متوهقه وتبين طبق سريع ويصلح حق اليهال( مكرونه بالنقانق والخضار)

[ريمه الكويت]

بسم الله الرحمن الرحيم



اولا تقصصين النقانق الى شرايح+ كوب ذره مسلوقه+ بشري حبه جزر وحبه كوسا + طماطه مهروسه+نص علبه معجون طماط

حطي شويه زيت بالمقله وحطي مكعب ماجي( انا افضل المكعبات الطبيعيه الخاليه من المواد الحافظه تحصلونها بمركز سلطان او بركن الذواقه) وخلي المكعب يذوب على النار بعدها حطي النقانق وحمريه بعد مايحمر حطي الخضار كلها وقلبيهم مع النقانق مع رشه فلفل اسود وكركم وكزبره بودره

بالاخير حطي الطماط المهروس مع معجون الطماط وكوب ماي حار وخليهم خمس دقايق على النار الى ان تثقل الصلصه

بهذا الوقت سلقي المكرونه( انا استخدمت نص الكيس ) بعد ماتلين المكرونه صفيها بالمشخل وكبيها على الحمسه مالتج وقلبيها شويه وقدميها حاره ماتاخذ منج ربع ساعه
وبالعافيه

 

[حلوة ومملوحة الكويت]

يسعدني اني اكون أول وحده ترد عليج
:ggdw:فعلا هالأكله تصلح حق اليهال..اللي ذبحوني ما في شي يرضيهم..عسالله يصلحهم
تسلم ايدج ومشكوووووره

 

[ريمه الكويت]

وانا اسعد يامملوحه اي والله نموت روحنا علشان ياكلون وانا ابشر الخضار علشان لايشوفونه لانهم ماياكلون خضار ذابحينا اسم الله عليهم

 

[زهرااا]

تسلم الايادي ياارب

 

[ريم الصبايا]

تسلم ايدج ياقلبي

من يد مانعدمهاش

 

[جارة القمر]

تسلم ايدج



حبيبتي



ومشكووووووووووره

 

[اي اسم]

تسلم ايدج

 

[DVDQUEEN]

ما شاء الله عليج فنااااااااااااااانه دووووم سلمت ايدج يالغاليه

 

[ريمه الكويت]

الله يسلمج زهرا

 

[ريمه الكويت]

هلا منورتنا ريومه

 

[ريمه الكويت]

هلا وغلا جارونه

 

[ريمه الكويت]

اي اسم ولكمو

 

[ريمه الكويت]

ما شاء الله عليج فنااااااااااااااانه دووووم سلمت ايدج يالغاليه

يسلمج ويخليج ربي

 

[jolie_q8]

يهبل الطبق شكله صج يشوق

تسلم ايدج دايما مبدعة ريمتنا

 

[ريمه الكويت]

شكرا لج جولي من ذوقج

 

[كويتيه مذهله 87]

مشكوووره

 

[ريمه الكويت]

هلا وغلا مذهله