ريجيم الدكتور عبدالله المطوع لشهر رمضان

[ام عزيزان3]

السلام عليكم






شلونكم بنات اتمني الكل بخير وعافيه,,ومبارك عليكم الشهر مابقي شي علي رمضان

واحنا الله خير برمضان لازم نزيد جم كيلو مادري ليش حتي لو اكل خفيف يمكن لان نوعية الاكل كله مقالي وتزيد الوزن

واذا انتوا نفس نوعيتي ((النوع الي يزيد بسرعه)):0bee2e8d89:

يابنات ابي كل وحده مو حاطه ببالها لي الحين نظام معين تنضم لي برجيمي هذا ونشجع بعض ونسوي يميع لاني ابي احد يآزرني صايره مفجوعه ماني قادره
التزم يمكن علشان بس باجيلي جم نتفة كيلو واوصل للوزن المثالي ومايخفي عليكم صعوبة النزول بهالمرحله

وطبعا رحت حق الدكتور عبدالله المطوع جزاه الله ألف خير وخذيت نظام رمضان:ggdw:

وهو كالآتي

الفطور :3تمرات+كوب لبن خالي الدسم او شوربا خفيفه(عدس-خضار-شوفان)+1كبه او 1سمبوسه

وبعدين الصلاة

سلطه+6 ملاعق من اي نوع برمضان(يريش-هريس-عيش-معكرونه-تشريب)+نص كف اليد لحوم اودياي اوسمك

واذا ماتبين لحوم تقدرين تاخذين 3ملاعق اضافيه من الانواع الي ذكرناها+دايت اوماي

واذا تبين كبه بعد اوخبز عروق او صمون اوبيتزا لازم تكنسلين 2ملعقه وتاخذين الي تبينه

يعني قطعة بيتزا صغيره او كبه او سمبوسه=2ملعقه


بين الفطور والسحور :

كوب محلبيه
او كاكاو وسط
او3-4لقيمات
او2قطايف
او5تمرات
او3-4ملاعق كنافه+شاي اوقهوه


السحور

السحور :

***** رقي كميه مفتوحه ((اكثر شي ينزل الوزن ماتشوفون النجوم يمه)
او
Cheese lettuce wrap من لو فات+دايت او ماء
او
5-7 تمرات+كوب حليب او لبن قليل الدسم او روب
او
سلطة جرجير كامله
او
نص كف اليد فاهيتا+سلطه(صلصه قليله الدسم)+دايت او ماء
او
نص خبزه سمره خفيفه او 1توست+جبنه لايت او بيضه او 4ملاعق فول او حمص+لبن خالي او حليب
او
كوب كورن فليكس اي نوع رجيم(بران او فتنس)+حليب خالي الدسم

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,



ملاحظات""شرب كوب ماء علي الاقل مع كل وجبه(للحد من الجوع بين الوجبات)

ممارسة الرياضه 20-40 دقيقه يوميا قبل الفطور تزيد من سرعة انقاص الوزن بقوه

مسموح بتناول الخضار الورقيه وبشرب الشاي\البابونج\المرميه\الينسون\الزنجبيل\النعناع\ بأي كميه بين الوجبات





وابي تفاعلكم معاي اذا تبوني اكمل الباجي وشنو رايكم فيه؟:O_SHH_:
وباجر انشالله احط لكم السحور
بس ابي دعواتكم لي اني التزم وانزل 3كيلو والله يحقق الي بالي واي دعوه حلوه منكم ماأقول لأ:yaaaaaarb:

 

[SuGaR_979]

مشكووووره حيبتي ويعطيج العافيه
وان شاءالله ياااااااااارب تنزلين ال3 كيلو وتصيرين سمبتيكه وانا بعد وياج :>

وناطرين السحور

 

[بـتـول]

انشاء الله تنزلين بصحه وعافيه وتحققين اللى تتمنينه

حلو الفطور وننطر السحووور ويعطيج العافيه

 

[شـــفـــافـــه]

اييي والله صاااجه لا وقبل الفطور نتشهى ومايبقى صنف ما حطيناه جبالنا والاستعداد والحاله حاله

تقولين مجاعه الله يديم النعمه بس من ياذن سبحان الله وتاكلين هالتميرة ويا قلاص الماي والشوربه الدافيه المعده اتطخ

واتحسين نفسج شبعتي بس عقلج الباطن يقولج انج ماشبعتي وان شنو هذا اكلج شويه انتي ما اكلتي شي بس بالاساس ترا المعده الحمدلله اكتفت

انا افضل اكل على 3 دفعات يعني اول شي التمر والماي والشوربه بعدها صلاة واريح شوي بونص ساعه ساعه بعدها احب ابلش سلطة

وطبق جانبي علشان الطبق الرئيسي ما اكثر خلاص اكون شبعت والدفعه الثالثه تكون بعد التراويح جاي قهوة القيمات جذي

على اساس مايحوشني خمول بالصلاة والسحور افضل شي تمر او قوطي روب وماي والسلام ..

وصراحة رجيمج حلو واحسه حيييل يشبع ويمكن اشيل منه بعد يالله نبي تشجييع انا بنقص 4 كيلو ان شاء الله

وداشه ابقوة تكفون لاتكيسلون من البدايه

 

[ام عزيزان3]

مشكووووره حيبتي ويعطيج العافيه
وان شاءالله ياااااااااارب تنزلين ال3 كيلو وتصيرين سمبتيكه وانا بعد وياج :>

وناطرين السحور

الله يسمع منك ونضعف كلنا بصحه وعافيه
ومشكوره علي مروووورج العطر

 

[ام عزيزان3]

انشاء الله تنزلين بصحه وعافيه وتحققين اللى تتمنينه

حلو الفطور وننطر السحووور ويعطيج العافيه

انشالله والغنيمه,,,يايكم الخير
بس الي تدخل يابنات وتبي تلتزم ويانا بهالنظام لرمضان تقول علشان نتابع بعض واذا وحده خربطت_03BA:نطورقها....موصج لاتخافون بس تكفون نبي نلتزم:friends:

 

[ام عزيزان3]

اييي والله صاااجه لا وقبل الفطور نتشهى ومايبقى صنف ما حطيناه جبالنا والاستعداد والحاله حاله

تقولين مجاعه الله يديم النعمه بس من ياذن سبحان الله وتاكلين هالتميرة ويا قلاص الماي والشوربه الدافيه المعده اتطخ

واتحسين نفسج شبعتي بس عقلج الباطن يقولج انج ماشبعتي وان شنو هذا اكلج شويه انتي ما اكلتي شي بس بالاساس ترا المعده الحمدلله اكتفت

انا افضل اكل على 3 دفعات يعني اول شي التمر والماي والشوربه بعدها صلاة واريح شوي بونص ساعه ساعه بعدها احب ابلش سلطة

وطبق جانبي علشان الطبق الرئيسي ما اكثر خلاص اكون شبعت والدفعه الثالثه تكون بعد التراويح جاي قهوة القيمات جذي

على اساس مايحوشني خمول بالصلاة والسحور افضل شي تمر او قوطي روب وماي والسلام ..

وصراحة رجيمج حلو واحسه حيييل يشبع ويمكن اشيل منه بعد يالله نبي تشجييع انا بنقص 4 كيلو ان شاء الله

وداشه ابقوة تكفون لاتكيسلون من البدايه

والله كلامك عين العقل جنك داشه مخي وقاريه الي فيه وشصير فيه برمضان نستخف ونقعد:krkrkr:

تري مافي النظام اكل وايد بس لازم تحسبين الملاعق صح..يعني اذا شوربا وسلطه و6 ملاعق تشريب او هريس وحبة كبه وحبة سمبوسه..يعني الحلو ان مافي حرمان انتي توزعين علي كيفك
وعلي فكره صح اذا قمتي صليتي 70% من اليوع يروح بس احنا نعاند روحنا
ومشكوره وهمتك ويانا ومافي مجال للانسحاب:ada:

 

[ام عزيزان3]

:dddds: شدعوه 51 مشاهده بس 3 يردون الي ماتبي تطبقه معانا
مانبي شي بس دعوه حلوه من بؤهااا:dddds:

 

[om sa3oudy]

الله يعطيج العافية ام عزيزان...وانشالله تحققين اللي تبينه ...الوزن المثالي ...:ggdw:
ويلا ناطرين السحور...داشة عشانج والا انا الحمد الله ما احتاج رجيم:dddds: [/ COLOR]

 

[حكستار]

نظام حلو...بس مو جنه الاكل وايد؟؟
اذا ينزل بحاول اطبقة
يزاج الله خير
نبي السحور بعد

 

[qa6waa]

يحلاتج وحلات طيبتج الله يغطيج كل اللي في بالج انا معاج انشالله بالنظام موفقة

 

[sweet_sugar]

مشكورة حبيبتي على الموضوع ..
انشالله التزم عاد و اصك حلجي..
بس عندي سؤال.. الرجيم هذا بس نظام غذائي ولا معاه حبوب؟؟
يله ناطرين السحور..​

 

[manarah]

وانا بطبق وياكم وقوليلنا السحور .. بس هذا النظام للمحافظه على الوزن والا ينزله ؟

 

[فجر@@]

والله حلو النظام ما اييوع ويالله عطينا السحور ولج الاجر

 

[fat]

خوش رجيم وان شاء الله الله يقدرني واطبقه وياكم وناطرين السحور

 

[مخروووشة]

والله خوووش رجيم ما فية حرمان

جزاج الله خير

 

[شيخه***البنات]

يعطيج العافيه ام عزيزان خووش نظام ..

و ان شاء الله يارب تنزلين اللي تبينه وتوصلين للوزن المثالي ياااااا رب ..

بس جم وزنج ؟؟

 

[78MariMar78]

ان شاءالله ببدى معاكم

بنات واللي يسلمكم خلونا نشجع بعض..

 

[bintmishref]

واو ما شاء الله الاكل متنوع و وايد!
كتبته عنديييي:d وناطره السحوور..
ومثل ما قالت شيخه البنات.. جم وزنج؟! لأن الوزن يغير كميه الاكل

 

[أحب ترابها]

يسلموووووووووووو .......

وانشالله امشي عليه ,,,, :eh_s(6):
لاني من زماان ابي رجيم للرمضان وهذا الرجييم وايد عجبني :ggdw: >>> ثينكس وااايد :eh_s(6): :eh_s(6):