انا جاية على الكويت وابي ملابس للعيد حلوة من وييين ؟؟؟؟

[أحلى طله]

انا جاية على الكويت وابي ملابس للعيد حلوة ومميزة يعني كشخة مافي زيهم بالدمام وين احصلهم اي مجمع او سوق ساعدوني بلييييز؟؟

 

[فطومه 77]

حياج حبيبتي ،،،

بصراحة المولات عندنا تقريبا نفس المحلات يعني متكررة ،،، بس انا انصحج بمجمع الافنيوز يعني فية كل شيئ من المحلات الاجنبية للمحلات العربية مثل جوويس والريفا .. وبعد عندج مجمع العثمان هادئ وايد ومحلات بدل البنات والحريم حلوه ومجمع المهلب بعدحلو. انا أسفة قرقتج علشان انت ما حددتي ملابس نسائية او بناتية فشملت لج الاثنين وملبووووس العفية مقدما

 

[فروووح]

اختي انا أنصحج بالافنيوز فيه كل شىء ولكل الاعمار وكل المحلات وأهو أكبر مول في الكويت

 

[فروووح]

اختي نسيت أقول عندج بعد سوق شرق والمهلب

 

[\/حزن الأمآكن\/]

حبيبتي عندج الرايه والصالحيه والافنيو مول360 يديد محلاته مو وايد بس حلوين
وهم المعارض تارسه الديره
هم دسكفري جنه اسمه
يديد كله محلات جهال
ومثل ما قالت فطومه اغلبهوم نفس الي بالدمام يعني الي يفرق عندنا هني بس شغل المعارض بس صج حيل حلوين

وحياج الله حبيبتي

 

[أمونة المزيونmة]

صراحة انا اول مرة اشارك في المنتدى وانا بعد من الدمام وبزوركم لأول مرة يوم السبت الجاي ان شاء الله من جد تفاعلكم معنا خلانا نتحمس نزور بلدكم لأنكم مررررررررررررررررة ذوق وترحبون بالضيوف وهذي عاداتكم اللي نسمع عنها عشان كذا مشتااااااااااااااقين نشوفكم ياحبايب ومن جد منتداكم يونس كثير وانا حاطته عني في المفضلة وكل يوم افتحه
بس عندي سؤال
وش سالفة التذاكر اللي تشترونها من الجمعيات وهل باقي الى الحين والا خلصت
وودي اشتري للعيد من عندكم هالسنه بس ابغى شي مميز كثير للبنات (25سنه) ويكون محتشم شوي ومافي زيه بالدمام عشان اكشخ قدام العايلة ولكم جزيل الشكر
(حبيبتكم من السعودية)

 

[Un-6be3iya]

حبيبتي انتي دام ياية من دولة خلييجية ترا كل الي عندنا مكرر عنندكم
فـ بما انج ياية بفترة قبل رمضان الديرة مترووووووووسة معاارض انصحج بالمعااارض و انشالله الخوات يقولوقج وين في معارض حلوة ومايقصرون معآج

و التذاكر الي نشتريها من الجمعية قصدج تذاكر الترفيهية و الاكوابارك والمسيلة ؟ :\

 

[أحلى طله]

الله يعطيكم العافيه جميعا بس وين المعارض؟؟

 

[أحلى طله]

الله يعطيكم العافيه جميعا بس وين المعارض؟؟

 

[أميره بلا قصور]

حياكم الله

المعارض تارسه الديره وفيها شغلات هاند ميد ومن برا الكويت بعد يعني ماتلقينهم بالسوق بس الاسعار شوي مبالغ فيهااا

كل ماتفتحين جريده تلقين دعاايات معارض نسائيه خااصه جريده الوطن<<تسوي دعايه هع هع

لا صج والله
خليني احطلج بعضهم
<<<مبطله الجريده وتقرا خخخخخخخخخخ
معرض بفندق الهيلتون
معرض بفندق الرقعي
معرض صاله الروضان
معرض صاله الفحيحيل
معرض اسواق القرين

شكثر شكثر شكثر

وفي بعد عرض بالبيوت دراريع ومانتوات شغل غيييييييييييييييييييييييير

واتمنى لكم طيب الاقامه

 

[شوق والدمعه]

حبيتي شوفي الافنيوز والرايه

 

[elzain^kella]

avenues. . al rayya .. al sal7eyya .. mall 360 .. marina mall .. layla gallary .. al fanar .. al mohallab .. soug sharg .. plaza hawalli .. plaza al salmeyya .. al thorayya .. al kout .. al menshar .. villa moda .. 7awally & al salmeyya matroseen malls .. wel kuwait momayyaza bel shopping inshallah et7asleen shay momayyaz

 

[ThEQuEEn]

هلا فيكم أول ما توصلون الكويت روحوآ اشتروا جريده الوطن أو اي جريده ثانيه و افتحيها و شوفي صفحه اعلانات المعارض

و روحيلهم في عندهم شغلات مميزه

 

[tolay]

اول شي حياج الله بالكويت

واذا عن طلبج


انا عن نفسي الأفنيوز ماحبيته حق ملابس عيد .... صج انه الافنيوز كبير ومتروس محلات وحلووو بس يصلح حق ملابس الطلعه العاديه لانه ناعم وبسيط وسبورتي اما العيد مايصلح حيل

عندج مجمع المهلب ... منطقة حولي

سوق شرق .... منطقة شرق

مجمع البستان ... السالمية

كويت ماجيك بعد حلوو .... الفحيحيل


ومثل ماقالو بعد المعارض حلوووه لانج راح تلقين شغلات غريبه اكثر​

 

[أمونة المزيونmة]

حبيبتي انتي دام ياية من دولة خلييجية ترا كل الي عندنا مكرر عنندكم
فـ بما انج ياية بفترة قبل رمضان الديرة مترووووووووسة معاارض انصحج بالمعااارض و انشالله الخوات يقولوقج وين في معارض حلوة ومايقصرون معآج

و التذاكر الي نشتريها من الجمعية قصدج تذاكر الترفيهية و الاكوابارك والمسيلة ؟ :\

مشكوورة حبيبتي على الرد والتذاكر اللي أقصدها هي تذاكر الأماكن الترفيهية يقولون أنها أرخص في الجمعيات ما أدري إذا الكلام صحيح أو وأي الجمعيات اللي تنباع فيها؟؟؟
وعندي سؤال بعد الساعة كم تفتح المجمعات التجارية عندكم؟؟؟ ولكم خواتي كل الشكر

 

[جنة الخلود]

عندج سوق شرق
مجمع المهلب في حولي
بحر سنتر في حولي
كويت ماجيك في الفحاحيل
سنتر بوينت في حولي والسالمية والري
الفنار في السالمية
البستان في السالمية
ليلى جلاري في السالمية
مغاتير في الفروانية

والمجمعات تفتح من 10 الصبح تقريبا وتقفل 10 باليل

 

[جنة الخلود]

عندج محل (دبينهامز) في السوق الحرة بالمطار
وعندج (سينييه) بشارع سالم المبارك بالسالمية

 

[جنة الخلود]

مجمع المثنى بالكويت
الحمراء مول بالفروانية
مجمع الصالحية
مارينا مول
البستان بالسالمية
مجمع مناور بالفروانيه
مجمع النقرة الشمالي والجنوبي بحولي
مجمع الرايه بمدينة الكويت
مجمع بيروت بحولي
(سيرز) بالري
وطلعا مافي أحلى من الأفنيوز بالري

 

[شمس الكويت85]

عندج الافنيوز في كللللللللللللللللللللل المحلات واغلب الماركات قاعده تفتح كويت ماجك - الكوت - سوق شرق - مجمع الرايا وااااايد حلو ملابس ايطاليا بس اسعاره غاليه شوي يعني من 60 دينار وانتي الي صاعده

 

[أمونة المزيونmة]

أشكركم جدا على تفاعلكم
بس عندي سؤال أخير
المعارض اللي قلتو لي عنها كيف دوامهم يعني متى يفتحون ومتى يسكرون وكيف اسعارهم ياليت تعطوني سعر تقريبي للبضاعة هناك والله اني مشتاقة لشوفتكم وزيارتكم
وشكرا ما قصرتوا