تجمع مسافرات فرنسا 2009 شهر 7 و8 ..حياكم

[miss t]

قووة بنات شخباركم

جوورجيز وينج حبيبتي شخبارج اتوقع الحين رديتي بالسلامه؟!!
يلا ننطرج تطمنينا عليج
وهم بتعبج شوي لو تقدرين ترسلين لي رقم الشقق الي سكنتوا فيها عجبتني حييل

ومشكوورة ياقلبي

 

[haninoooo]

السلام عليكم
شلونكم

يعطيكم العافيه على هالتجمع

بنات انا باول شهر واحد او 2 مفكره اروح فرنسا
انا وريلي بس انشالله

وهذي اول مره بروحلها

انا ادري انها غاليه
واخوي واهله دايما يروحون هناك بس ماودي اسالهم

لان الفكره موجوده ومحد يدري للحين لين اقرر اكيد الروحه

بقعد تقريبا 10 ايام بفرنسا بس

جم تكاليف الرحله تقريبا لمدة 10 ايام ؟؟؟ من غير التكاليف


والسكن جم تقريبا يبيله؟؟

 

[دانه الهيرات]

hotel california​

hotel california​

مشكوره حبيبتي عالتقرير الحلو و انا رايحه باريس اكثر من مره و كل مره اسكن بالفورسيزون و مره بالمريوت بصراحه صج اوتيلات حلوه ومرتبه و نظيفه وايد وايد بس لسوء حظي هالسنه لما رحت سمعت نصيحه رفيجتي ان سكني بكاليفورنيا و ياليت ما رحت له اولا وصخ وصخ وصخ و عتيج وايد و ماكو لوندري يومي السبت والاحد و ماكو اوتي بالغرفه ولا اييبون اوتي اذا طلبتي و يقولون اكو غرفه بالطابق 5 فيها الاوتيل يعني تخيلو ا لازم تاخذين هدومج وتنزلين بالاسنسير و تكوين عاد انا لما سمعت جذي رحت الجمعيه وشريت اوتي و كويت بالغرفه و الشي الاسوء ان ادارته عربيه و ماعندهم كونسيرج بصراحه اكثر شي ضايقني بسفرتي هالاوتيل التعيس .

 

[Gourges]

بنااات انا اسفاا اني غطيت عنكم فتره بس والله ماادري شفيني لوول طخيت


miss t

ابشرج كنسلنا ردتنا وقلنا بنرد بنص رمضان ابوي يقول شلنا بالحر والغبار خلونا هني مرتاحين
وعلى الشقه ما انصحج فيها بصراحه واحنا قاعدين نقول ان نغشينا فيها وسعرها مووفيها .. ماتسوى .. والصور محليتها بعد .. والغرف ضيجه يالله يتمشين... وساعات يصير حر الجو وماكو سنترال على الله وعلى البنكه الي تمرض .. والله انا اعطيج الرقم ماعندي مشكله بس والله اتمنالج الي تمناه حق روحي ما انصحج .. احنا انشالله حجزنا كان فوق سفرتنا يعني بنسافر ب 14 -8 ابوي ماخذ الشقه لي 16-8 يعني يومين زياده فا بنقعد فيهم بعدها بروح شقه ثانيه ليلحين قاعدين ندوور واذا لقينا بصورلكم ياها وبحطلكم السعر انشالله




لازوردي

بليز دليني وين المطعم علشان لمن اركب التاكسي يوديني ياه مال الستيكات او عطيني اسمه او اي شي يمه

 

[Gourges]

haninoooo


حبيبتي بشهر واحد واثنين انا الي سمعته الجوا بارد وحلوو وصج بتستانسون يعني .. خصوصا بدزني اكثر شي بتستانسون لانه برد غير عن الصيف الي ماتحملين تمشين شبر ...
التكاليف على حسب المده وعلى حسب اختيارج السكن والمنطقه ..... وعلى حسب مصاريفكم ... انتوا جم شخص ...

اذا بتقعدون فتره قصيره يعني بوو اسبوع انصحج بفندق كونكورد لافاييت .. اسعاره مقبووله حييل ووايد حلو ونظيف ومرتب ..
ملاحظه: كل ماجربتي من الشانز كل ما زاد السعر ...
اذا مطوله دورولكم شقه بلاديفانس ... اهيا افباريس وماتبعد عن الشانز وايد بالمتروو تاخذ 10 دقايق بالكثير .. وبالتاكسي ياخذ منكم تقريبا 11 يورو من لاديفانس لي الشانز يعني حده مو بعيده .. ويوم كنا بكونكورد كان ياخذ من الفندق لي الشانز 6 يورو يعني شوفي القرق حده بسيط مع ان كونكورد يم الشانز تقريبا مايبعد عنه شي ...


المهم وي توني اشوف انج كاتبه 10 ايام @@ المهم 10 ايام قعديها بكونكورد ..توني سالت ابو ايقول الليله بكونكورد 165يورو يعني بالكويتي تقريبا 60 دينار يعني ال 10 ايام يطلع عليج 600 دينار !! وايد صح ؟ مادري
خلوا 1000 حق السكن والمطاعم يعني 600 دينار حق السكن و 400 دينار حق المطاعم لمدة 10 ايام << وايد بعد ال 400 بس ايزيد ولا ينقص ...
و 1000 حق التسووق ... يعني تكفيج وانتي ومصاريفج يعني السفره ممكن اقولج تكلفج 2000 وانتي يمكن ماتكفج الا 1000 يعني تختلف طلباتنا ومصاريفنا قلتلج عن السكن اتمنى فدتج بشي

 

[Gourges]

رحلتي الى دزني



ادري وعدتكم اني بحطها لكم وطولت اعذرووني حبايبي :tek:


انبلش بسمالله الرحمن الرحيم :68_asmilies-com:


اول شي قعدنا من الصبح وبدلنا ورحنا بالمتروو حق دزني لاند




ديشنا اول شي دزني فيلج ووهاذي ادشونها بدون رسوم بدون تذاكر




فيها محلات دزني ومطاعم







وهني دزني ستديو












وهاذي دزني باارك








وبس :eh_s(6):


مامدحتلكم الرحله لان بصراحه ماستانست حررررر لايقااوم وماتسوا الروحه الحر ايخلي الواحد يطيح غشيان يعني لا يطااق وبعدين معلومه حق الي بيروون شي ماكتشفناه الا لمن طلعنا

ترى حق تذاكر الالعاب في تذاكر عاديه الي احنا خذيناها ونصف دوور مايقارب ساعه وشي علشان نلعب بالحر ..
وفي باب ثااني يدشون منه الي تذاكرهم مميزه .. والفرق بينهم جم يورو اه يالقهر :krkrkr: واحنا نصف بالحر ونقول شفيهم يدشوون هذولا بسرعه شهلواسطات قطيعه هههههههه اثاري تذاكرهم واسطتهم ياحظي

وبس

 

[ملكة الثلج]

لا جورجــــس انتي غلطانه حسافه ليتني داريه اقوولج قبل لا تروحين
والله دزني كانت من اروع الرحلات بالنسبه لي . . .


اللي يدخلون بسرعه اسمهم ((( فاست تراك )) , ولا فيها زيادة سعر ولا شي
السالفه ومافيها تجيــن للعبه اللي تبينها , وتروحين لمكان يمه اسمه فاست تراك تحطين بطاقتج
ويطلع لج بطاقه ثانيه مكتوب عليها الوقت اللي تدخلين فيه اللعبه بسرعه بس على حسب الزحمه
مثلا جيتي 2 وحطيت البطاقه يعطيج وقت الساعه 3 وربع لي 4 تدخلين اللعبه بدون نطره وبسرعه

 

[Gourges]

احنا سوينا جذي حطينا بطاقتنا وطلعتلنا بطاقه ومكتوب فيها الوقت @@
بس عبالنا ان هذا الوقت وبعدين تخلص بطاقتنا وصفينا دور عادي

 

[الام الحنون]

هلاجورجيز

الله يعينكم على الصوم اهناك


ياااااااااااااطول اليووووووووووووووووووووووووووووووووم لي الساعه 10 يالله ياذن المغرب

الله يعينكم


ومن ناحية ديزني زين اني مارحت لها على هالزحمه وا معاي طفلين




تقبلي تحياتي

 

[Gourges]

الام الحنون

حبيبتي اسعدني مرورج وشتقت حق طلتج يالغاليه .. اي والله ماتسوا العنوا وحر اللهم يا كافي

 

[لازوردي]

اهلين جورجيز حبيبتي هذا عنوان المطعم اهو يصير بسكه عند الشانزيليزيه


Le Relais de l'Entrecôte هذا اسم المطعم

15 Rue Marbeuf. 8ème arrondissement. هذاالعنوان
Paris, France.


هذا موقع المطعم بالانترنت و في الاماكن اللي اهو فيه في باريس

http://www.relaisentrecote.fr/contact.php?dir=8​

 

[Gourges]

ميرسي حبيبتي والله :* ماتقصرين

 

[ملكة الثلج]

اي والله لايطوووفج

نفس اللي بالفنااااااااااااااااااااااار لذييييييييييييذ

 

[Gourges]

انشالله هليومين ارووح شوقتووووني

 

[haninoooo]

haninoooo


حبيبتي بشهر واحد واثنين انا الي سمعته الجوا بارد وحلوو وصج بتستانسون يعني .. خصوصا بدزني اكثر شي بتستانسون لانه برد غير عن الصيف الي ماتحملين تمشين شبر ...
التكاليف على حسب المده وعلى حسب اختيارج السكن والمنطقه ..... وعلى حسب مصاريفكم ... انتوا جم شخص ...

اذا بتقعدون فتره قصيره يعني بوو اسبوع انصحج بفندق كونكورد لافاييت .. اسعاره مقبووله حييل ووايد حلو ونظيف ومرتب ..
ملاحظه: كل ماجربتي من الشانز كل ما زاد السعر ...
اذا مطوله دورولكم شقه بلاديفانس ... اهيا افباريس وماتبعد عن الشانز وايد بالمتروو تاخذ 10 دقايق بالكثير .. وبالتاكسي ياخذ منكم تقريبا 11 يورو من لاديفانس لي الشانز يعني حده مو بعيده .. ويوم كنا بكونكورد كان ياخذ من الفندق لي الشانز 6 يورو يعني شوفي القرق حده بسيط مع ان كونكورد يم الشانز تقريبا مايبعد عنه شي ...


المهم وي توني اشوف انج كاتبه 10 ايام @@ المهم 10 ايام قعديها بكونكورد ..توني سالت ابو ايقول الليله بكونكورد 165يورو يعني بالكويتي تقريبا 60 دينار يعني ال 10 ايام يطلع عليج 600 دينار !! وايد صح ؟ مادري
خلوا 1000 حق السكن والمطاعم يعني 600 دينار حق السكن و 400 دينار حق المطاعم لمدة 10 ايام << وايد بعد ال 400 بس ايزيد ولا ينقص ...
و 1000 حق التسووق ... يعني تكفيج وانتي ومصاريفج يعني السفره ممكن اقولج تكلفج 2000 وانتي يمكن ماتكفج الا 1000 يعني تختلف طلباتنا ومصاريفنا قلتلج عن السكن اتمنى فدتج بشي

تسلمين جورجيس عالمعلومات
بعدمري ماقصرتي
مبدئيا عرفت الاسعار والتكاليف
كنت متوقعه جذي
مشكوووووووره
ورحله سعيده​

 

[كلي مشاعر هايمه]

هااي بنات ..

ِشلوونكم !!

أنا بعد احتمال بنص رمضان او بالعيد ارد الكويت .. اشتقت لأهلي حيل

وراح اروح اشتريلي للعيد من باريس قبل لاانزل الكويت .. يعني بدايه رمضان بروح باريس

منو موجود للحين !!

بشوفكم لووووول

راح اكون لحاآآآآآلي كالعـــاده p;

 

[pink.girl]

مرحبااا حبيبتي



بغيت اسالكم انا حجزت عالقطريه لليله العيد بروح لباريس


بسالكم عن شقق فندقيه واهم شي بعرف السعر جم؟؟؟؟؟؟؟؟

وامدحولي ( كلاريج ) لان ابي بالشانز لان امي ماتقدر تمشي وايد ابي (غرفتين وصاله وحمام عزكم الله ومطبخ)


وبسال عن القطار اللي يودي لسويسرا جم سعره؟؟؟؟ وجم مده الرحله لسويسرا؟؟؟؟؟؟؟


واسفه عالازعاج

 

[Gourges]

هااي بنات ..

ِشلوونكم !!

أنا بعد احتمال بنص رمضان او بالعيد ارد الكويت .. اشتقت لأهلي حيل

وراح اروح اشتريلي للعيد من باريس قبل لاانزل الكويت .. يعني بدايه رمضان بروح باريس

منو موجود للحين !!

بشوفكم لووووول

راح اكون لحاآآآآآلي كالعـــاده p;

اناااااااااا افباااريس وبقعد لي تقريبا تاريخ 6-9 فاا حده خل اشوفج بيصيرلي شهرين فا حدي مليت وابي اتعرف على احد هني وناسه واخيرا لقيتلي رفيجه :ggdw:

 

[Gourges]

مرحبااا حبيبتي



بغيت اسالكم انا حجزت عالقطريه لليله العيد بروح لباريس


بسالكم عن شقق فندقيه واهم شي بعرف السعر جم؟؟؟؟؟؟؟؟

وامدحولي ( كلاريج ) لان ابي بالشانز لان امي ماتقدر تمشي وايد ابي (غرفتين وصاله وحمام عزكم الله ومطبخ)


وبسال عن القطار اللي يودي لسويسرا جم سعره؟؟؟؟ وجم مده الرحله لسويسرا؟؟؟؟؟؟؟


واسفه عالازعاج

حياتي والله ماعندي فكره نهائيا عن الشقق الفندقيه بالشانز ... ولا عن القطار انشالله البنات يفيدونج .. :68_asmilies-com:

 

[كلي مشاعر هايمه]

اناااااااااا افباااريس وبقعد لي تقريبا تاريخ 6-9 فاا حده خل اشوفج بيصيرلي شهرين فا حدي مليت وابي اتعرف على احد هني وناسه واخيرا لقيتلي رفيجه :ggdw:

الله صج .. دزيلي رقمج الفرنسي خليني ادق عليج الحيــــن

لووووووول

والله امرج ويك اند كامل

الاسبوع الياي !!

P;