هااااااااااااااي بناااااااات وحشتووووني حيــــل حيــــــل......
الجـــزء التـــاســع
مطار فرنـسا.....
يوسف: يمه ديري بالج على نفسج واول ما توصلين طمنيني
أم فيصل: اي حبيبي ولا يهمك...وراح أحاول أحصل حمود
يوسف: ويييه يمه انا صارلي سنين أدور عليـه!! من وقت اللي صار يقولون لحد الحين ما رجع الكويت!!
ام فيصل: ما يندرى بشوف ان شاء الله ألاقيه
يوسف: الله كريــم يمـه...
ولمــت ولدهاا حيـــل وحاولت تمسك نفسها وما تبجي بس ما قدرت....
يوسف: يمااا وبعدين معااج؟؟ تبينا الحين نقعد نصيح أنا ووياج بالمطار؟؟
أم فيصل: شسوي يمه غصبن علي
يوسف: راح أشتاااااقلج يالغاليه
أم فيصل: وانا أكثرر وأمانه حط بالك على رووحك
يوسف: بس عاد لا تحاتين يمه...شفيج ولدج رياااال
أم فيصل: خلاص يمه...مع السلامه حبيبي
يوسف: مع السلامه...
الكويت....
جوى فاتحه لاب توبهاا....
جوى: اووووف متى راح يضيفني!!!!
جنى: بعد الريال قال ما عنده كمبيوتر بس انتي لازم تتفلسفين!! لا لا ما اتفقنا ناخذ أرقام بعض...مو كان هذاا كلااامج؟؟؟
جوى: اووف جنى سكتي متضايقه من روحي وايد...الحين متى راح أقدر اكلللمه؟!!!!
جنى: تخيلي تخيلي تشوفينه بعدين بعد سنيـــن سنيــــن وتقوليله كيفك أاال عم يألولوا صار عندك ولااااد
جوى: وااااااي انتي تبين تذبحيني؟؟؟أي ولاد؟؟؟ الله لااا يقووووووول اهئ اهئ
جنى: خخخخخخخخ أحلى شي ان بسرعه أقدر أستفزج
جوى: أقول أقول طلعي بره
جنى: جوى...جوى أختي قامت تحببب...موو قادره أصدق!!!
جوى: ليش يعني ما أحب؟؟ مو بشر أنا حالي حال الناس؟؟؟
جنى: لاااااااااه ويـــن كلاااامج أوووول
جوى: كلامي أول كان قبل يووسف!! الحين صار في يووسف...اوووف وين يوسف؟؟ يا ترى شقاعد يسوي الحين؟؟؟
فرنسـا......
يوسف قاعد يتمشى صوب النهر...حاس بضيقه بس قاعد يحاول كثر ما يقدر ان ما يخليها تأثر عليـه....يمشي ويطالع الناس...اللي قاعد مع حبيبته مستانس...والأبو اللي قاعد يركض مع عياله......والربع اللي قاعدين مع بعض يضحكون....
يوسف بينه وبين نفسه: يارب لي متى؟؟ لي متى بظل محروم من هذا كله؟؟؟ليش كل ما أتعلق بأحد يتركني؟؟؟ ليش كل ما أحاول أقوم يرجع شي يطيحني؟؟
!.. فضت ..!
كل ../ الشوارع !!
ما لقيت !
اللي ينــــتظرني ...!
مثل طفلً !
طلع يلعب ../؛
ورّد وما لقى بيته ؟!
الكويـت....
أم فيـصل وصلت البيــت...اول ما شافت بيتها ايدها قامت ترجف...حاسه بخوف مو طبيعي...ما تدري شلون راح يستقبلونها عقب كل هالسنين؟!! بعد ما تشجعت أخيرا طقت الجرس....
طلال: نعم؟؟؟
أم فيصل:.............
أول ما سمعت صوت ولدها اخنقتها العبره....
طلال: نعم؟؟ منو عند الباب؟؟
أم فيصل: يمه أناا
طلال: منووو؟؟؟
أم فيصل: أنا أمك فيصل
طلال: يمه؟؟!! دقيقه دقيقه
بعد شوي جان يطلعلها بره....
طلال طلع شاف امه وكان منصدم...!! متسمر بمكانه ما يدري شيسوي!!!
أم فيصل: فيصل حبيبي شلونك؟؟؟
بعدين قامت تبجي.....طلال لما شافها تبجي راحلها وحضنها حيـــل ومسكها ودخلها البيت...
أم فيصل: ويــنكم عني كل هالفتره محد سأل علي؟؟؟
طلال: سامحيني يمه بس كنا متضايقين شلون سويتيها وتركتيناا ورحتي
أم فيصل: ولوو فيصل أنا أمك...جذي مره وحده تنسوني؟؟!
طلال: يمه الله يهداج انتي شلون تسافرين جذي فجأه وما تسألين على أحد؟؟؟ ما شفتي أبوي...كان معصب حيــــل وحلف ان ما يخليج ترجعين تدخلين البيت مره ثانيه
أم فيصل: وينه أبوك الحين؟؟
طلال: نايم
ام فيصل: وفيصل وينه؟؟
طلال: طالع مو اهني
أم فيصل: يمه سامحني على اللي سويته بس ما كنت أقدر أهد يوسف بروحه
طلال: يمه يعني تخلينه كلنا عشان هالمجرم
أم فيصل: والله يا طلال لو تقول عنه مجرم مره ثانيه راح أزعل منك
طلال: يمه يعني مو هذا الصج؟؟؟ مو مطلوب اهوه الحين؟؟؟
أم فيصل: كانت غلطه مني اني ما صدقته من البدايه والحين للأسف تعقدت الأمور...بس طلال انا وانت ندري يوسف عمره ما يقدر يأذي أحد
طلال: تدرين ان أبوي مانع أي أحد حتى يذكر اسمه بالبيت
أم فيصل: الله يهديه أبوك ويحنن قلبه عليه
طلال شاف أبوه ياي واخترع....
بوفيصل: انتي شنو تسوين اهني؟؟؟
أم فيصل شافته وردت عليه ببرود: هلا بوفيصل
بوفيصل: ردي علي...شتسوين اهني؟؟؟ شنو عبالج على كيفج متى ما تحبين تطلعين تطلعين ومتى ما تحبين ترجعين ترجعين؟؟؟ فوضى اهيه؟؟!!
أم فيصل: أنا رحت حق ولدي اللي مادري متى راح تحنن قلبك عليه وتحس فيه؟؟!!
بوفيصل: هذا ما ابيج تيبين طاريه على لسانج جدامي مره ثانيه...لا هو ولدي ولا أعرفه
أم فيصل: حرام عليــك يالظالم...هذا ولدك
بوفيصل انفعل: ما اسمحلج تقولين عني ظالم مره ثانيه فاهمه ولا لا؟
أم فيصل:...........
بوفيصل: على العموم هالبيت يظل بيتج.....بس انتي الحين مرتي كأسم وجدام الناس بس
أم فيصل: انت هذا بس اللي تحاتيه...كلام الناس!!! على العموم ما قصرت
مرت الأيام....أم فيصل تحسنت علاقتها مع طلال بس فيصل شايل بقلبه عليـها ويعاملها ببرود....وبو فيصل مو قاعد يحتك معاها كلـش....
بعـد مرور ثلاث أشهر.....
في الكليــه....
ساره: أمبيـــه جوى شفيـــج؟؟ الدكتور يكلمج وانتي ولا على البااال؟؟!!
فجـر: اي وانا أقول فيج شي..أحسج كله بعاالم ثاااني!!! شسالفتج انتي بالضبط؟؟!
جوى: عادي ما فيني شي بس مو قاعده أنام عدل
ساره: لا لا جوى والله فيـــج شي...قوولي يلا شفيــج؟؟!
جوى فجأه عصبت: اوووف خلااااص راح انفجررر ذبحتوووني بس ما ابي احد يكلمني
ومشت جوى عنهم.....
فجر: امبيه شفيها؟؟؟ شقلنالها؟؟
أنوار: ميخالف خلوها شوي لانها تعبانه
ساره: شكلج تعرفين شفيها صح؟؟
أنوار:............
ساره بعصبيه: يعني ليش تقولج انتي وما تقولنا؟؟؟
أنوار: لا لا ماكو شي
ساره: ولا انا عيل أبي اكلمهاااا....امشي فجر امشي
أنوار: لا بنات صبروا مو قصدهاا
ودقت أنوار على جوى....
جوى: أنوار تكفين مالي خلق الحين...بعدين اكلمج
أنوار: جوى ترى الكل قاعد يلاحظ ان فيج شي وساره وفجر متضايقين ليش نا تبين تقولينلهم
جوى: اوووف مو وقته يعني
أنوار: وينج انتي؟؟؟
جوى: بالسياره الحين بطلع من المواقف
أنوار: انزين بكلمج..شلون؟؟
جوى: تعاليلي البيت...تقدرين؟؟
أنوار: يلا انزين الحين اركب سيارتي واييج
عقب ما وصلت أنوار بيت جوى.....
أنوار: ترى مو حاله جوى...خلاص يعني مو معقوله جذي!!! راح تظلين بهالحاله لي متى؟
جوى: مادري أنوار....كل ما أقول أكيد مع الوقت راح أصير عادي وأنسى,,,بس قاعده أشتاقله أكثرر...
أنوار: يبيله وقت وتنسينه
جوى: المشكله انا ماااا ابي أنسااااه...أبي أشووفه اليووم قبل بااااجر...احس اني بمووت,,,,واللي قاهرني عمري ما كنت جذي!!! مادري شسوى فيني؟؟! علقني فيــه....عفسني.....هز كيااااني!!!!
أنوار: خخخخخ يحليلج والله
جوى: لا تضحكيـــن..,,ترى والله من صجي أبيــــه...امبيه يعني تخيلي انا اللي مو بسهوله أبجي...ساعات أكون بالفراش وفجأه بروحي أقعد أبجي!!! ليش جذي قاعد يصير فيني؟؟ فهميني؟!!
أنوار: والله يا عمري مو هاين علي أشوفج جذي...مادري شقولج؟! ان شاء الله تشوفينه بأقرب فرصه
جوى: ان شااء الله....تدرين
أنوار: شنو؟؟
جوى: قبل ما أسافر بيوم قالي شي بالفرنسي بس ما قالي شنو معناتها!! ولما سألته قالي كل شي بوقته حلوو
أنوار: يااااي تتوقعين شنو قال؟؟
جوى: مادري بس احس ان يمكن اعترفلي بحبه وانا مثل الخبله مادري عن شي
أنوار: بصراحه صج قهر ما تنلامين
جوى: اوووف ما تتصورين شكثر منقهررره...ومو باطه جبدي الا ليندا الخايسه
أنوار: خلاص بعد الشي صار والورقه راحت...شتسوين بعد؟! بس عاد جوى قولي حق ساره وفجر...حرام ترى ماخذين على خاطرهم منج واهمه قاعدين يحاتونج وانتي معطيتهم طاف
جوى: أنوار انا ما قلتلهم لان ما صار في شي بيني وبينه بعد
أنوار: بس دقي عليهم كلميهم عفيه...
جوى: انزين بدق
في فرنسا.....
يوسف لحد الحين شغلته ان يرسم ويبيع لوحاته بالشارع و صار يطلع فلوس أكثر وتحسنت حالته عن أول...
أكثر من مره كان يفكر يحاول يحصل كمبيوتر ويحاول يكلمها بس حاز بخاطره ان ما يات منها ولا رساله وحط في باله اكيد انها نسته مره وحده ومو حاب يفرض نفسه عليـهاا....ويخاف اذا يرد يكلمها بعدين يرجع يفقدهااا مره ثانيه...فقرر ان يبعد عن حياتها وكافي ان عاش لحظات حلوه معاها بس لو شنو ما راح ينساهاا...
بينه وبين نفسه: الله يوفقج بحياتج يااارب ويسعدج ويهنيــج ويحقق كل اللي تبينه....كنت أحبج وراح أظل أحبج يا عمري بيني وبين نفسي
فمان الله ياصفحة بياض المغرم المسلوب
من الوان السواد اللي تبعثر في عناويني
قريت من القسى كلمة وداعك والشقى مكتوب
من احساس المسافه مالحقت اقصاك بيديني
جمعتك فـ المكان اللي لقانا بطيفك المحجوب
تصورتك خيال منسكب في لحظة سنيني
كتبتك لين بكتني حروفي والدموع تذوب
على حد المحاجر تشتعل بأقصى شراييني
عسى الاحزان من ليلة ضياعك ماتكون عيوب
عسى عمر الوجع يقصر ولا ياصل مياديني
الكويـت....
جوى: يمه تكفيــــن
أم جيهان: قلتلج لا يعني لا
جوى: انزين يعني مثلا وين بنروح بالربيع؟؟؟
أم جيهان: مفكره نروح مصر
جوى: لااااااا يماااااا
أم جيهان: يعني احنا متعودين بالصيف نروح اوروبا والربيع نروح مكان قريب صح ولا لا؟
جوى: اي بس يعني شنو راح يصييير اذا رحنااا هناااك؟!!!
أم جيهان: انا بفهم شنو هالحب المو طبيعي حق فرنسا؟؟! ترى يننتيني فيهااا
جوى: بس استانست فيييهااا....انتي استانستي فيها جنى؟؟؟
جنى: اوووه استانست فيييها بشكل ما ينوصف
جوى: شفتي شلووووون؟؟؟
أم جيهان: انتو الثنتين وخروا عني ويهي
جوى: يــمه انزين على الأقل فكري فيييهااا
أم جيهان: بفكر فيها بس لا ماكو فرنسا بالربيع انسي
جوى: اوووووف
جنى: اووووووووف
أم جيهان: اوف بعينكم انتي ووياهاا
جوى: محد بهالبيت قااادر يفهمنييي
جنى: اي وبعدين معاكم؟؟ فهموووناااا
جوى: جنووووه فكيـــنيييي موو وقتج
مشت جوى رايحه غرفتها مندفعه حيـــل ومعصبــــه......
ليندا: جوى انتي شنو في؟؟
جوى: انتي بالذااات لا تكلميييينيييي
ليندا: انا شنو يسوي؟!!
جنى: انتي شنو يسوي؟؟!! انتي دمر حياة مال اهيه تدرين ولا لا؟
ليندا: ليــش؟!!
جنى: جوووه لا تقفلين الباااب...فتحيه شوي خل أكلمج
جوى: اوووف بس جنى رووووحي مالي خلق
جوى منسدحه بفراشها وصاكه فيها الدنيااااا....لايع جبدها من كل شي وبعدين ياها تلفون....
جوى بنفسيه: هلا أنوار
أنوار: بقوولج شيييييي
جوى: شنووو؟؟؟
أنوار: راااح تموووتييين عليييي
جوى: يلا خلصي قوولي شنووو في؟؟؟
أنوار: تقولين منو رايح فرنساا وراح ياخذج معااه؟؟
جوى: جذاااااااااااااااااااااااااابه
أنوار: والله العظيــم
جوى: شلووون؟؟؟
أنوار: انا صارلي فتره احاول بأمي واليوم أخيرا أخيرا وااافقت
جوى: يااااااااااي متى بتروحون؟؟
أنوار: بالربيع ان شاء الله
جوى: انزين منو ومنو رايح؟؟؟
أنوار: انا وامي وخالتي وانتي معاااناااا
جوى: يعني أبوج واخوانج مو رايحين؟؟
أنوار: لا أبوي ما يحب يسافر واخواني اذا تسافرين معاهم تطق جبدج عشان جذي ما راح ناخذ احد فيهم معانا
جوى: امبييييييييه ونااااااااسه أحبج امووووت عليــــــج
أنوار: أشكرج أشكرج
جوى: بس عاد الحين ان شاء الله امي ترضى أسااافر
أنوار: لا حاولي فيها وايد ويلا ما بقى الا شهر على السفره..حاولي فيها من اليوم
جوى: لا بروح اكلمها من الحيـــن
أنوار: يلا روحي ركض
جوى صكت الخط حتى من غير ما تودعها من كثر ما اهيه متحمسه
نطت من مكاااانهاااا وراحت على طول حق امهااا....
جوى: قوه يمه
أم جيهان: ويييه شاللي رجعج الحين؟؟
جوى: ولهت عليج
أم جيهان: سبحان الله
جوى: يمه حبيبتي
أم جيهان: خيــــر
جوى: انا رايحه مع أنوار فرنسا بالربيع يلا مشكوره تصبحين على خيــر
أم جيهان: لحظه لحظه تعالي...
جوى: هلا والله؟؟
أم جيهان: شنو رايحه مع أنوار فرنسا؟؟؟
جوى: اهيه مسافره مع أمها وخالتها وتبيني اروح معاها...عاد لا تقولين ما يصير بعد؟؟؟
أم جيهان: لا شنو ولا مره سافرتي من غيرنااا
جوى: يــمه يلاااا عفيه عفيه بسااافر من زمااان ودي أسافر معاهااا
وظلت تحاول فيــها وتحاول فيـــها لما قدرت بالنهايه تقنعهاااا....
مر شهر.....وطول هالفتره ما كان في بالها شي غيـــر فرنسا ويوسف وانها مو مصدقه عقب هالخمس أشهر وأخيـــراااا راح تشوووفه....
في مطار الكويـت....
أنوار: خالتي لا تحاتين جوى راح نشيلها بعيونااا
أم جيهان: شسوي اول مره راح تغيب عني جذي فتره
جوى: يلا عاد يمه عن العياره مره سافرتي أسبوعين وخليتينااا
أم جيهان: لا بس هالمره غيـر انتي اللي بتسافرين
جوى: يمه حبيبتي قلبي لا تحااتيــن وانتي تعرفيني شلون أعرف اتحمل مسؤولية نفسي
أم جيهان: انزين بس طمنيني عليج اول ما توصلين
جوى: ان شاء الله....وانتي ليـــــش بعد قاعده تبجيـــــن؟؟؟؟
جنى: ابي اروووح ابي اروووح معاكم اهئ اهئ
جوى واهيه تلعب بحواجبها: انتي رايحه مصر استانسي خخخخخ
جنى: اهئ اهئ اهئ
جوى: يلا مع السلامه وديروا بالكم على روحكم
وباست امها واختها ومشــت.....
طـول الوقت بس تفكر وسرحااانه...وكل ما تتخيل نفسها صارت هنااك وبنفس المكاان قلبها يبدا يطق حيـــــل وتحس بخووف مو طبيـــعي....
الف شغله وشغله تمر في بالها.....
اول ما تشوفه شلون راح تتصرف.....شتقوله؟؟؟ يا ترى لحد الحين في باله؟؟؟ راح ألقاه ولا ما راح ألقاه؟؟؟ بعده يحبني ولا لا؟!!
كانت بكامل أناقتهااا لان ودها اول ما توصل فرنسااا تروحله على طوووول.....
بالطياره....
جوى كانت حاطه ريل على ريل وتهز ريولها حيـــل....
أنوار: امبيه جوى شوي شوي على روحج
جوى: هااا؟؟
أنوار: شفيـــج امبين عليج متوتررره حيـــل!!!
جوى: اووف بس متوتره!!
أنوار: انزين هدي...مو اول مره راح تشوفينه
جوى: لا أنوار هالمره غيـــر...هالمره أحبــه
أنوار: انزيـن الحين بقى على الوصول 4 ساعات ان شاء الله طول الوقت راح تكونين بهالحاله
جوى: خلاص شعليج مني؟؟ خليج بحالج
أنوار: انزين بس لا تهزيـــن وترتيني معاااج
جوى:انزيـــــن
أنوار: ولا تطقطين أظافرج على الطاوله
جوى: شرايج أقوم بعد من يمج؟؟
أنوار: خخخخخ لا عادي مو للهدرجه
هدت شوي جوى وارجعت تهز ريولها....
أنوار: هزيـــتي أمييييي....بسسسس
جوى: اووووه مادري مو قاعده احس على رووحي
أنوار: لازم لازم اكون موجوده اول ما تشوفينه...شكلي بضحك ضحك خخخخ
جوى: لااااا تخرعيـــني اكثررر عفيــه
أنوار: صرااااحه الله يعيـــنج
وصلوا فرنــسااا والجو كااان باااااارد.....اركبوا التاااكســي وكل ما قربت المسافه عشان يوصلون قلبها تزيــد دقااااته...الكل ملاحظ عليها انها قاعده على أعصااابهااا
أم جاسم اللي اهيه ام أنوار: جوى حبيبتي فيج شي؟؟
جوى: لا خالتي عادي ماكو شي
أم جاسم: لا بس أحسج متوتره شوي
جوى: لا عادي خالتي لا تحاتين
ام مساعد ( خالة أنوار) : احنا بحسبة أمج هااا...اذا بغيتي أي شي لا تستحين
جوى: اي اكيـــد...ما تقصرون والله
وأخيـــرا وصلوا الفنــدق وسووا تشك ان وصعدوا الغرفه....
جوى: أنوار يلا انا بروح الحين
أنوار: شفيج الله يهداج...وين بطير الريال؟؟؟ تونا واصلين بسم الله
جوى: أنوار تكفيـــن اذا بظل قاعده راح أتوتر زياااده
أنوار: الحين وين بتروحين؟؟؟
جوى: بروح صوب النهر...بس عاد هالفندق أبعد من فندقنا اللي كنا قاعدين فيه حسافه
أنوار: أقول حمدي ربج هااا
جوى: اي ادرري اكييد الحمدالله المهم واخيييرااا صرت بفرنسااا وأخيرراااا
وقاعده تتناطط جوى بالغرفه....
أنوار: ههههههههههه جذي الحب يسوي؟؟!!
جوى: ااااخ يسووي أكثررر بعد...ولهااانه عليـــــه....مشتاااقلته حيـــل ابيييه اشوووفه...يلااا أنواارووو قووومي خل نرووووح
أنوار: هذا مو بس أعفسج....انقلبتي فووق تحت
جوى: اااااااه
أنوار: يعني الحين ضامنه انه موجود هناك؟؟؟
جوى: امبله احسه مووجوود وبعدين هذا وقــته
أنوار: صبري اكلم أمي..ان شاء الله ترضى
دقت على أمهاا...
أم جاسم: شفيكم جذي مطفوقين؟؟ ريحوا شوي وننزل كلنااا
أنوار: لا لا يمه ما نبي نضيع ولا دقيـــقه
أم جاسم: بس اخاف جذي بنات بروحكم
أنوار: يمه أصلا الدنيا بعدها نوور وما راح نتأخر وجوى تعرف حق فرنسا لا تحاتين
أم جاسم: اووف انزين بس لا تبعدوووون
أنوار: لا لا تحاتين
جوى البست بالطوها...وأنوار لبست جاكيتهااا ونزلووا الشارع...
أنوار: شكثر وقت عشان نوصل؟؟
جوى: امممم مادري بالضبط بس شكله يبيلنا ثلث ساعه مشى
أنوار: واااااي بررررد ثلللجت
جوى: اي
أنوار: شوي شوي شفيج طاايره؟؟؟
جوى: يلاااا أنوااار بسرعه.. ما أقدررر
أنوار: وناااسه وأخيـــرااا راح اشووف مسيوو يووسف اللي ذبحتينا فيــه
جوى: ايييييه
أنوار: حدي متحمــسه
جوى: عيل انا شقووووول
وظلوا يمشووون لين قربوا حيـــل....
جوى: واااااااااي كاااهووو النهرررر
( بس شافت النهر الذكرياااات كلها ارجعتلهااا بقووووه....قامت تتنفس بصعوبه)
خذتني الايام عنك ورديت ..
وجيتك بعذري وحبي وشوقي...
عاتبت نفسي حيل يوم اني ابطيت...
واحرقت من كثر الحسايف خفوقي...
ياللي على روحي وقلبي توليت ...
ياقمة أشعاري وأستاذ ذوقي ..
انا آسف اذا عنك ابطيت.....
أحـبـــــــك
تـــــــــم الجــــزء التـــاســـع :eh_s(6):
