مخازن صبحان

[@شمس الضحى@]

واناااا أحبكم بعد:hearting::hearting::hjy5jewf:​

 

[الصابرة المحتسبة]

حبتج العافية يا أسووم

 

[HearT ChocolaTe]

يا بعدهم يا أسووم والله نحبج حنا بعد

 

[الصابرة المحتسبة]

ام عزووز يالغالية بغيت أسألج عن كراسي الحمام تكرمين شلونها عندهم تسوى ولا أشتري يديد.

 

[HearT ChocolaTe]

أنا والله ما شفتهم يا الغاليه .. لكن بصراحه وحده نقلت لي أن هم مستعملين
مو جدد .. أو بالأصح يجددونهم ويأمنون عليهم .. ونصحتني بالجديد
وإذا الدوله مخصصه ميزانيه له طلبي له .. هذا حقه فديتج !!
الكراسي اللي عندهم مو مواصفات خاصة

 

[ام ناييف]

بغيت اوضح شغله اذا سمحتوا لي
مخازن صبحان توفر لج اي دوا تبينه حتى لو مو موجود بصيدليات الصحه
مثلا رحتي علاج بالخارج ووصف لج الطبيب نوع دوا معين ما لقيتيه بصيدليات الصحه تروحين لصبحان ويوفرونه لج
وتستلمينه منهم او المستشفى اللي انت تابعه له بس لازم يكون المريض كويتي وتصرف له بالبطاقه المدنية

انا شفت هالشغله مع امي الله يحفظها ويخليها لنا صرفوا العلاج لها وحولوه للمستشفى وتستلم الدوا شهري
ما يصرف مره وحده كنت اروح المستشفى ببطاقتها واستلم علاجها

على قولت الدكتور الدستور ينص ان الدوله مسئوله عن علاج المواطن مجانا
فهذا حقكم

 

[HearT ChocolaTe]

صح لسانج فديتج وهذا الحين أنا قاعده أسعي بأوراق
عزوز لفيتامينات مو موجودة بالكويت .. لتنشيط المخ والذاكرة

مشكووورة على الإضافه يا أم ناييف وبارك الله فيج وفي بنيتج

 

[الصابرة المحتسبة]

ام عزووز أحسن لي آخذ يديد قلبي ما يطاوعني
وام ناييف ماقصرتي ياعمري على الإضافة جزاج الله خير.

 

[HearT ChocolaTe]

الحمد لله على السلامه
وصل فراش عزوز ولله الحمد ..
والفاااااااااااااااااال للحمام وأنتو بكرامه مع جهاز الوقوف



لتكبير الصورة إضغط عليها





وهذي فرحة عزوز بفراشه .. نوم العوافي يا الغالي


أدعو له حبيب قلبي

 

[فجرالعيد]

فديتهم أنا الصبيان ياناس
الله يعطيه من خيره ويكفيه شره يارب ويشفيه ويخليج له ويريج بالعافيه يارب ونوم العوافي علي عيون عزوز
بس بسأل أم عزوز السرير كله طالبته وكهربائي يعني يرتفع وينزل شنو ميزاته ؟
ومنو سوالج الكتاب لصبحان الدكتور اللي تابعه ؟
أنا دكتورة ولدي كلش مومتعاونه بمستشفي مبارك يعني كل شي أكتشفه بالصدفه شاطره بس تحبط فيني الله المستعان

 

[الصابرة المحتسبة]

ماشاءالله تبارك الرحمن يا حلو عزوز وياحلو سريره نوم العوافي ونوم الغزلان بالبرية

 

[مباركيه]

اسم الله عليه الله يحفظه فراش العافية ان شاء الله نام يا حبيبي نام يعل يحفظك الرحمن

 

[مشاعل الشمري]

اسم الله عليه الرحمن الرحيم
نوم العوافي يالغالي
شهالجمال الله يحفظه ويبلغج ويبلغنا فيه

 

[نشـــامي]

انا اسم اللله عليها بنتي كبرت وماتمشي للحين مادري شقعدها عليه عشان تشوف الناس

الدراجه كلهم صغار عليها والله محتاره حدي

ومابي الول جير العادي شكله يضيق الخلق واخاف اطيح منه

انتوا شنو تقعدون عيالكم عليه

 

[الصابرة المحتسبة]

أخت نشامى الويل جير ما نقعد عيالنا عليه إلا بعد الفحص وأخذ القياسات من اخصائية العلاج الطبيعي وبعدين يخصصون لنا الكرسي المناسب يعني مو أي كرسي فيه كل وسائل الأمان والراحة من سيت بلت والطاولة والحزام والجل للمقعدة علشان التقرحات .

 

[HearT ChocolaTe]

فديتهم أنا الصبيان ياناس
الله يعطيه من خيره ويكفيه شره يارب ويشفيه ويخليج له ويريج بالعافيه يارب ونوم العوافي علي عيون عزوز
بس بسأل أم عزوز السرير كله طالبته وكهربائي يعني يرتفع وينزل شنو ميزاته ؟
ومنو سوالج الكتاب لصبحان الدكتور اللي تابعه ؟
أنا دكتورة ولدي كلش مومتعاونه بمستشفي مبارك يعني كل شي أكتشفه بالصدفه شاطره بس تحبط فيني الله المستعان

اللهم آمين فديتج .. والله طالبته فل أوبشن بس الله يسلمج ما وافقوا على السعر فقللت القيمه
بالإكسسوارات الخارجيه مثل : الأبواب ونوعية الخشب .. لكن الميزات ما غيرت منها شي وهي
الفرشة طبيه وتتحرك كهربائيا .. ولازم تسوين كتاب من الدكتور المعالج في الطب الطبيعي إذا تراجعين
وهو يقرر لج مدى الحاجه وبناءاَ عليه يكتب الكتاب ويوقع عليه مدير المستشفى وحب خشوووم + فيتامين واو
يمين شمال إستعد ثابت ........... سر إلى مخازن صبحان وتعيدين القصه بحبة الخشووم :eh_s(6):
ويختي كل دكاترتنا مو متعاونين .. وكلهم يحبطون إلا ...
المسهل الله والمدبر الله .. قطي أمرج عليه وإعقليها وتوكلي :eh_s(1):
<<<< سوت لج قصه :eh_s(6):

 

[HearT ChocolaTe]

انا اسم اللله عليها بنتي كبرت وماتمشي للحين مادري شقعدها عليه عشان تشوف الناس

الدراجه كلهم صغار عليها والله محتاره حدي

ومابي الول جير العادي شكله يضيق الخلق واخاف اطيح منه

انتوا شنو تقعدون عيالكم عليه

نشامي حبوبه بنتج ما عندها شهادة إعاقة ؟ المجلس يمشي لها الويل جير بمواصفات خاصه !!
ما عندج خبر ؟ كم عمر بنيتج ؟
<<<< كلتج بقشووورج :eh_s(6):

 

[HearT ChocolaTe]

ماشاءالله تبارك الرحمن يا حلو عزوز وياحلو سريره نوم العوافي ونوم الغزلان بالبرية

اسم الله عليه الله يحفظه فراش العافية ان شاء الله نام يا حبيبي نام يعل يحفظك الرحمن

اسم الله عليه الرحمن الرحيم
نوم العوافي يالغالي
شهالجمال الله يحفظه ويبلغج ويبلغنا فيه

الله لا يحرمني من محبتكم .. ولا يحرم عزوز من دعائكم

 

[فجرالعيد]

اللهم آمين فديتج .. والله طالبته فل أوبشن بس الله يسلمج ما وافقوا على السعر فقللت القيمه
بالإكسسوارات الخارجيه مثل : الأبواب ونوعية الخشب .. لكن الميزات ما غيرت منها شي وهي
الفرشة طبيه وتتحرك كهربائيا .. ولازم تسوين كتاب من الدكتور المعالج في الطب الطبيعي إذا تراجعين
وهو يقرر لج مدى الحاجه وبناءاَ عليه يكتب الكتاب ويوقع عليه مدير المستشفى وحب خشوووم + فيتامين واو
يمين شمال إستعد ثابت ........... سر إلى مخازن صبحان وتعيدين القصه بحبة الخشووم :eh_s(6):
ويختي كل دكاترتنا مو متعاونين .. وكلهم يحبطون إلا ...
المسهل الله والمدبر الله .. قطي أمرج عليه وإعقليها وتوكلي :eh_s(1):
<<<< سوت لج قصه :eh_s(6):

ياحلوو سوالفج يام عزوز عجيييييييييبه
المشكله ولدي الله يشفيه ويشفي عيالكم شلل دماغي ومايتحرك فشريت راحته فصرت أدلكه ويجي مدلك للبيت يساعدني يعني مومتابعه فالعلاج الطبيعي فالحكومه يعني ماينفع الإستشاري فالمستشفي اللي يتابعه يكتب له ؟

 

[HearT ChocolaTe]

حبيبة قلبي أنتي .. عسى الله يشفي ولدج وكل مريض
عادي فديتج المهم أن يعرف حالة ولدج أنه محتاج السرير أو الجهاز المطلوب
ونصيحه جمعيهم مرة وحده لأنهم مقــثــه وشــوكه بالبــلعوم
وقعدي حنــي لأنهم ما يعطون بسهاله حطي لج كرسي ولزقي علج عليه ولا تقومين إلا لما
يوقع لج الدكتور أنه محتاج ...