اللي سوت عملية لحمية تدخل بسرعه

[رنين]

الله يسلمكم ولدي طلعت له لحمية شكبرها ساده خشمه و محتاج عملية طبعا...:eh_s(2):
بس ماقدر اسوي العمليه لي بعد 3 اسابيع لأن كان ياخذ دوا لازم يوقفه قبل العمليه بشهر.....

المهم عاد ابي استغل ها الوقت و أجمع اكبر عدد ممكن من آراء اللي جربوا العمليه سواء لج او لعيالج.

وين سوويتوها خاص و الا حكومه و شنو الفرق اللي تشوفينه؟:eh_s(10):

و اذا خاص عند أي دكتور؟

و الأهم هل رجعت لج اللحميه عقب العمليه.



ناطره آرائكم لأني فعلا محتاره بها السالفه. ...و اللي سألتهم يا ناس يشجعوني عالحكومه و يمدحون أو ناس يذمون مرة وحده و يقولون روحي خاص احسن لج...و ولدي صغير 3 سنين مابي أحطه بين ايد اي احد!

 

[جكورة]

مايشووف شر إن شاء الله..أنا مسويتها لولدي عمره 4 سنوات بطيبه كلينك مع عملية شفط ماي من الإذن واللوز مرة وحده عند إستشاري مصري والله ناسيه إسمه تقريبا ب300 أو زيادة عشرين أو ثلاثيـــن..المهم العمليه حيل سهله وسواها بنص ساعه مع العمليات الثانيه وعطوه بنج خفيف وبعد عشر دقايق طلع صوته متغير شوي وعطوه بريـد وسوائل بارده ..وبعد 3ساعات طلعوه للبيت لأنها من العمليات السهله اللي تتسوي باليوم الواحد على قولتهم ...والحمدلله ماتعب بس قالولي عطيه بريد وأشياء بارده ومضاد حيوي والحمدلله ..ولاتحاتين ولاشئ..وأي سؤال أنا حاضرة :eh_s(17):

 

[سبائك]

رنون نسيت لا اقولج عمتي تقول اذا تبي نتوسط لها عند دكتور نسيت اسمه

اذا تبين كلميها........ما يشوف شر حمادين:eh_s(2):

 

[سنا الفضه]

اختي مسويتها عند الدكتور عبدالله العلي وهم رفيجتي مسويتها لولدها تطلع بنفس اليووم ماتبات بالمستشفى

سووها بالهادي وسهالات مافيها اي شي ان شالله

ومايشووف شر وليدج ان شالله

برايفت سبوووج<<<خووووووووش توصيه عمتي تقول لج اذا هذا شسمه عند الي نسيت اسمه

خخخخخخخخخخخخخخخخخ

 

[رنين]

جكورة مشكوووووووره حبيبتي وايد ريحتيني...صراحه الوصف اللي وصلني 3 ايام بالمستشفى و دمان تنزف و فتيله و مادري شنو!!!!

بس كلامج اشوى طمني شوي....
انتي ثاني وحده تمدح لي طيبه كلنك ...الاستشاري المصري..
الله يسهل....

انزين سؤال...ولدج شلونه عقب العمليه؟
شهيته-سمعه-نومه...تحسين فرق عليج؟
و لاسمح الله ردت عليه مره ثا؟!
و جزاج الله خير



سبوج أدري كلمتني ذاك اليومعسى الله لا يخلينا من الكل و الجميع


سنا الفضهالدكتور العلي كلمن مدحه بس زحمه يا دنيا زحمه!!!!
احنا نبي نروح خاص نفتك من النطره و تضييع الوقت.
أنا بجمع آرائكم و استخير و عسى الله يسهل.



ها بنات مافي تجارب اخرى؟!!
أحد جرب عند دكتور (خالد الصبيح؟)؟؟؟

 

[جكورة]

هلا رنين يالغاليـه..الإستشاري المصري زين حيل وأنا رايحتلها بدون ماأحد يذكره لي..بعد العمليــه ماأقص عليج كان يتألم شوي بس مع المضاد الحيوي والمسكن الحمدلله خف وأذكر نزل دم من إذنه شوي لأنه شافط ماي منها دقيت على الدكتور قالي طبيعي..وطبعا قبل العمليه كان يشخر حيل حيل وأنا بغرفتي أسمع شخيره وهو بغرفته وكان كل فتره يصير منشوول بس بعد العمليه الحمدلله خف الشخيرمو خف إلا إختفى بس صوته تغير شوي..وبس ...وأي إستفسار لايردج إلا لسانـج..

 

[سنا الفضه]

ها بنات مافي تجارب اخرى؟!!
أحد جرب عند دكتور (خالد الصبيح؟)؟؟؟

اي رنون اختي سوتها كذا مره لانها ترجع لها واايد سوتها عند خالد الصبيح صج غالي بس ترى ممتاز

على فكره اذا تبين اي شي بهالخصوص ممكن افيدج بهالشي اييب لج موعد بعلي ممكن يوفر لج موعد لانه هذا تخصصه

اذا تحبين​

 

[رنين]

جكوره مشكوووووووووووووره عالرد ... اي و الله ولدي جذيه..من كثر ماشخير عالي صرت ما احس فيه لين رحنا المخيم ذاك اليوم و نام الا اخوي يسألني ليش ولدج جذيه يشخر...قلت :"ها!!! لااابدا من يقول مو اهو اللى يشخر]>>خخخخخخخخخ مابي اصدق

بعدها مثل اصحا يا نايم بديت انتبه


يا عل عيني ماتبجيج يا سنا الفضه
جزاج الله خير ...احنا مثل ماقلت بعد يبيلنا 3 اسابيع او اقل شوي لين نتحجى بالعمليه عشان الدوا اللي كان ياخذه...
بس و الله طمنتيني...
الله يسامحهم الدكاتره اللى راجعت عندهم شلعوا قلبي على حجوة(حرام عليج ..حرام عليج)
يعني ليش مخليته كل ها الوقت!!!و اللحمية كبيره.
اللى قلت اليوم باجر بيروح فيها الولد!
بس الشرهه على دكتور المستوصف يوم وديناه لما كنت شاكه بصحه ولدي موزينا قال ما فيه شي و الام بس تبالغ!

ذاك اليوم بعد دكتوره مدحت لي الصبيح وايد ...تقول شفت عمليته و شفت عمليات الحكومه فرق....
عاد بنشوف و نستخير و شايلينج للعوزه حبيبتي سنا الفضه

 

[جكورة]

حياج الله وإن شاء الله يسويها ويطلع بالسلامـــه :eh_s(17):

 

[سنا الفضه]

حياج الله وربي يطمنج عليه ان شالله

 

[فتون علف]

بنات اللي عندهم خبرة ماتعرفون احد سوى اللحمية بالانف والحلق؟
وعند منو؟
وشسمه الدكتور المصري بطيبه كلينك؟

 

[الدم البنفسجي]

بالتوفيق

ادري متاخرة
بس تراها الحمد لله سهله حييييييييييييييييييل


أنا سويتها والحمد لله كاني ارد عليج

الحمد لله

والحين الحمد لله زينه
انا كان معاي شخير ومااانام الا وانا رافعه راسي

وطمنينا عن ولدج

ياعلج ماتبكينه يارب

 

[ii DareeN ii]

مايشوف شر انا سويتها بس يوم كنت في الروضة يعني من زمان شوية مو وايد:tomato2:

بس ماردت لي وسويتها في مستشفي الصباح عند د النصف نسيت اسمة سوالي لحمية وشغلة في طبلة الاذن واللوز والحمداللة فتكيت ولا قبل كل مريضة

 

[نووووونا]

هلا رنين ما يشوف شر

انا وليدى سويته عند عبدالله العلى وايد زين سواهاااااا بالهادى وطلع بنفس اليوم

يمكن بحدود ال340 من 3 سنين بس وااااااى شنو زحمه عشان تاخذين رقم بس

عشان يشوفج !!!!!! الله يرزقه بس لازم السالفه تتنظم شوى!!!


ووليد الثانى همن فيه بس والله ما لى خلق اللويه والنطره الله يسهل

وبالنسبه للعمليه الحمدالله كانت سهله وشال اللوزتين معى اللحميه

والحمد الله اشوى @

 

[الدانة88]

ما عليه الا العافية
انا كنت مسويتها بس قبل 12 سنه بالحكومة و عادي الحمد الله بس ما شالوها كلها كان في غلط مخلين شوي من الجذور بس لما راجعت طبيب خاص و سوالي فحوصات قال ما في مشكلة ما تأثر المهم هذا من زمان توها قبل شنة مسويتها بنت اخوي عمرها 8 سنين هم بمستشفى حكومي بس الحمد الله قامت بالسلامة و مافيها شي و العملية مامنها خوف سهالة توكلي على الله و لا تخافين و ان شاء الله ولدج يقوم بالسلامة

 

[Artya 【ツ】●]

آنا كنت مسوووويتها وآنا اصغيره بالإبتدائي قبل 10 إذا مو أكثر

عملية بسيطه وسهله ، وكل ما كان عمره اصغير كل ما كانت اسهل ،، آنا أختي كانت بتسويها بس خافت لانه قالها الدكتور كل ما كبرتي كل ما كانت أصعب

والله يقومه بالسلامه إن شاء الله