استفساراتكم عن الحضانات تجدونها هنا - الجزء الأول

[fife4ever]

رد: أفضل حضانه للأطفال / حياكم

حبيباتي انا رحت للمروج الي في هدية نصيحة لا تودون عيالكم انا دخلت عليهم فجأه
لقيت الجهال كلهم في غرفة وحده لان مرحلة الروضه رايحه رحله والمسؤولة طالعه معاهم اظن ولالالالا حاطين الحضانه الدور الثالث يا حرام لما دخلت عليهم ريحت الغرفة موحلوه والجهال وصخه خشومه والجهال تتخانق على البطاط والحاله يرثى لها
وطلعت على طول ورحت الريان شتان بين بعض وسجل ولدي وانشاء الله بعد الاجازه راح يداوم وراح اقول لكم عن مستواها معى ولدي

 

[بوران]

رد: أفضل حضانه للأطفال / حياكم

بنات منو يعرف حضانة زينة بالشامية اوالجابرية و يكون سعرها معقول؟؟؟

 

[أم الحلوة جمان]

رد: أفضل حضانه للأطفال / حياكم

والله انا دخلت بنتي الحضانة الانجليزية للتعليم المبكر
the english play group
و ماشالله واااايد مستفيدة
يعلمونها : العربي (أأحرف- كلمات - ارقام )
الانجليزي : ( وهذا مركزين عليه ) أحرف- كلمات - ارقام - أشكال - ألوان
و ينمون مهاراتهم و ذكاءهم عن طريق الالعاب التربوية و المسابقات
يعلمونهم السلوكيات الصح
والله ان بنتي تغيرت وايد للأحسن كانت انانية و تاخذ اغراض غيرها وحاولت اني اغير هالشي فيها وما قدرت بس ماشالله الحين صار فيها حب اللعب الجماعي و المشاركة و الترتيب و ماقامت تاخذ اغراض غيرها قبل لا تستأذن

أما بالنسبة للقرآن و النظافة الشخصية فهذه مسؤوليتي

 

[ساره ستايل]

رد: أفضل حضانه للأطفال / حياكم

ام جمان :
باي منطقة حضانة بنتج ؟

 

[ملاله كويتيه]

رد: احتاج حضانه ضروري بجنوب السره

هلا وغلا ملوكه

حتى انا توني مسجله بنتي بحضانة بيبي غاردن الصراحه تهبل والأبلات شحلوهم يهبلون

بنتي بسرعه خذت عليهم

 

[ام عبود الحلو]

رد: احتاج حضانه ضروري بجنوب السره

مشكورين على المعلومات

 

[bambena]

رد: احتاج حضانه ضروري بجنوب السره

اكو بعد البريطانيه الدوليه على الشارع قبال الوزارات

منكم نستفيد انا بعد ناويه ادخل ولدي بس متردده

 

[أم الحلوة جمان]

رد: أفضل حضانه للأطفال / حياكم

اختي سارة الحضانة بمنطقة سلوى
ما تضيع قبال جمعية سلوى قبل الدوار اذا ييتي من مشرف
لونها أخضر وواجهتها جام والعاب الاطفال

 

[ساره ستايل]

رد: أفضل حضانه للأطفال / حياكم

ام جمان : مااقصرتي بس حسافه اطلعت ابعيده علي انا بلفيحا

 

[* LOVE STORY *]

رد: أفضل حضانه للأطفال / حياكم

بنات ضروووووووري ردوا علي الله يعافيكم
ابي حضانه ممتازة حق ولدي عمره سنتين بالمناطق هذي :

العديلية - الروضه - النزهه - عبدالله السالم - الخالدية

اهم شي المدرسات حليوين .. الديكورات تجذب الياهل - يجابلون الياهل ومايخلونه يتطاقق مع غيره من اليهال.. النظافه .. الاكل .. وغيرها من امور انا ماعندي خبرة فيها ابحكم ان هذا ولدي البجر
وتحفيظ القرآن وغيرها من العادات الاسلاميه ..
تعليم الانجليزي ..

ودوامهم يبدي من الساعه جم الى جم ؟؟

وجم رسومهم ..

يزاكم الله الف خير ان رديتوا علي وان ما رديتوا

عندج ليتل لاند بالفيحا يمدحونها
وحضانة المرح بالنزهة بنت خالي كانت مدخلة بنتها فيها تمدحها وااايد وتصير بقطعة3 جبال حلويات صافي

 

[shog]

رد: أفضل حضانه للأطفال / حياكم

آنا دخلت بنتي حضانة اليرموك إتينن ، يعلمونهم القرآن أوو آداب الأكل ، وإنجليزي أوو رياضيات ، ممتازين بنتي وايد فرقت عليي ، أوو ألحين قاعده أسوي كشف طبي حق بنتي الثانيه بدخلها الشهر الياي إنشالله

 

[shog]

رد: ابي انصحكم بحضانه حلوه

آنا إمدخله إعيالي حضانة اليرموك:eh_s(9):

 

[ساره ستايل]

رد: ابي انصحكم بحضانه حلوه

حسافه بعيده علي
انا بلفيحا وادور حضانه حوالينا

 

[ساره ستايل]

رد: أفضل حضانه للأطفال / حياكم

كرستاله يااااااااااابعد قلبي
انقذتيني والله .. اهم شي انها قريبه يمي

بروح لها واشوفهم .. الله يعافيج سأليلي جم رسومهم ؟؟
انا ولدي عمره سنتين (ويلبس بامبرز)

مشكوره حبوبة

 

[mooomooo]

رد: ابي انصحكم بحضانه حلوه

في حضانه ليلى كير مسويه عرض في فبراير بس

162 دينار لي شهر 6 من عمر شهر الى 4 سنين

وصاحبة الحضانه خوش مره والله

رحت طليت عليهم في عندهم من شهرين

كنت مفكره ادخل ولدي لانها يم بيت اهلي

بالزهراء

 

[ام الغزال]

رد: ابي انصحكم بحضانه حلوه

بنات آنا ما أدري شنو يسوون بالحضانه ..
آنا عندي تؤام عمرهم سنتين .. و أبي أحطهم بحضانه يومين بالإسبوع من الصبح لي الساعه 12 الساعه كم تبطل الحضانه و متى تسكر .. و شلون الطريقه ؟!

 

[ام الغزال]

تجاربكم مع الحضانه ... بنات آنا معلوماتي مييييح

قوه بنات ..

آنا طالبه بالمعهد... و صراحه .. أبي أتعرف عن الحضانه ..

شنو يسوون فيها ..

شنو يوكلون عيالكم فيها ..
و إشلون على الحليب ؟!

و من عمر جم نقدر ندخل العيال ...

و إشلون تعرفين غذا الحضانه ما يعاملون الطفل بقسوه أو يهملونه..

و إشلون على الحفاضات ؟!

بنات قولولي ..

تراني غشيمه بهالسوالف

 

[التوت البري]

رد: تجاربكم مع الحضانه ... بنات آنا معلوماتي مييييح

شوفي خبوبة انا بالنسبة لي الحضانة أأمن مكان تخلين فيه عيالج إذا إنتي مشغوله عنه النهار حتى لو ماكنتي مشغوله ترى الحضانة مفيدة حيل حق اليهال و ترى كل الحضانات عليهم رقابة من قبل وزارة الشئون الإجتماعية و العمل و على فكرة أنا بنتي من يوم عمرها عشر شهور إهي بالحضانة و ماشالله هالسنة راح تتخرج أقصد السنة الياية روضة وترى عمرها ثلاث سنوات ونص وماشالله تبارك الرحمن حافظة أغلب سور جزء عمه غير الأناشيد الدينية و الأناشيد الإنجليزية و لغتها الإنجليزية فل و الحمدالله و تعرف أداب الطعا و كيفية التعامل مع غيرهلا من اليهال و الكبار بعد يعني بصريح العبارة ساعدوني في تربيتها حييييييييييييييييييييييييييييييييييييييييل
دخلي عيالج و لا تحتين و أنا أنصح كل أم حتى لو إنها في البيت إدخل عياله حضانه لأن الياهل وهو صغير سهل تربيته و تعليمه و ماراح تتعب معاه لمن يكبر
وسوري على الإطالة

 

[أم حيدر]

رد: تجاربكم مع الحضانه ... بنات آنا معلوماتي مييييح

طحتي من السما وانا تلقفتج

شوفي حبوبة ، انا كنت اشتغل شؤون طلبة 6 سنين بمدرسة امريكية ، وهذي اجوبة استفساراتج:

1. الحضانه يقبلون من عمر سنتين وست أشهر الى عمر ثلاث سنين وخمس اشهر.
2. يعلمون اليهال مبادىء الاعتماد على النفس يعني شلون يرسم بروحه ، ياكل بروحه وبعد وايد شغلات بس طبعا باشراف المدرسه ومساعدة المدرسة + يعلمونهم الأحرف انجليزي وعربي + الأرقام + الألوان + الأشكال وايد شغلات بعد

3. شوفي بالنسبة للأكل تدزين انتي معاها اكل صحي ، يعني ممنوع بيبسي ممنوع شبس ممنوع ككاو ممنوع علج + في وقت سناك تايم عندهم تعطيهم المدرسة فواكه خضراوات فطاير صغار هالسوالف

4. بالنسبة للمعاملة هالحضانة اللي قاعدة اقولج عنها اعرف معاملتهم عدل

5. ما يقبلون طفل بحفاظة لازم يكون شايلها.

اتمنى اكون فدتج

 

[@حور@]

رد: تجاربكم مع الحضانه ... بنات آنا معلوماتي مييييح

التوت البري شنو الحضانه حبيبتي