حسبي آلله عليهآا آلزوجه إعترفت ..!!

[~ غير آلبشر ~]

آلسلآام عليكم ..

للأسف آلشديد إنو آلزوجه إعترفت بإرتكآب آلجريمه آلبشعه آلتي رآح ضحيتهآا آلكثر من آلأبريآء ..
وآلله مدري شقول بس إنآا لله وإنآ إليه رآجعون وحسبي آلله على آلزوجه وآلله مآارتآاح ولاآ يرتآاح آلشعب آلكويتي إلآا لمآ يعدمونهآا بقصر نآايف ..​

 

[zooz14]

إنآا لله وإنآ إليه رآجعون اللهم ارحم موتى المسلمين يارب

الله يصبر اهالي الموتى والله يشافي الجرحى

 

[بيتي بوب بس كويتيه]

اي والله هذي يبيلها اعدام حسبي الله عليها
عاد قلنا غيره بس مو جذي حمدالله والشكر ذبحتي الاوادم

 

[AL-BaNDry]

حسبي الله عليهاااااااااا
الله لايوفقهااا
يوم درينا بفعل فاعل انقهرنا والله

حسبي الله عليها

 

[نور البدر]

شنو صاير بالكويت
لاحول ولا قوة الا بالله

 

[00(( خزامى ))00]

هي نيتها تخرب العرس تشب نار والناس ينحاشون وبس هذا مستوى تفكيرها بس شوفوا اش صار ماكانت توقع هالشي
انا لله وانا اليه راجعون جابت المصايب لها ولاهلها وللناس ماحسبت للعواقب الله يرحم الموتي ويشافي الجرحى

والله لو الزمن يرد ماتوقع تسويها بعد ماشافت النتيجه لا حول ولا قوه الا بالله

 

[mimi_el3so0ola]

إنا لله وإنا إليه راجعون ... حسبي الله عليها ونعم الوكيل ،
مادري وين كان تفكيرها بذاك الوقت !!!
شنو هالانانيه اللي فيها .. عشان زوجها خذا الثانيه عليها .. ذبحت خلق الله !!

الله يصبر أهلهم اللي راحو ضحية غباءها وحقدها اللي ماتخاف ربها
ربي يرحمهم برحمته آآمين يارب العالمين ..
ويالله انك تحفظ الكويت وشعبها وماتعود مثل هاللحظات علينا يارب

 

[حمام شاقني فنه]

يالله نبي اهالي الي الشهدآ مايرضون بحكم أخف من الشنق هالمرضى ماالهم لزمه يعيشون


الله ياخذهاا


وهي ليش تعترف الحين والنــآس حرتهم مشتعله ومحترقين على أهــآليهم وربي مابيتركونها اذا تخفف الحكم لو طلعت بتكون موتتها على ايدهم


حقيره >أحس من الضيق لايعه جبدي

 

[ابيار علي]

لو نيتها اتعرس العرس بس جان حرقت الخيمة قبل لاا اييون المعازيم هاذي شيطان رجيم
هاذي مستحيل تكوون انثى
ناس وايد بررت فعلها على اساس انها تغار .. الغيره اتسوي جذي.. الغيرة اتخليج تذبحين حريم واطفال مالهم ذنب لابوهاا من غيره
ولابو الحب اذا هذا تقديرج للحب
الانسانيه بريئة من افعالج
وانا اشك انه راح يعدمونها بس حتى لو عدموها مااعتقد يشفي الغليل

 

[حمام شاقني فنه]

ئيه ولله


ماراح تبرد الحره

لو الانسان يموت اكثر من موته جان ذبحناها ميه مره باليوم

استغفر الله


لازم تعزير ماتموت جذي >قاهرتني

 

[~ غير آلبشر ~]

لو نيتها اتعرس العرس بس جان حرقت الخيمة قبل لاا اييون المعازيم هاذي شيطان رجيم
هاذي مستحيل تكوون انثى
ناس وايد بررت فعلها على اساس انها تغار .. الغيره اتسوي جذي.. الغيرة اتخليج تذبحين حريم واطفال مالهم ذنب لابوهاا من غيره
ولابو الحب اذا هذا تقديرج للحب
الانسانيه بريئة من افعالج
وانا اشك انه راح يعدمونها بس حتى لو عدموها مااعتقد يشفي الغليل

والله كلامج عدل والله لايبلانى فضحت نفسهآا وفضحت أهلهآاا​

 

[دمع القلوب]

شنو السالفه مو فاهمه

 

[~ غير آلبشر ~]

شنو السالفه مو فاهمه

الحريق آللي بآلجهرآاء طلع بفعل فآاعل وإهي آلزوجه آلأولى للعريس حسبي الله ونعم الوكيل ​

 

[كـ غلا ــلي]

الله يرحم كل من توفى او حتى بالمستشفى يعالج ربي يصبر اهلهم .. والله يغفر حق المره غلطتها حيييييل جايدة

والله يهديها انشاءالله وارواح الناس مو لعبه بايد احد وعمره الانتقام ماكان بالطريقه هاذي اذا بنسمي اللي سوته انتقام

انا لله و انا اليه راجعون

 

[بطاط مهروس]

حسبى الله ونعم الوكيل

 

[الاحساس]

تخيلوا جم ذبحت وحده وجم ذبحت طفل ,,,

يارب اشفي المرضى ويارب ارحم الموتى


قلبي حارقني على هالسالفة

 

[أم شاهين المزيون]

الله يرحمهم بواسع رحمته والله يصبر أهلهم على هالمصيبة ، الناس فرحانه برمضان جاي الله يسامحها خربت على الكويت كلها فرحتها ..
بس أكيد لو يرجع فيها الزمن ما إرتكبت إلى سوته عقب ما شافت إلى صار بنات لاتقسون بالحكم والله أعلم فيها شيي في عقلها لأن لايمكن إنسان عاقل يسوي هالشيء بناس ما لهم ذنب . إنا لله وإنا إليه راجعون ، وعيالها شنو ذنبهم ينحرمون منها وهم لا كبروا الناس ما تنسى هالسالفة بتم لاصقة فيهم طول عمرهم لاحول ولا قوه إلا بالله ، الله لايمتحنا بما إمتحنها فيه ..

 

[[[ عيون جابر ]]]

حسبي الله ونعم الوكيل فيها من مره

 

[دموووع عرباويه]

لاحول ولا قوة الا بالله

حسبي الله عليها .. شنو مستفيده احلين غير
لو أهي عاقله وعقلها براسها جان ماسوت الي سوتها

 

[النوري]

حسبي الله عليها ..

ما في عقل ... جان شبيتي في الخيمه قبل لا بجون المعازيم ..؟
ما حطت فبالها راح تنتر النار بسرلاعه ويموتون النار خطره تشب برعه وتركض .. ما تعطي مجال .. الواحد يفكر ..
عبالها تشبالحريقه بالطرف و الناس بتقول نار نار .. وبتطلع شوي شوي ..

ما درت ... بالمناضر واحد من أهلي .. كان موجود .. جانا وجهه منصفق . من الريحه لحم مشوي .. والجثث متقطعه قعد يرجع اللي بجبده كله وهو أصلا مو ماكل شيء .. من قلبة الجبد ..

حسبي الله عليها .. شسوت علييها عساهم ما يعدمونها الموت راحه ..

هذي مو كفو هالراحه ..

الرجال ألحين بيرحوح لمرته الثانيه .. وبيطلقها .. وعيالها راحو عليها. . بيرجعون لأبوهم ..

والله يعينهم على المعاير باجر .. يا عيال ريه .. وعيال سكينه .. الناس ما تنسى

حسبي عليها .. صج تخلف عقلي .. المره بيتها بالدائره الرابعه .. طاقه مشوار.. يعني سبق إصرار وترصد .. مو تقولون بلحضة غصب

كل هالمسافه ما خلتج بالسياره تفكرين ؟؟

ومن قوى العين يقولون رايحه المخفر تقول. . برفع قضية سب وتشهير يتبلون علي . << هذي مو مجنونه هذي عاقل. تفكر وتعرف ..