اي استفسار انا حاضره يا حبايبي لان امي و جدتي يعالجون

[ليمونة سوداء]

يا أعز الناس على قلبي مدام عندي معلومات كثيرة عن الامور الي تخص الحريم ماراح ابخل عليكم اي شي تبونها انا حاضره :ggdw:

 

[فراولة زرقاء]

على فكرة يا بنات انا فراولة زرقاء بس مدري ليش مشاركتي يصير اسمها ليمونه سوداء

 

[shmoo5 2ntha]

إنتي داشه بنكين !!!

بغيت أعرف إحنا البنات اللي للحين ماتزوجنا شلون نهتم بأنفسنا وخاصة وقت الدوره


ويسلموووووووووووووووو حبوبه

 

[فراولة زرقاء]

اول شي الجوع وقت الدورة خطرررررررررررر كبير لازم تاكلين كل ما حسيتي بالجوع لاتقولين رجيم وخرابيط لا
لازم وقت الدورة تشربين زنجبيل و دارسين مررررررررة ممتاز و لازوم تدفين وقت الدورة وماتمشين على الارض من غير دلاغات و اذا تسبحتي دفي راسك يعني لفية بشي لاتخلين الهواء يدخل اذانيك ترى خطر جدا وقت الدورة و فيه وصفة بقولها لك تاخذينها وقت الدورة تنظف الرحم وتنزل الدم بسرعة ما تتخيلين و يسمونها ربيبة الارحام يعني منظفة الارحام اول شي جيبي 30 تمرة + ملعقتين سمن غنم اذا مو موجود زبد بس السمن احسن + رشاد تلقينه عند الحواج زي السمسم بس لونه بني غامق
الطريقة تحطين السمن على النار و تضيفين له التمر و تحركينه لاحد ما يصير حار بعدين طفي النار و حطي علية الرشاد و بعدين شيلية بحافظة اكلي منها بكل وقت و انتي عليك الدورة صدقيني هالوصفة لازم تكون عند كل بنت لانها تحافظ عليه و حتى بعد الزواج لا تتركينها كل دورة سويها و انتبهي من المشروبات الغازية وقت الدورة و اي شي بارد و بالتوفيق

 

[najmah]

حبيت اسالج الحريم الكبار يعرفون شغلات تزين البنت وتكبر خدودها
فاذا يعرفون امج وجدتج الله يخليهم لج
ويعطيج الف عافية

 

[عزوتي محمد]

حبيبتى ماقصرتى اذا ممكن شى للصحة الجسم والتعب بدون مرض واى شى يزين الحال والجسم ومشكوره

 

[فراولة زرقاء]

اهلين كلكم نفس الحاجة احسن شي للبنات و الي يزين حالهم و بشرتهم الحليب بس الوصفات الي بقولها لكم معها اضافات
اول طريقة الحليب بالتمر انا شخصيا ما استغني عن هالطريقة تنعم حتى بشره البنات
اخذي حليب كي دي دي و حطيه بالخلاط معها اربع تمرات و ملعقة صغيرة حلبة مطحونه على الريق يؤخذ كل يوم مرتين الصح و اليل

الطريقة الثانية حليب مع الماش هاذي الطريقة كل بنات اختي عليها و الله جسم بناتها ما شاء الله على هالطريقة متغذي صح
تاخذين حليب كي دي دي و تحطين معه ملعقة ماش و حلبة مطحونه و نفس الشي على الريق بس مرتين في اليوم صبح و ليل الماش على فكرة ينفخ الوجة و يعطية نعومة و بياض و الصحة تبين على البنت اذا استخدمت ماش
بالاضافة الي طريقة التمر الي ذاكرتها للاخت الي قبلكم اذا البنات بالغيين لازم تسوون لهم هالطريقة ترى الخراب ياثر على شكل البنت و بشرتها
من اول اسبوعين بتلاحظون الوجة يمتلى و يبين فية الصحة و لاتهملون العصيرات الطازجة شغل البيت مو المعلب ما فية فايدة و بالعافية

 

[najmah]

يعطيج الف عافية
طيب عندي سؤال ثاني ما عليج امر فيه حرمة قالت لاختي فيج مرض يسمى العفنة
اذا يعرفونه ويعرفون علاجه يا ليت تقولين
وبعد ابي اسال فيه ناس يعرفون البنت اذا خربانه من شكلها وخصوصا عيونها شلون اعرف
واذا تذكرت اي سؤال ثاني بسالج
ومشكوووووووووووووووووره

 

[غـبـروه]

يعطيج العافيه اختي

انا فيني انيميا وما اشتهي الاكل كلش وعصله عندج وصفه اتساعدني

وبلغي سلامي حق امج ويدتج

 

[فراولة زرقاء]

غبروه مايصير كذا عندك انيمية وماتشتهين تاكلين لازم تغصبين عمرك كيف اساعدك و انتي ماتبين تاكلين
اول شي الي الوصفات الي بقولها لك يمكن ما تعجبك بس لازم تغصبين عمرك لازم تاخذين بقدونس مخلوط ببرتقال ممتاز للدم -
و الكبدة مرة مفيدة - الشمندر كثري منه لانه له قدرة عجيبة في زيادة الدوم - التمر يزيد الحديد سبع حبات الصبح و سبعه باليل - و شربي حلبة مرررة ممتازة للجسم - ماش شكلة زي العدس ولونه اخضر مرررر مفيد للدم - عصير طاطم على الريق
و نصيحتى غصبي نفسك

 

[هاجر الكويت]

فراوله انا مشكلتي مشكله قولي لجدتج يمكن اتعرف

انا بنيه والدوره مو منتظمه كلش ثلاث اشهور تجيني مره وخفيفه

ومرات شهرين شهرين واخر مره ست اشهور استخفيت ماجتني رحت الطبيب قالي يمكن تكيس اصغير عالرحم ويمكن السمنه مأثره عليج
وفحوصات الدم مافيها اي شي والهرمونات اوكي وماافيني اي شي

 

[(نبنوبه)]

ابي اسالج شنو مكونات المردود ؟

 

[شوق والدمعه]

جزاج الله خير حبيتي

 

[ام الغالين]

مشكوووووره يا قلبي وما نستغنى اكيد

بعرف عن كثرة الافرازات المهبليه الي فيها رائحه او بدون شنو علاجها

واذا الافراز يكون فيه دم خفيف جدا بس مو دايما يكون

ولتضيج المهبل شنو نستخدم ومشكوووره يا حلوه

 

[فراولة زرقاء]

هاجر الكويت ما تشوفين شر اذا انتي من النوع الي يشرب مشروبات غازية وما يهتم بنفسة وقت الدورة مشكلة في طريقة التمر مع الرشاد ذكرتها للاول مشاركة لازم تسوينها كل دورة و اذا قرب وقت الدورة شربي منقوع البقدونس او البردقوش لانه ينظم الهرمونات
و فيه طريقة الكركم كل شي بالرحم بينزل تاخذين ملعقتين كركم الاكل و حطية بكوبين ماء و خلية يغلى على النار بس لايطول دقيقة اول ما يغلي طفي النار و اذا صار دافي حاولي تشربينهم يوم او يومين وبتنزل بلاوي من الرحم

و بالنسبة لنبنوبة مكونات المردود كل شي كل الاعشاب يخلطونها مع بعض و انا الصراحة ما انصح فية لا البنات و لا لمتزوجات لان الحواجين ماعندهم ذمه يخلطونه وبعض الاعشاب اذا كانت مع اعشاب ثانية تسبب تسمم او سمنه فضيعة و تخربط الهرمونات

ام الغالين مبين الي فيك خراب بسيط لازم تلحقين عمرك نفس الكلام سوي طريقة التمر الي ذكرتها اول الصفحة و الله انا بنت بس ما استغني عنها فعلا تنظف الرحم و تنشف و لازم تسوين وصفة ثانية بالحليب هاذي الطريقة والله راح تدعين لي ليل نهار حتى زوجك بيلاحظ الفرق
جيبي فلفل ابيض مو اسود + ماش لونه اخضر وشكلة زي العدس + زنجبيل و اطحنيهم و حطيهم بعلبة بكميات متساوية يعني كوب فلفل و كوب زنجبيل و كوب ماش تاخذينهم ثلاث مرات باليوم الصبح اخذيه سفوف وبعدين حطيه بكوب حليب دافي علشان الرحم و العصر و اليل نفس الطريقة ولازم تستمرين عليها شهرين وبالعافية

 

[خزنه بنت مصلح]

طيب حبيبتي بغيت اسالج انا بنت واحس ان يطلع معاي هوا بالرحم شنو الحل مع اني اكل وقت الدوره تمر مع رشاد واكل حوايج بس ما فادني ابي شي يوخره بسرعه لاني عرسي قرب الله يجزاج خير عطيني الحل

 

[صاحبة الأمتياز]

مشكوره وجزاك الله خير
انا عندي مشكلة تأخر الحمل والسبب الدوره مو منتظمه وافرازات تجي وتروح ولافاد معي العلاج
واحيانا تجي افرازت لونها بني قبل الدوره وبعدها
رحت الدكاتره كلهم يقولون تكيس المبايض وضعف تبويض عطوني منشطات ولافادت
ياليت تساعديني وشكراً مقدماُ

 

[ام الوردة]

يدتج ماتعرف شي يوخر الكرش

 

[فراولة زرقاء]

خزتة فديتك ارسلت لك رساله على الخاص

صاحبة الامتياز احسن شي ينشط الهرمونات الحلبة اخذيها سفوف على الريق و العصر و باليل لمدة شهرين انا بنت عمي خمس سنين ما حملت ومابقى مكان ماراحت له بس استمرت على الحلبة و عليك بالدعاء و الاستغفار

ام الوردة هههههههههه امي تقول مافي شي يشيل الكرش غير الرياضة لاتصدقين كريمات تخسيس و غيرة و مشروبات هاذي يا تصيب يا تخيب
الرياضة احسن شي

 

[خوية الذيب]

تسلمين انتي وجدتج وامج