تجمع طالبات كلية الدراسات العليا ماستر ودكتوراه

[ماغنوليا]

يا الغلا يصير خريجة الحقوق تاخذ علوم بيئية ..؟!

شنو شروط القبول ؟؟

تفضلي الرابط لدليل المواد :

http://www.graduate.edu.kw/arabic/topics/current/index.php?cat_id=122

ترى بعد في كتاب بكلية الدراسات مكتوب فيه كل شي بالتفصيل .. انا افضل اتراجعين كلية الدراسات قبل التسجيل وتستفسريــن بس روحوا عند موظفات زينــات .. ترى نادرا اتلاقين وحده ردهــا يبرد الجبد ..

يلا الحمد لله على كــل حال ..

هلا والله...

اي يصير

والبرنامج تابع لكلية الدراسات العليا وهو مشترك لخريجين الحقوق والهندسة والعلوم ..

في مواد الزامية شاملة التخصصات الثلاثة وبعدين تدرسين مجالج اللي تخرجتي منه ..

نسبة القبول اعتقد 2،50 بس التوفل اعلى من باقي التخصصات 475​

 

[q8tya 3asaal]

بنات ماجستير جامعه الكويت في تسجيل كورس ثاني ؟

و ماسترخت بعد نفس السؤال ؟؟

 

[MiSs MeSk]

ايي في تسجيل بجامعة الكويت شهر 9

 

[عيون الوحش]

السلام عليكم

اشلونكم بنات

تكفوووووووون عندي سؤال مصيري للأسف رحت لكلية الدراسات العليا وسألتهم وماقصرت الموظفة حبطتني ..بس انا ماهمني للحين عندي امل ..انا على كثر اللي اسمعه عن جامعتنا للحين احبها وودي اكمل فيها ماجستير بس للأسف انا خريجة كلية تربية ومعدلي العام 2.92 والتخصص 2.91 يعني المشكله في معدل التخصص وطبعا انا مااستسلمت دورت في النت مني مناك لين لقيت شي اسمه طالب غير مقيد وفعلا رحت وكلمت الموظفة قالتلي مايصير تتخصصين بالتربية قالتلي في برامج مشتركة عندج فلسفة او إدارة أعمال !!!! بالله عليكم هذا وجه فلسفة <<<؟؟؟ ..طبعا شلت قشي من مكتبها وطلعت ..السؤال اللي يطرح نفسه هل في وحده منكم او تعرفون احد نفس وضعي وقدرت تكمل طالبة غير مقيدة في تخصص مثلا إدارة اعمال بعدين رفعت معدلها وحولت للتربية ؟؟؟؟؟؟؟؟ يعني يابنات في امل ولا لا اني اكمل ؟؟؟؟؟ انا هذي ثالث سنة لي بالتدريس يعني عندي خبرة ؟؟؟بنات ابي احد يقولي بصريح العبارة هل في استثناءات ؟؟ ومتى تسجيلهم ؟؟اختي مس مسك قالت في تسجيل شهر 9 تقصد الشهر الجاي هذا ؟؟؟ يعني هم توهم قابلين طلاب افتحوا التسجيل الحين مرة ثانيه ؟؟؟ تكفون ساعدوني فرجوا على مسلم كربة الله يفرج عليكم
وآسفة لأني طولت عليكم

 

[سمو الحياة]

السلام عليكم
كيفكم بنات
ابي استفسر عن أرقام مراكز عندكم بالكويت متخصصة في المراجع ورسائل الماجستير والدكتوراة
كوني من السعودية ممكن أزودكم بأرقام متخصصة في هذا المجال قياليت تفدوني ونفيد بعض

 

[dream]

السؤال اللي يطرح نفسه هل في وحده منكم او تعرفون احد نفس وضعي وقدرت تكمل طالبة غير مقيدة في تخصص مثلا إدارة اعمال بعدين رفعت معدلها وحولت للتربية ؟؟؟؟؟؟؟؟ يعني يابنات في امل ولا لا اني اكمل ؟؟؟؟؟

يعجبني حماسج وقسما بالله رد فيني شعور التفاؤل انا الصراحة كنت بغسل ايدي من الموضوع !!

بالنسبة لسؤالج حلووو .. وهم يعطيني انا الأمــل ..

بس اتصدقين ما اعتقد اتصير انحول من التخصص الى تخصص بعد القبول حتى لو رفعنا المعدل ترى انتي نفس تفكيري انا فكرت اخذ دبلوم عالي وارفع المعدل بعدين ماجستير بس هم ما اعتقد ياخذون على معدل الدبلوم العالي راح ياخذون على معدل البكالوريس ..

ترى انا نفس حالتج معدلي منخفض وانا بين تخصص علوم مكتبات و ادارة اعمال

ومتى تسجيلهم ؟؟اختي مس مسك قالت في تسجيل شهر 9 تقصد الشهر الجاي هذا ؟؟؟ يعني هم توهم قابلين طلاب افتحوا التسجيل الحين مرة ثانيه ؟؟؟ تكفون ساعدوني فرجوا على مسلم كربة الله يفرج عليكم

لا يا الغلا .. اخت مسكـ قصدهــا اللي المقبولين في كلية الدراسات موعد تسجيلهم شهر 9 (( علشان جدول المواد))

انتي قصدج التقديم على برامج الماجستير والدكتوراة متى ؟

شهر 11 ان شاء الله

يا الغلا لا اتفكرين شنو راح تختارين تخصص !!

حاولي اتحلين مشكلة الشروط واهم شرط ( التوفــل ) وما ادراكـ ما التوفــل !!

 

[عيون الوحش]

dream مشكوووووره ياحياتي ماقصرتي صدقيني بدون هالأمل في كل شي ماراح نعيش..طلعت مو بروحي في ناس متحطمين مثلي ..بس انا وراهم وراهم ..بس تصدقين انا ترى مافهمت شنو دبلوم عالي ؟؟ انا معاي بكالوريوس من جامعة الكويت كلية التربية ..بس هم سياستهم التطفيش وانا لزقة عنزروت ...المشكله انا بصراحه اخاف اقدم على اختبار التوفل اللي طبعا مادري شنو مكوناته ..وبالاخير مايقبلوني ..انا اقدر اروح اكمل بمصر ..بس انا مابي ليش اتغرب عن اهلي ..وحتى لو رحت انتساب انا احسها انها مو دراسه شنو الدراسه اللي بس اروح كليتي وقت الاختبارات احس اني بضيع رحم الله امرئ عرف قدر نفسه انا اذا مو الكلية جنبي ولا المكتبة عندي ماااااااعرف اسوي شي ..طبعا الدكتوراه ماعليها خلاف نقدر ناخذها بمصر بس دخيل الله ابي الماجستير في جامعة الكويت حسبي الله ونعم الوكيل ..انا اللي لعب في معدلي نفسيتي في سنة ثانية وثالثة كنت امر بظروف ربي العالم فيها والحمدلله طلعت منها بس عقب ماراح فيها المعدل حاولت ارفعه في رابعه وهذا الحد اللي وصلت له طبعا من قرادتي وجهلي عبالي اللي يخلص مواده خلاص لازم يتخرج ماكنت ادري اني اقدر آخذ مواد اقدر ارفع فيها معدلي هذي طبعا عرفتها بعد ماتخرجت ..الحمدلله على كل حال كل شي خيرة..بس عندي سؤال جريء شوي ..تتوقعون تنفع معهم الواسطه ؟؟؟؟؟؟

 

[dream]

طلعت مو بروحي في ناس متحطمين مثلي

ههههههههههه وقسما بالله ضحكت ضحكـ :krkrkr:

بس تصدقين انا ترى مافهمت شنو دبلوم عالي ؟؟

شهادة الدبلوم العالي يا الغلا اهي مابين البكالوريس والماجستير يعني اعلى من البكالوريس واقل من الماجستير

ومدة الدراسة سنة واحدة ومافي توفل ..

ياخذونها اللي يبون يعدلون وضعهم بالوظيفة او اللي عاجبهم تخصص معين او اللي معدلاتهم منخفضة

تفضلي برامج الدبلوم العالي لجامعة الكويت ...

http://www.graduate.edu.kw/arabic/topics/current/index.php?cat_id=18

المشكله انا بصراحه اخاف اقدم على اختبار التوفل اللي طبعا مادري شنو مكوناته

والله يا الغلا التوفل شر لابد منه !!

لازم اذا تبين اتكملين ماجستير داخل او خارج الكويت لازم لازم اتعدين التوفــل ..

أفا عليج اشرحلج التوفل ..ماطلبتي غالي

التوفل يا الغالية نوعين ( محلي ودولي)

المحلي اذا بغيتي اتكملين دراسة جامعة الكويت

الدولي اذا تبين اتكملين دراسة خارج الكويت

انتي تبين اتكملين داخل الكويت اذا تمتحنين ( محلي)

يتكون من ثلاث اجزاء .. ( الاستماع + القواعد + القراءة)

مافي رسوب ومافي نجاح بالاختبار لكن في نتيجة معينة ( المطلوبة) تاخذينها علشان اتقدمين على الاختبار ..

نفرض انتي تبين اتكملين ماجستير تربية اعتقد يبون 450 >>عيل لازم اتيبين بالاختبار 450 كشرط اساسي للماجستير ..

انا اقدر اروح اكمل بمصر

والله انتي نفس تفكيري .. بس اخوي قالي ماعندنا بنات يدرسون برى ابروحهم !!

وتبين الصراحة وبيني بينج ما اعرف اعيش بروحي .. او حتى اسافر ابروحي صعبة ..

ما ادري لازم احد معاي من الاهل .. علشان جذي قلت راح افكر اكمل دراستي بالكويت قبل ما العمر يمشي وانتي تدرين اذا كبرنتا بالعمر منو له خلق للدراسة والحفظ والمجابــل !!

..انا اللي لعب في معدلي نفسيتي في سنة ثانية وثالثة كنت امر بظروف ربي العالم فيها

انا هم كنت امر بظروف بالجامعة اهي اللي خربطتني يلا ما عليه .. ( الحمد لله على كل حال )

بس عندي سؤال جريء شوي ..تتوقعون تنفع معهم الواسطه ؟؟؟؟؟؟

والله ديرتنا ما أستبعد فيها شيء ..

والله اذا عندج واسطة قوية جربي ليش لأ

بس انا اقولج لا تنذلين حق أي احد .. عندج حلين ..

الحل الاول : اتجربين اتكملين اي تخصص ثاني غير التربية سبحان الله يمكن يعجبج

الحل الثاني : كملي تخصص تربية ماستر برى الكويت

 

[عيون الوحش]

ياااالبااا قلبج يا dream والله اني حبيتج في الله ...تدرين رديتي لي الامل الله يفتحها بوجهج ويسعدج دنيا وآخرة..الحين انا مابإذني ماي ابي اكمل بالكويت بس اللي فهمته منج ان الدبلوم شي زين بعمنى لو انا خذيت برنامج الدبلوم انا فتحت السايت في برنامج الإرشاد الزواجي والاسري تقدمه كلية التدربية يعني لو خذيت الدبلوم ورفعت المعدل اقدر ادخل الماجستير صح؟
لأنها على كلامج هي درجة بين الماجستير و البكالوريوس ..وانا لو تذبحيني مااقدر ادرس تخصص ماحبه ومافهم فيه يعني انا الموظفة قالتلي عندج فلسفة وادارة اعمال بس مابيهم والحل الوحيد اني آخذ دبلوم عشان آخذ ماجستير في التربية هذا اللي فهمته منج صح؟
بس الخايسه الموظفة ماقالت لي عن الدبلوم كنت شوي وابكي عندها ماحست فيني دخيل الله ابيها تعطيني وجه مالها خلق ..قسم بالله احس ربي يحبني وحطج بدربي ..طيب الدبلوم بعد يبيله توفل؟ يصير اسجل الحين ..انشالله انا يوم الاحد بروح لكلية الدراسات العليا وبدخل بأخلاقهم علي وعلى اعدائي شنو يحرمونا من طلب العلم اي عصر عايشين ؟؟؟..ولا يهمج يا dream انشالله تنفتح بوجيهنا وببلغج شنو يصير معي ادعيلنا عشان نكمل مع بعض في جامعتنا الموقرة

تحياتي لج ياعسل

 

[MiSs MeSk]

up up up

 

[عيون الوحش]

up لعيونج معاكم لي الصبح ^_^

 

[dream]

عيووون الوحش والله احرجتيني بكلامج .. حبتج العافية يا الغلا ..

..الحين انا مابإذني ماي ابي اكمل بالكويت بس اللي فهمته منج ان الدبلوم شي زين بعمنى لو انا خذيت برنامج الدبلوم انا فتحت السايت في برنامج الإرشاد الزواجي والاسري تقدمه كلية التدربية يعني لو خذيت الدبلوم ورفعت المعدل اقدر ادخل الماجستير صح؟

اي خوووووش .. سؤال .. ونفس تفكيري بالضبط ..

فكرررت ودقيت على الموظفة قالت عندنــا بكلية الدراسات مايصير الدبلوم العالي اتكملين عليه ماستر ..!!


شنو قصدهــا ؟؟

فرضا انتي تخصصج بكالوريس تربية .. مايصير تاخذين دبلوم الارشاد بعدين اتكملين ماجستير تربية عليه ..

لكن ..

اذا انتي تخصصج بكالوريس يصير تاخذين دبلوم عالي مثلا ادارة اعمال وتكملين ماجستير تربية ..

بس هــا هم ماراح يغير من وضعج شي !! لأنه الماستر ياخذون على درجة البكالوريس فقط لاغير ..!!

يعني انا ومعاج لازم انغني اغنية ( طريقكـ ياولدي مسدودن مسدودن !!! )

بس قالت الموظفة لي معلومة حسيتها مو متأكدة منها اتقول اذا خذيتي دبلوم عالي يمكن جامعة برى الكويت تقبلج عليه !!

والحل الوحيد اني آخذ دبلوم عشان آخذ ماجستير في التربية هذا اللي فهمته منج صح؟

ياليت حل !! مايعتبر حل مثل ما ذكرت من قبل اهو يعتبر (( رضوة )) حق اللي معدلاتهم منخفضة ومايقدرون ياخذون ماجستير ..

طيب الدبلوم بعد يبيله توفل؟ يصير اسجل الحين

لا ما يحتاج توفل .. اتسجلين ان شاء الله شهر 11

انشالله انا يوم الاحد بروح لكلية الدراسات العليا وبدخل بأخلاقهم علي وعلى اعدائي شنو يحرمونا من طلب العلم اي عصر عايشين ؟؟؟..ولا يهمج يا dream انشالله تنفتح بوجيهنا وببلغج شنو يصير معي ادعيلنا عشان نكمل مع بعض في جامعتنا الموقرة

ان شاء الله يارب تنفتح بويهنــاااا يارب

 

[عيون الوحش]

((يعني انا ومعاج لازم انغني اغنية ( طريقكـ ياولدي مسدودن مسدودن !!! ))))


ههههههههههههههههههههههههههههههههههههههههههههههههههههه امبييييييييييه تعرفين ضحكة القهر اللي الواحد يضحك وبنفس الوقت بيبكي

ماقول الا حسبي الله ونعم الوكيل يا جامعتي العزيزة

انااااااااااا توووووني dream متهاوشه مع زوجي ابيه يروح بكره يقولي لا بروح يوم الاحد وبالاخيييير يطلع حتى الدبلوم ماله فايدة انا بفهم ليش سياسة التطفيش لييييييييييييييييييييييش
يعني غصب اروح مصر غصب يطردونا
استغفر الله وربي انا من اليوم احوس بالمواقع ادور اي شي له علاقة بالدبلوم مالت عليهم وعلى موظفاتهم اللي يقطعون الرزق عالاقل يابنت الحلال انتي ردوا عليج انا من الصبح ادق عليهم يسكرونه بوجهي!!!!!!!!
الشكوى لله ماغيره احد ..بشوف زوجي شنو بيسوي يوم الاحد حتى ماني رايحه معه اخاف ابكي من الحره عندهم
صارت خير وبركة ماصارت الشكوى لله مالنا غير مصر يا dream ام الدنيا هي اللي بتقبلنا ..والله مانبي الشقى بس دام هذي جامعتنا مكتوب لنا <<< تحطمت

بس ماااااااااااااااعليييييييييييييج اضحكي للدنيا تضحك لج للحين عندي امل ^_^ راح نكمل ماجستير ودكتوراه ونفتك من هالتدريس استغفر الله ونفتك من هالحريم اللي فيهم داء العظمة

تحياتي لج ياعسل

 

[dream]

انااااااااااا توووووني dream متهاوشه مع زوجي ابيه يروح بكره يقولي لا بروح يوم الاحد وبالاخيييير يطلع حتى الدبلوم ماله فايدة انا بفهم ليش سياسة التطفيش لييييييييييييييييييييييش

الله يهدي سركم يارب ..يا الغلا مايسوى والله

يعني غصب اروح مصر غصب يطردونا

في جامعة بمصر تقبل ماجستير حق اللي معدلاتهم منخفضة ..؟؟

الشكوى لله ماغيره احد ..بشوف زوجي شنو بيسوي يوم الاحد حتى ماني رايحه معه اخاف ابكي من الحره عندهم

يا الغلا انتي اتذكريني ابنفسي يوم راجعت الكلية اول مرى .. وقسما بالله بغيت ابجي وانا رادة البيت أحس صكرت فيني الدنــيا ..

لا وكنت ادق وادق يالله احد يرد علي واخر شي الاجابة سلبية ..

بس بلغيني عفية شنو راح يصير يوم الأحد ؟؟ يمكن اسمع خبر يونسني اشوي ؟؟

انا الصراحة حدددده خطتي ضايعة .. ما ادري اكمل بالكويت تخصص ما أبيه ولا اكمل دبلوم عالي بعدين اكمل برى ولا اكمل ماستر برى .. خطة مشوشــة حدددده ضايعة والمشكلة التقديم شهر 11 !!

انزين يا الغلا عيووون حتى لو تبين اتكملين بالكويت راح اتكملين على حسابج ولا على حساب الوزارة هم هاذي قصة ثانية ؟؟

 

[عيون الوحش]

لااااااااااااا تكفين راسي عورني زحمة زحمة براسي

الحين صج اذا كملت دبلوم بالكويت يعني اروح ادرس على حسابهم برا ولا شنو ؟؟؟؟؟؟؟؟؟

وبعدين لا يكون ادرس بدون معاش لا مايصير ماقدر عالمصاريف؟؟؟؟؟؟؟؟؟؟؟


احس فيني جهل مو طبيعي ...اكيد حياتي ببلغج شنو راح يصير ..مع اني فيني احباط داخلي بس اقص على عمري شسوي يااااااااااااااااااااااااارب لا تخيب ظنوننا

 

[عيون الوحش]

في جامعة بمصر تقبل ماجستير حق اللي معدلاتهم منخفضة ..؟؟


ايييييي في عندج جامعة حلوان وجامعة عين شمس عادي مصر كل شي فيها سهالات ..مو معقدين مثل التحف اللي عندنا ...وبعدين هذي جامعات حكومية يعني معترف فيها بس تدفعين رسوم التسجيل مو خاصة

 

[dream]

لااااااااااااا تكفين راسي عورني زحمة زحمة براسي

الحين صج اذا كملت دبلوم بالكويت يعني اروح ادرس على حسابهم برا ولا شنو ؟؟؟؟؟؟؟؟؟

وبعدين لا يكون ادرس بدون معاش لا مايصير ماقدر عالمصاريف؟؟؟؟؟؟؟؟؟؟؟


احس فيني جهل مو طبيعي ...اكيد حياتي ببلغج شنو راح يصير ..مع اني فيني احباط داخلي بس اقص على عمري شسوي يااااااااااااااااااااااااارب لا تخيب ظنوننا

مافهمت سؤالج يا الغلا ..

بس في حالتين لانه تدرسين على حساب الوزارة بس تكونين مديونة لهم بسنوات الخدمة يعني تصرف عليج سنتين لازم اتردين وتشتغلين عندهم سنتين وهكــذا .. حتى لا قدر الله ما قدرت اتكملين دراستهم لازم اتردين لهم الفلوس ..

وفي على حسابج الشخصي ..ما اتكونين مديونة للوزارة لا بسنوات الخدمة ولا الفلوس

عيل خلاص ناطرتج يوم الاحد وان شاء الله اخبار طيبة

 

[عيون الوحش]

انشالله خير ادعي معاي تحري اوقات الاجابة بين الآذان والاقامة مافي شي بعيد عن ربي

وحتى لو ماانكتبت لنا كل شي خيرة

انا متفائلة حيل وانشالله ربي مايخيب ظنوننا

تصبحين على خير ياعسل

 

[HAD.Lavender]

للرفع

 

[عيون الوحش]

للرفع