رحلتي لفينا وكابرون وميونخ

[أم@الحلوين]

حمد الله ع السلامه ريمو

نورتينا يالغاليه

متابعتج للأخر@_@

 

[remoo_007]

حمد الله ع السلامه ريمو

نورتينا يالغاليه

متابعتج للأخر@_@

هلااااا وغلا بام الحلويين شلووونج انا كنت متابعتج انت وام عزيز بموضوع قروبات الوسيط قبل السفر وبعد السفر

ووووووووا على التحضيرات وااايد استفدت منكم

 

[remoo_007]

السلام عليييييكم

شلووونكم


نكمل اليوم بصور انشاء الله تعجبكم

بهذا اليوم كانت رحلاتنا واااايد حلوه


اولا:

قصر الشنبرون وصراحه القصر وااايد حلووو وحديقته احلى وفيه حديقه حيوانات فيها دب الباندا انا صراحه مادشيتها

طبعا القصر مقسم الى اجزاء في اماكن تقدرون تزورونها وفي الممنوع انا اكتفيت بل التمشي بل الحديقه لانها واااااايد كبيره

وتهبل بس للاسف كانت الشمس شوي حاره وموراضيه تغيب:eh_s(14):

 

[MsKeNa]

عليكم بالعافيه
كملي متابعيين @@

 

[remoo_007]

هذي صوره القصر كامله:ggdw:

 

[remoo_007]

وبعد ما خلصنا قصر الشانبرون رحنا لنهر الدانوب وطبعا في مطاعم وكافيهات على طول النهر وتأجير قوارب وااايد حلوو

المكان بس هم الشمس خربت علينا مو راضيه تغيب لان شمسهم لاتطاق اذا طلعت المهم تمشينا واكلنا بخوش مطعم

ايطالي متخصص بيتزات وسباجتي وهل السوالف راح تلقونه باول الشارع وااايد اكله حلووو والاحلى ان في واحد تونسي

يعلمنا محتويات الاكل بالضبط_03BA:

 

[أم@الحلوين]

هلااااا وغلا بام الحلويين شلووونج انا كنت متابعتج انت وام عزيز بموضوع قروبات الوسيط قبل السفر وبعد السفر

ووووووووا على التحضيرات وااايد استفدت منكم

هلا فيج حبيبتي انا بخير دامج بخير

تدرين عاد بالسفر انا شفت ام عزيز واهيه ما شافتني حسافه

 

[remoo_007]

وراي برج فينا الي تصعدونه وتشوفون منه كل فينا

 

[remoo_007]

هلا فيج حبيبتي انا بخير دامج بخير

تدرين عاد بالسفر انا شفت ام عزيز واهيه ما شافتني حسافه

غمييييييييييضه

صدقين انا صار فيني مثلج مع الاخت احلى من الحلى اهيا شافتني وانا ماشفتها بل السفره

 

[remoo_007]

المهم

بعد ماخلصنا ردينا الفندق تعابا بس ماشاء الله عليه القايد اقترح علينا يودينا ملاهي براتر صراحه ملاهي واااايد حلوه فيها جم لعبه خطيره

رحنالها بل الاندر قراوند اسم المحطه براتر بس ماصورت لان لهيت بل اللعب وراها ردينا الفندق تعابا

 

[remoo_007]

يوم جديد ورحله جديده:eh_s(6):

بهل اليوم رحنا ..

اولا برج الدانوب ... رحله بل الباخره في نهر الدانوب .... وبعده رحنا مطعم ايراني اكله حلال

يله نبدا

برج الدانوب من داخل

وصور لحديقه عجبني شكلها من فوق

وهذه صور لفينا ونهر الدانوب من فوق

 

[remoo_007]

بعد رحله برج فينا رحنا رحله بحريه في نهر الدانوب المكان حلووو بس هم شمس:eh_s(14):

صور من داخل الباخره

 

[remoo_007]

المهم بعد الرحله ودانا القايد لمطعم ايراني اكله زوين


وهذا الي طلبناه حياكم:eh_s(6):

لا وحاطلي كتشب يكون متوصي فيني عاد انا ما اشتهي شي اسمه كتشب:0bee2e8d89:





وهذي الفاتوره:0bee2e8d89:

 

[remoo_007]

وبعد ماخلصنا من الرحلات رجعنا الفندق ريحنا شوي وصلينا ورحنا وراها السنتر ساحه ستيفن الشهيره وااااااااااايد حلوه

لووووويه وناس

وبجذي خلص اليوم

 

[remoo_007]

اما اليوم

فقترح علينا القايد ان يودينا سلوفاكيا دوله قريبه يم النمسا ووراها يودينا الاوت لت بطريق العوده طبعا احنا موافقه جماعيه

مايبيله:dddds: هذي صوره من المنطقه براتسلافا الموجوده ب سلوفاكيا عباره عن سوق متواضع وفي كشكات فيها

شغلات حلوه عن تراث الديره

كان الجو واااايد حلووو واستانسنا مع ان ماشرينا لان سوقهم عادي

 

[remoo_007]

وبعدها القايد ودانا الأوت لت واااااااااااااااااو صج واااايد حلووو بس هم بع التنزيلات هم غالي بس صراحه أشتريت مع ان


قالولي خلي السوق حق ميونخ بس خفت ما احصل شي شريت من الاوت لت ساعه وجنطتين وبدل العيد حق عيالي :

:ggdw:ggdw:


وهذه صوره جم محل

 

[remoo_007]

وبعد ماردينا ريحنا وصلينا وردينا طلعنا للسنتر لان وداعيه لان هذا اخر يوم لنا بفينا فاقلنا نسستفيد من اخر لحظه فا رحنا


ساحه ستيفن مع ان اغلب المحلات مصكره بس ناس متجمعه والقهاوي متروسه والخليج وااااااااااااااايد هناك بس قعدي



وتفرجي على العروض الي يسوونها بل الساحه صراحه قمه المتعه


وهذي جم صوره

 

[remoo_007]

صراحه عجبتني طريقه ترميمهم للمباني يغطون الصوب الي يشتغلون فيه بصوره للمبنى

المهم من باجر رايحين كابرون اخت زلمسي هههههه

 

[احلى من الحلى]

اممممممم شوفتينى صج السفر وناسه

 

[remoo_007]

بهل اليوم قعدنا مبجر عشان نتريق بسرعه وننطر باصنا عشان نغادر فينا ونتوجه حق كابرون صراااحه الطرييييج طويل

تقريبا 5 ساعات وشي مع الاستراحه بس طول الطريج ضحك مع بعض وشغلنا فلم ومسرحيه ومناظر يمينك وشمالك


عجيييييييييييبه خاصه الغيووووم واااااو

هذي شويه صور للطريج