بنــــــــــــــــــــات ابشركم أنا بديت !!! من بدت ؟؟

[ملسونه المصونه]

غاده ماشاء الله عليك انجزتي شوي

انا ماسويت شي والله حاسه اني ضايعه مدري وش اسوي اهئ اهئ

بس المصيبه دلتا ماهي موجوده عندنا في الكويت والا انا خابرتها تجنن وخفيفه بعد ...

ماعندنا الا سويتز بس حلوه بعد لكن مادري هل بالتفريز بتنجح والا بتشرب الزيت !!!


الا صدق السبرنغ رول حشوته شنهي بالضبط ...

وابي اسال عن جبن السمبوووسه هل بووك افضل نوووع والا لا ؟؟؟

ترى الجبن السائل عندي افضل وش رايكم ..؟؟؟

 

[ملسونه المصونه]

بنــــــــــــــــــــــــات اللي تعرف مكان دلتا بالكويت الله يجزاها خير لاتبخل علينا ولها الاجر

 

[غـــــادة]

دندونا عساك على القوه يا قلبي.. تصدقين عاد انا احب ورق العنب والكبه وزوجي ما يحبهم عشان كذا صرت ما استعد فيهم.. ما عندي الا السمبوسه والسبرنق رول..

ملسونه المصونه اسمك رهييييب.. شوفي يا قلبي طريقة حشوة السبرنق رول.. احمسي البصل الابيض مع الثوم وحطي عليه الملح والفلفل واي بهار تحبينه.. بعد كذا حطي عليه الدجاج وقلبي لين يستوي.. وبعد كذا اضيفي له الجزر المبشور واذا حبيتي اضيفي له شوي صويا صوص.. واذا ودك اضيفي بصل اخضر او بطاطس او بازلا وخليهم يطبخون شوي على النار لين تحسينهم استوو وبعد كذ ا احشي ويا عساه بالعافيه..

 

[ريمه الكويت]

عليج بالعافيه غاده زين تسووووين
وبالعافيه بنات والله يعوده عليكم بالسلامه

انا السمبوسه عيالي يحبونها بجبنه الشدر فاشتريها من محل السمبوسه مثلجه

انا الي سويته وثلجته
1))كبه البرغل
وجربتها قليت جم حبه طلعت مظبوطه الحمدلله

2))بيتزا

سويتها بحجم صغير وثلجته
واخذت شويه من العجينه وسويتها حق العشى بيتزا كبيره هذا شكلها

#3# والشباتي بعد ثلجت منه

$4$اليوم ثلجت من عجينه الفلافل

وسويت منها للريوق وناويه اسوي السبرنغ رول وشاريه عجينتها والحمدلله

 

[um fawaz]

مشالله عليكم .. شجعتوني ببدي معاكم بروح الجمعيه اشتري شويه اغراض

 

[أم ريوف 1400]

ام ريوف صدقيني السبرنق رول حقي مررره ممتاز ياليتك تستخدمين نفس الشرايح حقتي رهيييييييييييييبه.. اسمها دلتا وفيه منها نوعين شي جاف هذا للقلي.. ونوع ثاني بالزيت هذا بس ادهني الصينيه بشوي زيت ودخليه للفرن وحمريه رووووعه لانه كأنه مقلي بس ما فيه زيت يعور الكبد.. فهمتي علي يا قلبي..
وهذي صورتها بس هذي السمبوسه مش السبرينق رول

جرح الليالي ضحكتيييييييييني.. والله مسكين.. الله يعينك..

الله يعطيك الف عااااااااااااافية حبيبتى غادة مشكورة


عندى الثانى جرح الليالي

 

[suger_spice99]

يعطيج العافية أنا استعمل جبن فرنسي أو جبن فيتا مع نعناع حق السمبوسة والله يعطيج العافية

 

[ملسونه المصونه]

ملسونه المصونه اسمك رهييييب.. شوفي يا قلبي طريقة حشوة السبرنق رول.. احمسي البصل الابيض مع الثوم وحطي عليه الملح والفلفل واي بهار تحبينه.. بعد كذا حطي عليه الدجاج وقلبي لين يستوي.. وبعد كذا اضيفي له الجزر المبشور واذا حبيتي اضيفي له شوي صويا صوص.. واذا ودك اضيفي بصل اخضر او بطاطس او بازلا وخليهم يطبخون شوي على النار لين تحسينهم استوو وبعد كذ ا احشي ويا عساه بالعافيه..

يافديتك ياغاده اسمي مايغلى عليك لوووووول ...

تسلمين ياقلبو على طريقه حشوه السبرنغ رووول بسويها وبفرزها باذن الله ...

بس بسألك يصير احشى السمبوسه بالجبن وافرزها ؟؟

انا افضل جبن بووك تشيدر ...

يعني احشيها السمبوسه بجبن بوووك وافرزها مايجيها شي ؟؟؟

اخاف يتغير طعم الجبن

تحمليني تراني ماعرف بسوالف التفريز ..

وودي افرز بعد سمبوووسه بالدجاج زي السبرنغ رووول يعني السبرزنغ روول اسويها مرررات بالبايركس مع الكريمه

ومرررات السمبوسسه اقليها ...

طبعا انا طلبت سمبوسه دلتا وان شاء الله توصلني قررريب من الشرقيه ياااارب

 

[دشداشه ورديه]

داخله هالقسم عشان بحط موضوع نفس موضوعج ههههه

المهم ......انا سويت كبه وفرزنتها

وسويت سمبوسه (نوعيه دلتا) محشيه بخلطه دجاج مع بطاطس..وناويه اسوي سمبوسه صغاااااااار محشيه بالجبن الكيري

وانا اليوم جربت السمبوسه مررررره حلوه

وسويت فلافل وفرزنته وجربته بس ماطلعت عندي متمااااااااسه مادري شسوي عشان تتماسك العجينه ..ساعدوووووووني

كنت ابي اسوي ورق عنب بس الكل قالي انه الورق عنب اذا اتفرزن اكثر من يوووووم ما يطلع حلو....معنا كان ودي افرزنه وارتاااااح ..شغلته يبيله يوم كامل

مادري شنو افرزن بعد؟؟؟؟؟؟؟؟؟؟؟

 

[um hamed]

خوووش موضوووع
انا وخالتي الحمدلله سوينا انواع السمبوسه
وباجي لنا السبرنغ روول وكبة البطاط وكبة البرغل على الاسبووع الياااي

 

[غـــــادة]

ريمة الكويت ما قصرتي يالغلا.. اتحفتي الموضوع بها لصور اللذيذه.. صراحه شكل فلافلك شششششششششي.. يا عساها بالعافيه يارب..

ام فواز بشرينا وش سويتي..؟؟

شوقر سبايسي يعطيك الف عافيه على الرد والافادة تسلميييييين يا عسل..

ملسونه المصونه.. اتوقع اتوقع ان الجبن مايضره الفريزر.. انا بجرب هالسنه وافرزن الجبن هذي اول سنه اسويها والله يستر.. ويارب يارب توصلك دلتا قريب وتجربينها..

دشداشه وردية.. يا عساك على القوة.. والى الان اللي سويتيه روووعه.. بس كيف تتماسك الفلافل مدري لاني ماعمري سويتها الله يعين..

ام احمد يا عساكم على القوة يارب..

 

[مشاعل بنت شعله]

انا بعد شكلي بسوي صج صج شجعتوني يبيله ما قصرتي

 

[قطرية كوول]

انا بديت والمفروض اكون خلصت بس مادري ودي اسوي كذا شغله زياده

فرزنت اصابع الكيري تكفي للشهر كامل ان شاء الله
وسويت سمبوسة لحم هم تكفي لآخر الشهر ان شاء الله
وسمبوسة جبن وزعتر اممم يمكن تكفينا نص شهر
وهم سويت كفتة البطاطا بالجبنه
مرات احس كفاايه لأن احنا نسوي باقي الاشياء كلها فرش ولازم لبعد الفطور كل يوم نوعين سندويجات يعني بأذن الله كفاايه و زوود

يطري علي اسوي كبب واهون وهم يطري على بالي افرزن ورق العنب حق امي واريحها لأن خدم خالتي كل سنه يفرزنونه وراااحه لين آخر الشهر

افكر هم افرزن فطااير بس مادري متخوفه ماجربت من قبل ومادري تطلع نفس الفرش او لا احس نسويها بوقتها احسن لأن احنا مو شي اساسي عندنا الفطاير اهم شي السمبوسه والسندويجات لبعد الفطور

 

[=>بــدون نــك<=]

والله اناا مااا سووويت ولا شي لانه في مره تسوويهم وشي مااالتهااااا وطلبناا منها وقبل رمضاان تيبهمم لناا البييييييت عاررف ..
بسسس انا وردي اسوي السمبوسه ان شالله اسوويهااا واقوولكم عن طعمهـااا

 

[=>بــدون نــك<=]

بنـــــــــآآآآت يالييت تقوولوولي السبمووسه شنوو اشيهااا وششنوو احسسن نووعيييه ؟؟؟


واي شي سويته قولوا شنو مكونااته علشاان نستفيييد ارجووو الرد يااحلووواات ؟؟

 

[&مـيـاسـه&]

مبارك عليكم الشهر يعطيكم الف عافيه حبوبات
انا كنت شايله فكرة التفريز من اساسه>>>لا توخذونها ترا مو مال مطبخ خخخخ تزوجنا ونبي نستعرض لبيت الحموله لول
بس انا ابي اعرف الحين اسوي الحشوه عدين الفها واحطها بصحن واغلفه ببلاستك وسيدا للفريزر؟!thats it
وتحياتي للحلوين؛)

 

[أوراد التميمي]

تسلمين غادة موضوع حلو

مثلك ما أحب الا دلتا تجنن حتى المطبق منها رهيييييييب مرررررررره

لفيت سمبوسة جبن وأصابع الكيري سويتز

توي بادية اليوم وشجعتيني

بغيت اسالك غادة عندنا طحين يقارب للكويتي في الجودة للمعجنات



تسلمين اختي عساك على القوة

 

[[]نهاوند[]]

جبت نص الأغراض تقريبا وسويت كبة بطاط ولفيت شوية سمبوسه وبس

مشكوره على الموضوع ​

 

[قطرية كوول]

بنـــــــــآآآآت يالييت تقوولوولي السبمووسه شنوو اشيهااا وششنوو احسسن نووعيييه ؟؟؟


واي شي سويته قولوا شنو مكونااته علشاان نستفيييد ارجووو الرد يااحلووواات ؟؟

اذا قصدج شنو تحشينها شوفي وايييد مواضيع فيها افكار للحشوات اختاري اللي تعجبج وطبقيها

انا اسوي الحشوات التقليديه اللي الكل يحبها

يعني اللحم اشوح اللحم المفروم مع بصل وشويه ثوم وبهارات وفلفل حاار

و الجبن احنا نحب جبنة كيري بالسمبوسه والقطااايف تينن وتطلع ذايبه

وبس هالمره زادت عندي شوية عجينة سمبوسه فسويت جبنه بيضا مع زعتر

وعن احسن نووعيه بصراحه ماستخدم غير مالت محلات الهنود احلى واضمن مو مثل المكيسه مالت الجمعيه شي يشرب زيت وشي تطلع مذويه
حتى بالسعر تطلع ارخص لج

 

[قطرية كوول]

مبارك عليكم الشهر يعطيكم الف عافيه حبوبات
انا كنت شايله فكرة التفريز من اساسه>>>لا توخذونها ترا مو مال مطبخ خخخخ تزوجنا ونبي نستعرض لبيت الحموله لول
بس انا ابي اعرف الحين اسوي الحشوه عدين الفها واحطها بصحن واغلفه ببلاستك وسيدا للفريزر؟!thats it
وتحياتي للحلوين؛)

علينا وعليج يتبارك حبيبتي

ههههههه اي استعرضي شورااج خل يعرفون ان جنتهم سنعه

تاخذين العجينه اوكي وتجهزين حشوتج اذا محتاجه تنطبخ مثل البطاط واللحم او الدجاج طبخيها وجهزيها بس تخلينها تبرد وتكون ناشفه مافيها سوائل واذا مثل الجبن عاادي سواء جبنه بيضا او جبنة الكيري

وسوي لج الصمغ اللي هو طحين ومااي

وهاتي عجينة السمبوسه وجيبي لج فوطه وقفشه وفرشه للصمغ واكياس التجميد

وجابلي التلفزيون انا اسوي جذي واخلص كميات كبيره بفتره قصيره

طلعي كل شوي كمية من العجينه مو تخلينها مكشوفه ترى تنشف بسرعه غطيها بالفوطه احسن

وبس لفي وحطي انا اكيسهم على طول بالفريزر مايخترب شكلهم ولا يلزقون ببعض واحط بكل كيس الكميه اللي نحتاجها كل يوم انتي شوفي كل يوم شكثر بتسوين
يعني انا من السمبوسات حطيت كل 5 بكيس واصابع الكيري 10 بكيس

واذا تحبين تجمدينهم اول بصينيه وعقب تكيسينهم كيفج مع اني استخدمها للكبب تخلينهم يجمدون ساعه مثلا وعقب تكيسينهم وترجعينهم بالفريزر وخلاااص