بلد الراحه والهدوء (( كارلوفيفاري )) ... حياكم

[كارلوفي فاري]

واااااااااااااااااو واااااااااااااااااو روووووعه ماشاء الله

مشكوره ياعمري انتي بس والله مو اروع واجمل منج ومشكوره على كل شي

 

[baby-phat85]

رحتلها كارلو فيفاري طبيعتها واايد حلوة وتبليسا هم اشحلات طبيعتها ومطرها

 

[اوركيدا]

ماشاءلله المنطقه شكلها رووووووووعه!!
تعودنا الشيك للعلاج وعمري ماتخيلتها بهالجمال ..
يعطيج العافيه على هالتقرير الجميل

 

[جوجي55]

لوسمحتي اختي بغيت اسالج انتي شلون رحتي على حساب الحكومه؟اي مستشفى؟
في مع علاج الديسك نظام تخصيص؟
سووووري كثرة الاسئله بس لان عمري 19وفيني ديسك وابي اعالج بسرعه
:yaaaaaarb:
...وشكرا...​

 

[جوجي55]

تخصيص=تخسيس
غلطه مطبعيه من العجله وعوار الظهر

 

[كارلوفي فاري]

رحتلها كارلو فيفاري طبيعتها واايد حلوة وتبليسا هم اشحلات طبيعتها ومطرها

حياج الله اختي ومشكوره على المرور صاجه تبليسه حلوة وهادية بس كارلوفي فاري ارقى شوي حتى يسمونها منتجع الامراء لانه بالصيف يزورونها الرؤساء العالم بالاضافة الى كبار نجوم السينما

 

[كارلوفي فاري]

لوسمحتي اختي بغيت اسالج انتي شلون رحتي على حساب الحكومه؟اي مستشفى؟
في مع علاج الديسك نظام تخصيص؟
سووووري كثرة الاسئله بس لان عمري 19وفيني ديسك وابي اعالج بسرعه
:yaaaaaarb:
...وشكرا...​

هلا حبيبتي وماتشوفين شر انشالله انا رحت على حساب الحكومة بس انا تقرير الرنين المغناطيسي اثبت انه الديسك اللي عندي شوي معقد وماثر على الاعصاب والعمليه خطيرة شوي بالواسطه وحب الخشوم يلا رحت واكيد التخسيس لازم عندهم خصوصا اذا الديسك بالظهر لانه وياي ناس دسكهم بالظهر سوولهم تخسيس واصلا هناك ناس جايه بس تخسيس وانا انصحج روحي لو حتى على حسابكم تكفيكم ثلاثة اللاف دينار انتي والمرافق فلحقى مدامج صغيره قبل ما توصلين الى مرحله صعبه وقبل بعد ماتغللى اكثر لانه قبل خمس سنين كانت تكفيها الالف الحين لاوالله كل شي صار غالي بس هي ارخص دول اوربا والله يسر لج امرج

 

[كارلوفي فاري]

ماشاءلله المنطقه شكلها رووووووووعه!!
تعودنا الشيك للعلاج وعمري ماتخيلتها بهالجمال ..
يعطيج العافيه على هالتقرير الجميل

اي والله خوش ديرة وانا نفسج حسبالي التشيك مو حلوة حتى لما سافرت كنت متضايقة بس لما شفتها حدي قتعلقت فيها ومشكوره على مرورج

 

[خاشووقه]

عليكم بالعافيه

 

[كارلوفي فاري]

عليكم بالعافيه

يعافيج مشكوره

 

[مطيريه ماركه]

المنآظر روعة صرآحة وآ عزتي للكويت ومستشفيآتهآ اللي تزيد علة المريض علة

 

[كارلوفي فاري]

المنآظر روعة صرآحة وآ عزتي للكويت ومستشفيآتهآ اللي تزيد علة المريض علة

اي والله والله المستعان ومشكورة على المرور اختي

 

[fat]

تينن خوش ديرة

 

[شيهانه]

حياك الله شيهاته بالنسبه لروحتي كانت على الصحة بس انتي اذا تبي تروحين في مكتب الصوان يضبط الروحة والحجز واذا تبين بروحكم تحجزون بدون مكتب تقدرين تحجزين على الكويتية بس ماتروح دايركت لازم اول المانيا (مطار فرانكفوت)وبعدين بطياره المانيه اللوفتانزا توديج العاصمة التشيكيه براغ وبعدين تاخذون سياره قولولهم بنروح لكارلوفيفاري تقريبا مدة ساعة ونص الطريق وبسعر 60 دينار كويتي تقريبا (4000كرون)وفي فندق زين عباره عن شقق بس مو قعه روعة على النهر اسمه (قرطبه) اغلب التكاسي تعرفه
وقريب من المصح اللي عالجت فيه انتي قولي نبي فندق التيرمال اذا ما عرف قرطبه راح يعرفه على طول واذاحابه تسكنين فيه كيفج هو مصح وفنق بنفس الوقت اما فنق قرطبه بس سكن قدامه بالضفة الثانيه من النهر واذا انتي شايفه الصور راح تلقين الحديقة اللي عند التيرمال اما بالنسبه للبرنامج العلاجي ما اعرف والله طريقته لانج بحاجة لمترجم مع الدكتور واذا انتي شايفه انكم مو بحاجة الدكتور احجزوا جلسات مساج وجلسات طين ومساج تحت الماء بالاضافة الى حمام الاعشاب حيل يريح اما جلسات الكهربا اتوقع الا باستشاره طبيب والجلسات سعر الجلسه من 7الى 12 كويتي انا اشوف الالمان هناك يجون زياره في اخر الاسبوع ياخذ جلسه جلستين ويروح هم يعطونج كرت واذا تبين اسم المصح اللي عالجت فيه انا حاضر اذا نويتي اعطيج اسمه عمر هذا المصح 300 سنه واكثر بس هو للعلاج فقط مو سكن و بعد وقريب من التيرمال وبعد من فندق قرطبه واتمنى اني افدتج وروحوا لا تطوفون على روحكم الراحة وعلى فكره قبل فتره كانوا يحطون الجرايد ورقه اعلان عنها سفرة لمدة شهر علاج وسكن ومواصلات من والى المطار ب1300دينار للشخص ولا زين تحجزين وهم يضبطون جدول الجلسات بس نصيحة لاتاخذين اكثر من جلستين باليوم تتعبين وهم يحطون اللي يناسبج قولي راحة واستجمام وبالنسبه للصرف والله غليه شوي واخذوا معاكم عيش وعدس لان ماتحصلون ذبح اسلامي والمطاعم تلوع الجبد والمطاعم العربية حيل غاليه حنا قضيناها معكرونه وعيش وعدس وتونه وكنت بعد اشتري سمك واطبخه وبالنسبه للتسوق عندج التيسكو والانتر شبار هم الزينين تقدرين تروحوله بالباص المخصص له والمحلات بكل مكان موجودة بس غالين لانها مدينة الاثرياء
يلا طولت عليج ومشكوره على المرور

مشكووووره حبيبتي على الرد الطيب مثلك واااايد واااايد استفدت منه ان شاء الله ياربي على طول بصحه وعافيه ..
عيزت ادور على هل الموضوع في الدول الاجنبيه والاستفسارات حسبالي هناك وما احصله ما ادري شلون اليوم دخلت اهنيه وشفته .. ما قصرتي يالغاليه

 

[كارلوفي فاري]

حاضرين للطيبين

 

[كارلوفي فاري]

سلااااااااااااااااام حبيت ارفع الموضوع لانه يتكلم عن نكي

 

[كارلوفي فاري]

اب اب

 

[كارلوفي فاري]

للرفع للرفع للفائده

 

[ام مهاوش]

طحت على التقرير بوقت حلو لانه بنودي يدتي حق الشيك وماكان عندنا فكره عن ولا شي
مشكوره وضحتيلي شغلات وايد وشوقتيني اروح معاهم اذا بودون يدتي

 

[ba6boo6ah]

وآآآآآآآآو المكـآآن عجيب عليج بالعاااافية فعــلآ حلووووو