطرينج يوم الأربعاء بالليل

 

[همســات حالـمه]

مسكيييييييييييييييييييييييييين البارت هذا حده صعب يعور القلب

مشكوره حبيبتي عاذرينج لاتخافين موفقه انشالله

حيااااااتي تسلمينلي يااااااااارب....ومشكووووووره يا قلبــي :ggdw:

معذوره بعد قلبى عسى ربى يوفقج بأمتحانج ويسهله عليج

قصتج رائعه مثلج وناطرينج يوم الأربعاء بالليل

مشكوووووره على الدعوووه حبيـــبتي والله يسمع منج ان شاء الله

وكلج ذووووق وان شاء الله الأريعا لي عوده :ggdw:

 

[LoCo-dUlCe]

وويييييييييييييه مسكين يوسف

موفقة حبيبتي االله يسهل لج امرج لا تحاتين ان شاءالله سهالات

ومعذووورة متى ما خلصتي ردي كتبي

 

[^ليلاس^]

وااااي تأُثرت مع يوسف قصته قصه هذا مسكييييييين :krkrkr:

واخذي راحتج اهم شي امتحاناتج ودراستج الله يوفقج ياااااااارب ونشوفج مهندسة أد الدنياااااااا

 

[inspiring-girl]

وااااي ابي ه>ا البارت مووو صج .. و الله كسر خاطري يووسف ..ناطرينج يوم الاربعاء و ا>ا كلش الخميس

و حبيبتي موفقه بالامتحان .. و عااد بشرينا بعدين مو تنسين !

GoOD luCk

 

[طال الهجر]

لأ لأ مو صج حراااااااااااام والله تأثرت بيوسف حرااااااام مسكين

مو صج اهئ اهئ اهئ .............

المهم يا حياتووووووووووووووووووو


لا تعبين نفسج ادرسي عدل عدل عدل واحنا ناطرينج يوم الاربعاااا

باباي اموووووووووووواااااااااااااااااااااه

 

[همســات حالـمه]

وويييييييييييييه مسكين يوسف

موفقة حبيبتي االله يسهل لج امرج لا تحاتين ان شاءالله سهالات

ومعذووورة متى ما خلصتي ردي كتبي

حبيبتي مشكوووووره وان شاء الله أرجع انزل بارت بأقرب فرصه :eh_s(6):