مدرسات الرياض هاااام دشو بسرعه

[فـديـت ^-^ روحـي]

السلام عليكم ورحمة الله وبركاته


شلونكم يا أبلااااااااات

آنا طالبة بالجامعه تخصص " رياض أطفال"

داخله على الله ثم عليكم يالربايع ----------------------------> متأثره بالمسلسلات البدويه :dddds:

مشكلتي هي إني حابه هالتخصص حييييل من كنت بالثنوي لدرجة إني ما أقدر أتخيل نفسي بمكان ثاني غير

"الــــــــــــــــــــروضـــــــــــــــــــــــه"

طبعا تعرفون الجامعه ماكو تخصص إلا بعد سنه ووالله ويشهد علي ربي إني من قبل لا أدش الجامعه كله أستخير وحتى قبل لا أسجل الرغبه أستخرت وأحس إني مرتاحه حييييييل للرياض والحمد لله إسمي نزل مع اللي قبلوهم بالرياض

المشكله من أنقبلت كل مدرسات الرياض اللي من قرايبنا يقولولي يويلج حولي إنتي توج بأول الطريق هذا التخصص مو حلو وبتتعبين كل معاشج طاير وشغل وكل وحده تجيب سالفه من عندها عن الناظرات والإشراف

الحين شسوي أحول ولا أقعد شوروا علي ؟؟؟؟

أنتو شرايكم بالرياض كمدرسات :eh_s(6):

​

 

[الزهقانه]

والله انا اقولك نفس الشيء لاني مدرسه روضه لي 11 سنه وللحين تعبانه من الروضه والله العظيم:krkrkr::krkrkr::krkrkr:

 

[طيرشلوا]

شوفى انا لى 15 سنة ودبلوجبدى مو الجهال بس استمتع بتدريسهم ولى اسلوب وطريقة معاهم حتى لو اغيب يوم يفقدونى الجهال واهلهم لدرجة حتى لما ولدت ولدت جو بعض الجهال للبيت ومعاهم الهدايا للبيبى وفية عندى شعر باسمى من ام واحد من الجهال
ولعلمج ترا للحين مو مالة التدريس وحابتة بس الى كرهنى وغثنى الموجهات جونى ثنتين كرهونى بالدنيا والساعة الى اخترت فيها تدريس رياض اطفال حسبى اللة عليهن ليوم الدين وضيعن تعبنا كلة لدرجة ان فية موجهة سنة من السنوات ماعطت امتياز الا لستة فى كل روضة من رياضها والغبرة الثانية سنة من السنين مارضت تحط اى مدرسة بتكريم المعلم والسبب انها تقول مافى مدرسة تستاهل مع انها كارفة المدرسات شغل واشياء لها ومحد يستاهل
بس السنة هاذى الى طافت اللة عوضنى بموجهة لو تحطينها على الجرح يبرى اسلوب وطريقة وحبوبة وسمحة حيل ولاقصور فى ناظرتى ووكيلتى ومشرفاتى تبارك الرحمن عسا اللة لايغيرهم
هذرت واجد الزبدة اذا انت حابة التخصص من قلب وتشتغلين بذمة ووهاويتة روحى

 

[*أم*خالد*]

دامج حابته وسمعتي بالسلبيات وما غيرتي رأيج دشي والله يوفقج

 

[فـديـت ^-^ روحـي]

شاكره مروركم

والله ويشهد علي ربي إني حابه التخصص حيييل مو شوي

 

[دلوعةوتدلع]

مرحبا -انا مدرسة رياض اطفال بس تخصصي علم نفس والله ان رياض اطفال يقصر بالعمر ومتعب حيل ولا لة قواعد ذابتة او منهج تمشين بمعني الاهداف السلوكية علية مثل باجي المراحل وكلن يمشييج على هواة حسب الموجهه والمشرفة وكلن يعطيج راي عكس اللابتدائي والمتوسط تعاملج مباشر مع المدرسة الاولي ولج خطة تمشين عليها وانتي حرة فيها بغيتي تجدمين او تاخرين-ونصيحة لج انحاشي من هالتخصص

 

[ms. hana]

لا اله الا الله

 

[مشاعل]

فديت روحى

انا مدرسه رياض اطفال صار لى 14 سنه

ولله الحمد ما عمرى صرفت ذاك الصرف الى فزق طافتى

الحين التدريس يعتمد على وسيله ومستهلكات واهم شى اسلوبج

انا اكثر مدرسه تاخذ تقرير بروضتنا وعمرى ما كلفت على عمرى

استعمل لاب توبى ومنبهاتى بسيطه ولكنها مبهره وطريقتى وايد حلوه بشهادة الجميع

اهم شى تعاملج مع الاداره ومع المدرسات والاهم اولياء الامور

رفيجاتى مدرسات بحولى واقرب رفيجه مديره روضه بحولى وايد يمدحون التوجيه

والمراقبه منيره العتيقى وايد زينه

والله يسهل عليج ان شاء الله

وترا كل وظيفه لها تعب والاهم دوامج قصير

اتمنى لج التوفيق

 

[فـديـت ^-^ روحـي]

والله إني محتاره بس أنا أعتقد كل وظيفه لها سلبيات وايجابيات والمهم إن الإنسان يكون حاب تخصصه عشان يقدر يبدع فيه

توافقوني بهالحجي ولا لأ؟

 

[طيرشلوا]

اقولج شغلة انتى استخيرى مو مرة ولا اثنين كثرى من صلاة الاستخارة
وربج راح يدلج للطريق الصح

 

[فـديـت ^-^ روحـي]

اي والله صاجه

 

[شمس]

التخصص حلو وممتع مع الاطفال

مدامج حابته توكلي علي الله

وترا كل عمل له ايجابيات وسلبيات

بس والله وناسه

موفقه خيتووو

 

[معلمه متميزه]

شكرا

 

[عبير28]

انا صار لى سبع سنيين وطاقه جبدى لا راحه ولا معاش صافى لى وركضه ركضه تحضير موجهه مشرفه ناظره وخرى عنه

انا الحين مقدمه اوراقى اخصاائيه نفسيه وناطره انقبل وان شاء الله اقول لهم باى بااى

 

[برونزيه ليدي]

مرحبا -انا مدرسة رياض اطفال بس تخصصي علم نفس والله ان رياض اطفال يقصر بالعمر ومتعب حيل ولا لة قواعد ذابتة او منهج تمشين بمعني الاهداف السلوكية علية مثل باجي المراحل وكلن يمشييج على هواة حسب الموجهه والمشرفة وكلن يعطيج راي عكس اللابتدائي والمتوسط تعاملج مباشر مع المدرسة الاولي ولج خطة تمشين عليها وانتي حرة فيها بغيتي تجدمين او تاخرين-ونصيحة لج انحاشي من هالتخصص

صح كلامها:0bee2e8d89:

 

[نرجس2009]

وعليكم السلام ورحمة الله وبركاته
انا قبل نفس كلامج اقول حابه التخصص وحابه الاطفال لكن التوجيه يكرهج بكل شي اذاتبين تعيشيين حياة وظيفيه بدون نكد انحااااااااااااااااااااااااااااااااااااااااااااااااااشي عن الروضه:ada:
نصييييييييييييييييييييييييييييييحه والله بتندمين الحين انا امنيتي انقل عن هالوظيفه

احس انه اسوء قرار اتخذته بحياتي وغلطتي كنت مصره عليه ولا سمعت النصيحه:krkrkr:

 

[عبااير]

الله يعينج ........انا بالنسبه لي احب الاطفال ....بس كرهت الرياض لان مالهم مذهب ولامله :eh_s(6):
كل يوم قرار يطلع لج ماتدرين من وين .....تفاهة مشرفات وخبال موجهات وحماقه ناظرات .....:eh_s(6):
اذا الموجهه مستانسه اليوم امدحتج.....واذا زعلانه حطت حرة بيتها وزوجها فيج ...درسج مو حلو المنبه غير مشوق اطفالج مايتكلمون اسم اليوم عوج قواطي الفنيه ليش مو حاطه عليهم ورد شكلهم يضيق الخلق ..حشى خدامه مو مدرسه انا
تامنون بالله مره من المرات احضرت لي الموجهه وكانت مستانسه حيل يوم خلصت الدرس انا تذكرت اني ماسويت منبه
تخيلوا شنو صار قالتلي منبهج حلو ومشوق ههههههههههههههههههههههههههههههههههه:krkrkr
امانه اشرايكم ؟

 

[روند]

هههههههههههههههههههههههايييي امبيه عباير ضحكتيني وين الموجهه هذي عني


.....تفاهة مشرفات وخبال موجهات وحماقه ناظرات ((((( خوووش مقووله

 

[المرام]

هاااانت بقالي اربع سنين واتقاااعد ,,,عسى ربي يعديهم على خير ,,,,نصيحتي غيري ,,الجهال حلوين بس ,,,اللي فوق راسنا مره يودونا القمر ومره الشمس ,,,أأأأأه نسبتي كانت حلوه تدخلني جميع التخصصات ,,بس القراده بعيد عنك ,,انا اقول صيري مدرسة حاسوب ولا اقتصاد منزلي <<<ينفعون بالحياة العمليه ,,,وعسى ربي يوفقك

 

[فـديـت ^-^ روحـي]

حياتي انا بالجامعه مو تربيه اساسيه كنت اتمنى اني ادش تربيه اساسيه ولا تجاري بس اهلي مو راضيين