ديوانية بيت العمر

[شيوخه]

بنات عفية منو تعرف امعلم يركب ابواب ستيل لان عيزنا واحنا ندور
والطلب الثاني وين احصل نفس المناظر والديكورات اللي عندنا بالمطاعم الامريكية وشاكرة لكم

 

[شيوخه]

سارة الفيديو عجيب بس مصنوع خشب والا حديد مطروق والا المنيوم يعني منو ممكن يسوية لي

 

[جويـريه]

مشكورين

انا رحت وشفت الحمامات وواجد منهم اعجبوني يهبلون بس احسهم غالين كل ما طاح عيني على شي ما يقل متره عن عشره دنانير احسه غالي

او اشرايكم بالاسعار ؟؟؟

بنات عفية منو تعرف امعلم يركب ابواب ستيل لان عيزنا واحنا ندور
والطلب الثاني وين احصل نفس المناظر والديكورات اللي عندنا بالمطاعم الامريكية وشاكرة لكم

للاسف ماعرف

 

[عمار يا كويت]

مشكورة سارا عالمعلومات
سنعة تسلمين عالدعاء والله صج نحتاجه الله يسهل امورنا بس ما شالله كلكم سابقيني احنا الحين بمرحلة تركيب الدكتات بعدها العزل والديكور بس والله بالي مشغول بالتشطيبات احس مثل المربطة عندي افكار وشفت السوق بس ماني قادرة اسوي شي

 

[ام وهابي]

السلام عليكم
شلونكم شخباركم
منو معاي الحين اسولف معاه
ناطرتكم؟

 

[DooNy]

مشكورة doony

على النصيحة بس شغلهم مرتب ووايد حلو

المطابخ انا مفكرة اخذ التحضيرى منهم

بس اشلون الصاج ما ينصبغ اى لون ابية ؟

إذا الوانج فواتح ماراح يضبط لأنه غامج (يعني تقدرين تغمجينه بس ما تقدرين تفتحينه)

أما الزان اللون الي يعجبج سواء فاتح او غامج يمشي وتييج الدرجه اللي تبينها

 

[DooNy]

بنات عفية منو تعرف امعلم يركب ابواب ستيل لان عيزنا واحنا ندور
والطلب الثاني وين احصل نفس المناظر والديكورات اللي عندنا بالمطاعم الامريكية وشاكرة لكم

الستيل تحصلينه عند mtc الري اللفه الي قبل صفاة الغانم
ودار المعادن يطل على شارع الغزالي إذا ماني غلطانه

 

[اخت فروحه]

هلا ام وهابي انا معاج

سولفي شنو عندج

وشلون تجهيزكم لرمضان ؟؟

رحتي معرض الغذاء ؟؟؟

انا خذيت منه سماق اردني مادري فلسطيني وخذيت زعفران ايراني وطبعا كتاكيت لعيالي

 

[اخت فروحه]

ام وهابي عظم الله اجركم بموتى حريق العيون

 

[صعفوقة]

هلا فروحة الله يعينج على ربو بنتج
انا ولدي عمره الحين سنتين من كان عمره ست شهور بدا معاه الصدر ومن طبيب الى طبيب كنت لما اوديه الطبيب يقولي لحقي عليه
بعدين سمعت عن الشرقاوي بالجهرا والحمد لله والشكر من فضل الله راح عنه الحساسية

الشرقاوى لالاااااااااااااااااااااااااااااااااا
شوفوا اى طفل يدش عنده حتى لو مافيه شى كثر العلاجات عليه وعطاه ابر كورتيزون انتبهوا لابر
والله اعلم سمعت ان هالابر بعد فتره وكثرتهم تسبب ضمور بالقلب ويقولون فى طفل يتعالج هناك من هالدكتور والله اعرف وحده تجينى للبيت تسوى شعرى والله ولد بنتها توفى والسبه من ابر الدكتور
ووحده ممرضة طلعت منه مع ان معاشها قوى تقل مانى حاطه بذمتى وانا اطق الصغار ابر سالوها ليش شفيهم الابر؟قالت هذول للبالغين واهو يصرفها للاطفال
بس للامانه اهو شااااااااااطر وذكى لامراض ثانية بس مو للصدر

 

[صعفوقة]

صارلنا ثلاث ايام مارحنا للقسيمه شكثر من جماعتنا متوفيات وبنت رفيج زوجى متوفيه لاحول ولا قوه الا بالله

 

[sara3]

صارلنا ثلاث ايام مارحنا للقسيمه شكثر من جماعتنا متوفيات وبنت رفيج زوجى متوفيه لاحول ولا قوه الا بالله

عظم اللة اجركم صعفوقة

عظم اللة اجر اهل الكويت.ربى يرحمهم ويلطف باهاليهم وايصبرهم وايلملم احزانهم

 

[sara3]

ام وهابي عظم الله اجركم بموتى حريق العيون

ام وهابى عظم اللة اجرك

 

[sara3]

سارة الفيديو عجيب بس مصنوع خشب والا حديد مطروق والا المنيوم يعني منو ممكن يسوية لي

اهلين شيوخة بصراحة مانى عارفة مادة صنع الباب جهازى عندة مشاكل فى الصوت بس يترتوالى انة خفيف شفتى اشلون شايلتة بسهولة وفى كم جزء لنفس الباب وهو ينصبغ

احاول انزل الرابط مالهم .

هالاجانب يسوون كلشى بيدهم مو مثلنا نييب ناس تشتغل لنا لان لى يابوا واحد يتكلفون وايد.هذا بالاضافة الى ان القطع اللى يشترونها غالية فيصلحونها اوفر من ان يشترون قطعة جديدة.عندنا نقط نشترى قطعة جديدة

 

[اخت فروحه]

صعفوقة :
عظم الله اجركم والله يرحم موتاكم

 

[sara3]

مساء الخير

عسولات الديوانية:dddds: منهى اتعرف وين اصباغ الجوثن بالشويخ المركز الرئيسى

 

[شيوخه]

صارلنا ثلاث ايام مارحنا للقسيمه شكثر من جماعتنا متوفيات وبنت رفيج زوجى متوفيه لاحول ولا قوه الا بالله

عظم اللة اجوركم

 

[DooNy]

عظم الله أجركم

 

[عمار يا كويت]

صارلنا ثلاث ايام مارحنا للقسيمه شكثر من جماعتنا متوفيات وبنت رفيج زوجى متوفيه لاحول ولا قوه الا بالله

لا حول ولا قوة الا بالله عظم الله اجركم

 

[عمار يا كويت]

سارا تلقينهم بابيات وكاني شفت محل يم حوسة الكراجات اللي يم ابيات