شنو شعوركم من نظرة الناس حق عيالكم؟

[مباركيه]

ياالرهييفة عسى الله يخليج لبنيتج ويشافيها ويفرح نظرتج فيها اللي تسوينة لبنيتج اللحين يعزز ثقتها بنفسها وباجر لي كبرت ان شاء الله مايهمونها الناس ضعاف النفس والايمان اهنيج على قوة عزيمتج:ggdw:

 

[HearT ChocolaTe]

يــــــــــــــــــــــــارب يشفي كل مريض
انا ولد اخوي بس لس صغير عمره سنة ونص
صح اني عمته يعني امه اهي المسؤولة عنه
بس انقهر لما نكون بجمعة ويجي احد يسأل عن عمره يستغربو اشبه ما يتحرك ونقولهم انه تعبان شوفي النصائح اللي تهل ليه وماليه شئ ينرفز يعني ولدنا وحنا ادرى به تقعد مرت اخوي تقولهم اننا نعالجه وتشتغل نفس الاصطوانه على قولتها شكلي بسجل شريط باللي سويناه واي احد يسأل بعطيه نسخة اما انا على طووووووووووووووووول ابكي بس ما اقول الا الله يصبر كل ام وما يبتلى الا المؤمن

عسى الله يشفيه ويفرح قلوبكم فيه .. ةيدخل والدينه الجنه إن شاء الله
حيا الله أهل السعوديه أسفرت وأنورت
فديتج الناس أطباع وأشكال والله يعينها ويعينا أجمعين عليهم

 

[HearT ChocolaTe]

الله صبرنا ويفرجها انشالله انا عندى ولدى بعد شلل عمره 4 اول كنت اطلعه كل مكان بس ماينام بالليل دايم يتحلم ويبجى بصراخ والحين قعدت ما اطلعه والحمدلله من نفسه هو مايحب الازعاج كلش كل ما اطلعه حتى بيت اهلى يقول ودينى البيت ازعاج يبي بس التلفزيون واقعده بالحديقه يستانس ما يحب الطلعات

أنا رأي من رأي مباركيه .. وبصراحه يا الغاليه قلتها للي قبلج سمسومه ونونه
لا تخلينه في قوقعه يا قلبي .. هو لازم يعتاد على المحيط الخارجي ولازم يعرف الأصوات
وبالعكس هذا شي طيب أنه يحس باللي حواليه .. ومو ضروري تروحين لمكان في أصوات حيل
قويه وإزعاج في البدايه لما يتعود شوي شوي .. دخليه نوادي خلي يحس بالإطمئنان مع شخص يرتاح له
وولدج كبير لازم يدخل المدرسة الحين

حبيبة قلبي لا تزعلين مني بس صدقيني أنا عزوز خليته فترة طويله بالبيت والسبب الغبار اللي يانه .. والله
أني إنصدمت من تصرفاته قام يخاف من الأصوات وحتى أمي وخواتي قام يخترع لما يسلمون عليه
وهنــي على طول من خف الغبار سجلته النادي والله لو تشوفين تعابيره
أول مرة أشوف ولدي جذي .. وشوي شوي حب المكان فديـــــــــــــته والحمد لله الحين سمعي السوالف
ما أقولج ما يخاف كلش .. لكن هذا الشي تقدرين تغيرينه فيه

والكلام للكل يا أمهات فديت عيوووونكم أنا :ggdw: نبي عيالنا يطلعون مثل باقي الناس ما تطلع يستانسون
ويلعبون ويفرضون نفسهم على المجتمع ..:eh_s(1):

تعبت

 

[HearT ChocolaTe]

:yaaaaaarb:الله يشافي عيالكم ان شاء الله

والست الناظرة وام عزوزومباركية ومشاعل كفوا ووفوا خوش كلام قالوه

وانا من كانت بني صغيرة اوديها كل مكان وكنت اشوف الناس تستغرب لها وتقعد تطالع فيها بس عطيتهم طاف ليما صارت بنتي تحب الطلعات ومرات اهيه اللي تخطط للطلعة وتقترح :gr4uu:""" واحنا علينا السمع والطاعة. :s141:""حكم القوي"

يا فديت قلبها أنا .. خلوووهااا تقترح .. عسى الله يفرح قليبج فيها

 

[مشاعل الشمري]

عسل ومرهم على قلوبنا احنا الامهات يا امعزوز

 

[مشاعل الشمري]

:yaaaaaarb:الله يشافي عيالكم ان شاء الله

والست الناظرة وام عزوزومباركية ومشاعل كفوا ووفوا خوش كلام قالوه

وانا من كانت بني صغيرة اوديها كل مكان وكنت اشوف الناس تستغرب لها وتقعد تطالع فيها بس عطيتهم طاف ليما صارت بنتي تحب الطلعات ومرات اهيه اللي تخطط للطلعة وتقترح :gr4uu:""" واحنا علينا السمع والطاعة. :s141:""حكم القوي"

الله يخليها لج واتشوفينها اقوى واقوى

 

[مباركيه]

اسم الله عليج من التعب يا ام عزوزي ياحلوج وياحلو كلامج هو درر عسل تهبلين يااللي كلج أمل00جني بصير شاعرة000خخخخخخ ويي بقت ضحكتج ميخالف مووو:dddds:

 

[ام نوونه]

الحمدلله انا ولدي متعود على الطلعه
اهوا اصلا كله عندي او عند ابوه
وحتى خدامه توني اييب قلت تساعدني
بالتنظيف بس مالها شغل في ولدي
ولدي كله عندي
بس هالايام الحريم يبطون الجبد
يسالون عن كل شي فمرات اذا رحت
يمعة حريم قمت اخليه مع ابوة يطلعه معاه
الصراحه احسن لان الحين اهوا كبر وقام يفهم
نظرات الناس فانا اوديه مع ابوة الالعاب احسن

 

[HearT ChocolaTe]

عسل ومرهم على قلوبنا احنا الامهات يا ام عزوز

والله أنتي العسل شمرمر

اسم الله عليج من التعب يا ام عزوزي ياحلوج وياحلو كلامج هو درر عسل تهبلين يااللي كلج أمل00جني بصير شاعرة000خخخخخخ ويي بقت ضحكتج ميخالف مووو:dddds:

مووووو ؟؟ إلا مووووو ونص بعد ..
حلالج أفا عليج يا شاعرة المنتدى

 

[@شمس الضحى@]

والله مايهموني الناس ونظراتهم اطلع بنتي كل يوووووم خصوصا حاليا بلندن خل تتمشى وتتفرج وتستانس وجنه العيد وتو قبل يومين دشيت محل بالسوق بشارع اكسفورد ومعي بنتي قاعده بالكرسي والا ذيك الكرديه عراقيه طالعت ببنتي ولفت وجهها وراهاا وقعدت تتحمد وتستغفر بصوت استهزاء الله وكيلكم انا صااااار الظغط عندي ملييووووووون وشرشحتهاا وغسلت شراعهاا وخافت واعتذرت وقالت انا ما اقصدكم انا اقصد وحده ثانيه ومعي بنتي الثانيه مدرسه عطتهاا كلام بالعظم
صج ناس متخلفه اول مره يعني يشوفون طفل بكرسي عاد بنتي شكلهاا كنهاا ملاااك تهبل جميله بسم الله عليهاا

 

[مباركيه]

والله مايهموني الناس ونظراتهم اطلع بنتي كل يوووووم خصوصا حاليا بلندن خل تتمشى وتتفرج وتستانس وجنه العيد وتو قبل يومين دشيت محل بالسوق بشارع اكسفورد ومعي بنتي قاعده بالكرسي والا ذيك الكرديه عراقيه طالعت ببنتي ولفت وجهها وراهاا وقعدت تتحمد وتستغفر بصوت استهزاء الله وكيلكم انا صااااار الظغط عندي ملييووووووون وشرشحتهاا وغسلت شراعهاا وخافت واعتذرت وقالت انا ما اقصدكم انا اقصد وحده ثانيه ومعي بنتي الثانيه مدرسه عطتهاا كلام بالعظم
صج ناس متخلفه اول مره يعني يشوفون طفل بكرسي عاد بنتي شكلهاا كنهاا ملاااك تهبل جميله بسم الله عليهاا

يا بعد عمري والله يا ام اسوم :eh_s(6):لايضيق خلقج هذول ناس ضعاف الايمان ونفوسهم مريضة الله يعينهم على روحهم00أنتي بين ايدياتج منحة كنز من رب العالمين عطاج اياه اختبار دنيا وان شاء الله الله يقدرج وتحافظين على هاالكنز وتنجحين بالامتحان وتفوزين بالجنة ونعيمها 000اللهم امين

 

[ام نوونه]

[color="blueفي ناس صج ماتستحي يعني اول مرة يشوفون جذي
الحمدلله والشكر "][/color]والله اهما المعاقيين

 

[..meme..]

عسى ربي يشفيهم قولو آآآمـيـن

تراا الله ماهو صعب عليه ان يشفيهم

ودوهم العمره رااح يستااانسوون وبيحسون بالراحه النفسيه وادعو لهم بالشفاء اهنااك وشربوهم ماي زمزم

عسى ربي يشفيهم شفاء عاجلا غير آجلا ويشافيهم ويعافيهم يااااااااارب اللهم آميين ويخليهم لكم آآآآمين

عسى ربي يشفيهم ويأجرهم ويأجركم ويعاافيهم ويصبرهم ويصبركم ويشفيهم شفاء عاجلا غير آجلا اللهم ( آمين ) ياارب يالعالمين

 

[@شمس الضحى@]

عسى ربي يشفيهم قولو آآآمـيـن

تراا الله ماهو صعب عليه ان يشفيهم

ودوهم العمره رااح يستااانسوون وبيحسون بالراحه النفسيه وادعو لهم بالشفاء اهنااك وشربوهم ماي زمزم

عسى ربي يشفيهم شفاء عاجلا غير آجلا ويشافيهم ويعافيهم يااااااااارب اللهم آميين ويخليهم لكم آآآآمين

عسى ربي يشفيهم ويأجرهم ويأجركم ويعاافيهم ويصبرهم ويصبركم ويشفيهم شفاء عاجلا غير آجلا اللهم ( آمين ) ياارب يالعالمين

نعم مافيه شي مستحيل على رب العالمين سبحانه
مشكوووره ياميمي جزاج الله خير الله يوفقج..

 

[@شمس الضحى@]

يا بعد عمري والله يا ام اسوم :eh_s(6):لايضيق خلقج هذول ناس ضعاف الايمان ونفوسهم مريضة الله يعينهم على روحهم00أنتي بين ايدياتج منحة كنز من رب العالمين عطاج اياه اختبار دنيا وان شاء الله الله يقدرج وتحافظين على هاالكنز وتنجحين بالامتحان وتفوزين بالجنة ونعيمها 000اللهم امين

ياابعد قلبي ياابروكه احبج في الله وسعيده بمعرفتج
الله يعطيج الصحه والعافيه والسعاده مع طولة العمر

 

[بنت ابوها70]

صراحه ............انا بره مع ولدي في الجمعية او في الحدايق او في اي مكان عام ما انزعج من الناس ...اصلا وعادي عندي اشرح حالته علشان يقدرون الموقف
بس ............. عند الأهل ...ما استحمل نظراتهم ....... والا كلامهم ......ما احب يطلعون على كل شي بحياة عبود
ما ادري ليش .............مع ان علاقاتي زينه وياهم ..........بس هذا الشعور ...احس فيه وعلى طول ابعده عنهم علشان ما يملون عيونهم من حركاته................ما ادري يمكن انا غلطانه بهالشعور ... وما احبه ......بس غصبن علي

 

[ام نوونه]

انا اول شي كنت اتضايق من خالتي ام ريلي
يعني مرات نكون معزومين مكان او احد ياي
عندنا لااااااازم تقزله حالته ما ادري اشفيه والله
مادري ليش لي الحين ما يمشي واهيا تدري ليش ما يمشي
واصلا الناس ما يسالون ولا يقولون شي
والحمدلله انا ولدي مو مبين عليه اي شي اصلا
فانا كنت اتضايق من هالشي اقول اذا احد مو ملاحظ ليش الخبر ينتشر
وعاد سمعوا النصايح وكل وحده تقول شي
وحده تقول ودوة البحر كل اربعا اكييد جبسه
والثانيه تالف دوا ما دري من وين وشنو بعد
اذا مارضيت اعطي حق ولدي خالتي تزعل وتسمعني كلام
جنه مو ولدي جني لاقيته بالشارع
وبعدين لاوالله قمت اقول انا ما ارضى احد يقول عن ولدي
شي ولاني معطته اي خرابيط الحين اهما تفهموا الوضع
ودروا اني اتضايق ما ابي العالم كلها تدري مو

 

[الصابرة المحتسبة]

بنت ابوها: ماعليه يقلبي اللي بايده بالنار مو مثل اللي ايده بالماي

ام نونه: الناس عليهم سوالف اخذي وخلي