استفساراتكم عن الحضانات تجدونها هنا - الجزء الأول

[miss elegant]

رد: أفضل حضانه للأطفال / حياكم

والله بنات آنا ولدي عسر أو ما يعجبة العجب بالصيف حطيتة بالنادي الصيفي اللي بالرؤية كانوا كلش مو شي او مايعرفون شلون يجذبون الياهل واللحين حطيتة في حضانة blooming dales بالدسمة عالشارع قبال معهد فلكس او فندق انتركونتيننتال والله عجيييبة ولدي قام يحب المدرسة والمدرسات أغلبهم أمريكيات أحس ولدي وايد تغير أو يرطن شوي انجليزي

 

[موني موني]

رد: أفضل حضانه للأطفال / حياكم

والله انا دخلت بنتي الحضانة الانجليزية للتعليم المبكر
the english play group
و ماشالله واااايد مستفيدة
يعلمونها : العربي (أأحرف- كلمات - ارقام )
الانجليزي : ( وهذا مركزين عليه ) أحرف- كلمات - ارقام - أشكال - ألوان
و ينمون مهاراتهم و ذكاءهم عن طريق الالعاب التربوية و المسابقات
يعلمونهم السلوكيات الصح
والله ان بنتي تغيرت وايد للأحسن كانت انانية و تاخذ اغراض غيرها وحاولت اني اغير هالشي فيها وما قدرت بس ماشالله الحين صار فيها حب اللعب الجماعي و المشاركة و الترتيب و ماقامت تاخذ اغراض غيرها قبل لا تستأذن

أما بالنسبة للقرآن و النظافة الشخصية فهذه مسؤوليتي

حبوبه شكثر رسومهم ؟؟؟

 

[استغفر الله]

رد: أفضل حضانه للأطفال / حياكم

بنات منو تعرف حضانة الينابيع اللي بالفنطاس وشلون مستواها

 

[طيبة الكويتية]

رد: أفضل حضانه للأطفال / حياكم

اختي بوران
عندج حضانة الفصحى بالجابريه قطعه 9 ورا السفاره اليابانية, وايد ممتازين ماشاءالله عليهم

 

[احبج يا كويت]

السلام يا احلى منتدى ابي حضانه سنعه بحولي

الله يخليكم ابي حضانه سنعه بحولي او ميدان حولي

 

[Angel]

رد: السلام يا احلى منتدى ابي حضانه سنعه بحولي

حضانة بلازا بمجمع بلازا بحولي
ان شاء الله أكون أفدتج.

 

[New Mum]

رد: السلام يا احلى منتدى ابي حضانه سنعه بحولي

انا مع راي انجل

 

[ساره ستايل]

رد: أفضل حضانه للأطفال / حياكم

بنات انا رحت حضانة المرح بالنزهة
وااااااااااايد غاليه
فتح الملف اب50دك اشدعواااااااااا
والشهر ب110دك؟؟؟!!!!
وهالسعر حق بيبي عمره سنتين ؟؟
وااااااااااايد السعر مبالغ فيه

انا كنت بدخل ولدي فيها ..
بس بهون وادخله ليتل لاند ..يم بيتنا بلفيحا
عالاقل يم دوامي وبيتي والسعر اقل اب10دك
بس ما دري جم فتح الملف عندهم؟؟
ياليت اللي تعرف تفيدنا

 

[ساره ستايل]

رد: أفضل حضانه للأطفال / حياكم

لانا :
مشكوووووووورة حبوبة
بس بسإلج : حضانة الروضه جم رسومهم (اشتراك الشهر+فتح الملف)
لأني امفكرة اب ليتل لاند الفيحا .. وهم مادري جم رسومهم

 

[بدابد]

اللي سوت عيد ميلاد اعيالها بلحضانه تدخل بليييييز

السلام عليكم
بنات ابي مساعدتكم
عيد ميلاد اعيالي قرب واهم بلحضانه وودي اسوي لهم بلحضانه بس ما ادري شنو اسوي
يعني اعطي الاطفال بطاقات اييييب هدايا مو عارفه
ساعدوني
ناطرتكم

 

[New Mum]

رد: اللي سوت عيد ميلاد اعيالها بلحضانه تدخل بليييييز

أهلين حبيبتي ..
ماعندي فكره حبيبتي لاني ماجربت بس ليش ما تسألين الحضانه نفسها اكيد عندهم اكتفتيز معينه

 

[أم الحلوة جمان]

رد: اللي سوت عيد ميلاد اعيالها بلحضانه تدخل بليييييز

والله انا حضانة بنتي حاطين اعلان اذا تبين كل شي من عندنا دفعي 30دك و اهم يتكفلون بكل شي.

 

[frfr]

رد: اللي سوت عيد ميلاد اعيالها بلحضانه تدخل بليييييز

بنسبه لي انا ارووح سوق بو اميه واشتري لي جم لعبه حق اللي بالصف مع ولدي يعني تقريبا كل واحد يحصل له 3 او اربع اشياء احطهم في جيس على سبايدر مان او باربي اذا بنت ونسبه حق الكيكه احط صورة ولدي على الكيكه عشان يستانس ومع الشمع طبعا والكبابيس والزينه وهذا كله ما راح يكلفج لانه متوفر اب سووق بو اميه
ايه وما انسى طبعا الكاميرا اعطيها ابلته عشان تصوره وتصور اللي معاه بالصف

 

[أم بدير]

رد: اللي سوت عيد ميلاد اعيالها بلحضانه تدخل بليييييز

انا وحده صراحه ماسويت ولامره عيد ميلاد عيالي بالحضانه
مادري ليش بس ماخطرت على بالي الفكره
دايما اسويلهم بالبيت او بمطعم
بس سويت حق رفيجتي بعيد ميلاد بنتها
يمكن أفيدج بشي
بس وزعنا بطاقات قبلها بيومي عشان اللي بييب هديه يحسب حسابه
بدون بطاقات محد راح يدري ومارح اييبون هدايا
يوم الحفله سويت توزيعات بس مو مثل توزيعات المناسبات لأن المعنيين يهال
فشرينا ألعاب مو من بو اميه خخخخخخخخخ من بونص
بتسألين شنو بو نص
تروفاليو عنده سوالف تونس على نص وربع دينار يستانسون عليها اليهال
طبعا هذا قبل لايطلع دايسو الحين دايسو عنده العاب بنص دينار تونس ماتفشل

وحطيت بدل الكاكاو بما ان اليهال مو ويه نعمه وماراح يعجبهم الكاكاو الكشخه مال باتشي ما باتشي وهالسوالف
حطيت كاكاو الجمعيه مع كل لعبه ولفيتهم مع بعض (الكاكاو واللعبه) بشكل يونس حق اليهال
واهي كانت يايبه كيكه عيد ميلاد بنتها
وطلبت اسويلها فريم عود فيه صور بنتها بمراحل التطور يعني من كانت بيبي لين كبرت وصارت بهالعمر
والباجي عالمدرسات لازم تكونين مبلغتهم عشان يحسبون حسابهم بأشرطة الأغاني ملوت الاعياد ميلاد واذا ماعندهم انتي ييبيلهم

وكل عام واهم بخير ويتربون بعزكم انشالله​

 

[ساره ستايل]

رد: أفضل حضانه للأطفال / حياكم

رحت اليوم ليتل لاند
ولا فللللللللللللل الصفوف
ما رضوا يسجلون ولدي
بس بسجله حق الكورس الصيفي والينه اليديده شهر 9 انشالله

الحضانه صج اتشوق حلللللللللللللوة وراقيه بالتعامل مع البيبي واهله

والحين بسجله بمرح الاطفال بالنزهه .. هم مادحينها وايد

 

[New Mum]

رد: أفضل حضانه للأطفال / حياكم

اكو حضانه يمدحونها بقرطبه ق 4 نسيت اسمها بليز اللي تعرف شي عنها تدلي بدلوها

 

[بدابد]

رد: اللي سوت عيد ميلاد اعيالها بلحضانه تدخل بليييييز

مشكورين على الافاده
وناطره باجي البنات

 

[bambena]

رد: أفضل حضانه للأطفال / حياكم

انا الحين استقريت على بيبي جاردن بس ودي بحضانه بالزهراء يم بيتنا ولدي كمل سنتين بس لي الحين ماقط البامبرز ولايعرف للحمام تكرمون
اللي تعرف بالزهراء تقولي عليها بليز

 

[bambena]

رد: ابي انصحكم بحضانه حلوه

مدرسه حضانه انا قررت ادخل عبود بيبي جاردن لانها احسن وحده من ردود البنات لي الحين بس باعرف اذا يعلمونه على الحمام تكرمين ؟

ناويه امرهم مادري اذا قاعدين العصر ولا لأ

 

[manoora]

رد: اللي سوت عيد ميلاد اعيالها بلحضانه تدخل بليييييز

مجمع بيروت بحوللي فوق في سوق بو اميه مررررررررتب و عندهم كبابيس ملونه كبااار و هدايا و زينه
و سوي مسابقات و جوائز و عطيهم الابله
و تقدرين تييبين لهم شخصيات يلعبونهم و تفافيخ ملونه