رحلتنـــا حــق مطـعم ( عبدالوهاب ) حيــــاكم

[وداعيه]

السلام عليكم ورحمة الله وبركاته



طبعا حبيت احط لكم تقرير طلعتنا حق هالمطعم




الموقع : السالميه \ شارع الخليج صاير مقابل مطعم ميس الغانم

راي بالاطباق : ماعجبني كلش مادري ليش عندي ميس الغانم احلى منه

الاطباق الي بالمنيو : الاكل اللبناني سلطات ومشاوي

الاسعار : زينه بس ميس الغانم ارخص

الجو العام : المكان حلو ومريح وموقعه بعد حلو وتقسيمة المطعم حلوه




المهم نبيدي بالاطباق


طبعا كنا 4 اشخاص بس انا ماكليت وايد لانه بنتي الي عمره 6 شهور معاي وشوي اذتني

اول ماقعدت صورت المنظر الي جدامي ​

المنيو ​

حطوا لنا قبل لانطلب ​

والخبز مالهم لذيذ ​

وبعدين طلبنا المقبلات





يتبع بليييز لحد يرد​

 

[وداعيه]

طلبنا المقبلات


حمص ​

ورق عنب

تبوله ​

كبة برغل ... الله يديم النعمه يابسه ​

بطاط شبس ​

يتبع .....​

 

[وداعيه]

عصيري ... برتقال فرش ​

انا طلبت لي بطاط بالكزبره قلت بجربه بس الله يديم النعمه طعمه كاه بصل محترق وفيه مروره

وبعدين مشاوي ... كباب

عرايس

استغفر الله بس والله طعمها مو شي .
ههههههه موزين صاحب المطعم يقرا موضوعي

 

[زهرااا]

هههههه
اي والله مو زين ..
يعطيج العافيه حبوبه
عاد انا سامعه ان زين اكلهم مدحوه لين وصلوه السما

 

[وداعيه]

تابع المشاوي ​

واخر شي انا ناديت الجرسون قلت له ييب المنيو على اسا نطلب حلو

ولا يقولي ماعندنا حلوو بس مهلبيه نظيفها بعد العشا
طبعا بلاش على قولتهم ضيافه من المطعم ​

المهلبيه طبعا كانت لذيذه ​

خلصنا الحمدالله ودشيت الحمام ( عزكم الله لانه مصاصة بنتي كل شوي تطيحها ثلاث مرات اناا رايحه راده
ولا اصور ​

واخر شي الحساب
وكان الحساب 26 ونص مع انه ترى مو طالبين وايد بس 2 الي كلوا
علشان جذي اقولكم انه من طقة ميس الغانم بس ميس الغانم احلى وارخص ​

وبسسسسسس


ان شاء الله التقرير عجبكم ​

اي ونسيت احط لكم شي ​

ممية بنتي فدييييييييييييتها​

يالله صبايا بشوف الردود الحلوه ​

 

[وداعيه]

هههههه
اي والله مو زين ..
يعطيج العافيه حبوبه
عاد انا سامعه ان زين اكلهم مدحوه لين وصلوه السما

لا والله زهرااا انا صج ماعجبني
والناس اذواق

 

[AL 3la]

حرام عليج يا درمه بروحي جوعانه

 

[وداعيه]

حرام عليج يا درمه بروحي جوعانه

روحي طلبي .... تبين سلف ؟؟

 

[bride collection]

زين قلتيلي عنه

ناويه اروحله بس خلاص شلته من بالي

مشكووووووووورة اختي عالتنبيه

 

[ام _خلودي]

لاااا كنت مشتهيه اروحله
اكو ناس تمدح وناس تذم
بعد تقريرج صرفة نظر

يعطيج العافيه

 

[وداعيه]

امبيييييييييييييه عميت على المطعم


لوووووووووووول
بنات انا قلت رايي وللامانه مابي ابالغ واجذب واقوله انه حلو لا والله عادي وفي مطاعم وايد احل وارخص

 

[tabooLA^_^]

واااي هالمطعم توبه اروحله مره ثانيه حده موشي يمكن احلى شي فيه المهلبيه عجييبا

عليكم بالعافيه ....

و خوش تقرير و الله يخليلج البنوته المزعجه

 

[وداعيه]

واااي هالمطعم توبه اروحله مره ثانيه حده موشي يمكن احلى شي فيه المهلبيه عجييبا

عليكم بالعافيه ....

و خوش تقرير و الله يخليلج البنوته المزعجه

الله يسلمج ياحياتي
الحمدالله
في احد ماكل بهالمطعم على بالي اني ابالغ

 

[supermarket]

تصدقين مو اول وحدة تذمه!

عالعموم بالعاافية .. اهم شي المحلبية

 

[وداعيه]

اي صح سوبر ماركت
ويعافيج حياتي

 

[آخر العنقود79]

غريييييييييييييييييييبه

عاد آنا يوم السبت اللي طاف كنت ماكله فيه
اول مرة اجربه
بصراحه
الاكل عنده موووووووووووووووو طبيعي
يعني صج استمتاع
شوفي طلبنا كان بطاطا حرة ودياي بدبس الرمان ورولات جبن وسمبوسك لحم طبعا كلها مقبلات ولغينا التبوله لأن تأخروا فيها
والطبق الرئيسي شيش طاووق
بس بكل أمانه كل صنف الذ من الثاني
يعني كان الاكل له نكهه وطعم مميز
والقعده حلوه والخدمة ممتازة
حتى تنقصت المطعم حق الوالد الله يحفظه
وعلى فكرة انا مجربه وايدمطاعم لبنانية ميجانا وقصريلدز وفيلا فيروز والطربوش
كان تقييمي لمطعم عبدالوهاب اهوا نمبر؟؟؟؟؟
1
بلا مبالغة
ويا حلات المحلبيه آخر شي تسرسح على القلب
صج الناس اذواق
بس انتي معذورة
يمكن لويتج مع بنتج اهي اللي خلت طاقة المطعم سلبية عليج
لأني انا جذيه اذا كنت لويه مع عيالي الله يحفظهم ما استمتع بالأكل
بس صج صج المطعم كان عجييييييييييييييييييييييب
انصحج روحيله بس بدون بنتج عشان تقدرين تتلذذين بالأكل

 

[كوارين]

بالعافية

 

[نماين]

يعطيك العافية

خووووووووش تقرير

الله يخليلك راعية الممية

 

[غالية زمانها]

محد مدحلي هالمطعم
عاد انا غرامي شي اسمه لبناني
اذا تبين صج مطعم لبناني على اصوله عندج مطعم مياااس اللي برشا شيك موطبيعي

 

[وسايم القصيم]

ميس الغانم وعندك قصر النخيل لايعلى عليم في المشاوي والمزات اللبنانيه وخيرها بغيرها والله يعوض عليكم