ابي حل مع اسناني

[miss.lol]

السلام عليكم و رحمة الله و بركاته


بنات بكتب لكم معاناتي مع اسناني

انا الله يسلمكم اسناني كبار و الضرسين الي بالوسط كبار و طوال و فيه فتحه و شوي طالعين برى

ابي شي يضبطهم لا تقولون لي تقويم لان حدا يطول و مادري شلون اتخيل شكلي ابيهم يتصففون بليز

و انا عمري 21 احس راحت علي التقويم

بانتظار ردودكم

 

[زهرااا]

لا حبيبتي ما راحت عليج ؟
امممم .. مادري بس يمكن يقدرون يشيلونهم و يركبون ضروس صناعيه بس ما انصحج حسافه تشلين ضروسج الاصليه

 

[*candygirl*]

انتي نفسي
هم الي جدام كبار شوي والي ورا صغار بينهم فجه
وساعات اضغط على اسناني وانا نايمه
فالي يم الكبير على اليسار رد ورا@@
هم انا راحت علي عمري 23 وين تقوم متى اشيله لو مهتمين من قبل والله تحسف اني ماحطيت بس ماكان احد يقولي
اتوقع يبردونهم ويخلونهم صفه وحده ويحطون لج سراميك
انا مادري شنو راح اسوي لانه فشله صاروا مو حلوين

 

[miss_tn7n7]

اي صح حسافه ع الاصليين ميخالف اذا مو وايد مو زينين ماراح يطول التقويم
ع حسب اسنانج وانا بعد بركب تقويم بس المواعيد بالحكومه تطول واذا بالخاص يخلصون ابسرعه
بس اسعارهم نار

 

[فـيـونـكـا]

الحل الوحيد السراميك توكلي على الله انا صارلي سنتين مسويه اسناني سراميك ومرتاااااااااااحه ولله الحمد الفال لكم

 

[معشوقتي قبيلتي]

الحل الوحيد السراميك توكلي على الله انا صارلي سنتين مسويه اسناني سراميك ومرتاااااااااااحه ولله الحمد الفال لكم

صح كلامها مالج الا هالحل والله بترتااحين
انا سويت لي ضرسين سراميك لان ونا صغيرة تسوسو وشلت العصب وتكسروا مع الايام
ولما شافني الدكتور قالي اسويلج تلبيسة اريح واللله وكاني قاعدة اعابل بضروسي وانا توني صغيرة



يسلموو

 

[miss.lol]

يعطيكم العافيه

اب اب اب

 

[The Boutique]

عند منو سويتو تلبيس بنات

 

[قطوة@@]

الحين السيراميك قديم بالنسبه للاسنان الامامية

الشي الجديد اهو الفيتنير و لا اللومينير و لا الزيركون روحي
عياده اسنان تجميليه معروفه و سالي عنهم

موفقه يارب

 

[قطوة@@]

و لا نفكرين انج تشيلين اسنانج ترا هذا اكبر خطا و مالج شغل بالبنات اللي يقولون تشيلين ضروسج


الحين الطب تطور

 

[miss.lol]

انزين بناااااااااااااااااات شسوي بضروسي قولولي؟

 

[سمسمة كويتية]

من ناحية راحت عليج بالتقويم، لا ما راحت عليج تقدرين تسوين تقويم باي عمر اذا كان السبب من الاسنان مو من الفك
بس ادري طبعا محد له خلق تقويم
انا اقول روحي سوي تلبيس سيراميك احسن شي و اذا تبين انصحج بدكاتره
عندج:
د طارق بورزق عيادة أسنان
د عبدالعزيز العطار عيادة الميدان
د روجيه عياده الحكمه حولي

 

[miss.lol]

يعطيج العافيه سمسومة بس شلون طريقة تلبيس السيراميك انا اصلا مو فاهمتها ؟

 

[سمسمة كويتية]

الله يسلمج يبردون الاسنان بحيث يخلون جزء منهم جنه عمود عشان يثبت ضرس السراميك الي راح يركب فوقه
و يثبته بماده مثل الاسمنت بس طبعا ما تبين
وعاد الدكتور وشطارته
وانا الاسامي الي حطيتلج ياهم ثقه