تجمع طالبات كلية الدراسات العليا ماستر ودكتوراه

[MiSs MeSk]

upppppppppp

 

[عيون الوحش]

للرفعععععععععع

 

[حيادر]

هاي بنات

صارلي فترة افكر ان بكمل بس كنت حايرة بين اني ارجع ادرس باكالوريوس ثاني غير اللي خذيته علشان اقدر اصير مدرسة
( لان شهادتنا مايصير اتوظف كمدرسة عليها )

وبين اني اكمل ماستر

وبما ان طافني موعد التسجيل بالجامعة المفتوحة (كنت ناوية اني اتوظف وادرس بس خيره من ربكم طافني)

استقريت على الماستر
قلت ليش ارجع ادرس 4 سنين مرة ثانية واخذ نفس الدرجة بما اني اقدر اكمل ماستر وارتقي واريح نفسي واختصر على نفسي طريج طويل

دشيت على سايت الدراسات العليا بالكويت وشفت البرامج الخاصة بالماستر وقريت الشروط وتعمقت بالسايت وقريت كل شيي ولقيت البرنامج اللي عجبني
التاريخ
توصيف المقررات حيل عجبني
وبما اني مادرست بجامعة الكويت من الاساس فماقدر اصير طالبة مقيدة لاني ماقدر اييب 3 رسايل تزكية لاني ماعرف ولا دكتور هناك

فلازم ادرس على حسابي كطالبة غير مقيدة لمدة كورس واحد وبعدين اشد حيلي واييب في كل مقرر مالايقل عن 3 نقاط ( 4 مقررات يعني 12 وحدة ) واحول الى مقيدة

دقيت على الدراسات العليا بالخالدية عن طريق البدالة طبعا من الساعة 8 للساعة 11 ادق ومحد يرد علي بالاخير ردت علي موظفة حليوة والله ونستني
ونسيت اسئلها عن اسمها

قلتلها اني بغيت استفسر عن الدراسات العليا الماستر وشنو البرامج اللي ممكن اسجل فيها كطالبة غير مقيدة ومتى اقدر اسجل
قالتلي شنو البرنامج اللي ودج فيه
قلتلها تاريخ
قالتلي جم معدلج ومن وين متخرجة
قلتلها معدلي 70% ومتخرجة من المعهد العالي للفنون المسرحية
قالتلي حق معهدكم مايصير تتخصصين بالتاريخ لان بس حق خريجين الاداب
قلتلها انزين شنو التخصصات المسموحة لي
قالتلي عندج ادارة الاعمال والترجمة والادب المقارن والمكتبات
قلت يالله الترجمة روعة انا تخصصي بالثانوية كان انجليزي فراح يصير انشالله سهل علي
قلتلها اقدر اييكم يوم الاحد اسجل
قالت الحين ماكو تسجيل او اي شي
تعالي شهر 10 اول شي نعادل شهادتج ونشوف شنو المسموح لج تسجلين فيه وبعدين تقدمين اوراقج وباجي الاجراءات

بس بروح يوم الاحد بستفسر اكثر عن هالموضوع وبسئل عن التوفل وبودي شهادتي وكل اوراقي احتياط بس علشان اخذ فكرة مبدئية عن البرنامج اللي ابيه هل فعلا يصير ولا لا


وبروح انفو باخذ دورات توفل وبعدين بقدم التوفل عند اميديست لان على كلامكم هذول احسن مكانين حق التوفل

والله يكتب اللي فيه الخير لي ولكم

 

[عيون الوحش]

اهليييين حيادر

عن جد حمستيني بكلامج ..حتى انا ابي اسجل كطالبة غير مقيدة بس مادري شنو التخصص اللي يسوى ؟؟انتي متأكدة أن التسجيل شهر 10 الجاي ..يعني شنو راح ندرس الكورس الثاني ؟
وابي آخذ توفل بس مادري وين ..يمديني آخذه قبل التسجيل تتوقعين؟
الله يوفقج حياتي

تحياتي لج

 

[روند]

شنو الفرق بين الطالبه المقيده والغير مقيده؟

هل في نقدر نكمل دكتوراه بجامعه كويت؟؟

وهل ماستر جامعه الكويت معترف فيه او لا ؟؟

جزاك الله خير اللي ترد علي...

 

[MiSs MeSk]

هاي بنات

صارلي فترة افكر ان بكمل بس كنت حايرة بين اني ارجع ادرس باكالوريوس ثاني غير اللي خذيته علشان اقدر اصير مدرسة
( لان شهادتنا مايصير اتوظف كمدرسة عليها )

وبين اني اكمل ماستر

وبما ان طافني موعد التسجيل بالجامعة المفتوحة (كنت ناوية اني اتوظف وادرس بس خيره من ربكم طافني)

استقريت على الماستر
قلت ليش ارجع ادرس 4 سنين مرة ثانية واخذ نفس الدرجة بما اني اقدر اكمل ماستر وارتقي واريح نفسي واختصر على نفسي طريج طويل

دشيت على سايت الدراسات العليا بالكويت وشفت البرامج الخاصة بالماستر وقريت الشروط وتعمقت بالسايت وقريت كل شيي ولقيت البرنامج اللي عجبني
التاريخ
توصيف المقررات حيل عجبني
وبما اني مادرست بجامعة الكويت من الاساس فماقدر اصير طالبة مقيدة لاني ماقدر اييب 3 رسايل تزكية لاني ماعرف ولا دكتور هناك

فلازم ادرس على حسابي كطالبة غير مقيدة لمدة كورس واحد وبعدين اشد حيلي واييب في كل مقرر مالايقل عن 3 نقاط ( 4 مقررات يعني 12 وحدة ) واحول الى مقيدة

دقيت على الدراسات العليا بالخالدية عن طريق البدالة طبعا من الساعة 8 للساعة 11 ادق ومحد يرد علي بالاخير ردت علي موظفة حليوة والله ونستني
ونسيت اسئلها عن اسمها

قلتلها اني بغيت استفسر عن الدراسات العليا الماستر وشنو البرامج اللي ممكن اسجل فيها كطالبة غير مقيدة ومتى اقدر اسجل
قالتلي شنو البرنامج اللي ودج فيه
قلتلها تاريخ
قالتلي جم معدلج ومن وين متخرجة
قلتلها معدلي 70% ومتخرجة من المعهد العالي للفنون المسرحية
قالتلي حق معهدكم مايصير تتخصصين بالتاريخ لان بس حق خريجين الاداب
قلتلها انزين شنو التخصصات المسموحة لي
قالتلي عندج ادارة الاعمال والترجمة والادب المقارن والمكتبات
قلت يالله الترجمة روعة انا تخصصي بالثانوية كان انجليزي فراح يصير انشالله سهل علي
قلتلها اقدر اييكم يوم الاحد اسجل
قالت الحين ماكو تسجيل او اي شي
تعالي شهر 10 اول شي نعادل شهادتج ونشوف شنو المسموح لج تسجلين فيه وبعدين تقدمين اوراقج وباجي الاجراءات

بس بروح يوم الاحد بستفسر اكثر عن هالموضوع وبسئل عن التوفل وبودي شهادتي وكل اوراقي احتياط بس علشان اخذ فكرة مبدئية عن البرنامج اللي ابيه هل فعلا يصير ولا لا


وبروح انفو باخذ دورات توفل وبعدين بقدم التوفل عند اميديست لان على كلامكم هذول احسن مكانين حق التوفل

والله يكتب اللي فيه الخير لي ولكم

اللة ايوفقج انشاللة بس أعتقد ايصير اتكملين تاريخ
وبعدين معهد امديست يعطون دورات مكثفة حق التوفل

 

[MiSs MeSk]

اهليييين حيادر

عن جد حمستيني بكلامج ..حتى انا ابي اسجل كطالبة غير مقيدة بس مادري شنو التخصص اللي يسوى ؟؟انتي متأكدة أن التسجيل شهر 10 الجاي ..يعني شنو راح ندرس الكورس الثاني ؟
وابي آخذ توفل بس مادري وين ..يمديني آخذه قبل التسجيل تتوقعين؟
الله يوفقج حياتي

تحياتي لج

الطلبة الغير مقيدين يدرسون الكورس الثاني بس الطلبة المقيدين السنة الياية شهر 10
بالنسبة للتوفل لازم اتشوفين متى المواعيد لانها متباعدة
ونتيجة التوفل تطلع بعد اسبوعين لازم من اللحين اتقدمين
والتوفل بشكل عام صالح لمدة سنتين

 

[MiSs MeSk]

شنو الفرق بين الطالبه المقيده والغير مقيده؟

هل في نقدر نكمل دكتوراه بجامعه كويت؟؟

وهل ماستر جامعه الكويت معترف فيه او لا ؟؟

جزاك الله خير اللي ترد علي...

اي ماستر جامعة الكويت معترف فية
وبالنسبة للدكتوراة في بالجامعة بس مو كل التخصصات

 

[حيادر]

اهلين بنات

ميرسي ميرسي الله يوفقنا كلنا انشالله

عيون الوحش مو التسجيل شهر 10
شهر 10 علشان يعادلونلي الشهادة والتسجيل ماثبت متى
انا سئلتها شلون نظام الدراسة بالنسبة للترجمة او التاريخ سنة كاملة ولا كورسات منفصلة
قالتلي نظامنا كورسات مو سنوي
قلتلها يعني راح اقدر اسجل كطالبة غير مقيدة لاول مرة اكورس الياي
قالتلي اي كل سنة عندنا تسجيلين يعني مرتين بالسنة
تصدقون نسيت متى ومتى لووووووول
اذا رحت اشالله اسئلهم لكم بالتفصيل

الطالبة الغير مقيدة يعني انتي تدرسين المواد التمهيدية للبرنامج اللي تبين تاخذينه كماستر
لكن تدفعين لكل مادة 50 دينار يعني تدرسين على حسابج وماتكونين متسجلة بجامعة الكويت بشكل رسمي

بعدين اذا يبتي بكل مادة مالا يقل عن 3 نقاط يحقلج انج تروحين حق الدكاترة اللي درسوج هالمواد التمهيدية وتطلبين منهم رسايل تزكية علشان يرشحونج للماستر
وذيك الساعة يحقلج انج تسجلين بالجامعة بشكل رسمي وتدرسين على حساب الجامعة وتنزللج اعانة وكل شي

ابوي الحين يقول اخذي دورات التوفل عند جامعة الكويت وبعدين قدمي الامتحان عند الاميديست

انزين بنات انتوا اللي خذيتوا التوفل شنو اييبونلكم فيه شنو الاسئلة وشنو طبيعة التوفل

وليش دايما يقولون التوفل صعب ويبيله دراسة قوية ودورات؟

انا عموما بنبش بالنت عن التوفل وبشوف شنو اقدر اسوي

لكن ابي من تجاربكم انتوا

انا الحين ببالي الترجمة اكثر مادري احس حلو
التاريخ صج غرامي بس فيه دراسة وايد

وبالنهاية لو صارلي ترجمة او تاريخ فالاثنين مقبولين بدرجة كبيرة بالنسبة لي ماتفرق معاي

الصراحة بكمل ابي اسوي شي

اللي كبري شفطولي وتعدوني لوووووووووول

 

[حيادر]

بنات بغيت اسم كتاب عباس الشمري مال التوفل شنو اسمه

وين القاه؟

 

[روند]

مشكووورين بنات عساكم عالقوة والله يوفقنا كلنا

 

[ماغنوليا]

بنات بغيت اسم كتاب عباس الشمري مال التوفل شنو اسمه

وين القاه؟

تلقينه بمكتبة الطالب بالشويخ ..

واذا تبين نصيحتي اشتري كتاب التوفل بس انتبهي اخذي مال امتحان القلم والورقة مو الكمبيوتر لأنه مختلف عن امتحاناتنا

وااايد يفيد :ggdw:

 

[ماغنوليا]

تنبيـــــــــــــــــه ..

نظام غيـــــــــــــــر المقيدين...

المادة مو ب50 دينار انما الوحدة بس 50 بمعنى : اذا المادة ب3 وحدات تدفعين عنها 150 دينار

وعندج 4 فصول تجتازين خلالها 12 وحدة = 4 مواد يكون متوسط المعدل فيها ما يقل عن 3 نقاط ..​

 

[dream]

تنبيـــــــــــــــــه ..

نظام غيـــــــــــــــر المقيدين...

المادة مو ب50 دينار انما الوحدة بس 50 بمعنى : اذا المادة ب3 وحدات تدفعين عنها 150 دينار

وعندج 4 فصول تجتازين خلالها 12 وحدة = 4 مواد يكون متوسط المعدل فيها ما يقل عن 3 نقاط ..​

اشلون يعني 4 فصول ؟

قصدج 4 كورسات !!

ولا قصدج يا الغلا في الكورس الواحد أخذ 4 مواد ( 4 مواد * 3 = 12 وحدة ) ؟؟

ثلاث نقاط يعني اخذ بالمادة b وفوق مو ؟؟

 

[dream]

ابوي الحين يقول اخذي دورات التوفل عند جامعة الكويت وبعدين قدمي الامتحان عند الاميديست

انزين بنات انتوا اللي خذيتوا التوفل شنو اييبونلكم فيه شنو الاسئلة وشنو طبيعة التوفل

وليش دايما يقولون التوفل صعب ويبيله دراسة قوية ودورات؟

انا عموما بنبش بالنت عن التوفل وبشوف شنو اقدر اسوي

لكن ابي من تجاربكم انتوا

حبيبتي اذا تبين دورات للتوفل في جامعة الكويت الوضع كالتالي :

90 ساعة دراسية وثلاث دكاترة يدرسونج ( الاستماع والقراءة والقواعد) أصعب جزء هو القواعـد

تفضلي ارقام مركز اللغات بالجامعة - الشويخ سعرهــا 180 دينار

اهم يسوون دورات للتوفل سألي عن اقرب دورة راح يسوونها لانه دورات الصيف انتهى موعدهــا

24988100

بالنسبة للدورات الامديست 36

ساعة دراسية سعر الدورة أعتقد 135 دينار

مواعيد دورات التوفل في الرابط التالي ..

http://www.amideast.org/offices/kuwait/schedules/default.htm


طبعا ديري بالج انتي تبين تدرسين بالكويت
معناتها اتقدمين على توفل محلي ( بالقلم والورقة)

لكن اذا تبين تدرسين بجامعة خاصة او برى الكويت

اتقدمين على توفل دولي ( معناتها بالكومبيوتر)

تلقينه بمكتبة الطالب بالشويخ ..

واذا تبين نصيحتي اشتري كتاب التوفل بس انتبهي اخذي مال امتحان القلم والورقة مو الكمبيوتر لأنه مختلف عن امتحاناتنا

وااايد يفيد

أو مثل ما قالت الاخت اشتري الكتاب ودرسي ..
ترى في وايد ناس خاصة اللي مستواهم بالانجليزي ممتاز
اشتروا الكتب وادرسوا وجابوا احسن الدرجات ..​

 

[dream]

مشكووورين بنات عساكم عالقوة والله يوفقنا كلنا

اي والله محتاجين هالدعــاء ..

انا غاسلة ايدي كلش .. كلش ..

استغفر الله ساعات اقول لنفسي من صجي خلني على حالي ماكو فايدة !!

 

[dream]

الطلبة الغير مقيدين يدرسون الكورس الثاني بس الطلبة المقيدين السنة الياية شهر 10
بالنسبة للتوفل لازم اتشوفين متى المواعيد لانها متباعدة
ونتيجة التوفل تطلع بعد اسبوعين لازم من اللحين اتقدمين
والتوفل بشكل عام صالح لمدة سنتين

مافهمت يا الغلا !

اشلون ندرس الكورس الثاني ؟

 

[dream]

:/

مو قاعد يطلع لي تجديد للصفحة !

 

[حيادر]

مشكورة ماغنوليا
مشكورة دريم
حياتي ماقصرتي

بنات ترى مو قاعد يطلع تحديث الصفحات
انا عبالي محد رد علي اثاري التحديث مو شغال

باجر انشالله بروح الكلية بالخالدية وبستفسر عن طريقة التسجيل وبخليهم يعادلولي شهادتي وبشوف شنو الاجراءات اللي ممكن يسوونها من الحين علشان ما اتعطل
وبسجل بالشويخ على دورات التوفل او اسجل بالاميديست بشوف ابوي اول

يعني ماني ساكتة على عمري مادام الفكرة براسي بسوي شغلي حار بحار ماني ناطرة

وببلغكم باللي يقولونه لي بالضبط

 

[dream]

مشكورة ماغنوليا
مشكورة دريم
حياتي ماقصرتي

بنات ترى مو قاعد يطلع تحديث الصفحات
انا عبالي محد رد علي اثاري التحديث مو شغال

باجر انشالله بروح الكلية بالخالدية وبستفسر عن طريقة التسجيل وبخليهم يعادلولي شهادتي وبشوف شنو الاجراءات اللي ممكن يسوونها من الحين علشان ما اتعطل
وبسجل بالشويخ على دورات التوفل او اسجل بالاميديست بشوف ابوي اول

يعني ماني ساكتة على عمري مادام الفكرة براسي بسوي شغلي حار بحار ماني ناطرة

وببلغكم باللي يقولونه لي بالضبط

عفية عليج والله

يالله يسهلها عليج يا الغلا ويسر امووووورج يــااارب وتسمعين اللي يسر خاطرررج

ناطرين على احر من جمر