بدخل مشروع وأبي مساعدتكم؟؟ عطوني افكار ... عنوان معدل من الاشراف

[@نيااازكـ@]

,,,السلام عليكم ورحمة الله وبركاته ,,,






خواتي أنا ناويه أفتح محل اللي الدوله تسويه للمرأه اللي عندها شهادة ثانويه وقاعده بالبيت وبصراحه مخي مشتت ماني عارفه شنو المشروع اللي أسويه أحس كل شي صار موجود وبكثره أبي منكم أفكار شنو أسوي؟؟؟

وجزاكم الله خير مقدما....

 

[ektifeet]

مصممه ازياااء

اومحل صالوون

 

[supermarket]

شنو ميولج وهواياتج؟

 

[famous.pussycat]

لا لاتبطلين صالون لانه مشروع فااشل خالتي بطلت صالون خسرت عليه فوق 50 الف وماشافت اقبال وتأذت من العماله اللي عندها ومشاكلهم ف بلأخير سكرته وباعت الصالون مايابلها غير30 ألف خسرت 20 ألف مو حراام عااد اهي ماشاءلله شاطره وايد وماخذه دورات من برى بس نانفعتهااا ياخساااره

شوفي أذا أنتي ذويقه وستايلج مميز وتعرفين للموضه بطلي مشغل ممكن مع الوقت ايربحج

في بنات اعرفهم ذووووووووووووقهم زفت ومبطلين مشااغل خخخخخخخخخخخخخخخخخخخخخ

ولبسهم طااح بجبدهم اهم اللي يلبسونه

في مشااااااااريع واايد سوي محل لاستأجار السياارات<<<<<<<<<<<امووووووت بهسوالف أنا ودي أبطل محل جذي بس الله يرزقني وااااااااااي حده اتشوق الفكره

حبيبيتي طولت عليج بس انتي فكري في واايد شغلات الحين طاحو بتصميم العبي مرغووبه واايد وهم لو اتيبين بضاعه من برى الصين مثلا

وتعرضينهم بلمنتدى نفس وحده الله يذكرها بلخير اتيب بضااعه ع نص دينار وتبيعها ع 15 دينار شوفي جم ربحت؟؟؟؟

بالتوفيج يارب بلمشروع اللي تختارينه

 

[@نيااازكـ@]

بنات الموضع يخص على ماأعتقد اعادة هيكله <<< مو متاكده من اسمه بس اهو يشجع الصناعه المحليه يعني ماينفع أجيب بضاعه وأعرضها لازم شغل داخل الديره...

 

[* Blue-Jeans *]

تقدرين تفكرين بأشغال يدوية مثل مواعين الاستقبال وانتي تزينينهم بالكرستالات أو بالهدب وجذيه شغلات ... موفقة حبيبتي
​

 

[@نيااازكـ@]

نبي أفكار بعد اللي عندها لاتقصر:tek:

 

[cute * girl]

شلون يعني الدوله تعطيج محل مافهمت كلامج ؟؟؟؟؟؟؟؟

 

[@نيااازكـ@]

شلون يعني الدوله تعطيج محل مافهمت كلامج ؟؟؟؟؟؟؟؟

الحين المرأه اللي عندها شهادة ثانويه وقاعده بالبيت يعني مو موظفه تقدم على اعادة الهيكله على ماأعتقد يعطونها قرض أو محل ومعاش شهري ومبلغ حق أجارات العمال بس الشغل اللي تسويه في المحل لازم يكون محلي <<<تشجيع للصناعه المحليه مايصير تجيب بضاعه من برا لأ لازم هي تشتغل فيه أتمنى وضحت الفكره...

 

[تحبني ولا ...]

شوفي انا اختي وحمواتي سووا عرض بالبيت فصلوا دراريع وباعوهم وجابوا لهم اقبال الحمدالله
وبنات عمي بالمثل بس بنات يوم شافوا اقبال الناس عليهم فتحوا ك وحده لها مشغل والربح الحمدالله خير من الله

والخيار لج اللي يريحج

 

[مــ_ــا مــ_ــي]

اول مره اسمع ان دعم العماله تسوي جذي.. اللي اعرفه ان دعم العماله تعطيج معاش اذا انتي تشتغلين في شركه بس اللي عندها شهادة متوسط تعطيج 360 واللي ثانوي 460 من غير معاش الشركه ..

 

[&ام الحلووووين&]

حبيبتي عندي لج خووووش فكرة وااايد حلوة 00اشرايج تسوين تيجان ترى والله سهله وحلوة 000

 

[مساء مونترو]

تيجان حلو وهبة الناس ..
بالوقت الحالي

 

[famous.pussycat]

نياازك لا مو صج

أنتي أكيد قصدج حاظنة الشويخ؟؟؟ هذي الله يسلمج مو اي مشرووع يوافقون عليه ومو اي أحد يعطوونه قرض لازم واحد فاهم بهسوالف ويحط جدول للمشروع ماله والحاظنه أتسويله مقابلات ومادري شنو يشووفون أذا المشروع يحتاجه سوق العمل أو لأ يبوون الحاظنه مشاريع مو موجوده بسوق العمل يعني نادره

يمكن مثل تأجير السيارات أتيوبون سيارات من برى وتأجرونها أو تكسي ماأدري في واايد سوالف

بس حبيبتي انتي شلج بهسوالف أذا انتي بدايتا أفكارج مشتته ألمشاريع يبيلها أنسان فاهم وواعي للي بيسويه

وبعدين ترى المشاغل ترس الديره أنا تخصصي تنفيذ أزياء بس وييييييييع مابي أبطل مشروع لانه بكل بيت بلكويت أمبطلين مشغل ماحس هشغله مربحه كلش

تبين تسوين مشروع سوي على قدج عشان لي طاح بجبدج مايكون خساره

وتقبلي مروري