تجمع خاص للمسافرات علاج بالخارج لندن

[بييسان]

مشكورين عالموضوع
ياريت تفيدونا عن اسعار الريجنت بارك

 

[LA TROO7]

بننات انا قبل كم سنه سكنت بعمارة صوت وصورة شقتنا كانت ب1000 ونظييييييييييييفه حيل وفخمه ونظيفه واثاثها جديد

وحاليا يقولون سعرها ب1500 وغالبيه سكانها حاليا اماراتيين وسعوديين

حراام تظلموون هالعمارة

استغرب منكم تقولون فيران

الوصخه الددلي والبارك ويست

 

[لميس^^]

بنات انا يوم رحت سكنت في عمارة اسمها تونتي فايف بورشتر بلييس .. (porshestre place)

اهيا عمارة اطويييله ومكانها وايد حلووو مو على الاجوار رود لا داخل يم مطعم اسك ,,,, وكانت شقتنا نظييفه وزينه والعمارة كلها كويتيين ... والاجار كان اب 650 باوند بالاسبوع بس طبعا بالشتا مو بالصيف الحين يمكن سعرها فوق 1000 باوند

والشقه كانت غرفتين وحمامين وصاله ومطبخ ....

خذيناها من مكتب عقاري اسمه سنا ستيت يم عمارة الديدلي كورت ...

 

[لميس^^]

انا احب اسكن بالمناطق اللي يم اجورد روود .. لان كل هالشارع ما ينام لي الفير وكلا مطاعم وقهاوي وبقالات اي شي تحتاجينه تروحين تشترينه وثاني شي اكسفورد يمج والهايد بارد يمج فماراح يضيق خلقج ....

وانصح اي وحدة تبي اتروح تسكن في المنطقه اللي سكنت فيها .... صايرة السكة اللي بين البنك الاسلامي البريطاني وبارك ويست تدخلين هالسكه وتمشين اشوي واطوفين بارك ويست المعفن ... تلقين عماره طويييييله وفي يمها عمارة ثانية وفي يمها بيوت للاجار والمنطقه هاديه وشرحه .... وتاخذ منج 5 دقايق مشي على ما توصلين اجوار رود ... ...

وبحط لكم صورة من عمارتنا صورتها يوم نزل علينا سنووووو بس نطرووو علي اشوي ...

 

[H.Heavn]

مون غيرل حبيبتي اي والله تحسين انج قاعدة باوروبا وامان وهدوء مو مثل ادجووروود ازعاج من نزلنا فيها واحنا كل ساعة نسمع يا سيارات شرطة يا سكارى عيل العرب بصراحة فشلونا الساعة ست الصبح حاطين اغاني ومعلين عالصوت حده!!! هذا واحنا ساكنين بالطابق الثامن عيل اللي بالاول شيسوون
مون غيرل وملاك:احنا شقتنا كان اجارها 700 باوند بالاسبوع اهي عبارة عن صالة كبيرة وثلاث غرف نو ومطبخ وحمامين والبناية امان وهدوء الشي اللي اذانا وياها كان التنظيف ولا اهي كانت زينة الشقة بس المنطقة صج امان وحلوة ويمج حديقة ريجنت بارك

 

[H.Heavn]

لاتروح اي والله صاجة يختي اوصخ عمارتين الددلي والبارك ويست قمة الاستهلاك

 

[toto2006]

احنا سفرتنا انشالله 16 / 8 لندن موعدنا مع الدكتور 19 .. بنروح انا وابوي وولدي 4 اشهر .. وعقبها بجم يوم بيون امي واختي و اخوي على البريطانيه .. اول يومين نقعد بشقه و بعدين ندور شقه .. المشكله امي ما تدل الا الاكسفورد ستريت عشان كل يوم تنزل تشتري الماجله .. عشان جذي ابي اسكن هناك .. مناطقكم فيها مطاعم اسلاميه و بقالات .. مستشفانا great ormond st ومومشكله نروح بالباص

 

[لميس^^]

احنا سفرتنا انشالله 16 / 8 لندن موعدنا مع الدكتور 19 .. بنروح انا وابوي وولدي 4 اشهر .. وعقبها بجم يوم بيون امي واختي و اخوي على البريطانيه .. اول يومين نقعد بشقه و بعدين ندور شقه .. المشكله امي ما تدل الا الاكسفورد ستريت عشان كل يوم تنزل تشتري الماجله .. عشان جذي ابي اسكن هناك .. مناطقكم فيها مطاعم اسلاميه و بقالات .. مستشفانا great ormond st ومومشكله نروح بالباص

اذا تبين سكني في نفس المنطقه اللي سكنت فيها يم الاجوارد روود ... وامج راح تستانس لان يمها سمر فيلد وبقالات واايد فيه هناك وغير المطاعم وهم اكسفوورد يمكن اذا تبين اي معلومات راسليني عل الخاص ....

 

[الافنيوز]

بنات بس للمساعده سؤلوا عن كروم ول رود نفس اسم المستشفى كروم وول
crommwell hosbital امتداد شارع هارودز
منطقه حلوه ونظيفه وهاديه وفيها سوبر ماركت سايز برى كبير عشر دقايق مشى توصلون هارودز
ومقابلهم محطه قطار earles court i`الدلال او مدير العماره اسمه اياد وهذا رقمه داخل لندن
02078351109 اسمه اياد
انا سكنت بهالمنطقه وايد حلوه وهاديه وبعيده عن اللويه اللى فى اجورد رود واهم شى الاكل متوفر فى المنطقه قصدى السوبر ماركت
والسوق قريب منكم اسم المنطقه نايتس بريدج
nights bridge

 

[عمر السنين]

مرحبا شلونكم


انا وصلت لندن امس
وسكنا بالاجوررود و خالتي منومه بستشفى شيرنك كروس

انا احس بضيقة المنطقة كئيبة و لندن تجيب الغلقه و صارت لي مواقف باااااايخه تعبت نفسيا

 

[ويلاه ضاق الصدر]

هلا بنات اشلونكم جميعا
الله يشافى مرضاكم ومرضى المسلمين ويردكم باسرع وقت
موووون

ويييع شقق اجور رود ام الفيران تلوع الجبد من سنتين رحت مرافقه انا وزوجى حق حماى الله يرحمه اجرنا نفس عمارتكم اغشمه ماندرى ويطلعلى فار بالشقه واااااااااااااااااااااااااااااااااااى وييييييييييييييييييييييييييييع وقفت عالطاوله طلعنا من الشقه والا ردنى الكويت قلت حق زوجى
يا انا يالفار والحمدالله طلعنى ورحنا بعدين قبال كروم ويل هزبتول خوش استديو انا وزوجى 350 بالاسبوع
مجربه مرافقه المريض الله ايعينكم وصبركم
انا الحين بليدز بره لندن صج فرق عن لندن ووساخه لندن وشققها الشقه الى انا فيها صارلها اربع سنوات يديده مودرن كانك باكيا وتطل عالنهر تهبل بصراحه والجو نقى لاديزل ولازحمه وبصراحه فيها احسن المستشفيات واقدمها وفى كثير يايين للعلاج
بس مافيها خليجيين وايد مثل لندن يعنى المرافق راح يمل لان مافى تجمعات للخليجين بشارع معين الواحد يتسلى معاهم
والله لاايطولها من شده واردكم بالسلامه

ايه والله ياحلو لييدز وشوارع لييدز انا كنت فيها قبل سنتين الصراحه خووشش منطقه هاديه وناسها يهبلون وفرندلي حدهم والله اني مشتاقه لها بس حسافه شهر تسعه بنروح لندن واحس ان لندن غير عنها والله يستر

سلميلي على حبيب قلبي برايمارك :dddds::dddds::dddds:

 

[ملاك-77]

شخباركم بنات لندن
طمنوني شلون الاوضاع عندكم والجو ؟
للحين في سياح والا بدوا يخفون ؟

 

[moone GRL]

بنات كل وحده تقول بأي مستشفى تعالج او العيادات اذا كانوا اوت بيشنت


على فكرة عمر السنين .. التشيرنق كروس مو خوش هوسبيتل حنا كنا بلندن بريدج وطلب الدكتور تحويل مريضنا لمستشفى ولنقتون حق التأهيل بس المكتب الصحي رفض وقال اوديكم تشرينق كروس .. رحت بلغت الدكتور قال تبون نصيحتي اذا خيروكم بين هالمستشفى او انكم ترجعون تعالجون بالكويت افضل ترجعون الكويت احسن .. الكل ما مدحه لنا بس يمكن ليش انه مستشفى متخصص بالاعصاب ومريضنا محتاج تأهيل فعشان جذي الدكتور رفض نقل المريض هناك .. بس المكتب الصحي على كيفه يقرر شنو الاصلح ويكسر كلمة الاطبه كل هذا يدورون الرخص عاد الحمد لله جبنا واسطه ونقلنا ليما الولنقتون غصبن عليهم خخخخخخخخخخخخخخخخخخ

بس جنه التشيرنق كروس بعيد عن الادجور والمعمعة شلون تروحون له ؟ وجم يبعد عن الاجور رود

 

[ويلاه ضاق الصدر]

السلام عليكم بنات ديرتي الغاليه

انا ان شاالله شهر تسعه بعد العيد مباشره جايه لندن علاج
بغيت اسألكم عن الجو عندكم يعني برد مال جاكيتات والا عادي عشان احسب احسابي انا معاي اعيالي الصغار

وشكرا لكم جميعا :eh_s(6)::eh_s(6)::eh_s(6):

 

[عمر السنين]

اختي مون قيرل احنا جايين عشان خالتي صبها شلل نصفي بعد تاثير جلطه جاتها وقالولنا هذا افضل مستشفى لحالتها و انا بصراحة من امس و اليوم اشوفهم زينين والله يستر

و احنا صح بعيد عن السكن تقريبا خمسة كيلو امس و اليوم الصبح كلهم تاكسي خاص بس اليوم رجعنا للشقه بالباص


اختي يلاه الجوه متقلب شوي يصير برد معقول تحمله للكبير و شوي حر مووووووووووووت ورطوبه

 

[H.Heavn]

مون غيرل حبيبتي احنا الوالد قاعد يتعالج بمستشفى رويال مارسدون هوسبيتل مال السرطان واحنا يعتبرونا برايفت بيشنت

 

[ام فويزان]

بننات انا قبل كم سنه سكنت بعمارة صوت وصورة شقتنا كانت ب1000 ونظييييييييييييفه حيل وفخمه ونظيفه واثاثها جديد

وحاليا يقولون سعرها ب1500 وغالبيه سكانها حاليا اماراتيين وسعوديين

حراام تظلموون هالعمارة

استغرب منكم تقولون فيران

الوصخه الددلي والبارك ويست

عمري تتكلمين عن قبل سنه انه قبل اسبوعين طلعت من صوت و صوره من الفار الي طلع لنا

 

[ام فويزان]

السلام عليكم بنات ديرتي الغاليه

انا ان شاالله شهر تسعه بعد العيد مباشره جايه لندن علاج
بغيت اسألكم عن الجو عندكم يعني برد مال جاكيتات والا عادي عشان احسب احسابي انا معاي اعيالي الصغار

وشكرا لكم جميعا :eh_s(6)::eh_s(6)::eh_s(6):

حبيبيتي جونا هل ايام يوم برد و يوم حر يعني يبي صيفي و جم جاكيت خفيف انه ولدي البسه ربيعي

 

[ويلاه ضاق الصدر]

حبيبيتي جونا هل ايام يوم برد و يوم حر يعني يبي صيفي و جم جاكيت خفيف انه ولدي البسه ربيعي

حبيبتي مشكوره ع الافاده وجزاج الله الف خير

 

[ملاك-77]

شلونكم ياحلوين
صباجكم عسل باذن الله