اي استفسار انا حاضره يا حبايبي لان امي و جدتي يعالجون

[الحمــ Bent ــايل]

فراوله زرقاء

مشكورة على هالمعلومات الطيبه

وكثر الله من أمثالج...

بغيت وصفة تذوب الدهون

 

[q8^_^]

شنو علاج خراب الارحام؟؟؟؟

 

[حبيبة ماماتي]

مشككوووووورة حباتي على المعلومات الحلوة وبوسيلي راس امج وجدتج الله يخليهم لج

 

[حبيبة ماماتي]

انا ساعات احس يغازات فبطني والاصوات تفشل بس لما اروح الحمام وانتي بكرامه مايكون في شي يعني الاصوات ومعلقه بالبطن وساعات احس بهوا يطلع من رحمي وافرازات شلون اللي اقدر آخذه فديتج ياعمري ادري طولت عليج

 

[فراولة زرقاء]

بالنسبة للخراب انا كتبت موضوع في نفس هالقسم بعنوان علامات الخراب عند البنت و المتزوجة اقريه و بعدين يا بنات الخراب اقدر افيدك بوصفات و اعشاب بس لازم اذا فية حرمة تعالج وشاطرة تروحون لها لا تهملون انفسكم احتمال الخراب الي يكون فيك مو بسيط يمكن تحتاجين لمرخة و مساج للرحم انا ذكرت في الصفحة الاولى طريقة التمر و الرشاد و طريقة الحليب مع الماش و الله يا بنات انا بنت بس ما استغني عنهم لان لهم فايدة كبيرة تشد الظر و ما تخلي هواء بالرحم و تنظف تماما

الحمايل ماراح اكذب عليك مافية وصفات مضمونه تشيل و تزيل الدهون غير شرب الماء ثمان اكواب باليوم لو استمريتي اسبوع بتشوفين الفرق راح تنزلين كيلوا الماء اقوى شي يذيب الدهون و الرياضة ما في شي مضمون ثاني

حبيبة ماماتي احسن شي للغازات شربي كمون و يا نسون ممتاز للغازات و لا تشربين مشروبات غازية لانها دمااااار للبنت و لا تتعرضين للبرد وعليك الدورة و فية شغلة اسمه سناء مكي عند العطار هالعشبة ممتازة لتنظيف البطن هي مسهل بس اذا اخذتيها ماراح يسهل بطنك لا بتقضين حاجتك طبيعي بس كل شي بالبطن راح ينزل تجيبينها من عند الحواج ورق لا تاخذين مطحون و سخني كوب ماي و حطي ملعقة بس من الورق خلية ينقع شوي و شربية على الريق و لا تاكلين بعده قعدي ساعة بعدين اكلي


وما تشوفون شر

 

[عــاشــقــه]

الله يعطيج آلعآفيه

 

[هاجر الكويت]

هاجر الكويت ما تشوفين شر اذا انتي من النوع الي يشرب مشروبات غازية وما يهتم بنفسة وقت الدورة مشكلة في طريقة التمر مع الرشاد ذكرتها للاول مشاركة لازم تسوينها كل دورة و اذا قرب وقت الدورة شربي منقوع البقدونس او البردقوش لانه ينظم الهرمونات
و فيه طريقة الكركم كل شي بالرحم بينزل تاخذين ملعقتين كركم الاكل و حطية بكوبين ماء و خلية يغلى على النار بس لايطول دقيقة اول ما يغلي طفي النار و اذا صار دافي حاولي تشربينهم يوم او يومين وبتنزل بلاوي من الرحم

و بالنسبة لنبنوبة مكونات المردود كل شي كل الاعشاب يخلطونها مع بعض و انا الصراحة ما انصح فية لا البنات و لا لمتزوجات لان الحواجين ماعندهم ذمه يخلطونه وبعض الاعشاب اذا كانت مع اعشاب ثانية تسبب تسمم او سمنه فضيعة و تخربط الهرمونات

ام الغالين مبين الي فيك خراب بسيط لازم تلحقين عمرك نفس الكلام سوي طريقة التمر الي ذكرتها اول الصفحة و الله انا بنت بس ما استغني عنها فعلا تنظف الرحم و تنشف و لازم تسوين وصفة ثانية بالحليب هاذي الطريقة والله راح تدعين لي ليل نهار حتى زوجك بيلاحظ الفرق
جيبي فلفل ابيض مو اسود + ماش لونه اخضر وشكلة زي العدس + زنجبيل و اطحنيهم و حطيهم بعلبة بكميات متساوية يعني كوب فلفل و كوب زنجبيل و كوب ماش تاخذينهم ثلاث مرات باليوم الصبح اخذيه سفوف وبعدين حطيه بكوب حليب دافي علشان الرحم و العصر و اليل نفس الطريقة ولازم تستمرين عليها شهرين وبالعافية

يعطيج الف عافيه حبيبتي والله يجزاج كل خير ويوفقج وين ماتروحين وفعلن وايد وصفو لي المردقوش لتنظيم اي هرمون ضعيف ومشكوره وايد

 

[lujain-q8]

مشكورة اختي وجزاكم الله كل خير

اختي تعرفون شي يخفف تكيس المبايض؟ بحالتنا تكون قشره المبيض سميكه والبويضه ماتقدر تطلع كل شهر للرحم وتنحكر بالمبيض.
ولما ناخذ حبوب الجلوكوفاج يتحسن الوضع وتقريبا تنتظم الدورة
وحبوب القلوكوفاج تنوكل لتنظيم السكر ويعني مريضات التكيس فيهم مقاومه للانسولين لكن مو مريضات بالسكر.

قلت لج قصه بس في شي يساعدنا؟

 

[مصيرنا واحد]

حبيبتي انا عندي مشكله نفس مشكلة اختي خزنه وانتي جاوبتيها عالخاص ؟
وش الحل ربي يسلمك ؟

 

[ام شيخ العربان]

مشكوره حبيبتي اختي ولا عليج امر شوفي امج وجدتج الله يخليهم لج
اذا يعرفون علاج للبلاعيم والبلغم ولدي عمره سنه وشهرين وذبحته المضادات

 

[sosa2004]

اختي ابي علاج حق الدمامل ملوعة جبدي

 

[لاتهجري القرآن]

جزاك الله خير على ها المعلومات الطيبة الله لايحرمك اجرها يارب
مشكلتي يالغالية الدورة عندي لها سنة مو منتظمة احيانا بعد اسوع تنزل او بعد اسبوعين او شهر ...والشعر يتسااااقط بكثرة مع عدم انتظااام الدورة ...وكانت مدتها 7 ايام ومن سنة تجلس 11 يوم او12 يوم
عمري 43سنة....

 

[lujain-q8]

up up


heeeeeeeelp me plz

 

[فـرفـر]

الله يطول بعمر امج وجدتج


انا بنت مو متزوجه وعوار الدوره يذبح لازم اخذ ابره

مع انى ماكل شي بارد لا بوقت الدوره ولاقبلها ولا اشرب بيبسي



وثاني مشكله حيل تنزل مني افرازات لزجه لونها ابيض ومرات احس انها مصفره شوي

واحس كله في بللل ماني ناشفه؟؟

 

[فراولة زرقاء]

الاخوات الي يشكون من تكييس المبايض و عدم انتظام الدورة الشهرية و الهرمونات عليك بالبردقوش اشربي منه صبح ومساء لا تغلين نقعية بماء حار و اذا صار دافي شربية لمدة شهر و سوي تحليل و فيه شغلة عند العطار اسمها القسط البحري اخذي الي لونه بني و اطحنية و اخذية منه سفوف ملعقة الصبح قبل الافطار بنص ساعة وملعقة اليل قبل العشاء بنص ساعة لمدة شهرين بس انتبهي لاتاخذينه وقت الدورة اذا غسلتي من الدورة كملي اقسم بالله راح تتنظم عند كل الهرمونات بأذن الله ما راح تحتاجين لحبوب منظمة نهائيا حتى الي عندهم خمول او نشاط بالغدة عليكم بالقسط البحري و الله العظيم ماراح تندمون كثير عالجوا مشاكل الغدة بالقسط البحري و مذكور في احاديث عن الرسول صلى الله عليه و سلم
و الحلبة ممتازة للمبايض


بالنسبة للاخت لا تهجري القران تشكي من الدورة مو منتظمة عادي حبيبتي عمرك في الاربعين يصير خلل في الهرمونات نفس الشي البردقوش
و القسط البحري يا بنات هو طعمة مررر حيل و ريحته مو حلوة بس شتسوون تبون العافية لازم تتحملون

الاخت ام فرووحة الي معك خراب بسيط انا ذكرت بداية الموضوع طريقة التمر و ذكرت طريقه ثانية الي هي طريقة الحليب و الماش اقريها و استمري عليها و صدقيني بتصيرين بأحسن حااااال و بالنسبة للا ابرة خطرررررررررررر لا تاخذون ابر مسكنة لانه تسبب التكييس على المبايض و الله العظيم خطر البندول و الابر تسبب تكييس و خمول في المبايض علشان كذا البنات بعد الزواج يشتكون من المبايض
علشان الم الدورة اول ما تجيك اخذي ملعقة سمسم و اللله العظيم ربع ساعة او نص ساعة و يروح الالم و اذا ما انزلت عليك الدورة اخذي كوب ماي و سخنية على النار و حطي معه ملعقة كركم حق الاكل او ما يغلي دقيقة بس وطفي عنه لما يصير دافي شربية و بتشوفيين بينزل بلاوي من الرحم

بالنسبة للاخت الي عند و لدها حطي كوب ماي دافي فية ملعقة عسل و ملعقة صغيرة حبة سوداء مطحونه و خلية عشر دقايق بعدين عطية يشربه
كل يوم لاحد ما تشوفين تحسن و النعناع زين بعد

بالنسبة الي تشكي من الدمامل هي نوعين منها يطلع بسبب المكروبات و منها يطلع بسبب السمنة او زيادة الدهون في الجسم و السبب الرئيسي للدمامل اكل الوجبات السريعة لان فيها زيوت مخمرة و احتمال مقلى فيها اكثر من عشر مرات هالشي يسبب دمامل لا تستغربون الوجبات السريعة تسبب دمامل
فية طريقة الحلبة تسوين منها لبخة تاخذين كوب ماي و تحطينه على النار و حطي علية نص كوب حلبة مطحون و خلية يغلى لاحد ما يصير زي المحلبية يعني ثقيل و اذا صار دافي حطي منه على الدمل و لفية تتركينه ثلاث ساعات عند النوم اخذي عجينة في فنجال قهوة و اعجنية لا تكثريين شوي بس و حطي شوي ملح و بعدين حطيها على مكان الدمل لان العجين يسحب كل السائل الي في الدمل و احتمال يفقعه
و فيه طريقة الخوا جوا تاخذين فنجال زيت زيتون و تحطينه على النار و بعدين تحطين علية خوا جوا و شوية مرة مطحونه كلها عند الحواج و تحطين علية بس اهم شي لا تهمليين المضادات و اهم شي المرة امسحي عليه بالمرة كل فترة

و على فكرة سبحان الله الدمامل و الاكزيميا اكثرها عين وحسد و الله لو تقروون سورة البقرة بتشوفون شنو يصير بتحسون بنعاس و ضيق و بتعرفين ان كلامي صح و ما تشوفون شر

ملاحظة القسط البحري ماتاخذينه وقت الدورة

 

[فراولة زرقاء]

بنات اذا تاخرت مارديت عليكم ارسلوا على الخاص وما تشوفون شر

 

[فـرفـر]

الاخت ام فرووحة الي معك خراب بسيط انا ذكرت بداية الموضوع طريقة التمر و ذكرت طريقه ثانية الي هي طريقة الحليب و الماش اقريها و استمري عليها و صدقيني بتصيرين بأحسن حااااال و بالنسبة للا ابرة خطرررررررررررر لا تاخذون ابر مسكنة لانه تسبب التكييس على المبايض و الله العظيم خطر البندول و الابر تسبب تكييس و خمول في المبايض علشان كذا البنات بعد الزواج يشتكون من المبايض
علشان الم الدورة اول ما تجيك اخذي ملعقة سمسم و اللله العظيم ربع ساعة او نص ساعة و يروح الالم و اذا ما انزلت عليك الدورة اخذي كوب ماي و سخنية على النار و حطي معه ملعقة كركم حق الاكل او ما يغلي دقيقة بس وطفي عنه لما يصير دافي شربية و بتشوفيين بينزل بلاوي من الرحم

ياحيااتى ماقصرتي والله انى اتعب منها بشكل رهيب

الله يجزاج خير انتى وامج وجدتج


بس الحليب والماش تقصدين اشربه وقت الدوره والا علي طول

واذا ابدل الماش بحليب وزنجبيل وفلفل اسود شرايج؟


ومشكوره ماقصرتي ياقلبي

 

[متجولة *]

مشكورة على النصايح
بغيت استفسر
لما أخذ حلبة بعد يوم ظهري يعورني وبطني وارحامي واحس اني رطبة في وقت غير الدورة وتزيد الالتهابات علي شنو معناته
اسفة لوعت جبدج ههه

 

[متجولة *]

نسيت فيني غازات اشلون اتخلص منها+بطني منتفخ

 

[متجولة *]

بصير طماعة الصدر الصغير شنو الي يكبرة ؟؟